طريقة عمل خبز العسل البيتى

طريقة عمل خبز العسل البيتى

بسم الله الرحمن الرحيم
المقادير:
3 كوب ونصف دقيق
1/2 كوب عسل ابيض
بيضة
1/2 كوب لبن دافئ 
2 معلقة صغيرة خميرة
3 ملاعق كبيرة زيت زيتون
للوجه:
بيضة

الطريقة :
هانخلط كل المقادير الجافة مع بعض ونقلبهم كويس..( طريقة العجن العادية ).
فى بولة نخلط العسل مع البيض مع اللبن ونقلبهم كويس وننزل بيهم ع الدقيق ونخلطهم كويس
نضيف المية واحدة واحدة ونبدا نعجن العجينة.
نضيف الزيت ونكمل العجن.
اول ما العجينة تبقى ملمسها ناعم ومش بتلزق فى الايد نعرف انها تمام ومش محتاجة عجن تانى .. ( تقريبا عشر دقايق عجن ) .
ندهن صينية فرن مربعة بالزبدة ونبطنها بالدقيق.
نكورها فى حجم اكبر شوية من البيضة ونرصها فى الصينية ونسيب فراغات بسيطة بين كل واحدة والتانية .
نخمرها نص ساعة وندهن الوش بالبيض وندخلها فرن حرارته ٢٠٠ لمدة ٢٠ ل ٢٥ ق .
وبالف هنا.