شوربه جمبرى بالخضار والكريمه
المقادير
جمبرى متقشر ومتنضف الضهر بتاعه
تتبيله الجمبرى الخاصه ( توم كتير وفلفل حامى وبصله صغيره وطماطمايه صغيره وملح وفلفل وكمون بسيط وكزبره بسيطه اوى وشطه وعصره ليمون ومعلقه خل)
كوبين لبن 
كوب كريمه حلويات او طبخ
٤معالق دقيق صغيرين
فلفل الوان ومشروم وذره
ملح وفلفل و شطه
زبده معلقتين
عصيره ليمون فى الاخر
الطريقه:
نتبل الجمبرى بالتتبيله ونسيبه فيها من الصبح
هاتى حله ومعلقتين زبده وانزلى بالجمبرى بالتتبيله بتاعته وشوحى الجمبرى فى السريع
انزلى بالمشروم وشوحى سريع
انزلى بالدقيق وقلبى لغايه ما الدقيق يختفى فى الزبده
انزلى بكوبين اللبن وقلبى وانزلى وسيبه ياخد غلوه
وانزلى بالفلفل الالوان والذره
وبعد كده انزلى بكوب الكريمه وظبطى ملح وفلفل
الخليط بقى كريمى جميل وطعمه تحفه
عصيره ليمون
*ملحوظات
*لو عندك رووس الجمبرى حطيها تتشوح مع الجمبرى لان طعمها اقوى حاجه فى الجمبرى وفيها البهريز كله وابقى شيليها قبل التقديم
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق