تأكدت نيروز من شكوكها فذلك هو نفس الشخص الذي كانت تتغزل به ساره..
نيروز لنفسها:وبعدين بقي..اقوله ولا اي؟؟ بس انا معنديش دليل..ثم قالت بعزم:وانا مالي مسيره يعرف.
رأي مجدي ساره وهي تشير اليه من بعيد وكانت ترتدي فستان فاضح كالعاده..
تقدم اليها بأبتسامه خبيثه وقال:اي القمر دا يا بطتي!
ساره بتوتر:مجدي مش هنا هاه متنساش مراد والناس هنااا.
مجدي بتهكم:No problem my honey.
ساره:يا سلام.
غمز مجدي اليها وقال:عملتي اي في موضوعنا؟
ساره:مش عارفه افصل اللي اسمها نيروز عن زين ابدا عامله زي اللزقه كدا.
مجدي وهو يجز علي اسنانه:مراد مينفعش يبقي له نسل يا ساره الورث كله هيروح لابنه وانت بحح.
ساره وهي تنظر حولها بتوتر:عارفه عاررفه اعمل اي طيب!
مجدي:اربع سنين مش عارفه تعملي حاجه!!
ساره:اصبر بس هجبلك خبره قريب بس اللي الزفته نيروز دي تسيبه واستفرد به.
مجدي:مين فيروز دي؟
ساره:نيروز يا مجدي اسمها نيروز..بص وراك هتلاقي واحده محجبه لابسه فستان احمر هي دي.
نظر خلفه بترقب وجدتها تضحك وتلهو مع زين فقال لنفسه:اي الفرس العربي الاصيل دا؟
ساره:مجدي..مجدييي.
انتبه اليها فقال:ايي؟
ساره:عرفتها؟
مجدي:اه عرفتها.
ساره:زي مانت شايف كدا عاي طول معاه.
مجدي بشهوه:بقولك اي..اي رأيك اخطفها؟
شهقت ساره وقالت:انت اتجننت ولا اي؟؟
مجدي:ماهي فرسه بصراحه متتسابش.
ساره بحنق:مجدي!
مجدي بضيق:خلاص خلاص انت صدقتي ولا اي.
ساره:لا صدقت ولا زفت ويلا روح عشان الناس لاحظوا وقفتنا دي.
قال مجدي بصوت مرتفع:كل سنه وزين طيب يامو زين وابقي كلميلي السفير ضروري.
ساره بأبتسامه صفراء:يوصل.
سار مجدي بجوار نبروز وتعمد ان بصطدم بها بقوه..
نيروز:ماتحاسب يا متخلف كدا.
مجدي بتفاجئ:متخلف! انت بتكلميني انا كدا.
نيروز وهي تضع يدها في خصرها:وانت شايف متخلف غيرك هنا؟؟
مجدي بوقاحه:احب الفرسه لم ترفس.
نبروز:طب خد بالك بقي المره الجايه هرغسك في خلقة العكره دي..جاتك القرف.
سمعت نيروز صوت بكاء زين فالتفت اتجاه الصوت وجدته ساقط علي الارض ويمسك ركبته ويبكي..
نيروز بصراخ:شوووفت خالتني اسرح عنه روح منك لله..ثم ركضت الي زين وحملته واتجهت الي الداخل..
دلفت الي المطبخ واجلسته علي المنضده واحضرت علبة الاسعافات ووقفت امامه بندم وايدي مرتعشه..
نيروز بنبره مرتعسه وندم:زين حبيبي اهدي.
زين ببكاء:بتوجعنننييي.
نيروز:عارفه عارفه بص سيبني اشمر بنطالونك عشان اطهر الجرح.
زين وهو يمسح دموعه:هتوجعيني!؟
نيروز:شويه اه..بس انت راجل لازم تتحمل الوجع مش كدا ولا اي.
هز رأسه بتفهم فأبتسمت نيروز ثم كشفت عن ساقه المصابه..
مسك زين يدها وهو يقول:براحه ماشي!
نيروز:طييب اي رأيك تحضن كتفي لو وجعتك تضغط عليه جامد وتتحمل الوجع.
نظر لعيناها وجد بها نظرت الثقه والأمان فاحضتن كتفيها..
فبدءت نيروز بتطهير الجرح فصرخ زين صرخه مكتومه في كتيفها..تألم قلب نيروز لتلك الصرخه فاكملت التطهير ثم ضمدت الجرح..وطبعت قبله صغيره مكانه...
وابتعدت وحاصرت وجه زين بين كفوفها ومسحت دموعها وقالت بفرحه:شاطر يا زين..هتكون زي بابي قوي.
زين بوجه برئ:بجد!
نيروز:بجد يا قلبي..ثم قبلت رأسه واحضتنته بقوه..
كان كل شيء تحت مسمع ومرئى مراد فهو رأي سقوط زين ولكن قبل ان يصل اليه قامت نيروز بالواجب..
مراد لنفسه:انت تستحق امك الحقيقه يا زين مش ساره!
ثم تقدم باتجاهم وقال بقلق:زين انت كويس!
ابتعدوا عن بعضهم فنظر مراد لوجه نيروز وجدها تبكي..
زين:نيرو انت بتعيطي لي؟
نيروز وهي تسمح دموعها:مفيش يا حبيبي كنت زعلانه عشانك.
زين:لا خلاص متزعليش بقي انا هكون زي بابا قوي.
مراد:زيي؟!
زين بسعاده وحماس:اه نيرو قالت اني لازم اكون قوي زي بابي.
نظر مراد لنيروز فابعدت وجهها عنه فقال:ولازم تكون في صبر نيروز!
نظرت نيروز اليه فأكمل:اتعلم مني القوه واتعلم من نيروز الصبر.
زين:حاضر يا بابي.
نيروز:هتقدر تمشي عليها يا زين.
زين:معرفش نزليني كدا.
انزلته نيروز فلمست قدميه الارض وكتم وجهه ولكنه لم يحتمل فبكى..
حملته نيروز مجددا وقالت:خلاص يا زين متزعلش بقي.
زين:عاوز امشي بس بتوجعني اووي.
نيروز:عندي فكره.
نظروا لها الاثنان فقالت:تمشي زي الراجل العجوز الاعرج.
زين:ازاي؟
نيروز:هنزلك وتمسك ايد بابي وانا امسك ايدك التانيه..عشان هتروح تطفي الشمع.
زين بفرحه:الله طب يلا.
نظر مراد لها وامسك زين من يد ونيروز اليد الأخرى..
نيروز:متضغطش عليها بقي اعرج اكنك راجل عجوز.
فعلها زين وقال بضحكه طفوليه بريئه:شكلي عجوز بجد.
نيروز:عجوز قمر.
ضحك زين واكملوا سيرهم حتي وقفوا امام منضده عليها الكعكه المزينه وفوقها شمعه علي رقم اربعه..
تركته نيروز يقف علي كرسي بين مراد وساره وابتعدت عن الإطار باكمله ووقفت بعيد..
اخذ زين يبحث عنها بعيناه..
زين:بابي فين نيرو.
مراد:معرفش اختفيت.
نظر مراد حوله فوجدتها تنظر اليهم من بعيدا فقال:اهي يا زين هناك.
فقالت ساره بحقد:زين انا مامي معاك.
نظر لها بعدم اهتمام وقال:هات نيروز يا بابي تقف جنبي عاوزه تطفي الشمعه معايا.
ساره بحنق:لا مفيش زف..قاطعها مراد وهو يقول:اخرصي.
نزل زين وهو يمسك كف والده تحت انظار الجميع وذهب الي نيروز..
انحنت نيروز اليه وقالت:اي يا زين جيت لي؟
زين وهو يمسك كفها:جيت اخدك تطفي الشمع معايا انا وبابي.
ثم سار وهو ممسك بها في كف ومراد الكف الاخر حتي وصلوا الي المنضده..
وقفت نيروز خلف زين واحضتنته من الخلف ووضعت رأسها علي كتفه..وأخذوا جميعهم يغنون أنشودة عيد الميلاد ثم طفوا الشمع..
صفق زين بسعاده ثم طبع قبله علي وجه نيروز..التي بدورها كانت ستطير من سعادتها..نظرت ساره اليها بضيق ثم تركتهم ودلفت الي داخل المنزل..
ودع مراد الجميع وتبقي هما فقط الثلاثه..
مراد:فرحان يا زين!
زين:اه فرحان عشان نيرو معايا.
مراد:خد بالك بدءت اغير منها.
احضتنه زين وقال:انت بابي حبيبي وصحبي صح!
احضتنه مراد بقوه ورفعه عن الارض ولف به عدت مرات تحت ضحكات زين وقال:انت روووح وقلب بابي من جوا.
كانت نيروز تشاهدهم بسعاده ثم انزله مراد بحذر حتي لا يتألم زين وقال:اخدنا صور كتيره انهاردا.
زين:نيرو ظهرت!
مراد:طبعا مش كانت معانا ساعة طفى الشموع.
تثأب زين وقال بنعاس:امممم نيرو.
اتجهت نيروز اليه وحملته فقال وهو يدعك عيناه بنعاس:عاوز انام.
نيروز:تعال نغير البدله دي وتنام براحتك.
هز راسه فقالت لمراد:عن اذنك.
فهز رأسه بتفاهم فصعدت الي غرفة زين وغيرت ملابسه...
ووضعته في فراشه فامسك يدها وقال بأبتسامه ناعسه:علي فكره شكل بابي بدء يحبك!
ابتسمت نيروز:نام يا زين.
نهض زين وقال:نيرو لو بابي طلب يتجوزك هتوافقي؟
عبثت في شعره وقالت:هوافق عشانك.
قفز زين في احضانها وضمها بقوه وقال:هتجبيلي اخوات صح؟؟
ضمته نيروز بقوه وقالت:اه هجبلك اخوات كتييير اوي.
ابتعد عنها وقال:يعني مش هكون وحيد!
نيروز:لا مش هتكون وحيد..وانت دلوقت مش وحيد بردو بابي موجود وانا موجوده ومام..قاطعها زين:لا مامي لا مش بحبها.
تنهدت نيروز ونظرت للارض..ثم رفعت رأسها بسرعه وقالت:يالهوي نسيييت اديك هديتك!
ثم خرجت ونزلت الي غرفتها واحضرت صندوق هدايه كبير وصعدت مره اخرى ووضعته أمامه..
نيروز:يلا افتحها.
نظر زين اليها ثم الي ذلك الصندوق وهم بفتحه ليصرخ بسعاده وهو يحمل سياره ذات تحكم عن بعد باللون الاحمر..
زين وهو يكاد يقفز من السعاده ولكن ألم ركبته تعكر صفو فرحته:عربيييههه حمراااا. ثم قفز في احضان نيروز..
ضمته نيروز ثم قالت:عجبتك يا زين.
زين بفرحه:اووي يا نيروو.
نيروز:بس انت جاتلك هدايا اغلي واحسن من دي!
زين:بس معجبتنيش زي الهديه دي ثم طبع قبله علي صدغيها..
نيروز براحه:طيب ننام بقي عشان نصحي بدري للحضانه.
زين:ماشي تصبح علي خير.
قبلته نيروز من جبينه:وانت من اهله يا روحي.
احضتن زين السياره ونام وهي بين يديه..فخرجت نيروز واغلقت الباب وزفرت براحه..ثم نزلت الي غرفتها واغلق الباب..
سمع مراد كل ما قاله زين لنيروز عن الزواج من والده ورغبته في ذلك بشده..فقال لنفسه:هحاول يا زين هحاول.
ثم ذهب الي غرفته وجد تلك الحيه نائمه فغير ثيابه ونام بجانبها...
في الصباح..
وجدت نيروز من يضرب علي وجهها بكفه الصغير ففتحت عيناها وتبسمت واخذته في احضانها..
نيروز:صباح الخير.
زين:صباح النور يلا بسرعه اصحي!
نهضت نيروز وجلست علي حافه الفراش:حاضر بس لي؟
زين:انا هروح مع بابا الشركه وعاوزك معايا.
فتحت عيناها واغلقتها مجددا وقالت:اي؟؟
زين:يلا بسرعه مفيش وقت للاستغراب.
جذبها من يدها واوقفها وقال:يلا بسرعه قالي قدامكم ربع ساعه.
نيروز:حاضر حاضر هغسل وشي واصلي!
زين بتفاخر:صليت قبلك.
مسكته نيروز من صدغه وقالت:شاطر يا زين..هلبس اهو.
ثم ذهبت الي المرحاض وغسلت وجهها ثم خرجت وارتدت ملابس كاچول..
ووخرجت من غرفتيها وجدت زين مع والده ينتظرها..
نيروز:يلا!
نظر مراد إليها بأعجاب ثم تحركوا الي شركة المصري..
ركن مراد سيارته امام باب تلك الشركه الكبيرن ثم نزل ومن بعده نيروز وزين..
انبهرت نيروز بجمال ورونق الشركه حتي من الداخل..
ولم تخلوا من همسات الموظفين ونظرات الاعجاب من النساء الي مراد..
حتي وصلوا الي المصعد وركبوه حتي وصلوا الي الدور الاخير 16.
سارت خلفه نيروز وزين ممسكاً بيدها فقال مراد:في يوم من الايام يا زين هتكون انت صاحب كل دا.
فقال زين:وانت هتكون فين يا بابي.
نظر مراد باتجاه وقال:يا كبرت وقعدت فالبيت يا متت.
لن تنكر نيروز بانها شعرت بانقباض قلبها لمجرد فكرة موته وتركها..فاكملوا سيرهم حتي وصلوا امام باب كبير باللون الرمادي..
فقال مراد:دا مكتبي هسيبكم هنا تتجولوا براحتكم تمام..ثم وجه حديثه لنيروز وقال:بتعرفي تقري طبعا.
نيروز بحنق:اه طبعا هو حد قالك اني ساقطه ثانويه.
مراد بمكر:طب اقري كدا مكتوب اي؟!
نيروز بضيق:اسمك.
مراد:ايوا م...ر...ا...د يعني مراد يلا قولي.
ضحك زين فأحمر وجهها وقالت:بعرف اقرأ.
مراد باستفزاز:يلا قولي ورايا...م...ر...قاطعته بضيق:خلاص عرفنا مراد اسمك مراد.
اقترب من وجهها وقال:طالما مانتيش لادغه في الره مش بتناديني بيه لي؟؟
توترت نيروز وقالت:هه لا بنادي!
مراد:تؤتؤ علي طول يا دوك ولا مره قولتلي او غلطتي ونطقتي اسمي.
نيروز:خلااص بقييي.
سحبه زين وقال:بابي عاوز اتفرج علي مكتبك.
مراد بحنان:بس كدا تعال.
فتح مكتبه فخرجت رائحة مراد المميزه من الداخل فظهر شبح ابتسامه علي وجه نيروز..ثم دلفوا الي الداخل وجلست نيروز علي المقعد المقابل لمكتب مراد بينما جلس زين علي قدم والده..
دلفت فتاه في مقتبل العقد الثالث بتنوره قصيره تصل اعلي فخذيها وقميص مفتوح الازرار وتقدمت بمياعه ودلع حتي وصلت بجوار مراد..
ماهي بأغراء:الاوراق اللي حضرتك طلبتها يا مراد بيه.
مراد بدون اهتمام:حطيها يا ماهي وامشي.
ماهي:حاضر..بس هو دا ابن حضرتك مش كدا.
هز رأسه بنعم فحاولت مداعبة زين والاقتراب من مراد..
فقال زين بحنق:انت مش حلوه علي فكره نيرو اجمل منك وبابي هيتجوزها هي مش انت!
صعقت نيروز مكانها فقالت ماهي بحنق:مين نيرو دي؟
نيروز بغيظ:انا نيرو اي مش ماليه عينك!
ماهي:لا يا فندم عادي..عن اذنك يا مراد بيه.
ثم خرجت فانفجر زين بالضحك..
مراد:ينفع كدا احرجتها؟
زين:اه ينفع عشان هي مش مؤدبه وعندها حاجات غريبه كدا باظه.
نيروز ومراد في ذات النفس:باااظهه!!
نظروا الي بعضهم ثم انفجروا بالضحك..
في مكان آخر...
ساره:ايوا يا مجدي!
مجدي:ايوا يا روحي خير.
ساره بحقد:مراد اخد نيروز وزين للشركه دي فرصه لينا نخلص من الولد دا.
مجدي:سبيها عليا.
بعد مرور ساعتين..
اتى اتصال لمراد بأن هناك من اصطدم بسيارته فقال لنيروز:خالي بالك من زين انا هنزل تحت وجاي.
نيروز:حاضر.
خرجت مراد واغلق الباب خلفه بالمفاتيح حتي لا يدخل إليهم احد...
زين:نيرو عاوز اعمل حمام.
نظرت نيروز حولها فوجدت المرحاض فقالت:تعالي يا حبيبي.
ادخلته المرحاض ودخلت معه وساعدته حتي ارتدي بنطاله فشمت نيروز رائحة حريق..
****************************
الرواية كاملة متوفرة على موقعنا بشكل حصري اضغط هنا
بقلم... سندريلا انوش
ايه رايكم فى الاحداث يارب تكون عجبتكم وهستنى رايكم وتفاعلكم عليها
توقعاتكم 😉
يتبع
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق