ناجتس الفراخ
المقادير:
نص كيلو صدور فراخ
واحده بطاطس مسلوقه ومهروسه ناعم
بصله مفرومه ناعم
معلقه كبيره توم مفروم
معلقه كبيره بهارات فراخ
معلقه صغيره ملح وفلفل وكسبره ناشفه وبابريكا
باكيت مرقه فوريه (حسب الرغبه)
معلقه صغيره بيكنج بودر
للتغطيه
كوبين كرسبي
كوب بقسماط مطحون
كوب دقيق
ربع كوب نشا
٢بيضه +معلقتين حليب
للتقديم
بطاطس محمره
بوله كاتشب
الطريقة:
في الكبه هانفرم كل المكونات مع بعض كويس جداً
نفتح كيسين تلاجة وندهنهم زيت
نفرد بينهم خليط الناجتس بسمك سم ونص ونحطه في التلاجة او الفريزر ساعه
نخلط الدقيق مع معلقتين نشا
ونخلط الكرسيبي مع البقسماط ومعلقتين نشا ونتبلهم بملح وفلفل
ونقلب البيض مع الحليب كويس
نقطع الناجتس مربعات وننزلهم في الدقيق ثم البيض ثم الكرسبي
ونحمر في زيت غزير ساخن علي نار متوسطه لغايه ماياخد لون دهبي
نرفع الناجتس علي مناديل مطبخ ويقدم مع البطاطس المحمره والكاتشب وبالف هنا وشفا