طاجن ورق عنب بالفراخ

طاجن ورق عنب بالفراخ

 

بسم الله الرحمن الرحيم

المقادير :
( المرقه )
فرخه كبيره
سمنه
بصله كبيره مبشورة
العشر بهارات
4 ملاعق كبيره صلصة
زيت
طماطم
بصله
2 فص ثوم
2 فلفل رومي أخضر
عصير ليمون
شرائح ليمون
2 لتر ماء دافئ
ملح وفلفل

( ورق العنب )
نصف كيلو أرز
بصله مبشورة
2 حزمه شبت مفروم
2 حزمه بقدونس مفروم
2 حزمه كزبرة مفروم
3 ملاعق كبيره صلصة
العشر بهارات
2 بصله دواير
شرائح ليمون
عصير ليمون
مرقه الفرخه
فرخه
ملح وفلفل
الطريقه :
لعمل مرقه الفراخ
- نتبل البصله المفرومه بالملح و الفلفل و العشر بهارات و ندعكها جيدا وناخذ نصف البصله المتبله نتبل بيها الفرخة من الداخل و تحت الجلد .. و نصف البصل الباقي نضع عليه صلصه و قليل من الزيت و ندعك الفرخه من الخارج جيدا ..
- في حله السلق نضع ملعقه سمنه كبيره و قليل من الزيت و نحمر فيهم الفرخه علي جميع الجهات ثم نضع الماء الدافئ و نتركها تغلي ..
_ في الخلاط نضع الفلفل و الطماطم و الثوم و البصل و قليل من الماء و نخلطهم ناعم جدا و ننزل بيهم علي الفرخه علي النار و نزود ملح و فلفل و بهارات و نغطيها و نتركها تستوي علي نار هاديه ..
( لعمل محشي ورق العنب )
نضع كل مكونات المحشي علي بعضها و ندوب الصلصه في قليل من الماء و نضعها علي الارز و نخلط الحشوه جيدا و نحشي ورق العنب ..
تحضير الطاجن :
نرص شرائح البصل و شرائح الليمون في قاع الطاجن و نضع الفرخه بعد ما استوت( 4/3سوا ) و نرص حواليها صوابع محشي ورق العنب و نسقيها بمرقه الفرخه و ندخلها الفرن تكمل سواها..