يبرق ( محشي ورق عنب ) على الطريقة السورية

يبرق ( محشي ورق عنب ) على الطريقة السورية

المقادير:
٤ كاسات رز
نص كيلو او اكتر لحمه مفرومة مدهنه شوي
٣ ملاعق كبار دهنة غنم
معلقة صغيرة بهار
ماء تقريبا كاسة الى كاسة و نص
٤الى ٥ معالق صغار ملح
ورق عنب
عضم يوضع أسفل اليبرق
شرحات لحم او ممكن دجاج ( اختياري )
المرق
ماء كافي لغمر ورق العنب
تقريبا نص كاسة عصير ليمون و لو تواجد عصير حصرم أفضل
٤ راس ثوم كبير
ملح
الطريقة:
تخلط مقادير الحشوة معا و نضيف الماء بالتدريج حتى تصبح الحشوة طرية
نضع كل ورقة عنب سطحها الناعم على الطاولة و الخشن سنضع فيه الحشوة و نلف الورقة من الاطراف على الحشوة ثم نلفها رول بحيث ما تطلع الحشوة برا
بعد الانتهاء من اللف نضع العضم أسفل الطنجرة
و نبدأ بصف طبقة يبرق و نضع فصوص ثوم و شرحات لحم بين كل طبقة يبرق حتى انتهاء الكمية
نضع شيء ثقيل فوق اليبرق طبق او غطاء طاجن فخار بحيث نمنع حبات اليبرق من الطفو و ان تفتح اثناء التسوية
نخلط ماء غمر اليبرق مع الحمض و الملح و نعدل الطعم بحيث تكون حموضته واضحه و نصبه فوق اليبرق حتى يغمر ( نراعي بقاء فراغ في الطنجرة و الا الحمض بيطلع برا لما رح تغلي المي )
نغطي الطنجرة و نضع اليبرق على النار حتى يغلي ثم توطى النار و يترك على نار هادئه حسب نوع الورق ممكن لو الورق ناعم كتير خلال ساعتين يستوي و لو الورق خشن شوي ٤ ساعات و ممكن اكتر توصل ل ٦ ساعات
انا احتاج معي اكتر من ٤ ساعات
نزيد ماء مغلي لليبرق كل ما نشف المرق بحيث يبقى مغمور
بعد النضج نطفي النار و نغطي الطنجرة عشر دقايق حتى يتشرب اليبرق من المرق
نكشف الغطاء و نصفي المرق الزيادة و نضع اليبرق في طبق مع الشرحات و الثوم و المرق