طريقة الكبده بالصوص البني من المطبخ المصرى
المقادير:
كيلو كبده شرايح
٢بصله متقطعه جوانح
معلقه صغيره توم
معلقه كبيره سكر
ربع كيلو ماشروم شرايح
ملح وفلفل رشه بهارات سبعه
معلقه كبيره دقيق
كوبين شوربه
معلقتين كبار صوص ديمي جلاس
٣معالق كبار سمنه
معلقة كبيرة زبده
نص كوب كريمه
بقدونس مفروم
الطريقة :
-في صينيه كبيره نحط السمنه تسخن كويس .
-نتبل الكبده بملح وفلفل وننزلها في السمنه نشوحها ٥دقايق حتي تنضج ونرفعها من النار ونحط مكانها البصل ونشوحه لغاية مايدبل ونضيف التوم والسكر ونقلبهم وبعدين نضيف المشروم والدقيق وصوص الديمي جلاس .
-ونقلبهم دقيقتين ثم نضيف الشوربه ونترك الصوص يغلي كويس مع اضافه رشه فلفل اسود ونظبط الملح حسب الرغبة ونضيف الكريمة ويرفع من النار .
-يصب الصوص البني علي الكبده ويزين بالبقدونس ويقدم بالهنا والشفا .
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق