رواية عشق تاج الصعيد البارت 5 و الاخير
قالت تاج بهدوء
إنت بتتكلم اكده ليه لو لسة فاكر اني كبرت فزين انك اخدت بالك عشان تبطل تعاملني كاني طفلة
أدهم بصوته الجذاب
عندك حق انا بس يمكن علشان كنت شايفك بعين واحدة...
بس دلوقتي شايفك بعين التانية شايفك بنتة مش بس بتي لا حجي يا تاج
تاج بارتباك
مش فاهمة قصدك يعني ايه حجك مش فاهمة انا
قام وقف قدامها وعنيه مركزة في عنيها وبيتكلم ببطء كأنه بيختار كل كلمة
أدهم
يعني...ابتديت أشوف تاج اللي مش بتي...تاج بنت عمي... اللي بجت ست البنتة وحجي فيكي انك تكوني ليا عشان مش هتبجي لغيري يا تاج
تاج بتتجمد مكانها... وتحاول ترد بس مبتلاقيش كلام فترد بحدة تهرب بيها من توترها
تاج بحدة
إنت بتقول كده علشان عرفت اني كنت عاشجاك مش اكده وكنت فين من اربع سنين يا ادهم كنت فين لما جيتلي وقولتلي انك هتتجوز نرجس وجتها مكنتش شايفني ست كنت شايفني طفلة مدلعة انت اللي ربتها فعادي لما ادوس عليها مش اكده
أدهم قرب منها وصوته كان فيه لهفة اكتر
عشان كنت غبي يا تاج... كنت
فاكر اني مربيكي فمليش حج اني ابصلك بس صدجيني مكنتش فاهم اني بعشجك غير لما هملتيني وسافرتي وجتها كأن روحي راحت مني واللي متعرفهوش اني طلجت نرجس بسببك بسبب اني طول الوجت وانا بفكر فيكي لدرجة اني كنت بناديها باسمك ووجتها اتوكدت اني عاشجك بس كنت اغبي واجبن من اني اعترف بده لنفسي طلجتها عشان مظلمهاش وعشان كنت خابر ان جلبي ملك ليكي مش لحد تاني ولما رجعتي وشوفتك وجتها
حسيت بحاجة غريبة... ولما جولتيلي ان عندك صحاب شباب واتخيلت ان حد منهم بيتحدت بس معاكي والنار جادت في جلبي وجتها اتوكدت اني مش هقدر اعيش من غيرك ولا انك تكوني لغيري
تاج كانت مصدومة وقلبها بيدق وكذا احساس كانو محتلين كيانها وقتها ومكنتش عارفة هي حاسة بايه ناحية ادهم
تاج بخنقة وهروب
ادهم انا لازم امشي
أدهم قاطعها بهدوء وهو بيبص في عنيها
متهربيش مني يا تاج وجولي انك عاشجاني كيف ما انا عاشجك وجتها بس ههملك تهربي مني لحد ما اشيع اجيب المأذون
سكتت تاج و عنيها بتتحرك شمال ويمين وهي بتدور على مهرب بس صوته رجع سحبها بتأثيره
أدهم بابتسامة
جولي اللي في جلبك يا تاج وانا اوعدك اتحمله مهما كان
تاج بلعت ريقها وبصوت واطي جدا ردت
مش هقدر اسامحك علي اللي فات يا ادهم ولا هقدر اتعايش كأنه محصلش انت جرحتني ودوست علي جلبي خلتني اعيش اسعد لحظات عمري وانا فاكرة اني ملكك وانك هتبجي ليا فجأة اتصدمت بحديتك ليا كاني طفلة لا يمكن هتفكر تبصلها وجولتلي
بكل برود انك هتتجوز غيري ونزلتني علي واقع مر مكنش بيدي حاجة غير اني اهرب وحتي لما رجعت لجيتك بتحملني ذنب اني مشيت وكأنك مش السبب في بعدي عنك وجرح جلبي
ادهم بلهفة وندم وهو بيمسح دموعها حجك علي جلبي يا نبض جلبي خابر اني كنت غبي. يا تاج بس صدجيني انا مكنتش شايفك غير طفلتي اللي ربتها عشان كنت متوكد اني مش من حجي اني اكونلك اكتر من اكده وانك حتي لو كبرتي عمرك ما هتفكري فيا غير اخوكي كيف ما اتعودتي دايما
تاج بدموع وعنيها في عيون ادهم
عمري ما شوفتك اخوي يا ادهم ولا حتي فكرت انك هتبجي لغيري عشان كدة مستحملتش الصدمة ومشيت او بمعني ادق هربت
ادهم بعشق
سامحيني يا جمري واوعدك من اهنه ورايح مش هتكوني غير ست جلبي....انتي عمري يا تاج وانا مستحيل اتنازل عنه مهما حصل جوليلي بجي... موافجة تتجوزيني يا باشمهندسة تاج ولا ادهم مش جد المجام انا اه علامي علي قده بس اوعدك اني افضل وياكي احد ما تبجي احسن باشمهندسة في الصعيد كله
تاج قلبها كان بيدق بعنف وفجأة حركت راسها كذا مرة بموافقة
ادهم بسعادة
كان بودي اثبتلك اني اسعد راجل في الدنيا بس لازمن اكتب عليكي الاول عشان تبجي من حجي ووجتها اوعدك مخرجيش منه ابدا
تاج بخجل
وانا موافجة يا ادهم لاني عاشجاك يا واد عمي وجلبي مش مطاوعني اقسي وارفض ابجي جارك وانا اللي عشت عمري اتمني اللحظة دي
ادهم بلهفة وسعادة وهو بيمسك ايديها
اللحظة دي انا مكنتش احلم بيها يا تاج
بجي البنتة اللي ربتها علي يدي كبرت وبجت عشجي الابدي و تاج راسي.....
تمت😍