المقادير:
٢كيلو قرع متقشر ومتقطع مكعبات
2 كوب سكر
ملعقة صغيرة قرفة
نص كوب زبيب
كوب مكسرات (سوداني/ بندق/ فستق/ لوز.. حسب المتوفر)
معلقه كبيره زبده
مقادير البشاميل:
كيلو لبن
٤معالق كبار سكر
٤ ملعقة كبيرة سمن
٥ ملعقة كبيرة دقيق
كوب كريمة خفق (حلواني )
ملعقة صغيرة فانيليا
طريقة التحضير:
1- قشري القرع وقطّعيه مكعبات، وبعدها حطيه في حلة كبيرة مع السكر والميّة، وسيبيهم على نار متوسطة، لحد ما القرع يستوي.
2- واهرسيه بالشوكة في طبق كبير، وضيفي عليه الزبيب والمكسرات والقرفة، وقلبيهم معاه بملعقة خشب كبيرة. 3- علشان تعملي البشاميل حمّري الدقيق في السمنة لحد لونه ما يبقى دهبي، وبعدها ضيفي عليه اللبن ، مع التقليب المستمر، لحد ما قوامه يبقى أتخن، ومتجانس من غير أي كلكعة، وضيفي عليه الفانيليا، والسكر ونص كميه الكريمه وقلبي واطفي النار.
4- حطي القرع في صينية متوسطة، وافرديه فيها كويس، وبعدها غطيه بالبشاميل، وضيفي باقي الكريمه عالوش ودخليه الفرن على درجة حرارة ٢٠٠ لمدة نص ساعة لحد وشه ما يحمرّ، ولما يبرد شوية قدميه.. وبالف هنا وشفا
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق