جربى طريقة تحضير كنافة بالقشطة… حكاية لوحدها 😍
خلّيكي معايا أقولك على الطريقة الصح اللي تطلع معاكي مظبوطة من أول مرة 👇👇
✨ المقادير
🔸 نص كيلو كنافة
🔸 كوب سمنة سايحة
🔸 نص كوب سكر بودرة
للكريمة:
🔹 3 أكواب لبن
🔹 2 معلقة كبيرة نشا
🔹 2 معلقة كبيرة دقيق
🔹 2 معلقة كبيرة قشطة
🔹 معلقة سكر
للشربات:
🔸 2 كوب سكر
🔸 كوب ونص مية
🔸 عصرة ليمون
✨ الطريقة
أول حاجة نطلع الكنافة من الفريزر ونفركها كويس بإيدينا أو في الكبة.
نحطها على الرخامة ونضيف السكر ونقلبهم مع بعض، وبعدها السمنة ونقلب لحد ما الكنافة كلها تتغلف بالسمنة.
نجيب صينية مقاس 28 أو 30 مدهونة سمنة، ونفرد نص كمية الكنافة بس طبقة خفيفة ونضغط عليها كويس.
ندخلها الفرن شوية تاخد سخونة بسيطة.
في الوقت ده نحضر الكريمة:
نخلط اللبن مع النشا والدقيق والسكر على البارد، ونرفعهم على النار مع التقليب لحد ما تتقل، وفي الآخر نضيف القشطة ونقلب.
نطلع الصينية ونفرد طبقة الكريمة ونسيبها تهدى شوية،
وبعدين نحط باقي الكنافة فوقها (مش لازم كلها لو حسيناها كتير)، ونرش وشها بشوية سمنة.
ندخلها فرن سخن على 200 درجة حوالي 30–35 دقيقة لحد ما تحمر وتبقى لونها يفتح النفس 😍
نطلعها ونسيبها تهدى 10 دقايق،
ونسقيها بنص الشربات البارد، نقلبها، ونكمل باقي الشربات من فوق.
نستنى شوية كمان علشان تمسك، وبعدين تقطع وتتاكل…
يا سلام بقى على الطعم 😋❤️
صلّوا على الحبيب المصطفى 🤍