هاتي كيلو من البتنجان العروس 🍆بس ميكونش صغير اوي وشيلي العنقود الاخضر اللي فيه واغسلية كويس حطي حلة عالنار فيها مية ومعلقة ملح كيبرة ومعلقة زيت ومعلقة ببريكا واعصري فيها ليمونه
وحطي البتنجان 🍆في الحلة يتسلق لمدة ٧ دقايق لحد ماالبتنجان🍆 يطري شويه ويتسلق بعد كدا شيلي البتنجان من الميه وسيبه يبرد هاتي بقا الكبه بتاعتك أو الهون حطي فيها فلفل احمر واخضر بارد او حامي🫑🌶 حسب الرغبه
وعشر فصوص من الثوم 🧄 ورشة ملح وكمون وكسبرة ناشفة وبابريكا وافرمي الدقة الحلوة دى كويس واحشي بيها البتنجان بس ابقي خلي معلقتين دقة
عشان هنحطهم في طبق ونحط عليهم شويه ميه من ميه سلق البتنجان وظبطي ملح الميه وحطي البتنجان فيها
واعصري علي وش البتنجان 🍆٢ليمونه كيبرة🍋 وحطي رشة زيت عالبتنجان من فوق اهم حاجه تكون مية البتنجان 🍆مغطياه من فوق عاوزة تحطي معاه قرنين فلفل شطة🌶 براحتك ياعسل
يوم واحد وهتاكلي منه احلي بتنجان مخلل🍆 هتاكليه من ايديكي الحلوين 🥰 هيقعد معاكي في التلاجة عالرف من اسبوع ل عشر ايام اهم حاجه تاخدى منه وتغطيه بغطاء والف هنا مقدما 💞بحبكم فى الله
تابعوني عالصفحة صفحة #مطبخ_الشيف_دعاء_سليم
#وصفات_جديده
#وصفات_دعاء