رواية قلب عزيز (عزيز و صبا ) كاملة البارت 19

Translator

 

خطفها وهيه راجعه من عند الدكتور وخدرها واغتصبها لانها كانت رفضاه ومنعته كتير بس اعتدى عليها وسابها في سريره بعد ما قتلها علشان متتكلمش وانت عملت نفسك بتكلمو علشان عزيز يسمعك وعملتو عليه حوار وخليتوه افتكر انها راحتلو برجليها وكنت مخبي اخوك وهتسفرو كمان لولا ان عزيز لاقاه وقتلو ..ها بقى لو عزيز عرف ان ده الي حصل تخيل ممكن يعمل فيك ايه😱😞

جاسر اتوتر وخاف وقال..متنسيش ان انتي صاحبه الفكره كنتي غيرانه منها وعايزاه يكرها متعمليش بريئه

سمر قاات انا عارفه..ومعنديش مانع اتعاقب انا اصلا كده كده روحت فيها..بس لو انت ساعدتني انا مش هتكلم

جاسر اتنهد وقال..والمطلوب

سمر قالت هتطلق من احمد واول ما الطلاق يتم ..هتساعدني نخلي الناس كلها تعرف ان عزيز اعتدى عليا وكان السبب في طلاقي ..علشان اتجوزو

بس كانت فيه عيون متابعه حديثهم بصدمه شديده وكانت صبا لما طلعت تودي العشا لاسيل سمعت كل كلامهم بس للاسف من شده صدمتها وقعت الصينيه من ايدها وجاسر وسمر شافوها

صبا لسه هتجري جاسر جري وراها مسكها من شعرها وحط ايده على بقها جامد علشان متصرخش وقال لسمر..انتي روحي وحاولي تتطلقي وسيبي موضوع عزيز عليا

سمر قالت بخوف..طب ودي هنعمل معاها ايه

جاسر قال بشر..انا الي هعمل دي سبهالي..هخلصك منها زي ما خلصتك من الي قبلها..انا اصلا نفسي فيها

صبا اترعبت من كلامه بس مكانتش عارفه تصرخ وسمر ابتسمت وقالت…حلال عليك

وجاسر اخد صبا بالعافيه على وضته ولسه هتصرخ ضربها بالدماغ اغمى عليها رماها على السرير واتصل على حد وقال ..اسمع..تعالولي قدام باب السرايا الوراني بسرعه ….معايا عشوه حلوه

********************

عند عزيز فضل طول الليل جمب عمو وصحي على صوت عمو لما قال بتعب..ع..عزيز

عزيز فتح عنيه بتعب واتفاجأ بعمو صحي قال بلهفه..عمي.عمي انت كويس اتصل بالدكتور

احمد قال بتعب…لا…انا انا تمام يا ابني…امبارح..امبارح سمعت كل كلامكم..من امتى وهيه..وهيه ونزلت دموعو ومكملش

عزيز بقى يبوس اديه جامد وقال بدموع..حقك عليا..مكنتش عايزك تعرف مكنتش عايزك تعرف ابدا والله

احمد حط ايده على شعر عزيز وقال ليه مكنتش عايزني اعرف ..غلطت ياابني كان لازم اعرف كان لازم تعرفني كانت هتبقى اهون من الي سمعته

عزيز قال بحزن..كنت خايف عليك يا عمي..بص انا اقسم بالله وحيات تمار بنتي بعدتها عني بكل الطرق والله انا ما خنتك ابدا يا عمي ولا حتى في تفكيري

احمد قال ..مفيش داعي تحلف..انا سمعت كل حاجه سمعتك وانت بتصدها بس حتى لو سمعت العكس كنت هكدب وداني يا عزيز …انت ابني الي مخلفتوش..انا صحيح ربنا مأكرمنيش باني اخلف..بس من ساعت ما شلتك على ايدي وانا بعتبرك حته مني

عزيز باس راسو وقال بدموع. ربنا يخليك لينا ..احم..طيب هتعمل معاها ايه

بقلمي..زهرة الربيع

*******************

احمد اتنهد وقال… مش هقدر اعمل معاها حاجه غير الطلاق..لان الغلط غلطي من البدايه..اتجوزت واحده صغيره قوي عليا..لما مراتي الاولى سابتني ..كنت فاكر اني لما اتجوز الي اصغر واحلى منها ابقى انتصرت عليها…بس كنت بضحك على نفسي كان واضح من اول يوم انها مش عايزه مني غير فلوسي وبس

عزيز كان زعلان جدا عليه وقف وباس على ايده وقال..انت احسن راجل في الدنيا دي كلها ..هيه الي خسرتك

احمد ابتسم وعزيز جالو تليفون وخرج وقال الو ايوه يا عماد باشا

عماد قال..ايوه يا حضره النائب…الي طلبته مني نفذته وكل حاجه مشبت زي ما انت عايزها بس يا رب تكون مبسوط مننا

عزيز ابتسم بفرحه وقال…الف شكر يا عماد بيه مش هنسى معروفك ابدا

عماد قال..معروف ايه يا راجل انت خيرك سابق الف مره… بس اكيد ده حد غالي عليك اوي الي اتكلمت بنفسك علشانه

عزيز ابتسم وقال..فعلا غالي جدا اشكرك مره تانيه وقفل معاه

عزيز لسه هيمشي ابوه قال..حبتها مش كده..كنت متأكد من اول ما شوفتها

عزيز اتوتر وفضل واقف وقال احم ليه بتقول كده

صفوان قال عماد حكالي كل حاجه الي عملته ده ملوش غير تفسير واحد انك بتحبها وعايز تفرحها

عزيز قال ..لا ده علشان بحب اختي وعايز اريحها الي عملته ده علشان اسيل …مش اكتر بلاش دماغك تاخدك بعيد عن اذنك…. قال كده وطلع لفوق

صفوان قال بسخريه…قال اسيل قال…على بابا ..

مازن سمعو وقال ها..ايه قلك حاجه..

صفوان قال..بيضحك عليا البيه.. قال عمل كل ده علشان اسيل

مازن قعد وقال..والله يا بابا خططك كلها بايظه اديني عملت كل الي قولتلي عليه وروحتله وقلتله اني بحب صبا وخليتها تسمعنا ..قولتلي كده هيعترفه بمشاعرهم لبعض بس ايه الي حصل البت قبل ما تنطق صدها قدام عنيا واحد عنيد بطريقه عجيبه

مازن قال كده وقعد بتفكير وصفوان قعد جمبه وقال..واد يا مازن هو انت بتحبها ولا ايه

مازن اتوتر وقال..احبها..ههه والله دمك خفيف يا حج..هو..هو ابنك بتاع حب برضو انا بعمل كل ده علشان عزيز يغير ويتجرأ ويتكلم معاها بس الظاهر مفيش فايده

صفوان بصلو وابتسم لانو عارفو بيكدب وقال…على العموم هنديه اخر فرصه وبعد كده الي عايزه ربنا هيتم

عند انور قام من النوم على صوت التليفون قال الو

جالو صوت المحامي بيقول..ايوه يا انور بيه الف مبروك اسهمكم الساقطه كلها رفعت رجعت فلوسكم زي الاول واحسن

انور وقف بزهول وقال..انت..انت بتقول ايه..انت متأكد يا متر

المحامي …لسه حالا جايلي الخبر الف مبروك تحب حضرتك ابتدي في الاجرأت وامشي الشغل زي الاول ولا هتغير حاجه

انور قال بفرحه مش طبيعيه..انا انا مش عارف.مش عارف اقولك ايه ولا اعمل ايه طيب هكلمك تاني تمام مع السلامه

انور قفل معاه وكانت اسيل نايمه وصحيت على صوتو قالت باستغراب…. فيه ايه

انور جري عليها حضنها جامد وبقى يلف بيها بقوه وقال يا وش الخير ياوش السعد بحبك يا بت بحبككككككك

اسيل كانت مبسوطه جدا لفرحتو بس مش فاهمه فيه ايه قالت… اهدي بس نزلني في ايه

انور نزلها وفضل حاضنها وقال…كل حاجه هتتصلح..فلوسنا رجعت هعوضك عن اي حاجه هشتريلك اجمل فيله اجمل قصر هلففك العالم

اسيل ضحكت وقالت… طيب طيب اهدى وفهمني

انور سابها وقال شوفي يا ستي بابا كان مليونير ذيكم كده وفجأ حصل تأمر كبير عليه علشان يبعدوه من السوق وفعلا خسر كل فلوسه ودلوقتي الاسهم الي كان بيثتسمرها ونزلت رفعت جدا وعوضت كل خسارتو انا مبسوط قوي

اسيل حطت ايدها على خده وقالت وعيونها بتلمع..انت تستاهل كل خير الف مبروك بس خدت بالها من تصرفاتها لانها لسه زعلانه منو وقالت..احم..واهو كويس على الاقل كده هتمشي ومش هنضطر نشوفك كل يوم

اسيل لسه هتمشي مسك ايدها وقال..انا مش همشي خطوه من غيرك …انا بحبك يا اسيل..وحيات صبا اختي وماعندي اغلى منها انا بحبك ..بحبك اوي ارجوكي سامحيني

اسيل نزلو دموعها كان نفسها قوي تترمي في حضنو بس قالت بجمود..معنديش ولا سبب واحد يخليني اسامحك

ولسه هتمشي انور قال لا..لا عندك..انتي كمان بتحبيني ومفيش اقوي من السبب ده الي بيحب بيسامح من قلبو يا اسيل

اسيل بصتلو بدموع وقالت..انا لما حبيتك كان عندي قلب سليم احبك بيه…بس دلوقتي معنديش قلب سليم علشان اسامحك بيه والبركه فيك

اسيل قالت كده ومشيت وانور قعد بحزن شديد بس حاول يهدى ويتماسك علشان يقدر ينسيها وافتكر صبا وانها لازم تعرف بموضوع الفلوس فخرج علشان يقولها

**********************

عند احمد كان نايم ودخلت سمر بتوتر وقالت..ممكن نتكلم

احمد قال بغضب..اتفضلي..عايز اشوف ممكن تقولي ايه عايز اعرف البجاحه هتوصل بيكي لفين

سمر كانت ناويه تخليه يطلقها قالت..مش هكدب عليك يا احمد انا بحب عزيز 😠😕😲من قبل ما اتجوزك وهو رفضني وراح اتجوز الي اسمها بسمه وانا علشان افضل جمبو اتجوزتك

احمد بصلها بزهول وقال..وقادره تقولي كده قدامي بعد ما كنتي كل يوم تفهميني انك اسعد واحده بجوازنا

سمر نفخت بضيق وقالت بغضب..انا فعلا كنت اسعد واحده بجوازنا لاني هبقى جمب عزيز قولتلك انا بحبه وهفضل احبه ومش بشوف راجل غيرو حتى وانا في حضنك بفكر فيه و

بس احمد ضربها قلم قوي وقال اخرسي..مش عايز اسمع صوتك غوري من وشي انتي طالق..طالق..طالق يا زباله غوري من هنا

بقلمي..زهرة الربيع

***********************

صفوان دخل وقال اهدى اهدي يا احمد وبصلها بقرف وقال كنت اتوقع اي حاجه الا بلوتك دي منك لله خدها من هنا يا مازن

سمر قالت يا خي الف بركه. ..ولا يا خدني ولا اخدو انا ماشيه لوحدي ولعلمكم كلكم انا هرجع تاني بس على اني مرات ابن اخوك مرات عزيز الالفي ….سلامات يا انكل

قالت كده وخرجت بغضب وسابتهم هيموتو من الغيظ والغضب من كلامها

عند انور خرج لقا عزيز بيخبط على باب اوضتو ومحدش بيفتح ففتح هو الباب انور قلو..هيه صبا مش جوه ولا ايه

عزيز قال انا سبتها جوه …يمكن لسه نايمه..ايه باين عليك مبسوط انهارده

انور لبتسم وقال..جدا..انهارده جالي خبر حلو اوي واكيد صبا كمان هتفرح ممكن تناديلها

عزيز ابتسم وقال..تمام هناديلها ودخل بس دور عليها في كل مكان ملهاش اثر طلع وقال..غريبه هيه مش جوه

انور قال… طيب يمكن تحت

عزيز قال..لا انا كنت بايت تحت ودلوقتي اطلعت هيه مش تحت يمكن هنا ولا هنا ولا راحت الاسطبل

انور قال ياستغراب ….بس هيه قالتلي انك منعتها من نزول الاسطبل وهيه مش هتنزل علشان متزعلكش

عزيز قال بفرحه..هيه قالتلك كده

انور قال ايوه قالتلي كده..انا قلقت الصراحه

عزيز رغم انو كان مبسوط ان صلا بتتكلم عنه وانها مش عايزه تكسر كلمتو بس قلق قوي عليها وقال طيب تعالى ندور في كل السرايا اكيد هنلاقيها

في مكان مجهول غريب صبا قامت لقت نفسها مربوطه على السرير وجاسر بيبص على كل جسمها بوقاحه قالت بفزع فيه ايه… انا فين.. رابطني كده ليه

جاسر ابتسم وقال.. فيه اني بحبك يا قطتي وعايزك اوي ونفسي اعملك دخلتك الي جوزك معملهاش وووو💔😟

***************************************

ايه رايكم الاحداث يارب تكون عجبتكم وهستنى رايكم وتفاعلكم عليها

توقعاتكم

يتبع💖💖💖

 

 الرواية كاملة متوفرة على موقعنا بشكل حصري اضغط هنا