ملف كامل لصنع أكتر من 20 نوع بسكوت بالتفصيل
1- بسكوت الجوزية :
المكونات:
• 500 جرام دقيق
• 125 جرام سكر بودرة
• 250 جرام زبدة بدرجة حرارة الغرفة
• 2 بيضة
• 1 معلقة صغيرة بيكنج بودر
• 2 كيس فانيليا
• ¼ معلقة صغيرة ملح
• ½ كوب نشا
طريقة التحضير:
• في وعاء، نخلط الدقيق مع النشا والبيكنج بودر والملح.
• في وعاء تاني، نخفق الزبدة مع السكر البودرة لحد ما القوام يبقى كريمي.
• نضيف البيض والفانيليا ونخفق كويس، وبعدها نضيف خليط الدقيق تدريجيًا مع التقليب لحد ما تتكون عجينة ناعمة ومتجانسة.
• نغطي العجينة وندخلها الثلاجة لمدة 30 دقيقة علشان ترتاح.
• نشكل العجينة على هيئة كرات صغيرة ونضعها في ماكينة الجوزية، ونطهيها لحد ما تاخد لون ذهبي فاتح.
• نتركها تبرد تمامًا، وبعدها نحشيها بالنوتيلا أو المربى أو الكراميل.
• تُقدم مع القهوة أو الشاي.
🌹🌹🌹🌹🌹
- 2البسكويت التركي:
المقادير:
حوالي 5 او 6 معالق سمنة كبار
كوباية نشا كبيرة
بيضة
رشة ملح
معلقة صغيرة فانيليا
معلقة صغيرة بيكينج باودر
نصف كوباية زيت
كوباية ونصف سكر
مقدار الدقيق حوالي 3 كوبايات أو اكتر ع حسب ما العجينة تظبط معاكى يعني متبقاش مفرفته ولا تبقى طرية وماسكة نفسها
وفي الاخر هنضيف معلقة كبيرة كاكاو بس دي خلوها في الاخر خالص
طريقة التحضير:
- نحط السمنه في الطبق اللي هنعجن فيه ونضيف النشا والسكر والفانيليا و البيكينج بودر ورشة الملح ونقلب كويس لحد ما الخليط يبقى كريمي وبعدين نضيف الزيت والبيضة ونقلب كويس و بعدين نضيف الدقيق بالتدريج كده لحد ما العجينة تلم وتظبط معاكي.
- هنقسم العجين لنصفين قد بعض بالظبط وتحطي كل واحده لوحدها، واحدة هتحطى عليها معلقة الكاكاو علشان هتبقى هى الشوكولاتة والتانية هتحطي عليها معلقة دقيق علشان تبقى متساوية.
- نبدأ في تشكيل العجين ونعمل 3 كور صغيرة أبيض و3 كور صغيرة شوكولاتة ونلزقهم في بعض بحيث يكون لون ورا لون وبعدين كوريها واضغطي عليها.
- نخبزه في فرن مسخن مسبقاً على درجة حرارة 180 لمدة 10 - 15 دقيقة بدون تشغيل الشواية ممكن نشغل المروحة بس.
🌹🌹🌹🌹🌹🌹
3-بسكوت النواعم
المكونات:
• 2 كوب دقيق
• 1 كوب سكر بودرة
• 100 جرام زيت
• 1 معلقة صغيرة فانيليا
• ½ معلقة صغيرة بيكنج بودر
• ¼ معلقة صغيرة نشادر
طريقة التحضير:
• في وعاء، نخلط الدقيق، السكر البودرة، البيكنج بودر والنشادر كويس.
• في وعاء تاني، نخفق الزيت مع الفانيليا لحد ما القوام يبقى كريمي.
• نضيف خليط الزيت على خليط الدقيق ونقلب لحد ما تتكون عجينة متماسكة.
• نغطي العجينة ونتركها في التلاجة لمدة ساعة على الأقل.
• نسخن الفرن على 180 درجة مئوية.
• نفرد العجينة على سطح مرشوش بالدقيق بسمك 1 سم، ونقطعها دوائر أو أي أشكال حسب الرغبة.
• نرص البسكويت في صينية مبطنة بورق زبدة.
• نخبزه لمدة 15-20 دقيقة لحد ما ياخد لون ذهبي.
• نتركه يبرد تمامًا قبل التقديم.
🌹🌹🌹🌹🌹
4-بسكوت بالمربى:
المقادير:
• 2 كوب دقيق
• 100 جرام زبدة (بدرجة حرارة الغرفة)
• 2 معلقة كبيرة حليب
• 1 صفار بيضة
• 1 كيس فانيليا
• ½ كوب سكر بودرة
• مربى تين أو أي نوع مربى حسب الرغبة
طريقة التحضير:
• في بولة، نخلط جميع المكونات ونعجنها حتى تتشكل عجينة ناعمة.
• نلف العجينة في فيلم بلاستيك ونتركها في الثلاجة لمدة 30 دقيقة.
• نفرد العجينة على سطح مرشوش بالدقيق حتى تصبح بسُمك مناسب.
• نستخدم قطّاعة دائرية بحواف مسننة، أو نرسم خطوط بالشوكة للحصول على شكل مميز.
• نضع كمية صغيرة من المربى في منتصف كل قطعة، ثم نغلقها كما هو موضح في الصور.
• نرص البسكويت في صينية مبطنة بورق زبدة، وندخله فرن سخن على 160 درجة لمدة 30 دقيقة أو حتى يصبح ذهبيًا.
• نتركه يبرد تمامًا قبل التقديم.
🌹🌹🌹🌹🌹
5-بسكوت الشاي السريع
لمقادير:
• 2 كوب دقيق
• ½ كوب سكر
• ¾ كوب سمنة
• 1 معلقة كبيرة نشا
• 1 معلقة كبيرة كاكاو خام
• ½ معلقة صغيرة بيكنج بودر
• 2 بيضة
• 1 كيس فانيليا
• رشة ملح
طريقة التحضير:
• نخفق السمنة مع السكر بالمضرب حتى يفتح لونها.
• نضيف البيض والفانيليا ونخلط حتى يختفي البيض في الخليط.
• نضيف الدقيق، النشا، البيكنج بودر، ورشة الملح، ثم نجمع العجينة بدون عجن.
• نقسم العجينة نصفين، ونضيف على أحدهما الكاكاو مع معلقة سمنة ونخلط جيدًا.
• نشكل البسكويت بكيس حلواني بأي شكل مفضل ونرصه في صينية.
• ندخل الصينية فرن سخن مسبقًا على 180 درجة، ونخبز لمدة 12 دقيقة في الرف الأوسط.
• نرش البسكويت بالسكر البودرة حسب الرغبة، ويقدم مع الشاي أو القهوة.
🌹🌹🌹🌹🌹🌹🌹🌹
6-كوكيز للمدارس
30 قطعة كوكيز ببيضة واحدة فقط!
المقادير:
• ½ كوب سمنة أو زبدة (أو خليط منهما)
• ½ كوب سكر بودرة
• 1 بيضة بدرجة حرارة المطبخ
• 1 معلقة صغيرة فانيليا
• 1 ¾ كوب دقيق (دقيق كعك وبسكويت أو دقيق جميع الأغراض)
• 2 معلقة كبيرة كاكاو خام غير محلى
• رشة ملح
• 1 معلقة صغيرة ممسوحة بيكنج صودا
• شوكليت شيبس حسب الرغبة
طريقة التحضير:
• نخلط الزبدة (أو السمنة) مع السكر حتى يصبح القوام كريمي.
• نضيف البيضة والفانيليا ونقلب جيدًا حتى تمتزج المكونات.
• نخلط الدقيق، الكاكاو، البيكنج صودا، والملح معًا، ثم نضيفهم للخليط تدريجيًا.
• نضيف شوكليت شيبس ونقلب حتى تتوزع في العجين.
• نشكل العجينة كرات صغيرة أو حسب الرغبة، ونرصها في صينية خبز.
• ندخل الصينية فرن سخن مسبقًا على 200 درجة، ونخبز لمدة 10-15 دقيقة في الرف الأوسط.
• نترك الكوكيز يبرد قليلًا، ثم نقدمه
🌹🌹🌹🌹🌹🌹
-7 البسكوت الاقتصادي
بدون بيض أو حليب أو زبدة أو سمن! مثالي مع الشاي والقهوة 
المقادير:
• ½ كوب زيت
• ½ كوب عصير برتقال
• ½ كوب سكر بودرة
• ½ ملعقة صغيرة فانيليا
• 1 ملعقة صغيرة بيكنج بودر
• حوالي ½ كيلو دقيق (نضيفه بالتدريج حسب الحاجة)
• رشة ملح
طريقة التحضير:
• نخلط السكر مع الزيت بالمضرب اليدوي حتى يذوب السكر.
• نضيف عصير البرتقال والفانيليا ونقلب جيدًا.
• في وعاء آخر، ننخل الدقيق مع البيكنج بودر ورشة الملح.
• نضيف خليط الدقيق تدريجيًا إلى الخليط السائل، ونلم العجينة برفق دون عجن حتى تصبح طرية وغير لاصقة.
• نغطي العجينة ونتركها ترتاح 10 دقائق.
• نفرد العجينة على سطح مرشوش بالقليل من الدقيق وتكون رقيقة لأنها ستنتفخ أثناء الخبز.
• نشكلها بماكينة البسكويت أو نقطعها بالقطاعات ونخرمها بالشوكة.
• نرصها في صينية مدهونة زيت أو مبطنة بورق زبدة.
• نخبزها في فرن مسخن مسبقًا على 180 درجة، ونراقبها حتى يصبح لونها ذهبيًا (حوالي 10 دقائق).
• يمكن تشغيل الشواية لثوانٍ قليلة لإعطائها لونًا أجمل.
• نترك البسكويت يبرد تمامًا ثم نحفظه في وعاء مغلق ليظل مقرمشًا.
• يمكن تزيينه بالمربى حسب الرغبة.
🌹🌹🌹🌹🌹🌹🌹
8- بسكوت الزبدة بحبيبات السكر
المقادير:
• 2 كوب دقيق
• ½ كوب سكر بودرة
• 150 جرام زبدة طرية (بدرجة حرارة الغرفة)
• 1 بيضة
• ½ ملعقة صغيرة فانيليا
• رشة ملح
• ½ ملعقة صغيرة بيكنج بودر
• حبيبات سكر (للتزيين)
طريقة التحضير:
• في وعاء، نخلط الزبدة مع السكر البودرة جيدًا حتى يصبح الخليط كريمي وهش.
• نضيف البيضة والفانيليا ونخلط حتى تتجانس المكونات.
• ننخل الدقيق مع البيكنج بودر ورشة الملح، ثم نضيفه للخليط تدريجيًا ونقلب حتى تتكون عجينة ناعمة ومتماسكة.
• نغلف العجينة ونتركها في الثلاجة لمدة 30 دقيقة.
• نفرد العجينة على سطح مرشوش بالدقيق بسمك حوالي ½ سم، ثم نقطعها بأشكال حسب الرغبة.
• نغمس الوجه العلوي لكل قطعة في حبيبات السكر ونرصها في صينية مبطنة بورق زبدة.
• نخبز في فرن مسخن مسبقًا على 180 درجة لمدة 10-12 دقيقة أو حتى يصبح لون الحواف ذهبي فاتح.
• نتركه يبرد تمامًا قبل التقديم.
🌹🌹🌹🌹🌹🌹🌹🌹
9- بسكوت اللانكشير أو بسكوت النشا
هو حساس شويه فياريت نلتزم بالمقادير:
كوب ونص دقيق
نص كوب نشا
كوب الا ربع سمنه أو زبده
كوب الا ربع سكر بودره
بيضه كامله
نص معلقة فانيليا
رشة ملح
نص معلقة بيكينج باودر صغيره
الطريقه
نضرب السمنه في السكر كويس ننزل البيض والفانيليا
ونضرب لغاية ما تبقي كريمه
ونضيف الباودر والملح علي الدقيق وننزل الدقيق واحده واحده ونعجن.
لو عايز كاكاو هشيل نص كوب دقيق وأحط مكانه نص كوب كاكاو من غير تغيير في اي حاجه
نخلص ونحط العجبن في التلاجه ربع ساعه او اقل
نطلع ونبدأ نعمله علي شكل كوره صغيره خالص
لانه بيفرش وما نضعطش عليه في الصاج علشان هو كدا كدا هياخد الشكل لوحده اما لو ضغط هيفرش اكتر
ويكون بيعبد عن بعضه
نخلص وندخل علي حراره 200 او 190 لو الفرن عالي معاك بيستوي في خلال 10 دقايق
تعرف انه استوي لما القعر بتاعه ياخد لون أحمر اما من فوق بيكون ابيض عادي بس مش طري
نطلع من الفرن ويبرد
ونشكله زي البيتي فور حشو داخلي مش خارجي
في مقادير تانيه بس دي افضل طعم ليكم.........
🌹🌹🌹🌹🌹
10- البسكوت الفرنساوي أو ما يعرف بكيس الحلواني
المكونات
1 كيلو دقيق
600 جرام زبده
5 بيضه كامله
400 جرام سكر
200 جرام لبن
معلقة فانيليا صغيره
ربع كوب جوز الهند
معلقة برتقال بودره او ريحه برتقال
1 كيس بيكنج باودر
الطريقه
نضرب السكر في الزبده لغاية ما تبقي كريمه
ننزل البيض واحده واحده واحنا بنضرب وننزل معاه الفانيليا والبرتقال وجوز الهند ونضرب كويس
وبعد كدا نضيف اللبن ونضرب تاني لغاية ما تبقي كريمه
معانا كيلو الدقيق وكيس الباودر نقلبهم في بعض كويس وننزل الدقيق واحده واحده ونعجن ممكن ما نحتاجش الكيلو كله لو العجينه بيقيت في القوام اللي احنا عايزينه المهم انها تمشي في الكيس وتنزل من البلبله واحنا بنصب
نخلص شغل ونرفع الحراره علي 180 وندخله والحرارة عاليه
في طرق كتير في البسكوت دا بس الطريقه دي الأفضل...
🌹🌹🌹🌹🌹🌹
11- بسكويت العجوة (بسكوت المدارس)
المقادير :
1 كيلو دقيق
450 جرام زبده فيرن او مارجرين او نيوزلاندي
400 جرام سكر بودره
كوب لبن
6 بيضه كامله
معلقه صغيره فانيليا
معلقه صغيره ريحة وبرتقال
معلقه صغيره بيكينج باودر
الطريقه
نضرب الزبده والسكر ونضيف عليهم بعد الضرب البيض تدريجيا +الفانيليا +الباودر +البرتقال
نضرب كويس جدا ونننزل باللبن تدريجيا ونضرب لغاية ما تبقي كريمه
كل المكونات دي بدرجة حراره الغرفه
ننخل الدقيق مع البيكيج باودر وننزل الدقيق تدريجيا
ملحوظه لازم البسكوت دا يكون طري شويه مش شديد زي بسكوت المقادير لا طري علشان يتمدد معايا
نخلص عجين ونسيب العجينه ربع ساعه
#الحشو
العجوه حضر كيلو عجوه معاه معلقه قرفه كبيره
وانت لازم العجوه تكون طريه ممكن تضيف عليها شويه لبن المهم تكون طريه ليه ؟
علشان لو جامده هتضرب في العجين والبسكوت هيشقق
كل حاجه دلوقت جاهره هنشتغل
هناخد حته من العجين ونفردها بالايد عرض مثلا ٧سم طول ٣٠سم
ونعمل العجوه رول زي ما في الصوره
ونحطها في قلب عجينة البسكوت المفروده ونقفل عليها براحه
هنجيب معلقه ونعلم في رول البسكوت زي ما في الصوره نضغط براحه
ونقطع الحجم اللي احنا عايزينه ونحط في الصاج
ممكن نلمع وشها بلبن وممكن لا انت مخير
نخلص والعجين يريح 10 دقايق
ونولع الحراره علي 190 الحراره توصل وندخل الفرن.
🌹🌹🌹🌹🌹🌹🌹
12- البيتي فور :
من اولها كدا زودت حاجه أو قللت حاجه هتظهر معاك في الشكل والملمس والطعم
المقادير
1 كيلو دقيق. 6 كوب دقيق
700 جرام زبده 3 كوب زبده فرن او نيوزلاندي
250 جرام سكر. 1 ونص كوب سكر بودره
6 صفار بيص
معلقة فانيليا
نص معلقة بيكينج باودر صغيره
عايزين تغيروا حاجه في المقادير اسألوني علشان تنجح معاكم
#الطريقه
هنضرب الزبده مع السكر كويس لغاية ما نبقي كلها كريمه
ننزل البيض والفانيليا وننضرب كويس لغاية ما تبقي كريمه اخف
نضيف البيكينج باودر مع الدقيق ونقلبهم علي بعض كويس ونبدا ننزل الدقيق علي مرتين مثلا
المهم بقا واحنا بنضرب ما نضربش كتير علشان العجينه ما تاخدش عرق منك وتتعبك وتتعبنا معاك
نخلص ضرب ونجهز كيس الحلواني
ونصب بللبله صغيره شويه علشان لسه العجينه هتفرش علي بسيط الفرش العادي يعني
نخلص والفرن يكون شغال علي حراره 160
ندخل الفرن ونسيبه 25 دقيقه
انت بقا ما تنامش جنب الفرن تابع برضو مع الفرن ممكن تستوي قبل كدا
ياخد لونه الدهبي تطلع ويكون طبعا ناشف
يبرد وشكل فيه زي ما انت عايز العجينه دي تستحمل معاك اي اختراع
الناس اللي مش بتحب البيض تحط 100 جرام لبن...
🌹🌹🌹🌹🌹🌹🌹🌹
13- البرازق :
العجينه دي تنفع للبسكويت وكمان تنفع للكوكيز
نص كيلوا زبده فيرن وممكن نضيف سمنه معاها
نص كيلوا سكر ابيض ناعم
3 بيضه كامله
رشه فانيليا
ريحة برتقال
معلقة بيكينج باودر كبيره او نص كيس صغير
100 جرام لبن وممكن بدون لبن
2 كيلو دقيق
هنضرب الزبده مع السكر كويس جدا
بعد كدا نضيف البيض والفانيليا وريحة البرتقال ونضرب كويس
بعد كدا نضيف اللبن لو عايزين نضيف لبن وممكن من غير لبن عادي
بعد كدا نضيف الباودر علي الدقيق ونضيف الدقيق شويه شويه لغاية ما العجينه تتماسك المهم تكون العجينه طريه شويه علشان ما تشققش في اللقمه
نعمل من العجين قطع صغيره زي الكور كدا ونحطها في السمسم بالعسل ونضغط عليها علشان تتفرد بعد كدا نحطها في الصاج بتاع الشغل درجة الحرارة 175 وتطلع وهيا طرية شويه كدا كدا هتشد بره بس مش طريه اوي
الحشو سمسم علي عسل اسود ومكسرات ممكن من غير مكسرات عادي. وممكن عسل جليكوز وسمسم فقط....
🌹🌹🌹🌹🌹🌹🌹
14- السابيله :
المقادير
4 كوب دقيق
2 كوب زبده فيرن او نيوزلاندي
1 كوب إلا ربع كوب سكر بودره
رشة ملح
2 بيضه كامله كامله
فانيليا
الطريقه
نضرب السمنه في السكر كويس جدا لغاية ما تبقي كريمه
ننزل البيض والملح والفانيليا عليهم ونضرب لغاية ما تبقي كريمه سايله شويه
ننزل الدقيق ونشغل المضرب علي سرعه عاديه نلم بس العجين
نطلع العجبنه ونحطها في كيس وفي التلاجه ربع ساعه
نطلعها ونحضر كيس سلوفان كبير ونحط طبقة كيس تحت العجينه وطبقه فوق العجينه ونفرد
بالنشابه بالطول والعرض المهم يبقي سمها حوالي
نص سم تريح شويه
ونطقع بالأشكال اللي معانا وناخد الشكل ونرص في الصنيه القطع يكون زوجي مش فردي
نسيبها تريح قبل ما تدخل الفرن نص ساعه
وندخل علي حراره 170 ممكن تاخد 15 دقيقه انت تابع مع الفرن لغاية ما تستوي
نطلع وتبرد خالص بعد كدا نشكل زي ما احنا عايزين
اهم حاجه الحشو اللي في النص ليكون مربي
ملاحظة:
لو عايز مقدار وزن هيكون
400 جرام دقيق
200 جرام سمنه
100 جرام سكر
بيضه
فانيليا
ممكن نزود سمنه او نقلل. اه
🌹🌹🌹🌹🌹
15- كوكيز الشوكولاتة :
الطريقه دي سهله جدا وسريعه وأي حد يقدر يعملها يعملها
المقادير
3 كوب دقيق
كوب ونص سكر
كوب ونص زبده فيرن أو نيوزلاندي
3 معلقه كبيره كاكاو خام
فانيليا رشة ملح
كوب شوكليت شيبس
3 بيضه
نص معلقه بيكينج باودر
الطريقه
نضرب السكر في الزبده كويس
نضيف عليهم الكاكاو ونضرب كويس
نضيف البيض والفانيليا لغاية ما تبقي كريمه
ننخل الدقيق علي الملح والبيكينج باودر
نضيفهم تدريجًا ونعجن المهم العجينه هنا مش طريه ولا سايله بتكون سهل انك بشكلها ولا جامده ولا طريه
العجينه تريح خمس 10 دقايق
وتبدأ تلفها بإيدك كور صغيره او علي حسب الحجم الي انت عايزه زي ما موجود في الصوره
تخلص رص وتضغط بإيدك علي الكور وتخليها مدوده زي الصوره
نضيف علي الوش الشيبس بتاعك وتضغط عليه علشان يلزق زي الصوره
تخلص وتدخل علي حراره 180 بيقعد من 12 ل 15 دقيقه حسب الحجم بتاعك
اللي عايز يشتغل بسمنه بدل الزبده عادي
🌹🌹🌹🌹🌹🌹🌹
16- كونو بسكويت ::
المقادير :
للعجين.
2 بيضة
1 كوب زبادي
نصف كوب زيت ،
نصف كوب سكر
1 ملعقه بيكنج بودر
1 ملعقه فانيليا
4،5- 5 أكواب من الطحين
للكاسترد ؛
1 لتر حليب
1 كوب دقيق
1 كوب سكر
1 بيضة
1 ملعقة فانيليا
1 ملعقة كبيرة زبدة.
موز اختياري ، فراولة ، قطرة شوكولاتة.
ل التزيين.
الفول السوداني .
سكر بودره.
طريقة التحضير :
أولاً ، نعجن عجينة ناعمة لا تلتصق باليد عن طريق أخذ جميع المكونات العجين ، دعها ترتاح لمدة 15-20 دقيقة ونقسمها إلى قسمين ، ونقطع العجين بسمك 2 سم ، ونفتح العجين الكبير ونقطع شرائط طويلة بمساعدة السكين ، بدءًا من أعلى المخروط ، متداخلة قليلاً إلى الأسفل. نلفها ونستمر في هذه العملية حتى تنفد العجينة ونخبزها في فرن محمى على حرارة 180 درجة حتى يصبح لونها بني فاتح لمدة 15-20 دقيقة. نخرج المخروط من القالب ونتركه يبرد ،
الكاستر : نضع جميع المكونات في وعاء ، نخلطه حتى يغلي ، نتركه يدفئ قليلاً ، ثم نملأ المخاريط بالكريمة و نضيف الفستق في نهاية المخروط اخترت الفستق كديكور ، يمكنك تزيينه بالحلوى بجوز الهند ، البندق ، الزينة الملونة. نرشها بالسكر البودرة الخفيف ونقدمها.....
🌹🌹🌹🌹🌹🌹🌹
17- بسكويت الوردة:
المقادير:
١ كوب زبدة طرية
٢ كوب دقيق
٣ معالق نشا كبار
٣/٤ كوب سكر بودرة منخول
٢ صفار بيض
رشة ملح
٢ كيس فانيليا
نصف كوب كاكاو
الطريقة:
نضرب الزبدة مع السكر البودرة المنخول كويس جدا بالمضرب الكهربائي لحد ما تبقي كريمي وننزل صفار البيض والفانيليا ونحط المكونات الجافة كلها مع بعض اللي هي الدقيق والنشا ورشة الملح ونقلبهم مع بعض وننزلهم علي الخليط اللي ضربناه ونعجن بايدينا لحد ما تلم ونشكلها نعمل الخليط كلوا كور صغيرة خالص ونشكلها شكل الوردة بنحط كورة فانيليا في النصف وحواليها كور اللي بالشيكولاتة والعكس
لعمل خليط الشيكولاتة بنشيل من الكوب ونصف دقيق نصف كوب ونحط مكانوا نصف كوب الكاكاو ونكمل بباقي الطريقة.
وندخلها الفرن علي درجة حرارة ١٦٠ لحد ما يبقي لونوا دهبي او يستوي وبيقعد مش اكتر من ثلث ساعة حسب الفرن ...
🌹🌹🌹🌹🌹🌹🌹
18- بسكويت البرتقال::
المقادير:
4 كوب كبير دقيق (800 جرام )
كوبين ونصف زبدة بارده (400 جرام)
كوب سكر بودره (200 جرام)
5 بيضات
معلقة صغيرة فانيليا
معلقة صغيرة ملح
معلقة صغيرة بيكينج بودر
بشر برتقاله
كوب عصير برتقال (200 مل)
طريقة التحضير:
- نخفق الزبدة مع السكر لحد ما الخليط يبقى كريمي وبعدين نضيف البيض والفانيليا ونخفقهم مع بعض كويس.
- في طبق كبير او بوله نضيف الدقيق وبشر البرتقاله مع الملح ونخلطهم مع بعض ونضيفهم على الخليط السابق وبعدين نضيف عصير البرتقال ونخفقهم مع بعض لحد ما نحصل على عجينة طرية.
- نشكلها باستخدام كيس الحلواني على هيئة اصابع ونرصها في صينيه مدهونه زيت بسيط وندخلها الفرن على 180 درجه لمدة 25 دقیقة
ملحوظه مهمه: لو هنستخدم ماكينة البسكويت هنزود کوب دقيق على الخليط السابق ولازم ندخل العجينة الثلاجه لمدة نصف ساعه تاخد تبريد بحيث تكون العجينة متماسكة اكتر من اللي بتتقطع بكيس الحلواني.
🌹🌹🌹🌹🌹🌹
-19 بسكويت بيسكريم:
المقادير:
نصف كوب زبدة
نصف كوب سكر بودرة
ربع كوب زيت
بيضة
رشة فانيليا
كوب وربع دقيق
ربع كوب نشا
معلقة صغيرة بيكينج بودر
رشة ملح
نوتيلا للحشو
طريقة التحضير:
- نضرب الزبدة مع السكر البودر لحد ما القوام يبقى كريمي وبعدين ننزل عليهم بالزيت ونضرب كويس وبعدين نضيف البيضة والفانيليا ونضرب وبعدين نضيف الدقيق بالتدريج بكوبايه وربع دقيق بالتدريج عليهم ربع كوب نشا ومعلقه صغيره ممسوحة بيكينج بودر ورشه ملح.
- نعجن كويس لحد ما العجينة تبقى ناعمة تلم معانا وتبقى سهلة التشكيل.
ناخد قطعة من العجين في ايدينا ونكشلها المهم العجينه متكونش بتشقق وناعمة.
- نشكل باقي العجين كور نفس الحجم ممكن نشكلهم بأي قطاعة عندنا عشان يبقوا نفس الحجم.
- نفرد كل كورة ونحشيها ونوتيلا وبلاش نكتر كمية النوتيلا عشان متبوظش العجينة، نقفلها بالراحة ونكورها تاني ونبططيها بالراحه.
- نجيب صينية وندهنها زيت بسيط ونرصهم وبالسكينة نشكلها زي ما نحب بالراحة من فوق او نسيبها من غير تشكيل عادي.
- ندخله فرن سخن على درجة حرارة 180 لمدة 12 - 15 دقيقة.
🌹🌹🌹🌹🌹🌹
20-بسكوت الشوفان::
كوبيتين شوفان مطحون نص طحنه
وحطيت كوبايه ونص دقيق دره او قمح او اسمر او دقيق عادي
رشه ملح
وكيس بيكنج بودر
في الخلاط
بيضه
وڤانليا
معلقتين كبار زبده ومعلقتين زيت
ومعلقه كبيره عسل اسود او ابيض وحطيت اربع معالق سكر
قرفه اختياري مش شرط
نزلي المكونات علي المكوانات الجافه واعجنيهم
لو احتاجت سوايل حطي لبن ولو محتاجه تتلم زودي دقيق ولميها علشان تتماسك وتكون بتتشكل مش بتلزق
افرديهم بين ورق الزبده وقطعيهم ورصيهم علي ورق زبده في صنيه وبتقعد في الفرن علي ١٨٠ لمده ١٥ دقيقه او لما تاخد لون من تحت اطفي وشغلي الشوايه تاخد لون من فوق
🌹🌹🌹🌹🌹🌹🌹
21- بسكوت القهوة ::
نص كوبايه سكر بودره ولو عايزه مسكر اكتر زودي سكر عادي بس اهم حاجه يكون بودره
وبعد كده نص كوبايه زيت ومعلقه ذبده
وبعدين بيضه او بيضين حسب ما انتي عايزه تزودي او تنقصي ف الكميه
وكيس فانيليا
وكيسين نسكافيه بلاك
ومعلقتين كاكاو خام
وربع معلقه بكينج بودر
وبعدين الدقيق حسب ما العجينه تلم معاكي
الطريقه بقاا..
حطي السكر والزيت ومعلقه الذبده وقلبيه وبعدين حطي البيض والفانيليا وقلبيه وبعدين حطي النسكافيه بلاك وقلبيه وحطي الكاكاو والبيكنج بودر وبعدين زودي الدقيق شويه شويه لحد ما العجينه تلم معاكي
طريقه التسويه .. صنيه مدهونه زيت ورصيه ..سخني الفرن قبلها ويدخل ع درجه حراره متوسطه.
🌹🌹🌹🌹🌹🌹🌹🌹🌹
22 -الشوكولاتة المحشي بالكريمة::
المقادير:
200 جرام دقيق (كوب و ثلث)
50 جرام كاكاو خام غير محلى (ثلث كوب)
75 جرام نشا (نصف كوب)
نصف معلقة صغيرة ملح
3/4 معلقة صغيرة بيكنج باودر
150 جرام سكر بودرة ( 1 كوب)
75 جرام سمنة (ثلث كوب)
2 معلقة كبيرة زيت (25 جرام)
بيضة
نصف ملعقة صغيرة فانيليا
4 ملعقة كبيرة حليب أو أكثر بحسب حاجة العجينة
للحشو:
3/4 كوب أو أكثر سكر بودرة
معلقة كبيرة مليئة حليب باودر (25 جرام)
نصف معلقة صغيرة فانيليا
عصير نصف ليمونة
قليل من الماء
طريقة التحضير:
- في طبق العجن نلخط الدقيق مع الكاكاو والنشا والملح والبيكنج بودر والسكر البودرة ونقلب كويس جدا.
ـ- نضيف السمنة مع الزيت على النار بحيث تسيح السمنة فقط و لا تترك حتى تسخن .
- تضاف السمنة الى خليط الدقيق و الكاكاو و تفرك باليد حتى تتداخل السمنة تماما مع خليط الدقيق و يصبح القوام مثل الرمل .
- تضاف البيضة و الفانيليا و يعجن الخليط خفيف باليد ، و بعد ان تختفي البيضة يضاف الحليب تدريجي مع العجن حتى تتكتل العجينة و تصبح طرية و متماسكة مع مراعاة عدم عجنها أكثر من اللازم .
- تبطط العجينة و تفرد باليد على شكل مستطيل بارتفاع 1سم على كلينج فيلم او نايلون او ورق زبدة و تغطى جيدا و توضع في الثلاجة لمدة ساعة .
- بعد كده نحط العجينة على ورقة زبدة و يوضع فوقها ورقة زبدة و تفرد باستخدام المردنة أو النشابة بارتفاع 2 مللي .
- تقطع العجينة إلى مربعات أو مستطيلات باستخدام قطاعة أو باستخدام السكينة كما يمكن تقطيعها إلى دوائر حسب الرغبة و لكنها تستغرق وقت و مجهود اكبر في التقطيع في حالة تقطيعها إلى دوائر .
- باستخدام شوكة طعام يتم عمل ثقوب بشكل منتظم في قطع البسكويت .
- يجهز صاج أو صينية و يفرش في قاعدتها ورق زبدة و ترص قطع البسكويت في الصينية .
- يوضع البسكويت في فرن ساخن على درجة حرارة 180 مئوية و تستغرق التسوية 20 دقيقة أو على حسب الفرن المستخدم ، و بعد التسوية مباشرة يكون البسكويت طري قليلا و هو ساخن و بعد ان يبرد يصبح مقرمش .
- يترك البسكويت ليبرد تماما و في هذا الوقت يجهز الحشو بخلط السكر المطحون مع الحليب الباودر و الفانيليا و عصير الليمون و القليل من الماء و يتم تقليب الخليط و عجنه باليد حتى يصبح عجينة يمكن تشكيلها باليد ، و يجب مراعاة ان تكون كمية الماء المضافة في البداية قليلة جدا ، و اذا كان قوام الحشو سائل نسبيا و غير متماسك فلا مشكلة في ذلك ، فقط يتم اضافة سكر مطحون اضافي بشكل تدريجي مع العجن حتى الوصول إلى القوام المطلوب .
- بمجرد الانتهاء من الحشو يتم تغطيته حتى لاينشف ، ثم تؤخذ قطعة مناسبة منه و تشكل باليد بنفس شكل قطعة البسكوت و بمقاس اقل قليلا ، ثم يوضع الحشو على قطعة من البسكويت ثم يغطى بقطعة أخرى مع الضغط بخفة حتى لا يتكسر البسكويت .
- يحفظ البسكويت في وعاء أو علبة محكمة الغلق و بيكون صالح لأيام عديدة .
- في حالة الرغبة في الحصول على طعم أخف للكاكاو في البسكويت يتم تقليل كميته فبدلا من اضافة 50 جرام كاكاو يتم اضافة 35 جرام أو ربع كوب,,,
🌹🌹🌹🌹🌹🌹🌹🌹
23- بسكويت مغطى بالشوكولاتة ::
المقادير:
كوب زبدة باردة ( 250 جرام )
كوب الا ربع سكر بودرة (125 جرام)
ربع كوب زيت
بيضة
رشة فانيليا
2 معلقة كبيرة عسل اسود
2 كوب ونصف لـ 3 كوب دقيق منخول حسب ما نحتاج
2 معلقة كبيرة نشا
نصف معلقة صغيرة بيكينج بودر
طريقة التحضير:
- نضرب الزبدة مع السكر البودرة لمدة 5 دقايق بالمضرب الكهربائي وبعدين نضيف الزيت والبيضة والفانيليا والعسل الاسود ونضربهم لحد ما نحصل على قوام كريمي.
- نضيف المواد الجافة بعد ماننخلها ويادوب نلم العجينة باطراف ايدينا بلاش نعجن عشان ماينشفش مننا.
- بعد ما نحصل على عجينة ناعمة وطرية هنفردها بين ورقتين زبده بسمك 2 ملل ونحطها على ورق زبده بعد ما نقطعها.
- نخبزه على درجه حراره 180 لمدة 10 - 15 دقيقة لحد ما ياخد لون من تحت.
- نسيح شوكولاتة في حمام مائي او في الميكرويف
- نحط في النص مربى او نوتيلا ونلزق كل اتنين مع بعض ونغطسها في الشوكولاتة اللي سيحناها ونرصهم على ورق زبدة لحد ما يبردوا.
🌹🌹🌹🌹🌹🌹🌹🌹🌹
24-بسكويت المادلين::
المقادير:
4 حبة بيض
1 كوب سكر
2 ملعقة كبيرة فانيليا سايلة
نصف معلقة صغيرة ملح
2 كوب دقيق
كوب وربع زبدة
سكر ناعم
شوكولاتة مذابة
طريقة التحضير :
- نخفق البيض مع السكر لحد ما تحصلي على خليط كريمي وبعدين نضيف الملح والفانيليا.
- نضيف الدقيق بالتدريج على الخليط السابق وبعدين نضيف الزبدة ونخفق مرة كمان.
- نوزع الخليط في صينية بسكويت المادلين مدهونة بقليل من الزيت ونحط الصينية في فرن حامي على درجة حرارة 180 لمدة 10 – 15 دقيقة أو لحد ما البسكويت ياخد لون ذهبي.
- نخلي البسكويت يبرد شوية وبعدين نرفعه من الصينية ونسيبه يبرد على رف التبريد الشبكي وممكن نضيف إلى البسكويت الشوكولاتة المذابة أو السكر البودرة.
🌹🌹🌹🌹🌹🌹🌹
25-بسكويت اليانسون::
المقادير:
• 3 أكواب دقيق أبيض
• 1 كوب زيت نباتي
• 1 كوب سكر أبيض
• ¼ كوب حليب
• 2 بيضة
• 2 معلقة كبيرة حبوب يانسون
• رشة ملح
• 1 معلقة صغيرة فانيليا
• ½ معلقة كبيرة بيكنج بودر
طريقة التحضير:
• في بولة، نخلط الدقيق مع اليانسون والملح والبيكنج بودر ونتركه جانبًا.
• في وعاء آخر، نخفق السكر مع الزيت، ثم نضيف البيض، الفانيليا والحليب، ونواصل الخفق حتى تتجانس المكونات.
• نضيف الخليط السائل إلى خليط الدقيق ونقلب بمضرب يدوي لحد ما يختفي الدقيق ونحصل على قوام سميك.
• نصب العجينة في صينية مدهونة ومرشوشة بالدقيق.
• ندخل الصينية فرن سخن على 180 درجة لمدة 15 دقيقة، ثم نختبر النضج.
• بعد خروجه من الفرن، نتركه يهدأ ثم نقطعه إلى قطع طولية.
• نرص القطع في صينية منخفضة الحواف ونعيدها للفرن لمدة 3 دقائق بس، لحد ما يبقى مقرمش من غير ما يتحرق.
• نتركه يبرد تمامًا، ثم نحفظه في علبة محكمة الغلق.
🌹🌹🌹🌹🌹🌹
26-بسكوت العشر دقائق السريع::
المكونات:
• 3 كوب دقيق
• 1 كوب سكر بودرة
• 3 بيضات
• ½ كوب زبدة طرية
• ½ كوب زيت
• ½ كوب حليب
• 1 معلقة صغيرة بيكنج بودر
• 1 كيس فانيليا
• رشة ملح
• 1 معلقة كبيرة كاكاو خام (اختياري للنكهة)
طريقة التحضير:
• نخفق البيض مع السكر البودرة لحد ما الخليط يفتح لونه.
• نضيف الزيت، الزبدة والفانيليا ونقلب كويس.
• نضيف الدقيق، البيكنج بودر، رشة الملح ونقلب بمعلقة بس من غير عجن.
• نكور العجينة لكرات صغيرة ونرصها في صينية مبطنة بورق زبدة.
• ندخلها فرن سخن على 170 درجة لمدة 10 دقائق أو لحد ما تاخد لون ذهبي فاتح.
• نسيبها تبرد تمامًا، ثم نقدمها مع القهوة أو الشاي.
🌹🌹🌹🌹🌹🌹🌹🌹
27-بسكوت الزبدة الفاخر::
المكونات:
• 3 كوب دقيق (500 جرام)
• 1 معلقة كبيرة بيكنج بودر
• ¼ معلقة صغيرة ملح
• 1 ½ كوب زبدة باردة مكعبات (300 جرام)
• ¾ كوب سكر بودرة (150 جرام)
• ¼ معلقة صغيرة فانيليا
• 2 بيضة بدرجة حرارة الغرفة
طريقة التحضير:
• في وعاء، نخفق الزبدة مع السكر البودرة بالمضرب الكهربائي لحد ما القوام يبقى كريمي وناعم.
• نضيف بيضة ونخفق لحد ما تختفي، ثم نضيف البيضة الثانية والفانيليا ونخفق لحد ما الخليط يبقى هش وكريمي.
• في وعاء تاني، نخلط الدقيق مع البيكنج بودر والملح، وبعدها نضيفهم لخليط الزبدة ونقلب بالمعلقة أو بإيدينا لحد ما تتلم العجينة، لكن من غير عجن كتير عشان تفضل طرية.
• نغطي العجينة وندخلها الثلاجة لمدة 30 دقيقة.
• نطلع العجينة ونفردها بالنشابة بين ورقتين زبدة، ونراعي إن السمك يكون متوسط.
• نقطع العجينة بالقطاعات أو نكورها ونضغط عليها بكف الإيد.
• نرص البسكويت في صينية مبطنة بورق زبدة، وندهن الوجه ببياض البيض المخفوق مع الفانيليا، ونرش عليه حبيبات سكر.
• ندخل الصينية فرن سخن على 180 درجة لمدة 10-13 دقيقة، لحد ما يحمر من تحت، ثم نشغل الشواية من فوق لحد ما ياخد لون ذهبي فاتح.
• نطلعه ونسيبه يبرد تمامًا قبل ما نحفظه في علبة محكمة الغلق عشان يحافظ على قرمشته.
💗💗💗💗💗💗💗💗
تمت
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق