طريقة تحضير طبق القلقاس بالخضره و اللحمة الضأنى من المطبخ المصرى
المقادير:
نص كيلو مكعبات لحمه مسلوقه
كيلو قلقاس متقطع مكعبات
ربطه سلق ناخد الورق فقط
كوبين من اوراق الكسبرة الخضرا
لترين شوربه اللحمه
معلقة كبيرة توم مهروس ناعم
٣معالق سمنه
مكعب مرقه
معلقة صغيرة كسبرة ناشفه
رشة سكر
ملح وفلفل
الطريقة :
في حله هانحط الشوربه عالنار تغلي ونضيف معاها رشه سكر ومكعب مرقه والقلقاس واللحمه ونسيبه يستوي .
في الخلاط هانحط الكسبرة والسلق مع قليل من الماء ونضربهم في الخلاط .
نصفي الخضرة بمصفاه ناعمه وناخد المايه ونضيفها للقلقاس .
في طاسة هانحط السمنه وناخد الخضرة اللي اتصفت نحمرها في السمنه مع التوم كويس جدا مع اضافة الكسبرة الناشفه.
لما القلقاس يستوي نحط عليه الخضرة التى تم تحميرها ونتركه يغلي غلوه واحده ونطفي وتقدم مع أرز أبيض.
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق