فخاره الفراخ بالعجين من المطبخ التركى

مقادير الوصفة:

كيلو اوراك دجاج مخليه ومتقطعه قطع متوسطه

للتتبيله:

معلقة كبيره بهارات الفراخ
معلقه صغيره ( بابريكا كمون. فلفل اسود. زعتر. )
ملح
معلقتين صلصه

للتسويه:
بصله مكعبات متوسطه
٦فصوص توم
فلفل الوان مكعبات متوسطه
٢ بطاطس مكعبات متوسطه
٢كوسه مكعبات متوسطه
٢طماطم مكعبات صغيره
معلقتين كبار زبده
٤فلفل احمر واخضر حار
كوب ماء مغلي
مكعب مرقه
معلقتين صلصه

للعجين:
٢كوب دقيق
معلقه صغيره خميره
معلقه صغيره سكره
بياض بيضه
ماء دافي للعجن

لدهن الوجه:

صفار بيضه مع معلقتين حليب ورشه قهوه سريعة الذوبان
للوجه حبه البركة وسمسم

الطريقة :

-تتبل قطع الفراخ بالتتبيله ويفضل تركها ساعتين عالاقل.
-هانحضر طاجن الفرن ونوزع فيه الزبده.
-ندعك البصل بملح وفلفل ونقلب معاه باقي الخضار .
-نحط الخضار في الطاجن ونحط عليه قطع الفراخ المتبله.
-نقلب معلقتين الصلصه ومكعب المرقه في كوب من الماء المغلي ونضيفه عالطاجن نقفل الطاجن بورق الزبده والفويل كويس جداً .
-يدخل فرن حار علي اعلي درجة حراره لمده ساعه .
-في هذه الاثناء نعجن مكونات العجينه جيداً للحصول علي عجينه لينه وغير لاصقه.
-نتركها تخمر ويتضاعف حجمها ثم تفرد علي مقاس الطاجن.
-بعد تمام نضج الطاجن نخرجه نرفع الفويل ونغطيه بالعجينه وندهن وشها بخليط الدهن ونرش الوجه بحبه البركة والسمسم .-وندخله الفرن حتي تحمر العجينه .

-وتخرج وتقدم ساخنه بالهنا والشفا.