مرميه في حضنه وبتعرض نفسها عليه ابن اخوه الي رباه في احضان مراته بتعبرله عن حبها ليه شئ مستحيل عقله يقدر يستوعبه ولا قلبه كمان
احمد فضل باصص لهم بدموع وعزيز قرب عليه وقال بتوتر..عمي..عمي ابوس ايدك اسمعني مفيش حاجه حصلت بينا والله بص هو الي حصل😠💔💔😳😳😲
بس احمد داخ جدا وفجأه اغمى عليه
عزيز زعق جامد وقال..عميييييي..عمي..عمي انت سامعني..ونادى جامد وقال يا مازن..ماااااززززززن
بس مازن مكانش سامعو من الدوشه عزيز شالو ووداه اوضه من الاوض واتصل على دكتور وطلع نادى لمازن وقال بخوف …اسمعني ..مشيي الناس قولهم الحفله خلصت واعتذر لهم عمك تعبان اوي
مازن لسه هيسألو مالو شاف سمر قاعده وبتلطم وبتبكي ومن منظر عزيز فهم اتسعت عنيه بزهول وقال..عرف
عزيز هز راسو وقال..روح دلوقتي
وفعلا مازن طلع واعتذر للناس والناس مشيت ودخلو كلهم على اوضه احمد والدكتور كشف عليه وعلقلو تنفس صناعي وقال💔قلبو ضعيف شويه واضح ان حد زعلو
عزيز غمض عنيه بالم وقال…طيب..هو هو هيفوق امتى
الدكتور قال لا هو مش هيقوم دلوقتي ادتله حقنه مهدأه لان ضغطه مش تمام وان شاء الله يقوم احسن بس ياخد الادويه دي بانتظام وبلاش يتعصب او يضايق
الدكتور مشي وعزيز قعد جمبه وباس ايده وكانت وكان حابس دموعه بالعافيه
سمر اتقدمت عليه وقالت ببكا..انا هفضل جمبه و
بس عزيز قاطعها بقلم قوي فاجأها وفاجأ الجميع
صفوان قال بغضب..عزيز..ايه الي عملته ده..اعتذر لمرات عمك
بس عزيز كأنو مش سامعه وشدها من دراعها جامد وطلع بيها من الاوضه وكلهم طلعو وراه وزقها على الارض بغضب وقال بعصبيه مرعبه😡💔لو قربتي منو ولا جيتي جمبو هقتلك..سمعتيني هخلص عليكي
سمر اترعبت من صوته وعصبيته وصبا اتقدمت عليها بخوف قومتها وهيه تقريبا فهمت الي حصل لانها قبل كده سمعتهم بيتكلمو
اما صفوان كان مش فاهم وقال..با ابني فيه ايه عملت ايه مرات عمك لكل ده حد يفهمني
عزيز قال بغضب..بعدين با بابا وبص لانور وقال..خد مراتك واطلعو اوضتكم يلا
اسيل كانت مش فاهمه وانور كمان بس محبش يدخل هز راسه بالموافقه وطلع مع اسيل على اوضتها
سمر طلعت تبكي على اوضتها وعزيز قال..مازن احكي لبابا كل الي حاصل قبل كده حطه في الصوره انا مش قادر اتكلم هطلع اريح شويه واجي اطمن عليه
عزيز طلع وصبا طلعت وراه ومازن بقى يحكي لابوه عن سمر وكل حكايتها مع اخوه
**********************
عند اسيل دخلت الاوضه وقلعت الطرحه بضيق وخنقه وقالت بعصبيه…شوف..اوعي تفتكر انك ممكن تقربلي تاني على الكنبه الي هناك دي وتنام زي الشاطر وبلاش نضايق بعض احسن
انور ضحك وقلع بدلتو وقال وهو بيقلع القميص😉😀ومين قلك اني حابب اقربلك تاني اصلا
اسيل اتنرفزت من كلامه ولسه هتمشي ناحيه الحمام شدها بقوه عليه واتفاجأت لما باسها جامد بشغف وجنون
بقلمي..زهرة الربيع
****************
اسيل حاولت تبعد بس مقدرتش وكانت حابه قربو جدا بعد شويه بعده عن بعض وهى لسه في حضنه وقال بهمس…انا مش حابب اقربلك…انا هموت عليكي
اسيل زقته بكل قوتها وقالت بارتباك شديد..انت قليل الادب..ايه الي عملته ده لو قربتلي تاني هلم عليك البيت كلو سامع
انور ضحك جامد😃💖💖 على طفولتها وارتباكها وهيه اخدت هدوم ودخلت الحمام بعصبيه
********************
عند عزيز دخل الاوضه وبقى رايح جاي بغضب شديد وهو مش قادر ينسى نظرات عمه ولا صدمتو فيهم شد شعره لورا بغضب شديد
صبا دخلت الاوضه بتوتر وقالت..احم انت كويس
عزيز كان حرفيا عايز يصرخ ويبكي ومش قادر يستحمل اكتر ولا قادر يحبس دموعو اكتر
بص لصبا بدموع وقال ..لا مش كويس….تعبان عايز ..عايز اصرخ عايز اهد جبال جوايا تعبان قوي بموت ..بموت
صبا اتفاجأت بمنظره من ساعة ما قابلته وهو قوي جامد اول مره تشوفه كده قربت عليه وقالت بدموع..اهدى يا عزيز كل حاجه هتتحل و
بس اتفاجأت لما حضنها جامد بكل قوته وانهار حرفيا ونزلت دموعه بغزاره وقال ..مفيش حاجه..هتتحل…سمعنا..سمع كلامها الحقير ..شافها في احضان راجل غيره …صعبه صعبه قوي …طول عمرو بيعتبرني ابنه انا مش قادر انسى منظره لما فتح الباب شافها حضناني يا صبا عارفه يعني ايه لو جرالو حاجه مش هسامح نفسي ابدا
صبا كانت بتحضنه بشده ودموعها نزلت بحزن عليه وقالت..انت ملكش ذنب انت سكت علشانه اهدى..ان شاء الله هيقوم بالسلامه اهدى
عزيز بعد عنها وقعد على السرير بدموع وقال…لما يقوم هقوله ايه ..هواجهو ازاي ..يا ترى هيفكر في ايه..اكيد هيفكر اننا من زمان مع بعض قدام عنيه اكيد هيفكر اني كنت موافق على الي بتعمله ..اكيد هيفكر اني كنت بستغفله انا عارف..عارف هيحس بأيه انا ..حست نفس الاحساس ده مش هيقدر يستحمل
صبا قعدت على الارض عند رجليه ومسكت ايده وقالت…لا لا مستحيل يفكر كده انت هتحكيله ان ملكش دعوه وانا كمان هقله وهيصدقنا و
عزيز وقف وقال بدموع وسخريه…حتى لو صدقنا هو عادي يعني يكون اخر من يعلم …ده احساس اصعب من الخيانه ان الواحد يكون مخدوع بالطريقه دي مش سهله ابدا واتنهد وقال بالم شديد…بتنام جمبه كل يوم وهو فاكر انو الوحيد الي في قلبها وهيه بتفكر في غيره مش بعيد تكون بتتمنى عشيقها يكون بدالو
صبا بصتله وقالت..انت بتتكلم عن نفسك مش كده
عزيز استغرب وبصلها بدهشه وقال…عرفتي ازاي
صلا قالت بابتسامه…كلامك ديما بيحسسني انك اتجرحت جامد ..على فكره لو تحكيلي ممكن ترتاح
عزيز اتنهد بالم وقال..مفيش حاجه ممكن تريحني انا نسيت الراحه من زمان من ساعت ما ..من ساعت ما ماتت عريانه في سرير راجل غيري
صبا بصتله بزهول شديد وقالت..هيه مين..مراتك
عزيز قال بدموع ايوه..مراتي قصدي الي كانت في يوم مراتي كنت بعشقها كانت اهم حد في حياتي عمري ما استخسرت فيها حاجه…بس خانتني …خانتني وسلمت شرفي لواحد تاني ومش اي واحد ..ده ابن عمي الي متربين سوا
صبا قالت بتوتر وزهول ..ج..جاسر
عزيز قال ..اخوه..كان اسمو علي انا قتلته باديا وكنت اتمنى لو اقتلها هيه كمان بس للاسف كان خلص عليها قبل ما اوصل
صبا استغربت قوي وقالت..قتلها..طب قتلها ليه
عزيز قال بتعب ودموع..معرفش قتلها وهرب..وانا قلبت عليه الدنيا لحد ما لقيته وقتلته بس النار الي في قلبي مطفيتش كنت اتمنى لو اقتلتها بايدي او يمكن كنت عايز اسألها ليه..قصرت معاكي في ايه..ده انا حبيتك اكتر من نفسي كل حاجه حلوه كانت بتجمعنا اختفت لما لقتها مقتوله في سريرو ومفضلش في قلبي غير العذاب..والكره والغل…مبقتش اثق في حد ولا حتى في نفسي
صبا نزلت دموعها وقربت منو وقالت..مش..مش يمكن يكون فيه حاجه غلط او
بس عزيز قاطعها وقال بدموع..لا..لا مفيش حاجه غلط كانت بتخرج كل يوم بالساعات على اساس انها بتابع مع دكتور ولما ترجع اسألها ليه بتروح كتير تقلي متابعه
لحد ما سمعت جاسر بيكلم اخوه وعرفت انها بترحله كل يوم ..الحقيقه الاول متخيلتش ولا صدقت ..بس لما وصلت ولقتها بالمنظر ده فهمت..فهمت انو قتلها وهرب لما عرف اني كشفتهم
صبا كانت ساكته مش عارفه تقلو ايه ولا تواسيه ازاي
عزيز نزلت دموعه بالم ودموع خباها سنين طويله..وصبا مقدرتش تشوفه كده قربت عليه وحضنته جامد وبقت تقول..طيب اهدي كل حاجه هتبقى تمام..وانت هتنسى..هتنسى كل حاجه
عزيز حضنها جامد وقال..ابعدي عني يا صبا..مش هقدر..مش هقدر اعيد الي عملته من جديد مش هقدر احبك..ولا هقدر اثق فيكي مهما حاولتي ارجوكي ابعدي عني وكان حاضنها جامد وبيتمني انها ترفض تسيبو مشاعر متلخبطه لاقادر يبعد ولا يقرب وبعد شويه ومسح دموعو وقال بقوه مزيفه…مازن بيحبك…بيحبك اوي…انتو الاتنين لايقين على بعض هو من سنك ومعندوش مشاكل ولا عقد حاولي تحبيه حاولي ياصبا انتي تستاهلى تعيشي وتحبي وتنحبي
صبا بصتله بدموع ومسكت وشو باديها وبصت في عنيه بعشق وقالت…بس انا مش حاسه غير اني عيزاك انت …انا مش بفكر غير فيك…اديني فرصه…هنسيك كل حاجه ارجوك
بس عزيز وقف بعصبيه وقال باندفاع..افهمي بقى افهمي انا حكيتلك كل ده علشان تفهمي ان مفيش فايده مني ارجوكي ..لازم تبعدي كل ما بتكوني قريبه انا..انا مش بقدر اسيطر على نفسي مش بقدر ابعد مش قادر اقرب كمان حرام عليكي
صبا قالت بدموع ..بس انا بحبك والله بحبك يا عزيز..وعمري عمري ما هخونك ولا اذيك صدقني انا بموت لما اشوفك مضايق بس
عزيز قال بغضب..بس انا لا… انا مش بحبك ولا انتي ولا اي واحده ممكن تخليني احب تاني خلاص انسيني انا حر مش عايز ارتبط هو بالعافيه
بقلمي..زهرة الربيع
***************
صبا بعدت عنه ودموعها بتنزل بالم وقالت لا..لا اكيد مش بالعافيه ….تمام…انا ..احم..انا هفضل كام يوم بس لحد ما موضوعنا يتنسي..وبعد كده مش هتشوفني ابدا ومن هنا ورايح هفضل في اوضه تانيه عن اذنك
صبا لسه هتطلع عزيز مسك ايدها وقال…استني انا هطلع انتي خليكي هنا ومشي وسابها وهيه قعدت على الارض بانهيار بقت تبكي بشده وحست ان مفيش اي امل خلاص
عزيز نزل عند عمه وهو مش قادر يتنفس من الوجع الي جواه حاسس بشعور غريب تجاه صبا شعور بيخوفه من كتر ما بيعشقه وحابب قربها وحضنها حابب يفضل معاها على طول لدرجه انو استغرب من نفسه انو حكالها عن ماضيه بسهوله قعد على كرسي جمب عمه لحد ما نام
************************
عند اسيل خرجت من الحمام وهيه لابسه بيجامه ناعمه جدا ووقفت تنشف شعرها
انور بصلها باعجاب شديد ووقف وراها وحضنها جامد وهو بيشم نسيم شعرها وعطره الساحر وقال…بحبك
اسيل زقته وقالت بضيق..اه ما انا عارفه قولتي قبل كده ..قبل ما تصورني وتفرجني لاخواتي ..لا وكمان كنت عايز تفرج البلد كلها جس*م حببتك
انور اتنهد بحزن وقال..عمري ما كنت هعمل كده ..انا مستحيل اتخلى عنك ..انا بعترف اني كنت ناوي اضحك عليكي واتخلى عنك علشان اعاقب اخواتك..بس لما قربت منك ..حبيتك..حبيتك ومقدرتش ابعد انا عملت كده علشان اخليكي ليا ..لو مكنتش بعت الفيديو لاخواتك كانو مستحيل يجوزوكي لابن البواب السايس
اسيل وقفت قدامو بدموع وقالت..بس انا كنت عيزاك..عيزاك زي ما انت ..حبيتك..ووثقت فيك..مكانش عندي مانع اروح معاك لاخر الدنيا واتحدى اخواتي واتحدى الدنيا كلها بس انت عملت ايه..طلعت واطي طلعت بتقول كلام وبس علشان توقعني على العموم خطتك نجحت واخواتي اتكسرو قدامك مظنش انك محتاج تضحك عليا خلاص
اسيل قالت كده وراحت تنام بس انور راح ومدد جمبها على السرير
اسيل بصتلو بعصبيه وقالت..انا قولتلك نام على الكنبه اتفضل قوم وعدي ليلتك على خير
بس انور ابتسم وقرب منها وقال..ليه خايفه ما تنامي جمبي
اسيل قالت بعصبيه..انا مش خايفه من حاجه ولو سمحت قوم
انور قرب منها جامد وقال 😌💖ولو مقومتش
اسيل اتوترت من نظراتو وقربو وقالت بتوتر..قوم يا انور …لو سمحت
انور قرب اكتر وباسها بقوه ونعومه وشدها لحضنو في لحظه نستهم الدنيا
اسيل غمضت عنيها واستسلمت بس كانت دموعها بتنزل
انور بعد عنها لما شاف دموعها وقال..اسيل.. ليه الدموع دي..
اسيل بقت تبكي وقالت..انا..انا مش قادره اسامحك..وانت..وانت بتستغلني..و..ومش راضي تبعد وانا مش بقدر ابعدك و
انور ضحك جامد وبعد خصلات من شعرها وقال وهو بيبصلها بعشق😌😍💖😀ش قادره تبعدي مش كده..عارفه ليه..لانك بتحبيني..وانا اوعدك..اني هنسيكي وهخليكي تسامحيني كمان مش هقربلك غير برغبتك الكامله وقام وراح ينام على الكنبه
********************
عند صبا قامت مسحت دموعها ونزلت جهزت عشا لانور واسيل علشان مأكلوش حاجه وطلعت توديه بس كان جاسر ماشي في الممر الي بين الاوض وبيصفر
استخبت بسرعه علشان كل ما يشوفها بيضايقها بس اتفاجأت بسمر شدته على جمب وقالت …انت عمال تصفر ولا هامك وانا… وانا اتفضحت خلاص هيمشيني هيطلقني ومش هقدر اشوف عزيز تاني
جاسر نفخ بضيق وقال…عزيز..برضو عزيز انتي تحمدي ربك لو خرجتي من هنا عايشه
سمر قالت بغضب..انت ازم تساعدني والا والله هقول لعزيز على كل الي اعرفه لازم تساعدني
جاسر وقف بغضب وقال..هتقوليله على ايه..ما انتي كنتي معانا في كل حاجه
سمر قالت بتهديد…هقولو وعليا وعلى اعدائي هو كده كده كارهني وهيخرجني من حياتو وانا مش هخسر لوحدي يا جاسر والله اقولو على الي انت واخوك عملتوه مع بسمه مراته
جاسر قال بتوتر..انا مليش دعوه ده علي الي عمل كده
سمر قالت بتحذير..مكانش لوحده يا جاسر وانت اكيد عارف ايه الي عزيز ممكن يعمله لو عرف ان مراتوالي فاكر انها خانته كل السنين دي كانت مظلومه وانت الي وصلتها بايدك لاخوك الحقير وخليته يغتصبها وووو😡😟😳😲💔💔
******************************
ايه رايكم الاحداث يارب تكون عجبتكم وهستنى رايكم وتفاعلكم عليها
توقعاتكم
يتبع💖💖💖
الرواية كاملة متوفرة على موقعنا بشكل حصري اضغط هنا
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق