لينا... بس هي قالتلي انها لو رجعت هتتاذي وقعدت تقول كلام مش فهماه انا خيفه لو رجعتها يحصلها حاجه واشيل زنبها.
تيمور.... امممم مفيش غير حل واحد.
لينا... قول بسرعه مستني اي!
تيمور... قربي.
لينا قربت... هاااا.
تيمور.. تتجوزيني.
لينا فسكت الفازه وكانت هتنزل بيها ولا لي راسه بس تيمور مسكها بسرعه... خلاااص خلاااص اسف.
لينا... يااااااض انت جبله.
تيمور.... ياض! انتي قلبتي من لينا لحسن البواب فجأه لي كدا.
لينا... كله منك يا بعيد كان يوم مطلعش فيه شمس يوم ما اتعرفت عليك من حظي الهباب انك مجود معايه من يوووم ما عرفتك ومشبيجي من وراك غير المصايب.
تيمور.... ياااه كل دا جواكي ومخبيه انتي حقوده علي فكره.
لينا... انا غلطااانه اني جبتك اطلع برررره براااااااه.
تيمور.... ممكن تهدي خلاص هقولك هنعمل ايه.
لينا... عظيم بيمين يا تيمور لو هزرت لهمسح بوشك بلاط الفيلا.
تيمور.... اناااااا مبتهددش يا ليناااااااا... حاضر هقولك بصي يا ستي معاكي الموبيل بتاعها!؟
لينا... اه في شنطتي.
تيمور.... امممم هي هتصحي امتي!
لينا.... نص ساعه بالكتير.
تيمور.... طيب حلو اوي اعمليلي اي حاجه اكلها اصلي واقع من الجوع انتي جبتيني علي لحم بطني عبال ما تصحي بقي.
لينا... قبل ما نغذي كرشك ممكن تفهمني ناوي علي اي!
تيمور.... بنت زي دي اكيد بتخرج وبتتسرمح كتير لو عرفنه نخليها تعرف اهلها انها في رحله او اي حاجه اكيد مش هيدورو عليها.
لينا... لما تفوق اكيد هنعرف منها نتصرف ازاي.
تيمور قرب من لينا.... طيب بقولك اي بقي عبال ما تفوق ما تيجي.
لينا بعصبيه.... اجيييي فين يااااض.
تيمور... لي بس القلبه دي انتي علطول فهماني غلط تؤ استغفر الله العظيم تعالي نروح المطبخ تعمليلي حاجه كدا من ايدك يا ستي انتي لو مش اكلتيني هكلك شخصيا.
لينا... قدااامي.
تيمور.... امممم لاء السيدات اولا.
لينا... قدااااامي.
تيمور... والله انتوا صنف خصاره فيكم ريحه الديمقراطيه.
لينا.... ملكش فيه.
تيمور خرج بزهق.. انا اي الي كلن جبني.
في الفيلا عند خيرت قاعد يرن علي رنا مبتردش.... هتكون راحت فين بس!
هياتم دخلت ليه بالشاي... اتفضل يا سيدي البيه.
خيرت... بقولك اي هي هدوم رنا في دولابها؟
هياتم... م معرفش يا سيدي البيه.
خيرت.... يعنيييي اي متعرفيش امال مشغلك هنا ليه انتي مبتفهميش.
هياتم... حقك عليا يا سيدي البيه انا هروح اشوف حاضر.
خيرت.... بسرررعه.
هياتم مشيت بخوف وبتكلم نفسها... يا وقعه مش ليها قومه اتصرف ازاااي دلوقت الله يسامحك يا ستي رنااا.
خيرت بشرب الشاي بقلق رن عليه رشدي.... الو.
رشدي... اي الاخبار يا عمي!
خيرت.... ا اخبار اي!
رشدي... رنا يا عمي رجعت ولا لسه!
خيرت.... لسه.
رشدي بعصبيه... ازاااي مرجعتش لحد دلوقتي وكمان ساااكت يا عمي.
خيرت... ممكن تكون عند واحده صحبتها.
رشدي... انا حاسس ان في حاجه غلط.
خيرت.... تكيد يعني مش هتكون هربت يااا رشدي.
رشدي... ولي لاء.
خيرت... انت عااارفانت بتقول ايه!
رشدي.. اه يا عمي بنتك بقالها كام يوم مش طيقه حد وكمان مش من عادتها تتأخر للوقت دا!
خيرت... اقفل يا رشدي وانا لما ترجع هرن عليك.
رشدي قفل وقعد علي كرسي الجنينه في بتهم.... يا ترا هي فييين!
والدته.... اول مره تقلق عليها كدا اوكي تقولي انك بتحبها بجد هههههه.
رشدي... حب اي وزفت اي دي لو جرالها حاجه مستقبلي هيضيع انا باني احلامي علي الورث الي هتورثه من ابوها البت دي اصلا معترسه معايه ومش طيقاني شاكك انها هربت.
والدته.... متقلقش اكيد هترجع.
رشدي.... نفسي افهم انتوا بتجيبوا التاكيد دا منين!
والدته.... انا هقوم انا انت شكل للتك صباحي جود نايت يا حبيب ماما.
رشدي.... جود نايت يا روحي.
اما في الفيلا عند تميم....
تميم كان نايم علي الكرسي.... انتي نمتي!؟
نسمه مغمضه عنعا وهي نايمه علي السرير.... امممم.
تميم.... نسمه انتي تعرفي يعني اي حب!؟
نسمه... لا مليش في الكلام الماسخ ده.
تميم... يعني افهم من كلامك انك محبتيش قبل كدا!
نسمه... تؤ.
تميم... طيب ممكن تحبي!
نسمه... ممكن انام علشان صدعت ادماغي.
تميم قعد علي الكرسي.... بتكلم جد.
نسمه... اللهم طولك يا روح ربنا يهديك يا تميم نام ورانا شغل الصبح.
تميم قام وقعد جمبها علي السرير.... خلاص انام هنا.
نسمه قومت بسرعه.... انت جرااا لنفوخك حاجه ولا ايه.
تميم... الله سريري انتي احتلتيه وانا بصراحه تعبت من نوم الكرسي.
نسمه.... امممم طيب نام.
تميم... عادي كدا.!
نسمه قامت.... اني هنام علي الكرسي وانت اعمل الي يريحك بس سبني اناااام.
نسمه نامت علي الكرسي وتميم اتنهد بزهق... طيب.
بعد عشر دقايق موبيل تميم رن...
نسمه.. اقفل الزفت ده دي بينها ليله ماهي معديه.
تميم كان نام ولا هو حاسس بحاجه.
نسمه قامت ومسكت النوبيل لقت تيمور فتحت عليه... ايوه يااا سي زفت ده وقت تتصل فيه.
تيمور بصدمه.... اعوذبالله.... تيمو اي الصوت ده انت اتلبست.
نسمه... انت لو منطقتش عايز اي هاجي البس في وشك.
تيمور... اي دا نسمه وانا بقول اي الدخله العنيفه دي... بصي هو في موضوع كدا كنت عايز اخد رأي تميم فيه.
نسمه... ايه هو.
تيمور.... دا بمناسبه انكم واحد وكدا!
نسمه... ايوه.
تيمور... اشطا ماشي... دلوقتي لينا خبطتت بنت الصبح بالعربيه ومن سؤ الحظ طلعت بنت خيرت بيه والبنت كانت بتقول انها هربانه قبل ما تفقد الوعي بالكامل في المستشفي وهي حاليا في الفيلا عند لينا ومش غارفين نتصرف ازاي!
نسمه..... اني جايه دلوك ايكو تتصرفوا من ادماغكم.
تيمور.... امال فين تميم!
نسمه... هجيبه واجي مش هتاخر.
نسمه قفلت وبتصحي تميم..... اصحااات لحقت اتنااام.
تميم وهو مغمض عينه... اششش متهزنيش سمعت كل حاجه بس مشقادر اتحرك.
نسمه... والله وده من ايه يا كبد امك.
تميم... في حاجه بتتحرك تحت الغطااا وخايف تطلع افعي.
نسمه شدت الغطا بسرعه.... هههه قوم قوم ده صورصار.
تميم نط بسرعه من علي السرير... هوو فين!
نسمه... البس مفيش وقت نضيعه.
تميم... استني اغير.
نسمه.... يلااا ما انت حلو اهو بالبجامه دي الفله علي خطوتين.
نسمه وتميم نزلوا بسرعه...
زينب.... استنوااااااا.
نسمه... يااا ليله بمبي.
تميم... ماما..! اي الي مصحيكي لحد دلوقتي!
زينب.. كنت راحه اشرب انتوا ريحين فين!
نسمه... راحه للينا اصل حسه بشويه تعب.
زينب..امممم طيب مش تتاخروا.
خرجوا وراحوا الفيلا عند لينا...
لينا كامت قعده بتعيط... والله ما كنت اقصد كله من البعيد ده مش بيجي من وراه غير المصايب.
تيمور.... اسكت يااا لساني.
نسمه... ابت دي لازم ترجع المستشفي وفي اسرع وقت.
تيمور... زي ما انا قولتلها والله.
لينا... يا نسمه البنت قالت انها لو رجعت هتموت كنت اسبها ترجع!
نسمه.... هي فاقت ولا لسه.
لينا... هي في اوضتي دلوقتي معرفش تعالوا اما نشوف.
طلعوا كلهم لقوا رنا مفتحه بصعوبه.
تيمور... الله دي عيونها خضره وقمر.
لينا... اتلم.
تيمور... بتغيري كنت عارف.
تميم... ودااا وقته ما تركن علي جنب كدا.
نسمه... هي هتعرف تتكلم وياي دلوقتي.
لينا شالت قناع الاكسجين.... رنا هتقدري تتكلمي!
رنا بصوت متعب... اه.
نسمه... طيب اطلعوا كلكم برا.
تميم... ليه!
نسمه... عايزه اتكلم وياها شويه لحالنا.
تيمور.... هتقولو كلام خارج طيب انا تحب اقعد اسمع.
نسمه... قولت براااااا.
تيمور... امتوا مش سمعتوااا يلا بره.
تميم خرج ولينا وتيمور قفل وراهم الباب.... خرجتهم ااااه.
نسمه شددته من هدومه وفتحت الباب وزقته لبرا وقفلت.
تميم... ههههه تستاهل دا جزاء الي يعمل مع نسمه دور العبيط.
تيمور... انااا تعمل كداا معايه انا هوريها ايدك بس علشان ظهري شد عليا.
تميم قومه... اركن علي جمب بقي ومسمعش صوتك.
تيمور... انت ازاااي تكلمني كدا.
لينا... دا مش ينفع تتكلم معاه زي البنأدمين دا هوهوله هيفهم علي طول.
تميم... اووووه انا شايف كرمتك بتبكي في الزاويه يا تيمور.
تيمور.... والله بقي كدااا ماشي انا همشي يا بتاااعت هوهو هااا ومترنيش عليا تاني ياريت لما تعملي امصيبه خليكي قدها ومش تلبسيني معاكي.
تيمور مشي....
لينا... اي دا هو زعل انا كنت بهزر.
تميم.... حرام عليكي دا انتي ورتيه النجوم في عز الظهر والراجل مستحملك ما تخفي حبه الله.
لينا... وانا مجبرتوش انه يحبني.
تميم.... عندك شاي.
اما في الاوضه كانت نسمه بتتكلم مع رنا.... متخافيش اني وياكي لازم ترجعي.
رنا... انا الموت عندي اهون ولا اني اتجوز رشدي.
نسمه... وهو هيتجوزك امتي!
رنا... بقول بعد الشغل بتاعه ما يخلص حوالي شهر كدا.
نسمه... اممم طيب تعرفي ايه الشغل الي هو بيشتغل فيه.
رنا... اه الادويه.
نسمه... احب اصححلك معلوماتك رشدي بيتاجر في الممنوعات في شحنه ادويه.
رنا بصدمه.. ازاااي دا شغل بابي اصلا.
نسمه.... مهو يا شطوره ابوكي هو الي ماسك الليله الكبيره دهيت.
رنا...وانتي بقي عرفتي ازاي.
نسمه قربت عليها بهمس... اني ضابط شرطه.
رنا..... مستحيل يكون بابي كدا!
نسمه... هتعرفي كل حاجه بنفسك بس عايزاكي اتسعديني لو عايزه الجوازه دي متمش .
رنا.... ب بس كدا بابي هيتأذي.
نسمه... يا حلوه بابي ده هو الي رماكي لرشدي وابوكي عملك ورقه بيبيع ويشتري بيها في اي هيرمي بنته الرمي دي فكري زين.
رنا.... مش هقدر.
نسمه قامت ولفت علشان تمشي.... اممم طيب لازم بقي ترجعي عن ابوكي و هبقي احضر الفرح س...
رنا... ا استني هسعدك ازاي!
نسمه ابتسمت بخبث.... اهو كدا الكلام يبقي زين.
نسمه رجعت وقعدت.... اسمعي الي هقولك عليه بالحرف والي لازم تعمليه.
نسمه... حاضر.
بعد ساعه....
كان رشدي قاعد بيتصل علي رنا وفرح اول ما ردت.... رناااا انتي فين.
رنا بتعب... انا في المستشفي.
رشدي... انتيييي كويسه.
رنا... اه شويه.
رشدي... ايه الي حصل...
رنا.. عملت حادثه بسيطه...
رشدي.. انا جاااي فوراً.
لينا قفلت الفون.... ارتاحي بقي ماشي.
رنا... حاضر.
لينا... ازاي قدرت نسمه تقنعك انك ترجعي!هو ايه الي حصل!
رنا... معلش انا تعبانه مش هقدر اتكلم.
لينا.. اه اسفه.
في الفيلا عند تميم كانت نسمه بتتسحب من الاوضه وطلعت علي السطح.... الو يا سياده الرائد.
الرائد.... ايوه يا نسمه.
نسمه... في جديدو.... وحكت نسمه عن الي حصل....
الرائد... انتي واثقه فيها؟
نسمه... ايوه نظرتي فيها متخيبش.
الرائد.... غلطي يا نسمه مكنش مفروض تعرفيها هويتك.
نسمه... انا هتحمل النتيجه علي مسؤوليتي الشخصيه يا فندم.
الرائد... تمام يا نسمه.
نسمه... تمام با فندم.
نسمه قفلت الخط ولفت علشان تنزل لقت تميم في وشها.
نسمه... اممم عايز ايه المره دي!
تميم... انتي مين!؟
💖💖💖💖💖
يتبع
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق