بليل تنزل أش وهى لابسه فستان موف بورود على الاكمام وطرحه لون الفستان
ادهم: ايه الحلاوه ديه هتتخطفى منى كده
أش بخبث : مش هتخطف لوحدى بص وراك ، فيشوف هايدى نازله بفستان أبيض جميل منقط باسود وضيق من منطقة الصدر وواسع من تحت وطرحه حمراء جميله فكانت ملكة جمال بعيونها الزرقاء ومكياجها العادى اللى عملتهلها أش .
أش لادهم هايدى هتيجى معانا ،ادهم باستغراب وهو بيبصلهم وهما ماسكين ايد بعض ايه اللى لم الشامى على المغربى
أش بضحك لا ده كان زمان دلوقتى احنا صحاب ويلا بقا عشان منتاخرش
ادهم بمضض : ماشى يلا وفى نفسه ( أدى الخروجه اضربت اف )
هايدى لاش : شايفه يا أش ده مش طايقنى خالص هكسب قلبه ازاى بس
أش متبقيش خايبه بقا ومتنسيش اللى اتفقنا عليه مع بعض ويلا كده
ويركبوه العربيه وتفتكر هايدى كلام أش
flash back
أش : بصى يا ستى عشان تلفتى نظره هنبدا بلبسك ،هايدى : بس لبسى حلو وعلى الموضه .أش : يا ستى حلو وكل حاجه بس مش مناسب لحجابك خالص اللبس ده حلو للى مش لابسين حجاب .
هايدى :طب هنبدا ازاى .أش :بصى يا ستى انا هديكى حاجه من معايا وبكره ننزل نجيب هدوم او انهارده بليل واحنا بنتفسح نروح ونجبلك احلى من بتوعى كمان ويلا قصادك الدولاب اختارى اللى انتى عايزه .هايدى بدموع وخجل : انتى ازاى كده ازى بتساعدينى كده وانا كنت باذيكى انا وامى انا اسفه اوى يا أش .
أش : يا بنتى بطلى هبل مفيش بنا الكلام ده ويلا بقا بعد الهدوم هظبطلك المكياچ ده ،ايه يا بنتى كيلو البوهيه اللى بتحطيها ديه ده حتى انتى جميله بسم الله ما شاء الله مش محتاجه انتى كده بتبوظى بشرتك .
هايدى : حاضر وتقوم قصاد الدولاب وتفتحه وتنبهر بكمية الهدوم الموجوده وتقول ايه يا بنتى كل ده كل ديه هدوم انتى بتاجرى فيهم ولا ايه دول يكفوه بلدنا والبلدان اللى جمبنا كمان
أش : قل اعوذ برب الفلق ايه يا بنتى ده كده نصهم بس
هايدى : كل ده نص ،بس بجد ليه كل ده
أش: هفهمك بصى يا ستى انا مبقعدش فى البلد اقل من شهر عشان كده كل بلد وليها موضتها ولبسها فأنا اصلا بحب الشوبينج من وانا صغيره فكل بلد بشترى ليها لبسها وبلبسه ولما بروحها بشترى تانى😉😉
هايدى : يا لعبك انتى يا جامد ده انا هاخد نصهم
أش ميغلوش عليكى ويلا بقا عشان منتاخرش
end flash back
ويوصلوه للمول بعد ما سئل ادهم على المكان اللى عايزين يروحوه فطلبت أش يروحوه المول ودخلوه وفضلوه يتسوقوه فيه وادهم ماشى وراهم بتأفأف ويقول انا كان مالى بشغل البنات ده اف اف
وفى مطار أسيوط الدولى يصل ماركوس إلى مصر ويقول جيتلك يا عائشه جتلك يا قلبى ومش همشى من هنا غير وانتى معايا يا قلبى ويمسك صورتها ويتاملها بعشق وهووس بحبك اوى يا عائشه يا عائشتى .
ماركوس: يلا بينا يا يوسف
يوسف : يلا يا ماركوس بس اعرف ان اللى بتعمله ده غلط ازاى يعنى تجبر الراجل عن التنازل عن المستشفى انت اتجننت كمان احنا ملناش شغل هنا وملناش فى الطب اساسا كل ده عشان القطة بتاعتك .
فيبصله ماركوس بنظره جحيميه 😠😠إياك تجيب سيرتها على لسانك وايوه اى حاجه عشان القطه بتاعتى ومش صاحبتها معها هنا مالك مش متحمس عشان تقابلها ليه ، مش ديه اللى كنت عملنا مناحه عشانها
يوسف بلامباله : كنت فاكر انى حبيتها بس طلع اعجاب عادى وكمان انا لاقيت اللى بدوؤ عليها
ماركوس : اه البنت السكرتيره بتاعتك .
يوسف ايه بت ديه احترمها حتى ديه خطيبة صاحبك حتى
ماركوس بتجاهل : ميهمنيش المهم دلوقتى اشوف حبيبتى
يوسف بدعاء : الله يخربيتك يا أش جننتى الواد ماشى يحب فيكى وفى صورتك
ماركوس بهيام : بحبها اوى اوى ولو عرفت ان حد بيحاول يدايقها او يقربلها هدفنه هنا 😠😠😠😠
**************************************
فى المول بعد ما خلصوه .
أش : كده تمام نبقى ننزل تانى نكمل
أدهم بعويل : تكملوه ايه ده انتى اشتريتيلها نص المول كل ده هتلبسوه امتى يا كفره .
أش: ما تهدى على نفسك يا أدهم مش كده ،حصل ايه يعنى ويلا بقا أكلنا جعت انا
أدهم : يلا ياختى . ويمشوه ويروحوه مطعم كبير بيقدم جميع انواع الاكل .
أدهم : تطلبوه ايه .
أش : انا هطلب فته وكوارع وممبار .
هايدى وانا زيها .
أدهم بقرف : فته وكوارع وبليل ايه ده مش شبه البنات ليه انتوه اللى بتطلب الاكل الهادى والجميل ده .
أش بسخريه : وهو الاكل فيه هادى ومش هادى وايه هو الاكل الجميل ياخويا
أدهم : سلطه بيتزا كول اسلوه مش ممبار
أش : وحيات امك وده اكل يسد معايا ده انا عايزه اكل يقوينى مش يمرضنى
أدهم بسخريه : واضح عليكى رقة البنات اوى
أش بخبث : وانت مركز معايا ليه ركز مع القمر اللى جمبى ديه عليها رقه تخلى العاقل مجنون 😉😉😉
وبعد أذنكوه بقا عايزه اعمل مكالمه مهمه وتسيبهم أش ، فيبص أدهم لهايدى المنشغله فى فونها ويلاحظ التغيير اللى عليها شعرها كله جوه الطرحه ومكياجها عادى جدا بين ملامحها الصغيره الجميله .
واستغرب اكتر انها منشغله عنه مش بتحاول تكلموه زى الاول لما كانت بتسنى تشوفه وتفضل تكلمه .
أدهم: هايدى انتى كويسه
هايدى بلامباله : اه كويسه فيه حاجه
أدهم : لا بس متغيره يعنى
هايدى: لا مش متغيره ولا حاجه بس فوقت لنفسى بقا
أدهم : فوقتى ازاى يعنى
هايدى : اقصد لقيت انى كنت هبله وغبيه لما كنت بجرى وراك فى كل حته وانت مش حاسس فقلت لنفسى خلاص بقا هو حر هعمله ايه يعنى .
أدهم بغرور: يعنى مش مغيره من نفسك عشانى وعشان احس بيكى
هايدى بضجر من غروره : لا مين انت يعنى عشان اغير من نفسى عشانك انا اتضحلى انى مكنتش بحبك اصلا كنت معجبه بس وخلاص شلت الموضوع ده من دماغى وهفكر بقا فى نفسى وبخبث يمكن ربنا يبعت ابن الحلال قريب .
أدهم بضيق : اه اه ماشى ربنا يوفقك
وتيجى أش وتقلهم اتاخرت عليكوه فتقولها هايدى :كنتى بتكلمى مين
أش: بهمس بعدين أبقى اقلك ويجى الجارسون بالاكل ويحط قصاد كل واحد طلبه ويبدئوه ياكلوه .
ولاول مره يركز ادهم مع هايدى وطريقه اكلها وكلامها مع أش ويقول فى نفسه ( ايه اللى انا بعمله ده المفروض انى بحب أش المفروض اركز مع أش مش هايدى ،بس هايدى شدانى اوى ليها )
فتلاحظ أش نظراته لهايدى وتفرح وتقول لهايدى هياكلك بعينه وتقوليلى مش بيحبك ده ميت فيكى يا بت
فتفرح هايدى وتدعى ان كلام أش يبقى حقيقى 😍😍😍😍
من جهة تانيه اول مره نروحها فى كوريا الجنوبيه يقف رجل أيقونه من الجمال بعيونه السوداء ووجهه الابيض الاسيوى بملامحه العربيه وواقفه قصاده اخته وتقله خلاص ماما وافقت عليها روح جبها خلينا نفرح بيكوه .
ليو: حتى لو الماما مكنتش راضيه انا مش هضيعها من ايدى ديه روحى فيها انتى متعرفيش انا بحبها قد ايه هى اللى خطفت قلبى من اول نظره هى اللى ايديها لحد دلوقتى حاسسها فى ايدى لما بمسكها انا بحبها اوى 💜💜
اخته : احكيلى اتقابلتوه ازاى وحبيتوه بعض ازاى
ليو هحكيلك
flash back
فى سيول عاصمة كوريا الجنوبيه فى صباح يوم مشمس ينطلق ليو بعربيته تجاه شركته ، وهو فى عربيته يلاحظ بنت بتحاول تعدى رجل كبير فى السن فيخفف السرعه وينزل عشان يساعدها فى حمل حاجات الراجل فتتلامس ايديهم وينتقلوه للجهه الاخرى فيشكرهم الراجل ويمشى فتبصله بنت محجبه سمراء جميله بعيون سوداء واسعه وتتقابل عيونهم فى عيون بعض فيسرحوه هما الاتنين وهو يقول فى نفسه اميرة احلامى فيلاحظ انها بتتكلم بالغه العربيه فيبصلها باستغراب ويلاقيها ضربت دماغها وطلعت طرف لسانها وعضته فيتمنى ان هو اللى يعضه مكانها ويلاقيها بتقول بلغه كوريه صحيحه: أسفه جدا حضرتك دلوقتى فاهمنى صح انا كنت بتكلم باللغه العربيه لو انت متعرفهاش انا بشكرك عشان ساعدتنى فى حمل اشياء الرجل .
فيرد عليها باللغه العربيه : انا فاهم اللغه العربيه فترد بصدمه 🙊🙊بجد والله .طب حلو اتشرفت بمعرفتك 😉😊وتسيبه وتمشى وهو مردش عليها بحرف ويفوق ويلاحظ انها مشيت فيندم ويتعصب انه معرفش عنها اى حاجه ووقف شبه الاهبل قصادها وهى البنت اللى دايما بتزوروه فى احلامه .
بعديها اتقابلنا تانى فى كليتك كنت بوصلك مره وانتى دخلتى وقت ما انا بركن العربيه لقيتها ظهرت قصادى بفستانها الواسع الجميل بحجابها الاحمر الرائع عليها مكنتش عارف الفرق طرحتها الجميله وبين خدودها الحمراء من الجري .
جريت وراها ولحقتها قبل ما تقع بس وقع منها الورق وطار حولينا وقتها معرفش ايه اللى حصلى وسرحت فى عنيها تانى وهى كانت بين ايديا مكنتش عايز اسيبها ابدا وكأن قلبى بيقلى دخلها عندى ديه جزء منى بس اللى لحظتوه ان هى كمان سرحت فيا بس فاقت بسرعه وشكرتنى وقعدت على الارض تلم ورقها فساعدتها بس هى بصتلى
وقالت: مش انت اللى ساعدتنى قبل كده وانا بشيل حاجات الراجل الكبير انت صح فبصتلها وفرحت انها افتكرتنى فقولتلها ايوه انا فلقيتها فرصه استغلها وقاتلها : بما انى ساعدتك مرتين ينفع بقا تردى خدماتى فبصتلى باستغراب
وقالتلى : عايز ايه .
رديت عليها وقلتلها : قهوه معاكى بليل فى استاربكس فبصتلى وضحكت ومسكت ايدى وكتبت رقمها عليها وقالتلى هستنالك بليل قصاده وغمزتلى غمزه اخدت قلبى 😉💜
خلتنى طاير من الفرحه
اخته بهيام : وبعدين كمل ايه اللى حصل
فيزقها من ذراعها ويقلها هبقى اكملك بكره روحى نامى بقا
فتمسك ايده واقله وعد
فيبصلها ويبتسم ويقلها : وعد 😉😉
*************************************
ايه رايكم الاحداث يارب تكون عجبتكم وهستنى رايكم وتفاعلكم عليها
توقعاتكم
يتبع💖💖💖
الرواية كاملة متوفرة على موقعنا بشكل حصري اضغط هنا
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق