خرج ماركوس وهو يأكل الارض بغضبه ويقول : ازاى مقرب منها كده ازاى والله هتكونى ليا يا أش اى حد هيقرب منك هقتله هقتله 😠😠😠
أش لادهم : أمال الشريك التانى فين يا أدهم مشفتوش يعنى
أدهم: هيجى النهارده بليل جدك عزمه عندنا
أش باستغراب: ليه يعنى
أدهم: عشان هو مش من هنا ده اول شغل ليه فى مصر وجدك عايز يكون فيه شغل اكبر عشان ممكن نعمل شغل سوى بره فى بلده وده هيكون كويس لينا جدا
أش: تمام جدا بس انتوه ليكوه شغل بره مصر
أدهم : ايوه فى اوربا بس مش قوى احنا قوتنا كلها فى مصر
أش: انا ممكن اساعدكوه فى بلاد بره على فكره ليا علاقات كتير بره وفى العالم كله كمان .
أدهم : سيبك من الشغل دلوقتى وكلمينى عنك يا أش
أش بفهم: اكلمك عنى اقول ايه
أدهم بصراحه وسرعه: أش انا بحبك وعايز اتجوزك
أش بارتباك : بص يا أدهم انا...
أدهم بمقاطعه: انا مش مستعجلك يا أش خدى الوقت اللى انتى عايزه
أش: اسمعنى يا أدهم انت مش بتحبنى ولا حاجه انت معجب بس وانا من نحيتى انا مفيش حاجه تجاهك يا ادهم ،واسمعنى يا أدهم بص على اللى بتحبك بجد مضيعهاش من ايدك
أدهم : انتى ايه اللى يعرفك انى معجب ولا بحبك انتى دخلتى جوايا
أش بثقه : ايوه يا أدهم انا اقدر اعرف جواك ايه ،انا مش ساذجه يا أدهم انا لفيت كتير وفاهمه كويس انت معجب بس بصديقة طفولتك وخلى بالك لحسن اللى بتحبها وضغف معاها يجى حد يشقطها منك 😉😉
أدهم بغضب : مين ده اللى ياخدها منى ده انا اموته واموتها
أش بضحك: وتقولى بتحبنى يا اخويا أتلهى
أدهم بابتسامه وحب اخوى: شكرا ليكى اوى يا أش
أش: لا ايه الشكر الناشف ده جبلى اكل يسطا
أدهم بقرف: سواقة توكتوك عليا الطلاق من البت قبل ما اتجوزها سواقة توكتوك وميكروباصات كمان.
أش بفخر : تشكر يا اخويا .
ويضحكوه هما الاتنين 😂😂😂😂
فى الليل ،القصر يجهز على قدم وساق لاستقبال الضيف المنتظر
الجد: عايز كل حاجه تمام فى إستقبال الضيف مش عايز غلطة
أدهم: متخافش يا جدى كل حاجه جاهزه
وتاتى مدبرة المنزل بسرعه الضيف وصل يا بيه فيسرع الجد وأدهم لاستقباله
بعد فتره من التعارف ،الجد: منورنا والله يا بنى
الضيف : بنورك يا حج والله اتشرفت بمعرفتك انت وأدهم
أدهم: ان شاء الله الشغل اللى بينا يكبر ونفضل مع بعض على طول ونكون صحاب الضيف : اكيد نبدا بقا الاتفاق
الجد : ثانيه حفيدتى هتنزل ونبدا أصل هى اللى هتتفق فى كل حاجه
الضيف : ليه ما ادهم هيكون معانا
الجد بفخر : أدهم حفيدى مهندس يا بنى ،لكن حفيدتى التانيه دكتوره وكمان لفت كتير فى بلاد بره هتفهم هى اكتر واهى نازله اهى تعالى يا أش
أش بابتسامه : السلام عليكم
الضيف بتفاجئ: عائشه
أش بفرحة : ليو
ويجرى ليو على أش ويشلها ويحضنها ويلف بيها ويقول : وحشتينى يا أش وحشتينى يا حبى ويبصلها بلهفه رحتى فين يا أش رحتى فين انا دورت عليكى كتير اوى ليه سيبتينى وياخدها فى حضنه ويقبلها فى وشها كله .
والعيله بتبص ليهم بذهول ويغضب أدهم ويشد أش من حضنه ويضرب ليو بالبوكس فى وشه ويقوله انت بتعمل ايه يا حيوان يا **** انت فاكر نفسك بره بتحضنها قصادنا من غير حياء
ويلتفت لاش الخائفه على ليو ويقلها وانتى يا و*** بتخليه يحضنك قصادنا
أش : بس يا أدهم انت مش فاهم حاجه
أدهم بغضب : طب فهمينا يا هانم مين ده
أش بارتباك وتوتر : ده كان خطيبى بس انا سيبته ونزلت
الجد : ازاى يعنى تتخطبى من غير ولى امرك
أش : يا جدو ما انا وقتها كنت بره وده كان من كام سنه
ليو للجد: انا اسف يا جدى على اللى حصل بس افهمنى ديه حبيبتى وانا بعشقها وهى سابتنى ومشيت من غير ما اعرف عنها اى حاجه وخليتنى عمال ادور عليها واول ما شفتها محستش بنفسى
الجد بتفهم : فاهمك يا بنى بس دلوقتى انت عايز ايه
ليو بقوه : عايز ارجعها ليا طبعا انا مش هسيبها
الجد بقوه : هشوف يا بنى انت تجيب اهلك وتيجى تخطبها ووقتها هيكون فيه كلام تانى موافق يا بنى
ليو بنظرة حب لاش : موافق يا عمى 😍😍😍😍💜 **************************************
عند ماركوس عرف من الحارس اللى بيراقب أش عن اللى حصل فى القصر دمر القصر بتاعه ويصرخ وقتل جميع حراسه أزاى أزاى يلميها ويحضنها وكمان بيحبها ورايح عشان يخطبها وكان خطيبها قبل كده ازاى هقتلهم كلهم هقتلهم وهتكونى ليا يا أش هتكونى ليا مش هتكونى لحد غيرى 😠😠😠😈😈😈😈
عند الجد بعد ما مشى ليو : تعالى هنا يا حفيدتى واحكيلى تعرفيه منين يا بنتى
أش بطاعه : حاضر يا جدى وتحكيلوه كل حاجه عنهم ...........
أش: بس كده يا جدى هو ده كل اللى حصل وانامش عارفه يا جدى ومحتاره
الجد : انتى بتحبيه يا بنتى
أش بخجل : ايوه ياجدى ده الوحيد اللى حبيته
الجد: وانا مش هجوزك غيروه ياحبيبة جدك
أش بفرحه : بجد يا جدو وتنط عليه وتحضنه وتقوله انا بحبك اوى يا جدو
الجد بحب : وانا يهمنى سعادتك يا قلب جدو
الجد : يلا اطلعى دلوقتى واجهزى يا عروسه
أش: ماشى يا جدو وتقبله من خده وتطلع
أدهم : انت بجد موافق يا جدى عليه
الجد: ايوه يا بنى الراجل سمعته مش عليها غبار وانت مش عايزها وعايز هايدى يبقى كده انا اطمنت عليكوه يا بنى
أدهم : اللى تشوفه يا جدى بعد إذنك ويمشى أدهم .
فى صباح اليوم التالى تخرج أش عشان تروح المستشفى وهى فرحانه
البواب : معلش يا بنتى العربيات كلها فى الصيانه
أش باستغراب : مش غريبه يا عمو أن العرببات كلها تبوظ فى وقت واحد
البواب : والله مش عارف يا بنتى
أش بابتسامه : خلاص يا عمو انا هاخد تاكسى
وتخرج أش وتركب تاكسى وتلاحظ ان الطريق اللى ماشى فيه السواق مش طريق المستشفى فتنتبه أش وتطلع فونها وتبعت رساله لادهم وتشغل الچى بى اس اللى فى سلسلتها وتبص للسواق وتطلع رشاش وتقول للسواق ده مش طريق المستشفى نزلنى فيتجاهلها السواق فترش عليه فيصرخ السواق فتحاول تخرج من العربيه تلاقى رجاله ضخمه شبه بتوع العصابات بيحاولوه يمسكوها فتضرب واحد منهم فى عينه وتضرب التانى فى منطقة اسفل الحزام لكن يتكاثر عددهم ويضربها واحد بمسدسه على دماغها فيغمى عليها ويشيلوها ويختفوه بيها .😇😇😇
عند أدهم وليو يعرفوه ان أش اتخطفت والعيله كلها بتعيط وشروق تصرخ وتقول : فينها انتو ليه مش بتتحركوه وزين يحاول يهديها وياخدها فى حضنه
والجد يمثل القوه لكن من جواه بيصرخ على حفيدته والجده أغمى عليها وهدى تنسحب على أوضتها وتطلع فونها وتكلم شخص وتقوله : انا كده عملت اللى عليا الدور عليك بقا وتقفل
وما اخدتش بالها ان فيه حد سمعها من بره وشك فيها
أدهم: هنعمل ايه دلوقتى الحكومه مش هتفدنا بحاجه
هايدى بسرعه : أش كانت لابسه سلسله فيها GPS اكيد شغلتها
أدهم بلهفه: تعرفى الGPS ديه متوصله بايه
هايدى : اكيد الاب توب بتاعها
وتجرى شروق وهايدى على أوضة أش عشان يجيبوه الاب يلقوه متكسر نصين
فينزلوه بسرعه ويقولوه ببكاؤ الاب مكسور .
الجد بغضب : مين اللى كسره مين اللى عايز يأذى حفيدتى
أدهم: أهدى يا جدى متخفش هنلاقى اللى عمل كده بس الاول نجيب واحد بيفهم فى التكنولوچيا هو اللى هيعرف فى الاب ده ويتصل أدهم بواحد يعرفه فى الوقت ده يخش ليو بسرعه للقصر ويجرى للجد
ليو: فين عائشه ايه اللى حصلها وازاى تتخطف انا مصدقت لقيتها
أدهم بتشجيع : متخافش يا ليو متخفش هنلاقيها ان شاء الله ،عائشه ذكيه بدليل انها بعتت الرساله واكيد هى هتعرف تعمل ايه هناك
ليو بعشق : عائشه عندها فوبيا من الاماكن المغلقه أنا خايف عليها من كده لكن هى قويه ومش هتسمح لحد يقربلها عائشه انا اللى مدربها بنفسى على حالات الاختطاف 😢
عند أش تصحى من الاغماء تلاقى نفسها فى أوضه نظيفه لكن مقفوله من كل حته وكمان مخيفه بأدوات التعذيب اللى بتشوفها فى الافلام وتلاحظ انها مربوطه فى السرير وتقول لنفسها :( مين اللى خطفنى انا مليش عداوه مع حد) وتعلى صوتها وتقول انتوه يا بهايم يا اللى خطفنى لو رجاله تعالوه وفكونى يا كلاب ورونى نفسكوه فتيئاس ان محدش جيه فتحاول تشد دبوس طرحتها وتحاول تفك القفل اللى مربوطه بيه وبعد خمس دقايق تفك نفسها وتقول ( انتو متعرفوش انتو خاطفين مين ده انا كنت من اسكندريه يشويه او**** ) وتقوم وتحاول تدور على شباك تهرب منه متلقيش وتدور على حاجه تدافع بيها عن نفسها متلقيش بس تلاقى حمام تخشه وتلاقى فيه موس حلاقه فتخدوه وتخبيه فى هدومها وتلاقى شباك لكن تلاقيه صغير جدا وتخرج وتتفاجى ب.............
************************************
ايه رايكم الاحداث يارب تكون عجبتكم وهستنى رايكم وتفاعلكم عليها
توقعاتكم
يتبع💖💖💖
الرواية كاملة متوفرة على موقعنا بشكل حصري اضغط هنا
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق