... اتجوز ميييين!! دي طااالق من قبل ما اتجوزهاا اساساً.
_ يااا تميم الراجل بره متصغرنيش قدامه.
تميم حط ايده علي راسه ومش عارف يعمل ايه... بابااا انت لازم تتصرف انااا مش هكمل لعبتك دي مش علشان البزنس تقضي علي مستقبلي.
والده... يا حبيبي انت مستقبلك ضايع اصلا بص يا تميم انا عااارف انه صعب بس نمشيها علي ورق في الاول دول صعيده الموضوع مفهوش هزار المأذون مستني و لازم نطلع.
تميم... انا لو رحت فيها يبقي بسببك ومش مسامحك علي فكره.
والده.... انت خااايف ولا اي!
تميم... مستحيل انااا مش خايف تؤ تؤ دا انااا مرعووووووب.. بالله عليك في عروسه لبسه اسود تخض الواحد كدا دا اول ما دخلت رحت دااخل في حاله اغماء رسمي لولا تيمور الي سندني ودخلني الاوضه
والده... معلش عديهااا يا تميم..
تميم... حاضر شكلي اما اشفوف وشهااا هتنقل الطوارئ المره دي.... بقولك اي يا بابا جاتلي فكره هاايله.
والده... اي!
تميم.. ما تتجوزها انت.
والده... كانت امك قرأت الفاتحه عليا في الارافه انت بتستهبل.
تميم... يعني خلاص لبست!
والده.... واتختم عليك كمان.
تميم خرج من الاوضه وبعدل البدله ووالده وراه...
والده... اسف يا شادي بيه العريس اتخض من الفرحه اصل ليك هيبه برضوا...
شادي... ده ولدي قبل ما يبقي والدك يا حمزه بيه انت خابر زين حريمنه مهيشتغلوش مع راجل غريب ولولا طلبك القرب مكنتش هقبل الشغل ده واصل.
تميم... متقلقش يا عمي بنتك في ايد امينه....(وبتكلم في سره)... يارب اللمبه ما تفرقع من الكدب.
شادي... وعلشان اكده قررت اني اجبت المأذون طوالي.
تميم في سره.. قرار متهور ضيع مستقبلي منكو لله.
حمزه... خير ما عملت يا شادي بيه مش قادر اقولك علي فرحت تميم.
شادي... ربنا ايهنيهم ويسعدهم.
المأذون بدأ اجرائات كتب الكتاب وختم ب.... بارك الله لكما وبارك عليكما وجمع بينكما في الخير.. بالرخاء والبنين ان شاااء الله.
تيمور سلم علي تميم.. اللف اللف مليون مبروك يا عريس.
تميم بهمس.... بتباركلي علي ايه ياا تيمور ما انت عارف الي فيهااا.
تيمور... يعم بعمل زي ما بيعملوااا.
تميم.... انت تحب تظيط في الزيطه وبس اقعد كمل اكل لولا الجتوه مكنتش هشوف وشك اصلا.
تيمور.... انت لي دايما ظالمني.
تميم..... اطفح وانت ساكن لو سمحت.
تيمور...حاضر.
بعد مباركات كتير والفرح الي اتعمل علي الضيق في الفيلا تميم قعد بتعب جمب ابوه... ياااه اخيرا مشيو.
والدته جت وماشبه معاها العروسه الي متغطيه بالشال الاسود ..... خد عرستك يا تميم واطلع.
تميم.... هي فين العروسه دي دي هربانه من فيلم رعب خايها عندك.
جه صوت من العروسه.... اتكلم زين يا اما تقفل خشمك ومسمعلكش حسك.
تميم.. اي دا هو الصوت دا جاي منين حد مشغل الراديو!؟
العروسه.... انييي الي بكلمك.
تميم بهمس لوالده....بقولك اي يا بابا البت دي اعمل معاها انا عايز اخلع منها.
حمزه... ربنا يقويك يا ابني العمل عمل ربنا بقي.
تميم... طيب لي مرمتنيش رميه عدله.
العروسه... انت هدنك ترغي كتير اكده بدي اطلع.
والدته... حاضر يا عروسه مستعجله علي ايه بس.
العروسه... اباااي عليكم بدي ارتاااح وسعي يا حجه اكده اني هطلع.
العروسه طلعت وتميم شد والدته بسرعه وقعدت جمبهم..... اوي تقربي منها يا ماما لتعضك خليكي هنا.
حمزه... زينب الواد بدأ يصعب عليا.
زينب... ما انت السبب قاعد تقول عندهم تملاك واطيان والبت متعلمه وهتشتغل معاه كمان وفي الاخر ابنك الي هيشيل الطين.
تميم... شفت قلب الام.
زينب... ما انت كمان مش نافع في الشغل وتستاهل الي يجرالك.
تميم وقف بعصبيه ... بقي كدااا انتم الاتنين عليااا... طيييب... انا طالعلهااا وهوريهااا بنت الصعيد دي هييي مفكره نفسهاااا مين دا انااا ابن الباشه.
حمزه... ايييوه كدا.
تميم طلع بحماس واول ما قرب علي الاوضه غتح براحه ودخل يتسحب ملقهاش.... ودي راحت فين هه خاااافت مني طبعا.... انتي يا بت يااا عروسه اظهري متخافيش.
العروسه من الحمام.... وهخاااف منك ليه يا جوازه الندامه بغير اهدومي اصبر.
تميم... يخربيت قصف الجبهه البت دي لسانها طويل... اطلعي عايزك فكلمتين يا بت.
العروسه... بت اما تبتك اسمي نسمه.
تميم... نسمه! اي الغش التجاري في الاسماء دا مش لايق علي الجثه الي شفتها خااالص.
نسمه.... متخلنيش اقلب عليك وتبقي ليله شبه وشك.
تميم... بس يا ام لسااان طويل اطلعييي عايز اتفاهم معاكي في كلمتين
نسمه.. قول واني سمعاك.
تميم... طيب... الجوازه دي هنمشيها مباره ودي بالمعروف مع انه خساره فيكي اصلا بس علشان انا قلبي طيب ماااشي واذا كان علي الشغل هتشتغلي او هسبهولك اصلا انا مبحبش اشتغل في الشركه.
نسمه اتكلمت بسخريه.... امال انت هتعمل ايه جاي اتونسني يا حيله ابوك.
تميم... لا بقي كدااا كتير اطلعيليييي بقي يا ام لسااان طويل.
نسمه... جياالك.
نسمه خرجت وهي بتلف طرحه الاسدال... وريني هتعملي اييياه
تميم اول ما شاف وشها اتصدم... بقي الوش الملاك دااا هو الي كان بيتكلم.
نسمه... امال عفريتي.
تميم... وطالعه بلاسدال.
نسمه مردتش عليه وراحت تنام علي السرير.
تميم... بقولك اي يلا علي الكرسي انا بمبحش حد ينام جمبي.
نسمه... ياااه علي شهمتك.
تميم... هو انتي لسه شفتي شهامه يا ام لسان طويل يلاااا علي الكرسي،.
نسمه قربت منه وفجأه لوت دراعه ورا ضهره... بقولك ايه اني مبحبش الصوت العالي بيجيبي اصداع.
تميم شد ايده والوضع اتبدل وهو الي مسكها من دراعها.... شكلك مش سهله عايزه تتعلمي الادب من اول وجدييد.
نسمه زقته وضرته برجلها تحت الحزام... اني اه مسهله كيف ما قولت لاكن تتكلم عن ربايتي فمش بنت شادي النواصري الي يتقااالها قليله ربااايه.
تميم فتح باب الاوضه بسرعه واتفاجأ بحمزه وزينب وتيمور وقفين بيتسنطوا.... الحقوناااااي.
حمزه... ينهار ازرق مااالك يا تميم.
تميم بصوت مبحوح.. ابنك مبقااش نافع خلاص.
نسمه شدته من البدله... لمؤخذه كل واحد يلوم مطرحه وانتي ادخلييي.
زينب... الله يخرب بيتك عملتي ايه في الولد!
نسمه... روحي يا حجه مطرحك منقصينش ندب.
نسمه قفلت الباب في وشهم...
حمزه... دي قفلت الباب وتميم جوه.
زينب... وبتقولييي انا يااااا حجه نهارها ازرق.
تيمور... اليت دي شكلها مجنونه يا تري انت عملت اي في حياتك يا تميم علشان البت دي تظهرلم!؟
زينب... اي العمل دلوقتي هنسيبوا كدا!
تيمور..... الله يرحمك يا تميم كنت بتأكلني علي حسابك يا مرحوم انا شايف اننا ندعيله بالرحمه يا جماعه.
نسمه فتحت الباب واتكلمت بعصبيه... انتم لسه وقفين اهنه.
حمزه... الله يااا زينب عيب كداا يلاااااا وانت كمااان قدامي.
نسمه بصتلهم بزهق...... عيله ضاربه في نفوخها اني مكنتش اعرف ان حظي هيبقي مقندل اكده.
نسمه قلت الباب وفجأه لقت تميم ماسك الفازه.... جري اي مالم م....
وهوب تميم منزل علي راسها بالفازه.... يااا نسمهار ازرق لتكون ماااتت! بااااباااااااااااا.
كلم دخلو جري...
تيمور.. انت عملت ايه يااااا تميم.
تميم... سلامه نظرك انت شايف اي كيكه سكر مثلا.
حمزه... الله يخربيت تهورك البت مممن تروح فيها.
زينب... تستاهل دي بتقولي يا حجه.
تيمور خرج الموبيل واتصل علي دكتوره زميلته.... الوو لينا بقولك اي تعالي علي الفيلا بتاعت تميم بسرعه.
لينا... يا تيمور انا لسه راجعه من الشغل تعابنه هو انتم لي بتفتكروني في اوقات غلط كداا.
تيمور... تعالي بسرعه دي مصيبه.
لينا... وايه الجديد هو انتم مش بتفتكروني غير في المصايي اصلا.
تيمور.... رينااااااا بسرعه.
لينا... جايه اهوووو.
تيمور قفل معاها.... لينا جايه.
تميم شالها ونيمها علي السرير.... تفتكر لو طلعت عايشه هتسكت علي الي حصل!
تيمور.... انا مش عايزك تقلق دي هتنفخك بس.
تميم... الله يطمنك بي دي بتجيب دم.
تيمور... انت خبطهااا هلي راسها يا فالح عايزها تجيب اي يعني عصير بطيخ.
لينا خرجت من الفيلا الي جمبهم بالبيجامه الواسعه ودخلت عندهم بشنطتها الطبيه.... خير ف.... ينهاااار ابيض وسعووو كدا.
تميم... ماتت!؟
لينا... دي بتنزف جااامد.
حمزه... ايوه اي الي بعد كدا بقي.
لينا بدات تضمض الجرح وحقناها بسرعه ولفت مكان الجرح بشاش وقطن...
تميم... هي بقت كويسه خلاص!
لينا... احتمال تفوق في اي لحظه هو اي الي حصل ومين دي اصلا!
تيمور.... العرسان كانوا بتهظروا مع بعض هظار تقيل حبتين..
لينا... عرسان مين لمؤخذه.
تميم... انا والجثه دي سوري نسيت اعزمك كانت علي الضيق علشان متفضحش.
حمزه... تفتكروا ممكن تقول لاهلها!
فجاه لقوا نسمه بتضحك....
بعدوا بخضه.....
نسمه.... متخافوش مهبلغش عن حد.
تميم... ل لي اكيد مش علشان خاطر عيوني مثلا.
نسمه اتكلمت بسخريه... هو اني قولت اني هسامحك هه.
حمزه... حقك عليا يا عروسه انا هربيه علي الي عمله دا والله.
نسمه... تعالي قربي عليا يا دكتوره.
لينا... حاضر.
نسمه... سنديني اتعدللهم الناس دي.
لينا... حاضر.
تيمور بعدل البدله وخارج ... طيب سلام انا يا جماعه عايزين مني حاجه... سلااام عليكم.
تميم شده من هدومه بسرعه... هتروح فين والله ما انت متعتع من هنا انا مش هلبس الليله لوحدي.
زينب... ما خلاص يا بنت الي حصل حصل وجوزي قالك هيربيه الله.
نسمه ضحكت وسندت علي لينا ووقفت.... ادام هو معندوش ريحه الربايه جوزتوه ليه.
حمزه... يا عروووسه لحظي ان كلامك جارح.
نسمه... والي ابنك عمله في دماغي ده اي علي العموم معيزاكش تقلق خالص من ناحيه ربايته اني هقوم بالواجب واربيه زين.
نسمه بصت لتميم وتيمور الي وقفين جمب بعض...
تيمور بصوت مبحوح... ابوووس ايدك سبني اروح انا امي عيزاني.
تميم باسي... يعني انا الي امي رميا طوبتي.
تيمور.... سدقني هتوحشني.
تيمور طلع يجري.....
تميم... تيموووور بقي كداااااا ماااشي وربنااات ما هعدهالك يا ندل...
نسمه... كله يطلع بره.
تميم... عظيم بيمين لطلع معاااهم... بااباااااا.
حمزه... سوري يا تميم مش بايدي يلا يا زينب
زينب... والولد ياااا حمزه.
حمزه.... خليه يبااات هنا يا زينب مش احسن ما يبات في الحجز بسبب الي عمله
نسمه.. ادماغك عجبتني يا عم الحج.
حمزه... مرسي يلا يا زينب.
زينب... مااااشي.... تميم خلي بالك من نفسك يا حبيب ماما اوكاي.
تميم بص لنسمه.... ربنا يستر.
لينا.... تعاله سند مراتك.
تميم... انا.
لينا... امااال هبات هنا ولا اي.
نسمه... كلك نظر يا دكتوره والله
تميم مسك ايد نسمه.... مفيناش من الغدر ماشي.
لينا... طيب سلام بقي خلي بالك منها.
تميم... انا عايز الي ياخد باله مني والله.
لينا خرجت وتميم قعد نسمه علي السرير.... ممكن نتفاهم ب....
راحت نسمه قطعه كلامه ببوكس في وشه اغمي عليه..... والله لربيك زين يا ابن الباشاااا هه قال نتفاهم اصبر علي ان ما عرفتك مقااامك زين مبقاااش نسمه صووووح.
يتبع
صلوا علي الحبيب محمد 🌺 ومستنيه رأيكم ♥
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق