الفطير الشرقي بالشيكولاته
المقادير:
لفه جلاش
كوب سمنه
علبه قشطه
كوب زبادي
معلقه صغيره بيكنج بودر
معلقه صغيره سكر
للتزين:
شيكولاته دهن بيضا
شيكولاته دهن (نوتيلا
مكسرات مجروشه
موز شرايح
الطريقه:
المقدار يكفي فطيرتين
نخلط السمنه ماعدا معلقتين كبار مع الزبادي والقشطه والسكر والبكينج بودر كويس جداً .
ندهن صينيه مقاس ٢٦ بمعلقه كبيره سمنه .
ونبدأ ندهن ورق الجلاش بالخليط ونرص في الصينيه .
لغايه مانخلص نص المقدار مع مراعاه اننا ندخل حروف الجلاش في الوسط ونحشي بقليل من الشيكولاته ونغطي بباقي الجلاش عشان الشكل يبقي متساوي.
ندهن الوش بمعلقه كبيره سمنه .
ندخل الفطيره علي فرن ساخن علي درجة حراره ٢٠٠على الرف الاوسط حتي تاخد اللون الدهبي .
نخرجها من الفرن ونغطيها ٥دقايق ثم ندهن الوجه بالشيكولاتة وتزين بالشيكولاته البيضا والمكسرات والموز .
وتقدم بالهنا والشفا .
