عريانه معاه وهو ساترها في احضانه ابشع صوره ممكن يشوفها اخ لاخته اترعش التليفون في ايده وبص لاسيل وقال بتهتهه..ايه..ايه ده..ها ..ازاي…انور..مع السايس
عزيز قال وهو في قمه غضبو…هيه دي المشكله لو مكانش سايس كان عادي وشد اسيل من شعرها واخدها وهو بيجرجرها بكل قوتو وبيقول..عشيقك…بعت صورك معاه ياخا*طيه بيهدد ينشرهم كمان علشان تعرفي انتي كنتي مع مين في الحرام بعتهملي وبيهددني
اسيل اول ما قال كده بصتلو بزهول وصدمه وقالت ببكا..لا لا مستحيل يعمل كده لا لا
عزيز ضربها قلم قوي وقال😡💪لا والله ميعملش كده اهو عمل يا مغفله..عمل يا هبله ..لعب بيكي علشان ينتقم مني وادتيله الفرصه..فاكره ايه يا غبيه كنتي فاكره ايه
اسيل نزلت دموعها وبقت ترتعش وقالت ببكا وصراخ..لا..لا مستحيل مستحيل ..انور..انور بيحبني..بيحبني اوي..انت بتقول كده..علشان بتكرهه😭
عزيز مسكها جامد من شعرها وقال…يا متخلفه. انا هجيب الفيديو ده منين يا حماره و
بس اتفاجأو كلهم لما وقعت من طولها واغمى عليها
صبا جريت عليها وعزيز قال بتوتر بيحاول يداريه..اسيل..اسيل بلاش الحركات دي
بس صبا صرخت فيه وقالت..حركات ايه البنت اغمى عليها شلها..دخلها اوضتها
عزيز شالها ودخل بيها وهو بيقول لصبا..انتي واخوكي الحيوان هدفعكم التمن..اصلا متعرفوش لعبته مع مين
صبا ولا كانها سمعاه كانت مشغوله على اسيل استنته حطها على السرير وقالت..اطلب دكتور بسرعه وبقت تحاول تفوقها بالبرفان وقاست لها النبض واسعفات اوليه كده من الي درسته
عزيز مسك التليفون وبيطلب الدكتور بس ابتدت اسيل تفتح عنيها بتعب واول ما شافتهم حواليها افتكرت الي حصل ونزلت دموعها بوجع
صبا حضنتها وقالت..كل حاجه هتكون تمام ..متقلقيش اهدي😔💔
عزيز بصلها بسخريه وغضب وقال..اهي فاقت خلاص مش محتاجين دكتور مع انك لو كنتي متي كنتي ريحتينا كلنا ..ومشي من الاوضه بغضب رهيب
اسيل اتملت عيونها دموع لما قال كده وحضنت صبا وبقت تبكي جامد وصبا اتأثرت بدموعها وبقت تطبطب عليها وتهديها
اما عزيز فنزل زي الاعصار على الاسطبل ومازن وصفوان وكل الي شافوه بقو يناده عليه ويجرو وراه خايفين يعمل مصيبه بس هو ولا سائل فيهم كان مش شايف قدامه
جاسر شافو راح لسمر الي كانت حاضره الي حصل وقال..فيه ايه مين الي معصبه كده
سمر قالت ..لو شوفت الي حصل اخو الخدامه..كان مقضيها مع الست اسيل..واحنا ولا في الدنيا
جاسر اتفاجا وقال بضحك😁.دي شكلها هتولع
في الاسطبل كان انور بينضف فيه وبيشتغل زي العاده وسمع صوتهم بيناده على عزيز ..وعزيز بيقول بمنتهى الغضب …روحو انتو محدش يجي ورايااا
انور ابتسم بانتصار وقال بهمس..تعالى يا عزيز بيه مستنيك
عزيز اول مادخل …انور قال..اهلا بالباشا عايز الحصان بتاعك افكو
عزيز اتقدم عليه وضربو بوكس قوي جدا وشدو بقوه ونزل فيه ضرب جامد وقعو في حوض الميه وكمل عليه لحد ما كان هيغرقه
انور بقى يكح جامد وكان بيحاول يبعده عنه بس عزيز كان زي المجنون ومش حاسس وبقى يقول بغضب رهيب…انا هعلمك ازاي تتجرأ على اسيادك يا كلب يا وسخ وطلعو من الحوض ورماه على الارض وطلع السلاح بتاعه وصوبه عليه
عند صبا كانت بتدي اسيل ميه وبتهديها واسيل قالت وسط شهقاتها..ان..انور…انور مستحيل..مستحيل يعمل كده..اكيد..اكيد بيضحكه..عليا..هو..هو مستحيل يكون…يكون صورني..وبيهددنا..لا لا ميعملهاش هو بيحبني..بيحبني يا صبا هو.. هو قلي كده لا لا مش مصدقه لا
صبا نزلت دموعها لانها عارفه الغل الي في قلب اخوها وكانت بتتمنى انو يكون معملش كده قالت..اهدي يا اسيل..اكيد يا حببتي في سبب و
بس قطع كلامهم دخول سمر وقالت باستهزاء..انتو نايمين هنا والمصايب قايمه بسببكم
صبا بصت لها بضيق وقالت..فيه ايه
سمر قالت بسخريه..ولا حاجه يا عمري جوزك راح يقتل اخوكي بس كده
بقلمي…زهرة الربيع
*********************
صبا شهقت برعب واسيل جريت لتحت وصبا وراها واسيل بقت تنادي وتقول..يا عزيز..عزيز..لا…لا يا عزيز ووصلت وهيه بتنهج جامد ودخلت جري لقت عزيز مصوب سلاحه على انور وانور باصصله بابتسامه مستفزه… جريت وقفت قدام انور وقالت برعب..لا لا..ابعد عنو ملكش دعوه بيه
عزيز مسكها من ايدها بغضب وقال بنظره مرعبه..وليكي عين..كمان تقفي قدامي يا فاجره يا خاطيه وضربها قلم قوي وقعها على الارض
انور جري عليها وقال بدموع… اسيل .. انتي كويسه
اسيل بصتله بدموع وقالت..مش مصدقاهم انا..مش هصدقاهم ابدا..انت بتحبني..مش كده انت قولتلي..قولتلي انك بتحبني مستحيل تعمل فيا كده صح
انور حاول يتحاشا نظراتها ووقفها ومردش عليها وبص لعزيز بغضب وقال..امتى هتتعلم الرجوله وتبطل تتشطر على الحريم
عزيز بصله بغضب ولسه هيرد دخلت صبا وقالت…بزعيق وانت يا سيد الرجاله..عايز تاخد حقك بنفس طريقتهم الوسخه..انت كده راجل ..اول ما ابتديت ابتديت بالغلبانه دي
اسيل قالت بزعيق..لا..لا يا صبا هو..هو مستحيل يكون عمل كده..انا متأكده ووقفت قدام انور وابتسمت ودموعها بتنزل على خدودها وقالت..انور…الي قالو كدب مش كده انت مبعتش الفيديو لينا..ولا هددته..انت بتحبني..بتحبني اوي..معملتش كده علشان تنتقم صح..قولهم..قولهم ان في حاجه غلط..قولهم وانا هصدقك
انور نزل راسه بحزن وحاول يقوى وقلبه حرفيا بيتقطع ورفع راسه بدموع وقال بقوه مصتنعه..لا..كل الي قالو صح..انا الي بعت الفيديو…..ولو منفذش شروطي..الفيديو ده هتشوفو كل البلد
اسيل كانت هتقع من طولها رجعت لورا بصدمه حقيقيه.. وضربته قلم بضعف وقالت بتهتهه…ود..وديني اوضتي..وديني اوضتي ياصبا لو سمحتي..خديني..خديني من هنا
انور قال بدموع..اسيل..اسيل انا..
اسيل قالت بدموع ..انت حيوان..انت سافل..انا…انا حبيتك…حبيتك اوي….منك لله..منك لله ومشيت مع صبا ودموعها كانت بتنزل على خدودها بغزاره
صبا بقت تسندها ووقفت قدام عزيز وقالت…جيبو على السرايا وتعالو مينفعش تتكلمو هنا الخدم والناس بره عايزين يعرفو فيه ايه هاتو على السرايا وهنحلها
عزيز استغرب انها مش فرحانه وانها مهتمه بسمعت اسيل هز راسه بالموافقه وقال..احم..تمام
صبا اخدت اسيل وطلعت بيها على السرايا وعزيز قال لانور بغضب مكبوت..اطلع قدامي هنروح السرايا نعرف طلباتك
انور حاول بتمالك نفسه ويحبس دموعه واظهر القوه وقال..ماشي..معنديش مانع بس ثانيه اقلع الهدوم الي حضرتك بوظتها
عزيز طلع وانور غير وراح وراه على السرايا.
عزيز اول ما دخل كانت اسيل قاعده في الصالون و صبا بتديها ميه بصلهابغضب وقال..عاجبك الي احنا فيه يا هانم..عاجبك يا بنت الاكابر الوضع الي حطيتينا فيه..والاشكال الي هنضطر نقعد معاهم بفضلك يارب تكوني مبسوطه لما سلمتي شرفنا لواحد سايس حق*ير وسا*فل زي ده
صبا كانت متغاظه من كلامو جدا بس ساكته علشان حاله اسيل… واسيل كانت منهاره وبتبكي جامد
عزيز قرب عليها وقال بفحيح مرعب…كنت فاكر ان الستات تفرق عن بعض وان مش كلهم غدارين وسفله..وكنت بقول..ادي اسيل اختك قدامك بنت بميت راجل ومستحيل تفرط في نفسها..لاكن لا..طلعتو كلكم صنف واحد حتى انتي طلعتي حيوانه زيك زي غيرك
اسيل بكت جامد وصبا حضنتها وبصتلو بغضب وقالت..كفايه بقى البنت تعبانه انت حتى مفكرتش تسمعها..
عزيز قال بغضب..اسمعها..اسمع ايه..ها اسمع ايه…ما انا سمعت الفيديو كفايه..ولا علشان المقطع صغير مش كفايه و
قاطعو انور وقال وهو داخل السرايا..الفيديو اكتر من نص ساعه..لو حابب تسمعو كامل ده الي قدرت اصورو بقى ..انا بعتلك الي عقلك يستحملو بس لو حابب ابعتهولك كامل ميغلاش عليك
عزيز غمض عنيه وضم اديه بغضب وبصلها وقال..سامعه..سامعه الوساخه…طيب..ابكي بقى..ابكي يمكن تغسلي ذنبك
اسيل كانت حرفيا مش مصدقه والي جارحها جدا ان كل حاجه طلعت كدبه طلعت مجرد وسيله لانتقام
عزيز قرب من انور وقال بغضب..على فكره انا ممكن اخلص عليك حالا ولا هيبقى فيه فيديو ولا اي حاجه
انور ضحك وقعد على الكرسي وحط رجل فوق التانيه وقال…اكيد يعني عامل حسابي هو انا اهبل لدرجادي..انت لو قتلتني مجرد ما اما اموت الفيديو ده هيملا البلد والعالم كمان انا حاطه عند حد مجرد ما يسمع خبر موتي هينشرو بس متخافش ده شخص موثووق بس لو انت عايزني امسحه هو والي معايا تنفذ شروطي من غير ولا كلمه والا بقى هينزل اجمل فيلم يبسط البلد كلها بعنوان.. شاهد فضيحه اخت النائب مع …ابن البواب..الي مكانش عاجبك يا زيزو
عزيز قعد على الكرسي ومسك دماغو وقال بتعب..طلباتك…
بقلمي..زهرة الربيع
**********************
انور قال ..طبعا انت سيد العارفين..ان اختك دي
خلاص كده مش هينفع تتجوز غيري..وطبعا حضرتك عايز الموضوع يخلص بسرعه وانا موافق بس
لاكن اسيل وقفت وقالت بغضب وبكا وصراخ.. انا مش موافقه مستحيل اتجوز الحيوان ده اخرج بره بيتنا اطلع من هنا يا حق*ير يا سا*فل
انور كان كلامها وصدمتها فيه ونظرات عيونها بيقتلوه بس دي كانت فرصتوالوحيده انو ياخد حقو من عزيز واخوه
مازن قال بغضب..هيه معاها حق..مستحيل تتجوز واحد زي ده نقول ايه للناس و
عزيز قال بغضب وزعيق..اخرسو..اخرسو بقى ..وبص لاسيل بغضب وقال..ليكي عين تتكلمي وتتشرطي يا هانم المفروض حاليا تبقى بتحمدي ربك الف مره انك لسه عايشه
جاسر كان واقف على جمب وسامع كل الكلام قال باستفزاز..معاه حق كان المفروض نخلص عليكي..لولا الفضايح الي بتيجي واحده ورا التانيه الاول فضيحه مرات اخوكي الكبير وبعدين اخوكي الصغير مع الخدامه ودلوقتي حضرتك مع السايس..حاجه عار بجد
الكل بصلو بغضب ومازن قال بعصبيه..انت تخرس خالص انت بتدخل ليه اصلا
بس عزيز اتحولت ملامحه لغضب 😡فظيع وقال وهو بيضغط على كل حرف بيقوله..لوسمعت نفس حد فيكم هخلص عليه مفهوم..مين ماكان هقتله…وطلع سلاحه وحطه على الطاوله وقال لانور..خلصني قول طلباتك
انور اتنهد بانتصار وقال بابتسامه مستفزه .. اولا اختك دي لما اتكرم واتجوزها ..هتجوزها في بيت عمي مش هنفضل في السرايا ده مبدأيا
مازن قال بعصبيه..انت بتقول ايه اختي انا تقعد في المزبله بتاعتكم ده مستحيل
انور بصلو بابتسامه مستفزه جدا وقال..اختك كانت دخلتها امبارح في الاسطبل على الأرض بتهيألي معندهاش مشكله في بيتنا عمره ما هيكون اسوء من اسطبل البهايم
اسيل شهقت بزهول ونزلت دموعها بشده وحست بنار جواها من كلامو عزيز كان هيتجنن من كلامه بس بص لمازن بغضب وقال..انا قولت..ايه مش قولت محدش ينطق..اخرس…ورجع بص لانور وقال..وايه كمان
انور قال بحزم …. ثانيا والاهم ..انت واخوك..تعتذرو لصبا وتترجوها تسامحكم وووووووو😡💔
*********************************
ايه رايكم الاحداث يارب تكون عجبتكم وهستنى رايكم وتفاعلكم عليها
توقعاتكم
يتبع💖💖💖
الرواية كاملة متوفرة على موقعنا بشكل حصري اضغط هنا
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة
ليست هناك تعليقات:
إرسال تعليق