تفوق أش وتستوعب اللى بيحصل. وتقول بصوت ضعيف : انتو بتعملوه ايه ،انتو بتتفقوه عليا.
الجد يحضنها ويشيلها ويحطها على رجله ويقول : حمدلله على السلامه يا قلب جدك ويبوسها فى خدودها وراسها وينيمها على صدره .
ليو بغيره : ايه يا حج راعى شعورى شويه عمال تبوسها قدامى
الجد بلامباله : امشى ياض انا اعمل اللى انا عايزه صح يا حبيبتى
أش بحب : طبعا يا جدو
ليو: طب كده بقا انا كتب كتابى على البت ديه بعد يومين ها
الجد : وانت بتقرر مع نفسك ، طب مفيش جواز
ليو بمرح: ايه يا حج بهزر معاك مش كده ، انت بتهزر صح
الجد : اه مفيش جواز انا عايز اعد مع حفيدتى مده كبيره انا لسه شايفها من مده صغيره .
ليو: على الطلاق منها من قبل ما اتجوزها لو مجوزتهاليش لاخطفها واتجوزها
أدهم يمسكه من قفاه انت بتقول ايه ياض انت
ليو : لا اوعى كده ووسع انا راجل اوى على فكره
الجد : اسكتوه قاعد مع عيال ، الكلمه كلمة أش قوليلى يا حبيبتى انتو موافقه على الواد ده
أش : اللى تشوفه يا جدى
الجد: يبقى على بركة الله فرح عائشه مع فرح أدهم وهايدى وزين وشروق ،هنفرح بيكوه كلكوه مره واحده.
فيفرح الكل بقرار الجد ويجهزوه ليوم الفرح
فى اليوم التالى تصحى أش وتصلى وتغير هدومها وتبص فى المرايه وتفتكر كل اللى حصل وتفتكر مين اللى كان السبب فى كل ده وتنزل وفى طريقها تشوف هايدى وشروق ويجروه عليها ويبوسوها وينزلوه يفطروه.
وعلى السفره يفطروه بهدوء فيلاحظ الجد نظرات أش لهدى ويقلها مالك يا بنتى فى حاجه
لا يا جدى بس مستغربه من بجاحة الناس ازاى بتحاول تتخلص من بنى ادم بس عشان بيكرهه
الجد : تقصدى ايه يا بنتى
أش بصراحه : اقصد انى عشانك بس يا جدى انا مش هحاسبها لكن هربيها
الجد : اتكلمى بوضوح يا بنتى وفهمينا
أش : أقصد ان اللى ساعد ماركوس على خطفى وطلب منه انى اختفى تماما هى الهانم هدى اللى عايزه تخلص منى باى طريقه واللى كسرت الاب توب بتاعى عشان ادهم ميوصليش واللى بوظت العربيات بتاعة القصر كلها واللى قالت لماركوس طريقة خطفى ازاى.
هدى بصراخ : انتى كدابه انا معملتش كده ديه بتتبلى عليا متصدقوهاش
الجده بتدخل : لا مش كدابه انتى اللى عايزه الحرق انا شفتك بعينى وانتى بتكسرى الاب بتاعها وكمان شفتك وانتى بتكلمى واحد وبتقوليلوه انك عملتى اللى عليكى .
هدى بحقد : ايوه انا اللى عملت كده وانا كمان اللى قتلت امك خطافة الرجاله بعد ما ابوكى مات وانا اللى اتفقت مع الراجل اللى كان عايزك ده وانا اللى سهلتله كل حاجه فى القصر .
أش بهدوء: انا مئذتكيش فى حاجه ولا قربت منك
هدى بصراخ : لا أذتينى انتى وامك انا كنت بحب ابوكى كنت بعشقه لكن هو فضل عليا امك الحربايه ديه وانتى اذتينى لما شفتك تانى وانتى شبه امك ولا ومش بس كده كمان جبتيلى صحبتك اللى لفت على ابنى وكمان كنتى بتحاولى تخدى أدهم من بنتى هايدى بس هو اتقدملها وسابك عشان اكيد بنتى احسن منك بكتير بنتى متربيه وسط عيلتها لكن انتى منعرفش عنك حاجه انتى واحده صايعه لافه هنا وهناك وبتضحكى على رجالة الاعمال وبس بأمره الراجل اللى لافه عليه دلوقتى 😈😈😈
أش : يااااا كل ده جواكى ايه الحقد ده بس انا مش هرد عليكى عشان امى ربتنى كويس .
الجد يروح لهدى ويضربها بالقلم على وشها ويقلها غلطتى انى ربيت واحده حقوده زيك فى بيتى اطلعى بره هتروحى وهتعيشى لوحدك فى بيت جوزك وعيالك هيتجوزوه هنا واظن انهم مش عايزين هما كمان يشوفوكى تانى .
فتبص هدى لاولادها وتلقيهم لفوه وشهم بعيد عنها فتبص لاش بكره وتقول كله بسببك انتى يا جلابة المصايب وتسيبهم وتمشى .
*************************************
قبل الفرح بيوم تجهز البنات للفرح وأش قعده بتاكل وماسكه فونها وبتضحك فيبصلها هايدى وشروق بغيظ ويقولوه : انتى غبيه يا بت انتى ده شكل واحده فرحها بكره .
أش بملل : اقوم اعمل ايه يعنى اقوم ارقص
شروق : تصدقى فكره وتفتح فونها على اغنيه شعبيه ( عود البنات)
وترقص هايدى وشروق ويشدوه أش معاهم وينبهروه برقص أش
هايدى بصخب : يا آش يا جامد
ويخش عليهم أدهم وزين ويرقصوه معاهم فتنسحب أش وتخرج وتروح قصاد البحر حيث انها اشترطت ان الفرح يكون فى اسكندريه على البحر وتقف أش وتسرح فى حياتها امبارح كانت بتلف العالم كله على سفينه كانت طير حر مبيحبش التقيد بس قابلته هو اللى اخد قلبها من اول نظره ،من اول مره شافته نسيت نفسها حسسها بان هو اللى هيكمل معاها احلامها الكتيره دايما وهى بتلف كانت حاسه بالنقص كانت حاسه ان فى حاجه نقصاها بس اول ما جيه هو حست بالكمال بالحب .
وفجاءه حست بايد بتحضنها من ضهرها قالت : ليو بصوت رقيق هادى
قلب ليو ولفها ليه وقال: اخيرا هتكونى ليا هتكونى معايا مش هنسيب بعض ابدا
هنلف مع بعض فى كل حته احلامك هى احلامى .
كنت لوحدى دايما وانت اللى جيت كملتنى ليو انا بحبك 💜💜
لينبض قلب ليو بقوه ديه اول مره تعترفيلى بحبك ويشلها ليو ويلف بيها على البحر وينزلها ويلتقط شفتيها فى قبله طويله ويفصلها لما يحس انها مش قادره تاخد نفسها ويقولها أعشقكى سيدتى انتى ملكتى انتى اميرتى انتى من عبرت البحار لاجلكى رايت عيونكى فدوبت ورايت بسمتكى فوقعت وقعت فى بحر حبكى ايتها السارقه يا سارقة القلوب ويا لهول جبروتكى جعلتى من سيد العالم يركع طلبا لحبكى أعشقكى 😍😍😍😍😍
وبجى يوم الفرح فتجهز الفتيات بفساتينهم الجميله اللى صممتها هايدى بنفسها وتنزل شروق فى أيد الجد اللى أصر انه ينزلها بنفسه لزين اللى اول ما شفها باسها من دماغها بعديها نزلت هايدى فى ايد ابو أدهم اللى سلمها لادهم بعديها نزلت أش فى ايد جدها وعمها بدر ابو أدهم وسلموها لليو اللى كان مستنيها ودخلوه كلهم القاعه الملكيه اللى على البحر وكان فرح فى منتهى الجمال .
وبعدوما خلص الفرح ودعت أش عيلتها وسط بكاء الجد والجده
أش : والله هجيلكوه تانى خلاص بقا
الجد : مع السلامه يا بنتى
وتركب أش الطياره الخاصه بتاعة ليو وجايه تقعد جمبه يشدها ليو على رجله ويقلها مكانك من النهارده هنا .
أش بجرائه: وانا مش عايزه غير كده وتقبله أش بقوه فيتفاجئ ليو من أش لكن يسعد من جرائتها معه .
فتبعد أش بخجل فيقول بمكر ما كنتى حلوه من شويه فتضربه أش على كتفه وتخبى وشها فى حضنه وتنام أش لحد ما وصلوه مدينة الاحلام كوريا الجنوبيه حيث السرعه والجمال .
ويصحى ليو أش ويقول : حبيبتى اصحى يلا وصلنا يا روحى
فييأس ليو فيشلها وينزل بيها ويروحوه على قصره وحطعا فى اوضتهم ويغير هدومه ويصحيها ويقلها أصحى بقا يا أشى
فتصحى أش وتقوله بنعاس وصلنا
ليو : ايوه يا حبى وصلنا البيت كمان فتقوم أش وتقول واو الاوضه جميله اوى
وتغير فستانها وتلبس ملابس بيتيه عباره عن شورت قصير جدا وتيشرت حمالات مبين صورتها وخصرها الجميل
وتخرج وتشوف ليو لابس شورت بس واول ما يشوفها ينبهر بيها ويقول انا كنت متوقعك جميله لكن انتى طلعتى ملكة جمال وانتى حكمتى على نفسك باللى انتى لابستيه ده ويشيلها ويرميها على السرير بخفه وينقض عليها
ومن يومها كتبت أش باسم حبيبها ليو ومرت السنين والحب زاد بينهم كل يوم عمره ما قل غمرها ليو بطيبة قلبه وخلاها تعشق تفاصيله وهو بيقع فى حبها كل يوم . **********************************
وبكده انتهت حكايه عائشه ايه رايكم الاحداث يارب تكون عجبتكم وهستنى رايكم وتفاعلكم عليها
تمت💖💖💖
الرواية كاملة متوفرة على موقعنا بشكل حصري اضغط هنا
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة
ليست هناك تعليقات:
إرسال تعليق