يوصلوه القصر بمشاعر مختلفه هايدى فرحانه وأش مبتسمه وأدهم بضجر ،يشوفهم الجد اتفسحتوه يا ولاد.
أش : ايوه يا جدو.
الجد: طب اطلعوه ارتاحوه تلاقيكوه تعبانين ،فيطلع الكل لاوضه بس تغير هايدى هدومها وتروح لاوضة اش
أش وهى فى بتغير هدومن تلاقى هايدى داخله عليها وتقولها هبأت معاكى النهارده وبالمره تحكيلى عن اللى مدارياه وتغمزلها 😉😉
وتخش شروق الاوضه فرحانه وتقولهم مسا مسا فترد أش : اهلا باللى مبقتش اشوفها غير كل فين وفين ومقضياها مع زين
هايدى بغيره مصطنعه: بتعملى ايه مع اخويا يا بت انطقى
شروق بفرحه وابتسامه حالمه: طلب أيدى النهارده وعرض عليا الجواز 😍😍
أش بفرحه بجد الف مبروك فرحتلك اوى 🙌🙌
تبص أش على هايدى السرحانه وتقولها مالك يا هايدى انتى مش فرحانه
هايدى: لا ابدا انا فرحانه جدا مبروك يا شروق
أش : مالك يا بنتى ،هايدى : بفكر فى رد فعل ماما انتى عارفه انها مش بتحب شروق من اخر مره
شروق بخوف : هى ممكن تخلى زين يبعد عنى
هايدى: لا طبعا زين اكيد بيحبك بس ممكن ماما تعمل حاجه تخلى الجوازه تبوظ
أش بقوه: متقدرش تعمل حاجه تفائلوه بالخير انتوه بس ويلا بقا عشان عايزه انام
هايدى بخبث وسرعه: وانتى فاكره انى هخليكى تنامى وتهربى تعالى هنا يا بت واحكيلى
أش بتهرب : احكيلك عن ايه
هايدى بغمزه لشروق: عن حبيبك اللى بتفكرى فيه وصورتوه تحت المخده وتجرى شروق تجيب الصوره وتحاول أش تاخد منهم الصوره بس متقدرش
شروق بغزل : مين الواد الموز ده يابت
هايدى : ده الحب بتاعها ،شروق : اه يا سوسه بقى تقولى مفيش حد وانتى مخبيه عننا الواد الجامد ده تعالى هنا واحكيلنا يلا .
أش اخطف الصوره وتقولها متقوليش مز بس انا اللى ادلعه بس
هايدى : مسسم على الحب وجماله احكيلنا بقا اتقابلتوه ازاى وهو كمان ببحبك ولا لا وليه مجاش عشان يخطبك وهو فين دلوقتى
أش ايه يا بنتى كل ده ماشى هحكيلك بصى يا ستى : ....
انا رحت زياره لكوريا الجنوبيه كانت منها زياره لبلد جديده ومنها كنت بخلص رسالة الماجستير بتاعتى اول مره قابلته كان فيه راجل عجوز بيعدى الطريق وشايل حاجات تقيله رحت ساعدته فنزل هو بشهامه وساعدنى لمس أيدى فرفعت عينى عليه لقيته شاب جميل أبيض بعيونه الواسعه اللى خطفت قلبى من اول مره فضلت مركزه فى كل تفاصيله فى شعره فى وشه فى شفايفه كان أيقونه من الجمال تعرفى شفت أحلى منه ومتهزليش شعره بس هو معرفش لقيت قلبى بيدق جامد وكأنه كان هيطلع من مكانه .
ولما لقيت انه هبجيلاحظ انى ببصله لفيت وشى النخيه التانيه بعديها شكرته وجريت بسرعه من قدامه لانى مكنتش ضمنه نفسى الصراحه .
هايدى بحالميه كملى كملى 😍😍😍
أش : بعديها اتقابلنا تانى كنت متاخره فى تقديم الورق وكنت بجرى قبل ما الجامعه تقفل لمحته بيجرى نحيتى فمخدتش بالى غير وانا فى حضنه وهو ماسكنى من وسطى وانا على دراعه اتمنيت ما قمش من على دراعه ابدا والورق كان بيطير حوالينا ففقت وشكرته ولميت الورق لقيته بيساعدنى فى لمه فلما لاقيته بيبصلى قلتله مش انت اللى ساعدتنى قبل كده راح قلى اه بابتسامه اخدت قلبى .
ولقيته بيقلى انه عايزنى اردله الجميل وبيعزمنى على قهوه فى استار بكس لقيتها فرصة هايله وبدون وعى وكأنى متخدره مسكت ايده وكتبت رقمى وقلتله هستناك قدامه وضحكتله ومشيت
هايدى وشروق بصدمه : يا جبروتك بقى بتشقطى الواد عينى عينك كده مفيش حياء يخربيتك .
فتبصلهم أش بخجل و إرتباك : والله ما كنت اعرف انا بعمل ايه الذنب عليه هو ،هو اللى سحرنى بجماله ده 😍😍😍
شروق : كملى كملى ورحتيله
أش بخجل : ايوه رحت ولاقيته مستنينى واتكلمنا واتكررت المقابلات وحبيته لا حبيته ايه عشقته ،وفى يوم اخدنى للبحر وكان المكان متزين بالورود والبلالين وقعد على ركبه وعرض عليا الجواز انا وفتها الفرحه مكنتش سيعانى فمترددتش لحظه ووافقت لقيته شالنى وجرى بيا فى البحر وكانا فرحانين جدا لحد ما وتغيرت نبرتها للحزن 😢😢
هايدى : يا فرحه ما تمت مين اللى فرق بنكوه واحده كانت بتحبه صح وجبتلك صوروه معاها وانتى شبه الهبله سبتيه ليها ونزلتى صح .
اش 😕😕😕: ايه يا بنتى الفيلم الهند ده
هايدى : بيحصل كده فى كل الروايات
أش : لا هو رجل اعمال كبير فى قارة اسيا وفى الوطن العربى واهله كانوه موافقين وكل حاجه بس مامته فجاءه قلبت عليا معرفش ليه وبقت تتهمنى انى انا بحاول اوقع ابنها وانى مستحقوش وانى فقيره قدامهم ووقتها امه خيرتوه بينى وبينها ولما لاقته هيختارنى عملت نفسها اغمى عليها وبتموت فجرى عليها رحت انا زفرت عليه الا ختيار وسبته وسافرت استراليا ومن يومها وانا معرفش عنه حاجه 😢😢😢😢
شروق ببكاء : طب هو مسئلش عنك محاولش يدور عليكى
أش : حاول يلاقينى بس مامته كانت بتبعد اى طريق عشان يوصلى فلما يأست قلت انه خلاص نسينى وكمان عرفت انه خطب فسبت استراليا ومشيت ورحت امريكا عشان اكمل دراستى 😥😥😥😞😞.
هايدى بمواساه : إن شاء الله ربنا يرزقك اللى احسن منه وتحضنها
شروق بمرح : دخلوتى معاكوه يا بت انتى وهى
ويحضنوه بعض هما التلاته ويناموه 😴😴😴😴
عند ماركوس ويوسف ، يوسف : خلاص يا صحبى هتقابلها
ماركوس بفرحه : ايوه بكره هقابلها خلاص وهعترفلها بحبى ليها
يوسف بتردد : بس افترضنا انها مقبلتش
ماركوس : هتقبل ولو مش بمزاجها هيبقى غصب عنها مش انا اللى اسيب حاجه انا عايزها .
ويشرب من كاسه ويبص على صورها اللى ماليه الاوضه بهوس وابتسامه مريضه
**********************************
فى صباح اليوم التالى تصحى أش وتلبس وتروح المستشفى فيقابلها أدهم بابتسامه : صباح الخير يا أش ، أش : صباح الخير يا أدهم ،مال المستشفى مقلوبه كده ليه أدهم بابتسامه : ولا مقلوبه ولا حاجه بس جى النهارده الشركاء فى المستشفى ،وجايين عشان نمضى العقود بتاعتها .
أش بابتسامه : تمام كويس وانتوه ليكوه كام فى الميه من المستشفى
أدهم : المستشفى احنا مساهمين فيها ب33% وكل شريك بنفس النسبه ،صحيح انتى هتحضرى معانا الاجتماع
أش باستغراب😕😕 : انا ليه ،أدهم: عشان انتى أولا من عيلة صفوان وده حقك ثانيا عشان انتى اللى هتكونى مشرفه على الاجهزه اللى هنستوردها من بره ثالثا بقا عشان انا مبفهمش فى أمور الطب ديه وانتى الدكتوره هنا ويضربها على قفاها فهمتى يا غبيه😁😁
أش : طب ايدك يا وحش لتوحشك ،ادهم : ايه يا بنتى شغل السرسجيه ده خليكى كيوت كده عشان حتى حد يعبرك
أش : ملكش دعوه يا خفيف هلاقى اللى يعبرنى دور على نفسك انت بس يا عجوز 😤😤
أدهم 😮😮: انا عجوز ده انا البنات هتموت عليا بس متخفيش مش هتجوز غيرك يا جميل 😉😉
أش بسخريه : بتحلم يا ابا رشدى اتجوزك انت ده انت اخويا يا جدع
أدهم : اخوكى ايه يا هبله انتى ،واه هتجوزك بمزاجك او غصب عنك
أش بكبرياء : هتشوف يا حبيبى مش انا اللى اتغصب روح شفلك كلبه تعبرك ولا بلاش كلبه انا هجوزك البت هايدى
أدهم بسخريه: هايدى مره واحده لا ياختى متشكرين
أش بخبث : خلاص هجوزها واحد قمر من اوربا كان بيقولى دوريلى على عروسه
أدهم بغيره : مين ده اللى هتجوزيه لهايدى ، ده تنا كنت اقتله واقتلها واقتلك انتى كمان .
أش بخبث اكبر : وانت مالك مدايق ليه مش انت مش بتحبها سيبها بقا لنصيبها
فيسبها أدهم ويمشى وهو مش ضايق دبان وشه ( بقا تتجوز وامبارح تقلى ابن الحلال قريب ،ليلتك سوده يا هايدى لما ارجعلك) .
عند ماركوس يجهز نفسه ويلبس افخم البدل ويحط من برفانه النادر ويخش عليه يوسف ويصفر ويقول : ايه ده يا عم أش أش أش ايه الحلاوه ديه رايح تتجوز وانا معرفش .اه اه انت عايز تبقى حلو فى عين القطه بتاعتك صح 😉😉.
فيبصله ماركوس ويقله لاخر مره تناديها قطه وايوه رايحلها دلوقتى وهتتفاجئ بيا مهى متعرفش ان انا اللى اشتريت الاسهم وان انا الشريك فى المستشفى اللى هى شغاله فيها .
يوسف بأسى: بس يا ماركوس فكر شويه بعقلك انت عارف انعا بتعتبرك صديق ليها بس وكمان ده لو افتكرتك اصلا مش يمكن بتحب حد تانى .
وبمجرد مخلص كلامه يلاقى مالركوس بيخنقه من رقبته وعينه بقت مرعبه ويقول: هى مبتحبش غيرى ومفيش حد فى حياتها انا بس اللى هتحبه ولو مش بمزاجها هيبقى غصب عنها ولو مش ليا مش هتكون لغيرى انت فاهم ويسيبه ويخرج ليقع يوسف على الارض ووشه احمر من الخنقه وبيكح جامد ويقول : هتندم يا صحبى .😧😧😧
يبدا الاجتماع ويجوه الشركاء فى المستشفى ويبدا الاجتماع وتتاخر أش وتخش مره واحده وتقول اسفه جدا على التاخير كان عندى ظرف طارق .
لتنصدم من وجود ماركوس ويعرفهم أدهم عائشه بنت عمى والمسئوله عن الاجهزه
عائشه ده الاستاذ ماركوس شريكنا فى المستشفى
ماركوس بابتسامه كبيره : أزيك يا أش وحشتينى جدا
أش بابتسامه : ازيك يا مارك عاش من شافك متوقعتش انى اشوفك فى مصر
أدهم : انتوه تعرفوه بعض 😕😕
أش : ايوه صديق ليا من امريكا ،أش لماركوس : أمال فين يوسف مجاش معاك
ماركوس: جيه بس مشغول شويه
أش : ربنا معه يلا نبدا
ويبدا الاجتماع ويتفقوه على كل حاجه تخص المستشفى
أدهم : كده اتفقنا يا استاذ ماركوس وان شاء الله تكون فتحة خير على الكل
ماركوس : اكيد انا متفائل بالصفقه ديه ويبص لاش المنشغله فى تلفونها
ويلاحظ أدهم نظراته لاش فينزعج منها ويقول : يلا بينا يا أش عشان منتاخرش على الغداء .
أش بابتسامه : يلا بينا ،مع السلامه يا مارك هبقى اشوفك تانى 👋👋👋
ليبتسم لها ماركوس ابتسامه مريضه ويخرج بعصبيه شديده
ادهم : انا مش مرتاح ليه يا أش هو يعرفك من زمان
أش باستغراب : لا مش من زمان انا عرفته قبل ما اجى مصر بفتره صغيره بس
بس انت مش مرتاحله ليه .
أدهم بشرود : تحسى انه وراء حاجه وبيبصلك بنظرات عارفها كويس خلى بالك.
😐😐😐.
***************************************
ايه رايكم الاحداث يارب تكون عجبتكم وهستنى رايكم وتفاعلكم عليها
توقعاتكم
يتبع💖💖💖
الرواية كاملة متوفرة على موقعنا بشكل حصري اضغط هنا
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق