حضرى لأسرتك كفتة الطاسة المشوية من غير فرن ❤️
سريعة، سهلة وطعمها يجنن 😍
لو مستعجلة وعايزة أكلة مضمونة بطعم المطاعم، كفتة الطاسة هي الحل 👌
المكونات 😋
نص كيلو لحم مفروم
كوباية بصل مفروم ناعم
ربع كوباية بقدونس مفروم
بيضة
نص كوباية بقسماط مطحون
معلقة صغيرة سبع بهارات
معلقة صغيرة كزبرة ناشفة
معلقة صغيرة ملح
معلقة صغيرة فلفل أسود
معلقة كبيرة زيت نباتي
فلفل أخضر وفلفل أحمر حسب الرغبة 🌶️
الطريقة 😍
في بولة كبيرة نحط اللحمة والبصل والبقدونس وكل البهارات والبقسماط ونخلطهم كويس جدًا، ولو بتحبي نطحنهم في الكبة هيدوا نعومة وطعم أحلى 👌
نضيف البيضة ونقلب لحد ما الخليط يتماسك معانا.
نشكل الكفتة صوابع أو أقراص على مزاجنا.
نسخن معلقة زيت في طاسة تيفال على نار متوسطة، ونرص الكفتة ونسيبها تتحمر على الجانبين لحد ما تاخد لون حلو وتستوي من جوه.
تتقدم سخنة مع عيش أو رز وسلطة طحينة… أكلة سريعة وتسد 😋
بالهنــا والشــفا ❤️
ومتنسوش ذكر الله والصلاة على الحبيب المصطفى ﷺ