المقادير:
500 جرام دقيق مايعادل 3 مجات كبيره
250 جرام زبده طريه وساقعه مايعادل مج كبير
150 جرام سكر بودره مايعادل مج كبير مش مكبوس
2 بيضه ولازم تكون بحراره المطبخ ...اوعو تكون ساقعه
ربع كوب لبن او ميه
معلقه ك معياريه ممسوحه بيكنج بودر
معلقه ص ممسوحه نشادر
نص معلقه ص فانيلا
الطريقه:
اول
حاجه هنضرب الزبده الساقعه مع السكر لمده 5 دقايق لحد ماتهيش وتبقي بيضه
هننزل البيض بيضه بيضه ومع اخر بيضه هنزود الفانيلا وممكن فى المرحله دى
تزودى اى نكهه تحببيها برتقال موز جوز هند ال تحبيه بقي بعد كده هنقلب
النشادر مع اللبن وننزلها على خليط الزبده ونضرب دقيقه بعد كده نشيل المضرب
وننزل الدقيق المنخول مع البيكنج تدريجيا يعنى معلقه معلقه ونقلب بمعلقه
خشب او حرف ال k للناس ال عندها عجان تقليب بدون عجن ومجرد ماتلم هنوقف
تقليب وهنلاقي قوامها ناعم وبيلزق وهو ده المطلوب ....هنجهز كيس الحلوانى
وقمع المشط بتاع البسكوت ونشكل البسكوت على صاج مدهون زيت خفيف وندخله فرن
سخن على 200 لمده من 15 ل 20 دقيقه اول مايتحمر من تحت نقفل تحت ونفتح
الشوايه دقيقتين يدوبك ياخد لون دهبي وطلعيه سبيه يبرد خالصصصصصص وبعدها
نحفظه فى علبه محكمه وبألف هناااااا على قلوبكم
لو عايزه تعملي البسكوت بالسمن يبقي قللي كميتها شويه عن الزبده .
لازم لازم تضربي زبده وسكر كويس جدااا لحد ماتهيش
البيض لازم بدرجه حراره المطبخ
الزبده تكون بارده مش دافيه تماما
الفرن يكون وسط
الدقيق لازم متعدد الاستخدامات اوعي تعملي بدقيق مخبوزات
السكر يفضل يكون جاهز مش مطحون ف البيت عشان الجاهز بيكون ناعم جداا وعليه نسبه نشا .
حفظ البسكوت فى علبه معدن او علبه بلاستيك وحطي معاهم لقمه عيش فينو عشان تسحب الرطوبه
المقدار المكتوب فوق ده للكيس لكن لو ماكينه يبقي هتزودي دقيق شويه ب شويه لحد مالعجينه تتحمل سنون الماكينه
لو
عايزه البسكوت بالبرتقال يبقي شيلي اللبن او الميه وحطي بدالهم عصير
برتقال وزودي كمان بشر برتقال مع معلقه ك بودره تانج البرتقال
لو عايزه البسكوت بجوز الهند يبقي شيلي شويه من الدقيق وحطي بدالهم جوز هند ناعم جداا وزودي روح جوز هند.
استخدمت كيس حلواني بلاستيك نوعه ماستر شيف موجوده فى كل محلات خامات الحلواني.
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق