تيمور.. امشي ورا الي هقولهولك وصدقني هتحبك.
تميم.. انا كدا ضمنت انها هتطفش مني.
تيمور.... اخص عليك بتشك في قدراتي دا انا همشيك في طريق كله نور.
تميم... الي يمشي ورا طريقك دا يا تيمور مش هيبقي اخره نور هيبقي مستقبلي وهو بيولع.
تيمور... اسمع مني وصدقني مش هتندم.
تميم... اعمل اي طيب.
تيمور... اول حاجه لازم تسبل تفضل تبص ليها يعني
تميم برق بعينه... كداااا.
تيمور.... خضتني يا تميم انت كدا هطفشها بص وتعلم.
تميم.... اه افتح بس بحنيه.
تيمور.... اه يا عم... تاني حاجه بقي تجبلها بوكيه مش ورد تؤ تؤ.
تميم... مش ورد هو البوقيه اصلا ايه غير ورد.
تيمور... اهي دي التركايه بقي المهمه ركز معايه هااااا تجيب بوكيه شكولاته البنات تعز الشكلاته والي جايبها هي ممكن تاخد الشكولاته وتسيبك انت شخصياً بس مش مهم خلينا متفائلين.
تميم.... ربنا يستر.
تيمور... تالت حاجه الشياك خليك واد شيك في نفسك نش تقابلها ببدله انت مش رايح ميتنج هتقابل فيه حسين وابراهيم روح كاجول بنطلون ابيض كلم قميص اسمر اي حاجه شيك جاحده هتجيب معاهم سكه.
تميم... اوكاي دي انا فهمتها.
تيمور... والي فااات.
تميم... متركزش معايه اوي علشان هتتعب وكمل.
تيمور... طيب ادخل ليها دخلت خطاف القلوب وقعد علي ركبك وقولها وانت مسبل.
تميم... هعمل مكس او خطوه مع دي.
تيمور... جدع برااافو عليك كدا انت مركز وقولها بصوت حونين... انتي في قلبي الاساس والباقي شنط وكياس.
تميم... اييي يا عم هو انا هروح اشقطها من علي المحور انت جيت في الاخر وهتعك ولا اي!
تيمور... اممممم قولها قلبي اختارك تكوني شريكه حياتي يا كل حياتي.
تميم... مش حاسسها.
تيمو.... يا عم قولها الي تحسه متقرفنيش معاك.
تميم... متتعصبش عليا انا بمر بايام اسوء من صورتي في البطاقه.
تيمور.... والله لست وحدك ايييح امتي بقي لينا تحن عليا وانول الرضا.
تميم... يا تيمور لينا عدت بمواقف صعبه وابي شافته من انفصال والدها عن والدتها والظروف الي مرت بيها طبيعي قلبها يكون قاسي وتكره الارتباط.
تيمور... والله بحبها بجد.
تميم... معلش.
تيمور.... انا لازم اخد موقف.
تميم.... اي رئيك تعزمها علي العشا في وقت رومنتيكي كدا.
تيمور.... رومنتيكي لينا سرنجه تتعزم علي عشا رومنتيكي مضحكنيش وانا بأس لو سمحت.
تميم.... جرب مش هتخسر حاجه.
تيمور.... اوكاي بس هي توافق اصل انا وهي قفشين مع بعض اليومين دول وكل واحد عايز يجيب اجل التاني
تميم... ربنا يسهل
تيمور... قول ربنا يستر.
تميم.... تفتكر نسمه هتقبل انها ترجع معايه ونكمل مع بعض.
تيمور.... الصراحه لاء.
تميم وقف وشد تيمور من هدومه... بقي انت عملي فيها ابله نظيره ومدوخني وهتجي معاااك سكه يا تميم واسمع نصيحي وفي الاخر تقولي لاااء.
تيمور... انا قولت اه بس محلفتش.
تميم... الله يخربيت اليوم الي عرفتك فيه يا اخي.
تيمور... حبيب اخووك.
لينا بتنادي عليهم.... يلااااا تعالوا عملنا عصير.
تيمور... جايلك يا لوليتا.
تميم.... يااارب الهمني الصبر علي ام الصحبيه دي
تميم دخل وقعد معاهم.
زينب... والله رغم اني مكنتش طيقاهااا البنت نسمه دي الي اني حسه البيت فاضي من غيرها.
لينا.... وانا والله يا طنط حبتها اوي.
تيمور...وانا كنت بقول عنيغه لي اتاريها طلعت ضابطه بقي وكدا والله تستاهلك يا تميم.
حمزه... انت خلاص هتبعتلها ورقه الطلاق يل تميم!
تميم... بحبها.
كلهم اندهشوا.... بتحبها!
تيمور... ينهااار ابيض.
تميم... انت مندهش لي ما انت عارف!
تيمور.... انا قولت اعمل زيهم.
لينا... هي سويقه... وازاي مش تقولي يا تيموور.
تيمور... يا بنتي انا لسه عارف من دقيقتين.
زينب... وهتعمل ايه!
تميم... هروحلها البلد بكره وهتكلم معاها وان شاء الله ترجع معايه.
حمزه.. ياااه اخيرا حبيت بجد يا تميم وهنفرح.
تميم... بس الفرحه مش هتكمل غير بموافقه نسمه يا بابا.
حمزه.. ان شاء الله توافق.
تميم... ان شاء الله.
تيمور... لينا تعالي عايزك.
لينا... لي.
تيمور.. طيب يا جماعه مطر امشيانا ولينا... وانت نكون مع بعض الوهات بقي تيكير يا صحبي.
لينا خرجت مع تيمور... عن اذنكم يا جماعه.
خرجو بره الفيلا خالص...
لينا... نعم.
تيمور... نعم.. الله ينعم عليكيتعرفي بحبك اكتر وانتي مطيعه.
لينا.. لا انجز في يومك دااا وقول عايز اي!.
تيمور.... انا عازمك علي العشا النهارده احممم موافقه!
لينا..امممم سبني افكر.
تيمور بعد ثانيتين.... ها فكرتي.
لينا... هههههه اه موافقه.
تيمور... اشطا هعدي عليكي الساعه 8 باليل تكوني جاهزه اوكاي.
لينا... اوكاي باي.
تيمور... باي....
لينا مشيت وبتبص وراها لقت تيمور قاعد ينط من الفرحه.... ههههه مجنون.
عدا الوقت والدقايق بقت ساعات وكان تميم قاعد في اوضته في البلكونه.... يا تري بتحبيني يا نسمه زي ما بحبك وهتوفقي ترجعي معايه ونبني حياتنا سوا!
اما نسمه فكانت قاعده في العربيه جمب الشباك بتكلم نفسها.... زعلانه ليه يا بت قال يعني هو هيحبك هه انتي محدش بيطيفك اهناك اصلا تلاقيهم عملين حفله ولا امه هترقص علي وحده ونص هههه ااااه انسيهم بقي خلاص انتي هتطلقي وترجعي لشغلك وبس.
السواق... يااا هانم.
نسمه... هااا.
السواق... وصلنا يا هانم.
نسمه... اه تمام.
نسمه دفعتله الفلوس ونزلت دخلت بيت صعيدي جميل...
رشدي والدها استقبلها.... يا اهلا وسهلا واني بقول البيت ماله نور ليه.
نسمه اخدت والدها بالحضن..... ده علشان انت فيه بي يا اباه.
اختها الصغيره.... نثمه جت نثمه جت.
نسمه شالتها... يا قلب نثمه من جوه ههههه.
اختها.. جبتيلي حاجه حلوه.
نسمه... اومال اي هو اني اقدر مجبلكيش.
رشدي... تعالي ارتاحي وقوليلي هتعملي ايه مع تميم.
نسمه.. هيبعتلي ورقه الطلاق.
رشدي... اباااي عليكي يبقي طلعتي عفريتك عليهم.
نسمه... ههههه مبقاش بتك نسمه لو معملتش كدهو بس احنا متفقين علي اكده من لول.
رشدي.... طيب يا بتي روحي ارتاحي انتي شكلك همدانه.
نسمه.. قويي والله تصبح علي خير اني هنام مش هقدر اقعد حتي.
رشدي... وانتي من اهل الخير.
اختها..اثتني فين الحاجه الحلوه.
نسمه... يا بت الزنانه مش هتحلي عن نفوخي واصل اني خابره.
اختها... هتجيبي بقي ولا اعيط.
نسمه.. هي شكلها اكده مفهاش رااااحه تعالي يا مقصوفه الرقبه وحاتي الشنطه ديت.
اما قدام فيلاه لينا كان تيمور مستني في العربيه.... اي دااا كله الساعه بقت 8 ونص ولسه بتجهز نفسها لا انا كدا هطلع اجبهااا.
لينا خرجت بفستان شيك في فصوص من اللؤلؤ دخلت وقعدت في العربيه... شفت جيت بدري ازاي محبتش ارزل عليك واتأخر.
تيمور.... كدا متاخرتيش امال لو اتاخرتي كنتي عملتي اي!
لينا... والله تصدق انا غلطااانه انب وافقت اخرج معاك اصلااا.
تيمور... بس اي الشياكه دي شكللي هتخانق النهارظه مع ناس كتير بسببك.
لينا... لي دا بجد انا حلوه.
تيمور.... انتي في كل حلاتك بشوفك ست الكل وملك جمال قلبي.
لينا.. اتلم يا تيمور.
تيمور.. ما انتي الي بتجرجريني للرزيله تنشكي في حلوتك.
لينا.... والله لو ما سكت لنزل.
تيمور... خلاااص مش تتقمصي من اولها دا انا لسه بقول يا هادي.
لينا... يبقي اتظبط.
تيمور... اعتبرينب اتظبط خلاص.
اتحرك تيمور بالعربيه ووصل مطعم شيك وقعدوا سوا علش ضي الشمور...
لينا... واااو اي المطعم الرومنتيكي دا.
تميور... عجبك.
لينا... جدا اول مره حد يعزمني علي مطعم شيك كدا.
تيمور... لينا كنت حابب اتكلم معاكي شويه جد.
لينا... اوكاي بس عن اي.
تيمور... لينا احنا بقالنا 5 سنين صحاب اتعرفنا علي بعض وبعد 3 سنين اعترفتلك بحبي وقضيت السنتين الي بعدهم بحاول ارضيكي او اخليكي تحبيني زي ما بحبك سعات بحسك بتحبيني وسعات بحسك رفضه حبي ليكي والنهارده حبيت اعرف بجد مشاعرك اي نحيتي انا ممكن مكنش انسان في كل المواصفات الي بتحبيها بس مفيش انسان كامل انا بجد بتمني انك تكوني مراتي وام عيالي يا لينا وبتكلم بجد ولو كنتي موافقه نحدد معاك كتب الكتاب انا مش هستنا نتخطب اصلا كفايه المده الي تعرفنا فيها.
لينا... تيمور انا مش عارفه انا مش بكرهك ولا رفضه حبك بس خايفه الخوف مسيطر علي قلبي خايفه اتعلق بيك وتيجي في يوم وتسبني.
تيمور... وعد مني تمري ما هبعد عنك وربنا هو الي يشهد علي كلامي يا لينا.
لينا... وانا بحبك يا تيمور.
تيمور وقف مصدوم... لااااء هو انا سمعتها منك بجدد.
لينا... اقعد يا تيمور الناس بتبص علينا.
تيمور... خليهم يشركونه اللحظه انااات يا جماااعه بحب البت ديييي وخلاااص هتيقي مراتي بحبكككككك يا لينااااااااا.
لينا.... الله يكسفك يا بعيد فضحتناااا اقعد.
تيمور قعد... اييي انا بشفهم بيعملو كدا في الافلام.
لينا.... احنااا في الواقع وبعد حدا مش اي حاجه تشفها تقلدها.
تيمور... من عيوني يا مرات تيمور... هاا بقي تحبي اسمك يتكتب في بطقتي امتي.
لينا في سرها... بيني اتسرعت ولا اي؟
عدا اليوم علي تيمور وكان من اجمل ايام حياته اما تاني يوم فكان اليوم المنتظر كان تميم سافر من بدري وراح البلد عن نسمه...
كانت نسمه وقفه في ارض خضره مع ابن عمها بتكلموا في امر البلد واحوالها....
تميم واقف بغيظ من بعيد مع اخت لينا وهو ماسك بوكيه الشكولاته.... مين الي واقف معاها دا.
اختها... ممكن اخد واحده من الثكولاته دي.
تميم... مش وقته بس ركزي معايه مين الي واقفه معاه دا!
اختها... ده ود عمي.
تميم.. طيب روحي بقي.
اختها.. انت عم تضحك علياااا صح معتدنيش ثكولاته.
تميم اداها واحده... خدي روحي بقي دي انتي زنانه.
اختها اخدتها بفرحه ومشيت..
تميم مشي بحيتها بعصبيه ودخل في النص بينها... اهلااا.
نسمع بصدمه.. تميم!
تميم بنظره حاده... اه تميم يا خاينه اصبري عليااا.
ابن عمها... وه انت ميم يا جدع انت!
تميم... جوزهاااا في حاااجه يا عم جوزهااااااااااااا.
ابن عمها.... ما براحه خرمت ودني عرفت انك جوزهااا اني ماشي.
تميم... يبقي احسن.
ابن عمها مشي وكانت نسمه طيره من الفرحه انها شافته...
تميم... انتي ازاااي تقفي مع ابن عمك كدااا هااا هو انتي متجوزه خروف.
نسمه اخدت منه بوكيه الشكولاته... يا حلاوه يا ولاد ده علشاني.
تميم بابتسامه... اه علشانك عجبك!
نسمه... بس اني مبحبش الشكولاته يا تميم مجيتهوش فيه ورد ليه.
تميم في سره... يحرقك يا بعيد...
نسمه... بس ادامه من ايدك يبقي زين.
تميم.... احم نسمه انا كنت عايز اقولك حاجه ا انا يعني احمممم ا انا بحبك.
نسمه... جد.
تميم.. مقدرتش ابعد عنك لما مشيتي حسيت اني لوحدي وحشتيني اوي ووحشني خناقك ولسانك الطويل كلك علي بعض كدا وحشتيني.
نسمه بكسوف...وانت كمان وحشتني.
تميم.. قوليها بقي وريحي قلبي.
نسمه.. اني بحبك يا تميم.
تميم شلها ولف بيها بفرحه اخدها في حضنه... مش هسيبك تبعدي عني تااني ابدن يا بنت الصعيد.
نسمه.. ولا اني هقدر ابعد عزك يا ابن الباشا.
🌸🌸🌸🌸🌸
أنتهت رحلتنا معهم إلي هذه الحد اتمني أن تكونوا استمتعوا معاهم وشاركتوهم كل تفاصيل حياتهم و اتمنى ان تكون الرواية افادتكم مش بس حاجه بتقروها وتسليكم
💖💖💖تمت بحمد الله💖💖💖
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق