اليكى حصريا ملف كامل لجميع أنواع الكفته المصرية

Translator

يتشهر المطبخ المصرى بالعديد من أصناف الكفت و اليوم نقدم ملف كامل  نستعرض فيه طرق عملها بالتفاصيل:

1-الكفته على الفحم

 

مقادير الكفتة:

كيلو لحمة يفضل انه يكون فيه نسبة من الدهن20%
2 بصلة متوسطة الحجم
2فص توم
ربع حزمة بقدونس خضره
ربع كزبرة خضرة
عصير بشر طماطمايه
ملعقة كبيرة بيكنج بودر لتطرية اللحم
فلفل أخضر أو أحمر حار
م ك ملح
م ك فلفل اسود
م ك بهارات عبارة عن
جوزة الطيب زعتر -زنجبيل - ورق لورا - قرفة)
الطريقة:
تفرم اللحمة
ويفرم البصل ناعم مع التوابل والملح وباقى المكونات ويخلط باللحمه ونضربوا سوا تانى بالكبه ثم بصباعها على الاسياخ
عشان الكفته مش تفك مننا واحنا بنشويها
لازم الكفته نطلعها من الثلاجة قبلها بوقت وما تكنش ساقعة
تانى حاجة الاسياخ تحطها على جنب الفحم وهو والع
تكون الاسياخ سخنه نوعا ما بس مش سخنه نار الفحم ولعته قبلها بربع ساعة وبقى جاهزورصيت عليها اسياخ الكفته يدوب كل جهه بتاخد 5دقايق وتتشوى ونطلع الكفته فى طبق تقديم مزين ببقدونس وكسبرة...

********
2_كفته الحاتى

 

المقادير:
1/2 كيلو لحمه مفرومه وتكون ناعمه وحته دهن ضانى ودي التكه الاولى
1بصله كبير
-1بطاطس كبيره مسلوقه ربع سلقه ودى التكه التانيه
رشه قرفه - رشه جنزبيل بهارات لحمه -فلفل اسمر-ملح
معلقه كبيره كزبره خضره او بقدونس
بنخلط كل المكونات مع بعضها ونضيفها للحمه مش ننسى نفرم الحته بتاعت الدهن الضانى لانها بتدى طعم روووعه ثم صبعتها ومش تنسى تبلى ايدك بميه البصل اللى على حنب بتعطى طعم للكفته ثم نرصهم في صينية تيفال ونصب عليها مايه البصل مع مراعاة عدم اضافة ولانقطة مايه لان هي هاتخرج سوائلها ولما تستوي وتحمر نكون مولعين قطعة فحم ونضع في فنجان قطعة زبدة ونضع فوقها الفحم عشان يديكي طعم المشوي ثم نعلي عليها النار حتي تحمر قليلا وتنشف من السوائل وتقدم...

*********
3_كفته داود باشا

 

المقادير:
1/2 ك لحمه مفرومه
1-حزمه بقدونس مفرومه
1- بصله كبيره مبشوره
بهارات ( ملح - فلفل - كمون- قرفه -زعتر -روز مارى -توم بودره )
نضيف كل المقادير على بعض وتعجن جيدا .
تكور كور بحجم حبه الجوز وتحمر بمعلقه زبدة وبعد ذلك نجهز الصوص فى نفس المقلاه اللى قلينه فيها الكفته
مقاديرررررررررر الصوص
2-كوب عصير طماطم
1-بصله كبيره مبشوره
قرن فلفل و توم مفروم
تشوح البصله فى معلقه زبده
وبعد ذلك يضاف التوم و الصلصه والطماطم ويقطع قرن الفلفل ويترك يغلى على النار لمده عشر دقائق ويضاف عليها ملح وفلفل وكمون ويضاف
كرات اللحم ويترك لمده عشر دقائق اخرى تقدم مع مكرونه او رز...

*******
4_كفته بالطحينه

 

المقادير:
نص كيلو لحم مفروم
- معلقه كبيره بهار مشكل
- ملح وفلفل اسود
-فلفله خضرا صغيره
- بصله كبيره
- 3 فص ثوم
- بقدونس وكزبره
للصوص
كوب زبادي - تلت كوب طحينه - عصير ليمونه كبيره - نص كوب ماء- ملح وفلفل
زيت للقلي
الطريقه:
نحط البصله والثوم فى البروسيسور ونفرهم ناعم وناخد منهم على جنب شويه لوحدهم اللى اخدناهم لوحدهم هنعمل بيهم الصوص بعدين هنحط اللحم والبهار والكسبره والبقدونس والفلفل على البصل والثوم ونفرمهم كويس ثم نصبعهم فى شويه زيت صغيرين اوى نحمر الكفته يادوب تاخد صدمه وتغير لونها نعمل الصوص بقي
نخلط الزبادى والليمون والطحينه والميه والملح والفلفل ونقلب كويس
ونخليه ع جنب. فاكرين شويه البصل المفروم هنحطهم فى نفس الزيت اللى قلينا فيه الكفته هنضيف الصوص ياخد غلوه بس وننزل بيه ع الكفته ف طبق الفرن نحطه على الرف الاوسط فى الفرن لمده نص ساعه على 180 درجه لما تخرج تزين ببقدونس مفروم على الوجه يقدم مع رز ابيض وسلطه خضرا..

******
5_كفته ضاني

 

 

المقادير:
1/2 ك لحم ضان مفروم
3 بصلات خضراء كبيرة
2 عود كزبرة خضراء
2 عود نعناع
3 ملاعق كبيرة بقسماط
ليمونه كبيرة
ملح وفلفل
بيضه
ملعقة زيت
بقدونس
الطريقه:
1- يخرط البصل والكزبرة والبقدونس والنعناع ناعم ويخلطوا مع اللحم
2- تبشر الليمونه جيدا بمبشرة ناعمه وتستخدم فرشاة لاسقاط البشر من جوانب المبشرة ويقلب الخليط ويتبل جيدا مع البيض
3- تشكل الكفته فى صورة اقراص بيضاوية حوالى 5 سم وتدخل فى اربع اسياخ تغطى بنايلون وتدخل الثلاجه لمدة ساعه
4 تدهن الكفته بالفرشاة بالزيت ثم تشوى فى الفرن مع التقليب..

*****
6_المصفوفه(صينيه كفته بالخضار)

الطريقه
*******
احنا بنجيب اللحمه المفرومه وبنفرم بصل ناعم مع فلفل اخضر وطماطمايه وننزل بالملح والفلفل الاسمر وجوزة الطيب وبهارات ونقلب كويس ونعملها دواير ونقطع بصل وطماطم وفلفل وبطاطس حلقات ونرصها في الصينيه واحدة وواحدة وبعدين نغلي شويه ميه ونحط حاجه بسيطه في الصينيه ونفرك مكعب ماجي ونحط على الوش ورق لوري ورشه فلفل وملح وقرفه ونغطي بالفويل ونهدي النار ولمه تستوي نحطها في الشوايه مع اضافه معلقه زيت زيتون عشان تاخد لون

****
7_كفته برغل في الفرن

المقادير:
1/2 كوب لحمه مفرومه
- كوب برغل منقوع ساعه
بصله مفرومه
2 فص توم مهروس
بقدونس مفروم
ملح فلفل بهارات سماق قرفه جوزة الطيب
- أسياخ شيش طاووق
الطريقه:
تخلط المكونات مع بعض فى الكبه وتترك لمده نصف ساعة في التلاجه ثم ميه البصل وابشرى عليها طمطمايه وملعقه زيت وفلفل اسود وملح وبلى ايدك بيهاتصبع الكفته اصابع فى اسياخ الشيش ثم نضعها فى صينيه مدهونه زيت ثم نضع على وجه الاسياخ ملعقة زيت وندخلها فرن متوسط الحراره لمدة نصف ساعه
اكون مجهزة فحمه سخنه احطها في صنيه وأغطي عليها هتبقى زي كفته الكبابجي.

 

8-كفتة الأرز

 🌹🌹🌹

 

المقادير:

كيلو لحمة خالية من الدهون ومفرومة.

2 كوب أرز مغسول ونتركه حتى يجف ونقوم بطحنه فى مطحنة التوابل.

2 ثمرة بصل متوسطتين الحجم.

رأس ثوم صغيرة.

ملح.

فلفل أسود.

كمون.

ملعقة صغيرة شطة.

ملعقة كسبرة ناشفة على أن تكون ناعمة.

2 ملعقة نعناع ناشف وناعم أيضاً.

ربطة كسبرة.

ربطة شبت.

ربطة بقدونس.

طريقة التحضير:

1-نفرم اللحمة لتصبح ناعمة و نطحن الأرز ليكون بوردة ناعمة، ونضع البصل فى الكبة ونقوم بفرمه حتى يصبح ناعم جداً، وبعد ذلك نضع الخضرة وننعمها جداً.

2-ونضع اللحم المفروم فى طبق عميق ونضيف الأرز مع التقليب المستمر و " ندعكهم بالإيد كويس "، ونضيف إليهم البصل والخضرة المفرومين ومعهم كل التوابل ونقلب إلى أن يختلطوا ويمتزجوا جيداً، ونضع ذلك الخليط فى الكبة للفتين لضمان أنهم امتزجوا معاً، أو حتى تلم داخل الكبة وتأخذ شكل كور " تتكور"، وننتشلها ونضع غيرها حسب استيعاب الكبة، إلى أن تنتهى الكمية كلها، وتأخذ اللون الأخضر الجميل .

3-ثم بعد ذلك نشكلها كصوابع وندهن يدنا بالزيت حتى لا تلتصق فى الأيد أثناء "التصبيع "، وعند الانتهاء من تصبيع الكمية نحمرها فى زيت غزير على أن يكون ساخن.

4-إلى أن تصل الكفتة للون الذهبى الغامق، ونخرجها على ورق مناديل حتى تبرد جيداً، وفى حالة أن الكمية كبيرة جداً نضعها فى أكياس فى الفريزر لاستخدامها فى طبخات أخرى ،ونكون مجهزين الصلصة .

(مكونات الصلصة)

ملعقة ثوم مفروم.

ملح وفلفل حسب الرغبة.

طماطم.

ملعقة سمن أو زبد أو زيت .

بصلة صغيرة مبشورة.

لتر ماء.

طريقة عمل الصلصة :

1-نضرب الطماطم فى الخلاط ونصفيها من القشر ، ونضع على النار ملعقة كبيرة سمنة أو زبدة أو زيت ونضيف إليها ملعقة كبيرة من الثوم المفرى توم مفروم وعندما يأخذ اللون الأصفر نضيف إليها الطماطم المعصورة وبصلة صغيرة مبشورة حسب الرغبة .

2-ونتركها حتى" تتسبك" على الآخر وضيفى إليها لتر ماء مغلى ثم نضع الكفتة المحمرة حتى تنضج . مع ضبط الملح والفلفل الأسود .

(نضع الكفته في صلصه ونضعها على النار )وتقدم مع أرز أبيض

🌸🌸🌸