ارز بالبسله والزبيب
المقادير:
٣كوب ارز بسمتي مغسول ومنقوع نص ساعه ومتصفي كويس
كوب زبيب
كوبين بسله
٦اكواب شوربه
مكعبين زبده
مكعب مرقه
عودين قرفه
فصين مستكة
ملح وفلفل
للتزيين:
لوز انصاف محمر
وردات طماطم
الطريقة:
في حله على النار هانحط الزبده ومعاها قليل من الزيت ولما يسخنوا ننزل البسله والمستكة والقرفه ونشوحها لمدة ٥دقايق
نضيف الارز ونكمل تشويح لغايه مايسخن مع اضافة الزبيب ومكعب المرقه والملح والفلفل
نضيف الشوربه المغليه ونغطي الحله ونسيب الارز يغلي ويتشرب كويس وبعدين نهدي النار تماماً حتي تمام النضج
يغرف ويزين باللوز المحمر ويقدم بالهنا والشفا...
