الارز البخاري بالفراخ من المطبخ اليمنى
فرخه متقسمه نصين بالطول
٣كوب ارز بسمتي مغسول ومنقوع نص ساعه ومتصفي
كوب زبيب
٢جزره كبيره مبشوره
بصله كبيره مفرومه
كوب طماطم مفرومه
معلقتين صلصه
مكعبين مرقه
معلقه صغيره كمون صحيح
معلقه صغيره بهارات سبعه
معلقه صغيره كسبرة ناشفه
عودين قرفه
ورق لاورا
٢لومي
خليط تحمير الفراخ:
معلقه صلصه
معلقتين كبار زيت
معلقة كركم
معلقة صغيره بهارات سبعه
ملح
للتقديم:
كسبره خضرا
وردة طماطم
الطريقه :
في صينيه عالنار هانحط شويه زيت يسخنوا ننزل البصل يتشوح شويه وبعدين نضيف نص الجزر والزبيب وكل البهارات ونقلبهم عالنار لغايه مايدبل الجزر .
نضيف الفراخ ونقلبها مع البصل والبهارات ثم نضيف المرقه والصلصه والطماطم والملح والفلفل ونغطي ونسيبهم يتسبكوا مع بعض .
نضيف حوالي ٥اكواب ماء مغلي ونهدي النار لغاية مالفراخ تستوي
نرفعها من النار وندهنها بخليط التحمير وندخلها تحت الشوايه تتحمر .
نضيف الارز مكان تسويه الفراخ ونظبط الشوربه ونسيب الارز يغلي ويتشرب ونضيف باقي الجزر والزبيب ونهدي النار حتي تمام النضج .
يقدم الارز البخاري مع الفراخ المحمره ويزين بالكسبره الخضرا وبالهنا والشفا .
