استدار ذلك العجوز وقال:اهلا بالبيه اللي غايب عن بيته بقاله تلات ايام.
مراد بحنق:لسا راجع اول ما عرفت انك رجعت يااا..يا جدي الغالي.
فهمي بصرامه:اي اللي ساره قالتهولي دا؟
عقد مراد ذراعيه امام صدره وقال ببرود:وهي قالت اي؟؟
فهمي بجديه وهو يقف امام حفيده:عاوز تطلقها وانت ناسي الصفقه والعقد اللي انا ماضيه.
انزل مراد يده وتقدم اليه ونظر في عيناه بقوه:دي صفقه وسخه متطلعش من واحد غيرك يا فهمي بيه.
فهمي بصراخ:عاااوز تطلقها ليي؟
مراد بهدوء:مش عاوزه تخلف!
فهمي:مش خلفت من 10سنيينن عاوز اي تااني.
مراد بتهكم:اه ومات بسبب اهملها..واللي انا عاوزه دلوقت انها تجبلي غيره!
ساره بأستنكار:مانت جبت واحد من الملجئ عاوز اي اكتر من كدا.
نظر مراد لها نظره ناريه وقال:اخرصي..لما الرجاله تتكلم الستات تخرص.
فهمي:وساره مش هتخلف.
مراد بعند:وانا عند قراري قدمها اربع شهور تقرر فيهم يا تطلق يا تحمل وتخلف!
ثم تركهم وقال بصرامه وقوه:نيروز..روحي لزين وجهزيه عشان هوديه الحضانه.
نيروز بتوتر وهي تنظر الي فهمي:اا..ااه حاضر يا مراد بيه.
ثم اتبعته فقال فهمي لساره:مين دي!
ساره بتهكم:دي الداده بتاعت زين معاه من يوم ما اتولد!
نظر فهمي في اثر نيروز بشك قائلاً:شكل التاريخ بيعيد نفسه!
دلفت نيروز خلف مراد وجدته يمسح وجهه بضيق قائلاً:تعالي ورايا لاوضة زين.
فصعدت خلفه دون اضافة كلمة اخرى حتي دخلوا الي غرفه زين واغلقوا الباب..
وجد مراد زين نائماً فمسك نيروز من كتفيها ونظر لعيناها قائلاً:كل اللي انا قولتله تحت دا ولا اكنك سمعتيه فاهمه.
هربت دمعه من عيناها وقالت بتقطع:هو..هو انت..هتخلف..من...منها.
مسح مراد دمعتها وقال بحنان لم يسبق:ولا هلمس شعره منها يا نيروز ولا شعره فاهمه..انا بس عاوز أتأكد من حاجه لو طلعت صح انا مش هسيب فيها حته سليمه.
نيروز:اوعدني انك مش هتلمسها.
قبل مراد جفونها قائلاً:وغلاوة زين عندي ما هلمس ست غيرك يا نيروز.
نيروز بتوجس:طب..افرض وافقت..هتعمل اي ساعتها.
مراد بتهكم:طيبه اوي انت يا نيروز..ساره اهون عندها الموت ولا انها ترجع تحمل وتفتح بطنها تاني ويظهرلها ديفوهات.
ابتسمت نيروز فقال:ايوا كدا يا شيخه ابتسمي خالي النهار يشقشق.
احضتنها قائلاً:يلا صحي زين عشان هاخده في سكتي..وحاولي ما تحتكيش باللي اسمه فهمي دا حتي لو نادي عليكي بجحي فيه انا بقولك اهو.
ابتسمت نيروز بشر فقال:هو دا اللي انا عاوزه..انا عااوز نيروز بتاعت يا حيوان واول جوازنا ترجع.
ضحكت نيروز بخفوت وحكت يدها بشر قائله:انا وحشتني البجاحه..ثم ربت علي ظهره بقوه قائلاً:روح انا يابووو زيين وشبلي العقرب دا هدوقه من سمه لحد ما يقول ياما ارحميني هاهاها.
ضحك مراد وخرج فاتجهت الي زين لتقظه الي حضانته..
في غرفة توفيق..
كانت يجلس في فراشه وتلمع عيناها قائلاً:دمرتني..حرمتني من حب حياتي..خالتها قصادي بس مش قادر المسها..خاليت ابني يكرهني..راجع تاني لي..منتظر موتي!
تنهد توفيق بقوه وقال:ودمرت ابني معايا.
🍁🍁🍁🍁
في غرفة زين..
كانت نيروز تمشط شعره فقال زين:هو بابي رجع!
ابتسمت نيروز واحضتنته من الخلف قائله:ايوا رجع امبارح وسأل عليك قولتله انك نامي..وهو دلوقت هياخدك للحضانه بنفسه.
قفز زين بسعاده قائلاً:هييه هيييه انا هروحله دلوقت..ثم طبع قبله صغيره علي صدغها وحمل حقيبته وخرج راكضا الي ابيه..
كان مراد في تلك اللحظه يقف في بهو الفيلا ينظر في ساعته حتي وجد ذلك القرد يقفز من اعلي السلم وتشبث في مراد بقوه..
زين بسعاده:بااابيي رجع.
احضتنه مراد بقوه وقبله قائلاً:ايوا رجع..ثم انزله وقال:يلا يا بطل عشان حضانتك.
فهمي بصرامه:استني عندك يا مراد.
نظر مراد له ببرود فقال زين:مين دا يا بابي.
فهمي بحنق:بقي ابن الملاجئ دا يكون شبهك بالشكل دا؟؟
حمل مراد زين وقال:فهمي بيه لو ناوي تقعد كتير عرفني عشان احجزلك فندق لان مش هقعدك في بيتي طبعا.
ثم خرج من المنزل فقال فهمي بترقب:لو اللي في بالي حصل يا مراد..هيكون رد فعلي وحش.
كانت الداده سعاد تسير في بهو الفيلا فقابلت فهمي..
تحولت نظراتها الي العدوانيه وقالت بتحذير:ابعد عن مراد يا فهمي انا حظرتك.
فهمي بأبتسامه متهكمه:وهتعمليلي اي يا سعاد!
اقتربت سعاد وقالت بفحيح الأفاعي:هعمل كتير اوي وهفضح المستخبي..ياااا..يا فهمي.
وتركته وسارت في طريقها فقال فهمي:مش فهمي المصري اللي يتهدد.
فنظر الي الأعلى وجد نيروز تهبط فقال بصوت مرتفع:انت.
لم تنظر اليه نيروز واكملت نزولها ولكنه قال:انت يا بتاعه انت.
اكملت نزولها ومرت بجانبه فمسك زراعها بقوه قائلا:اييي انطرشتي!
نظرت بهدوء الي يده التي تمسك زراعها وابعدتها بقوه قائله:اولا اسمي نيروز واكيد سمعت مراد بيه وهو بيقول اسمي..ثانياً مبردش علي حد من غير ما يناديني باسمي..ثالثاً لو عاوزني احترمك يبقي تحترمني الاول.
نظر فهمي لها بشرار قائلاً:ورايا علي الجنينه.
ولكنها لم تتحرك من مكانها فصرخ بها قائلاً:اتحركيي قدامي.
قالت نيروز ببرود:اوامر مبخدهاش غير من مراد بيه.
ثم سارت الي غرفتها واغلقت الباب بقسوه بوجهه..
اشتعل في مكانه وقال بحقد:هتشوفي يا ست نيروز هعمل فيكي اي.
مر اسبوع دون احداث تذكر..ولكن في يوم..
نيروز بتوتر:اسبوع اي يا مراد انت عاوزهم ياكلوني هنا لوحدي.
احضتن وجهها بيداه قائلا:اسبوع واحد بس يا نيروز..لازم اسافر الصفقه دي هتنقلنا في مكان تاني صدقيني..وبعدين انا واثق فيكي انك تقدري تصدى قصادهم.
تنهدت نيروز بقلة حيله وبالفعل في نفس اليوم سافر مراد الي ايطاليا..
صباح اليوم التالي دلفت ساره دون أن تطرق الباب الي غرفة نيروز وقالت بحقد:يلا لمي حاجتك واطلعي برا بيتي.
رفعت نيروز حاجبها بأستهزاء وقالت:بس ياماما روحي العبي بعيد يا شاطره.
ساره بغل:OK As you like..ثم استدعت الحرس وامسكوا بنيروز وسحبوهم تحت محاولتها الفاشله للتحرر من بعيد يدهم..
في تلك اللحظه كان زين يهبط من اعلي الدرج وشاهد ما يحدث فصرخ وركض باتجاهها..
زين بصراخ:سيبووا دادده سيبووها هقول لبابي عليكمم سيبووهاا.
جذبه فهمي من يده فظل يصرخ ويضربه بكل قوته ولكنه صغير..
كانت نيروز تستكع الي صرخات صغيرها بقلب متمزق..
فصرخت بهم قائله:سيبوووني يا كلااب والله لاقول لمراد بيه عليكوا..بقولكم سيبووونيي.
غرز زين اسنانه اللبنيه في كف فهمي الذي صرخ وترك يده فورآ..وبيده الثانيه صفع زين بقوه واوقعه أرضا تحت انظار نيروز..وهي تجر الي خارج.
فقد زين وعيه فصرخت نيروز بقوه:زيييييييييييين.
ثم جروها كالبهائم والقوا بها امام البوابه..فنهضت وحاولت الدخول ولكن الامن منعها..
نيروز بصراخ هستيري:انتم اتجننتمممم دخلوووني حااالااا زين اغمي علييه.
الرجل الاول بشفقه:اسفين يا انسه نيروز.
نيروز بتوسل:دخلوني ارجوكم زين اغمي عليه لازم اطمن عليه ارجووكممم.
نظر الحارس الي صديقه وتجهلوا نيروز التي بدءت في الصراخ بهستريه وجلست بجانب البوابه وضمت قدميها امام صدرها قائله:اكيد هيروح حضانته بكرا.
في ايطاليا..
مراد بقلق:محدش بيرد عليا لييي!
يوسف:اهدي يا مراد اكيد مشغولين.
مراد:نيروز بردو مبتردش خايف يكونوا عملولها حاجه.
يوسف:عيشت وشوفت مراد المصري قلقان.
مراد بصرااخ:مش فاضي لسخافتك دييي.
تنهد مراد ونيروز في نفس الوقت وقالوا:يا ترا يا نيروز /يا مراد..
في غرفة ساره..
ساره بانتصار:رمناها زي الكلبه برا.
مجدي:ماهو اكيد هيرجع مش هيفضل برا مصر مدى الحياه.
ساره بضيق:عارفه بس هتكون اتعلمت الادب وعرفت اننا اسيادها.
مجدي:دا مراد هيكسر الدنيا فوق راسكم.
ساره:ميقدرش..انت ناسي ولا اي فهمي بيه هنا.
مجدي بتهكم:فهمي بيه دا اللي هيدمرنا قدامي.
ساره بحنق:اقفل يا مجدي اقفلل دانت فصييل.
اغلقت الهاتف في وجهه دون ان تنتظر رده ونظرت امامها بشرود..
في غرفة زين..
سعاد:كل يا حبيبي.
زين بصراخ:مش عاوزز مش عااوز انا عاوز داده.
سعاد بدموع:ربنا عالمفتري يابني..ابوك بس يرجع والله ما هيرحمهم وانا بنفسي هكون متأكده من دا بنفسي.
ظل زين يبكي ولم يتناول شيء حتي غفى فدثرته سعاد قائله:فينك يا نيروز دلوقت فينك.
*******************************
الرواية كاملة متوفرة على موقعنا بشكل حصري اضغط هنا
بقلم... سندريلا انوش
ايه رايكم فى الاحداث يارب تكون عجبتكم وهستنى رايكم وتفاعلكم عليها
توقعاتكم 😉
يتبع
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق