دهبيه : هخلي اعراض الحمل اللي كنت بداريها تبدا تظهر والباقي هقولك عليه في ساعتها
ايه : طيب عرفتيه انك اتقبلتي في الكليه وهتكملي تعليمك
دهبيه : لا ما قلتلوش حاجه انا كنت رايحه عشان اقول له واعرفه لكن اتفاجئت انه عريس وبيتجوز
ايه : ربنا معاكي يا قلبي وما تنسيش تعدي عليا عشان تتابعي معايا الحمل
(((ايه دكتوره نساء وولاده وصاحبه دهبيه من ساعت ماكانوا اطفال))))
دهبيه : تمام انا هقفل بقى عشان انام
ايه : تصبحي على خير يا حبيبتي
دهبيه : وانت من اهل الجنه
العربيه عند زيدان
زينب : صحيح يا معلم هتقول لدهبيه امتى على جوازنا
زيدان كان يفكر في نظرات دهبيه ولم يفق الا على صوت زينب
زيدان: مش دلوقتي خالص يا زينب
زينب: امال هنسافر شهر العسل امته
زيدان: الجمعه الجايه على طول يعني كمان يومين كده
زينب : بجد والنبي يا معلم
زيدان: اه جهزي نفسك بقى
هياتم : صحيح يا معلم هي زينب هتفضل قاعده معايا بعد الجواز في الشقه
زيدان: هو انت فاكره تسالي السؤال ده دلوقتي يا هياتم
هياتم بارتباك: لا يا معلم انا واثقه فيك انك مش هتاكل حق بنتي بس بطمن انما انا اشيلكم على راسي
زيدان: انا هشتري يا هياتم الشقه اللي فوقك وهتفضى اول الشهر ولما تفضى نخلي العروسه تفرشها على ذوقها
هياتم: نعم ايه الكلام ده يا معلم يعني دهبيه تعيش في شقه يرمح فيها الخيل ما يجيبش اخرها وانا بنتي تقعدها معايا في اوضتين وصاله هو ده العدل يا معلم بين مرتاتك اقل شيء تجيب لبنتى شقه زي اللى قاعده فيها دهبيه
زيدان : انا فاكرك هتفرحي عشان بنتك هتقعد جنبك
هياتم : افرح لما بنتي تكون جنبي اه لكن ازعل لما الاقيك مفضل ضرتها عليها
زيدان: انت عايزه ايه يا زينب
زينب : عايزه شقه حلوه زي القعده فيها دهبيه
زيدان: طب وامك
زينب : تيجي تزورني وتبقى تقعد معايا الايام اللي انت مش هتكون موجود فيها وبايت عند دهبيه
زيدان: حاضر يا زينب هعملك اللي انتى عايزاه
بعد ما وصل زيدان زينب وامها راحه على شقته اللي فيها دهبيه ولقى دهبيه نايمه دخل اخذ شاور ونام جنبها وصحي بعديها بسبب صوت ترجيع وحد بيتالم في الحمام ومالقاش دهبيه جنبه على السرير
زيدان: ايه يا دهبيه مالك في ايه
دهبيه : ما فيش شكل جالي برد في المعده
زيدان: طب يلا نلبس ونروح المستشفى نطمن عليكى دلوقتي
دهبيه : لا انت اطلع بره دلوقتي وسيبني
زيدان: حس انها مش عايزاه يشوفها كده فراح عليها استحاله طبعا اسيبك كده يلا وغسل لها وشها وخرج بيها دهبيه اسمعي الكلام يلا نروح المستشفى انا اول مره اشوفك كده
دهبيه : لا انا دلوقتي افضل بعد الترجيع لكن لو فضلت كده تعبانه لحد بكره هبقى اروح اكشف
زيدان: طيب هنستنى للصبح ونشوف
رجعوا ناموا و تاني يوم الصبح دهبيه صحيت صحتها افضل
زيدان: عامله ايه النهارده
دهبيه : احسن ممكن اكون تقلت امبارح الحلويات عشان كده ده حصلى
زيدان: طيب الحمد لله بقول لك ايه يا دهبيه انا يوم الجمعه ان شاء الله هسافر كده اسبوع ولا حاجه هنزل اجيب عجول ومحتاج اشوفها بنفسي واطمن على صحتها
دهبيه : تروح وترجع بالسلامه
زيدان: مش نفسك في حاجه اجيبهالك وانا جاي
دهبيه : هو انت مسافر شغل ولا تتفسح لا سافر انت بالسلامه مش محتاجه حاجه
زيدان: طيب انا نازل دلوقتي رايح الشغل محتاجه حاجه اجيبها لك معايا وانا جاي
دهبيه : لا انا هقابل ايه وهننزل نشتري شويه حاجات كده
زيدان : محتاجه فلوس
دهبيه : لا الخير كتير يا معلم تسلم
خرج زيدان راح الاول لزينب وجاب لهم طلبات البيت ومشي بعد كده راح الشغل
دهبيه خرجت راحت لايه العياده الاول عشان تطمن على الحمل
ايه : مبروك يا دهب هب عايزه كم واحد
دهبيه : كم واحد ايه ده انا نفسي في واحد بدعي ربنا بقىالى تسع سنين يرزقني بيه
ايه : سبحان الله كرم ربنا كبير يا دهبيه انت مش حامل في واحد انت حامل في ثلاثه
دهبيه بعياط : بجد والنبي
ايه : اه يا قلبي بجد بصي اهم وسمعتها نبضهم واطمنت عليهم على فكره انت كده حامل فى شهر ونص شهرين ونص كمان ونعرف نوعهم ايه
دهبيه : بقول لك ايه انام على السرير ما اتحركش خالص صح مش انتوا بتقول كده للحوامل
ايه : هههههههههههه لا طبعا اتحركي واخرجي واعملي كل حاجه بس بحدود واوعي تنطي اوعي تعملي اي مجهود كبير وابعدي تماما عن القرفه هديكي ورقه فيها التعليمات تمشي عليها بالظبط وهتاخدى كل يوم الصبح برشامه الفوليك اسيد دى برشامه هنمشي عليها اول ثلاث شهور
دهبيه : طب يلا ننزل نجيب شويه هدوم وحاجات انا عايزه افرح عايزه احس اني حامل عايزه افرح بحملي
ايه : طيب بس استني الاول لما نعرف نوع البيبي ايه عشان تعرفى هتجيبى ايه هدوم بناتي ولا اولادي
دهبيه : طيب بصي احنا ننزل نشتري فساتين حلوه وواسعه عشان لما اتخن تيجي مقاسي عايزه ابقى مستعده من دلوقتي
ايه : طيب يلا بينا
خرجت ايه وذهبيه وراحوا الكوافير واشترت دهبيه كاشات منزليه حلوه وقصيره ومريحه والوانها جميله جدا مبهجه واشترت فساتين خروج جميله وواسعه وغاليه واشكالها مبهجه عشان تخرج نفسها من حاله الحزن وتحس بفرحه انها حامل وقالت لايه خطتها اللي هتنفذها معاه بكره
رجع بالليل زيدان شاف دهبيه انبهر من جمالها في اللوك الجديد اللي هي عاملاه كانت لابسه كاش مايوه جنزاري في ورد اسود حمالات رفيعه مبين بياضها وكانت فرده شعرها كله من غير اي توك والكوافيره كانوا عاملينلها تنظيف عميق للبشره فكانت بشرتها صافيه وجميله وشكلها حلو من غير اي ميك اب وكانت حاطه كحل اسود ومسكره فكان شكلها ياكل العقل
زيدان: ايه الجمال ده يا دهب
دهبيه : بقىالك كتير ما قلتليش يا دهب
انا جهزت لك الشنطه تمم عليها عشان لو في حاجه ناقصه احطهالك فيها
زيدان باس ايديها تسلم ايدك يا دهب
دهبيه : صحيح يا زيدان ابو محروس اتصل عليك النهارده ولما ماردتش عليه كلمني
زيدان اتوتر وبان عليه ودهبيه كملت بيقول لك الشقه هتفضى بكره لو عايز تخلص بكره هو موجود الا صحيح يا معلم هو انت عايز تشتري الشقه دي ليه
زيدان: اهو عقار قيمته فيه وانا بعد كده غيرت رايي بس لسه ما كلمتوش عشان كنت مشغول بفكر اخد في مكان افضل واركنها
دهبيه : طب ايه هتعرفوا بقى انك مش عايزها لان هو كان بيقول انك مستعجل عليها
زيدان: ربنا يسهل هملمه بكره
انتهوا من العشاء وذهبوا كى يناموا وحاول زيدان التقرب منها وهي عملت نفسها تعبانه وسابته ونامت وهو اخد شاور بارد عشان يعرف ينام
جه تاني يوم الصبح دهبيه صحيت تعبانه وزيدان صحي تاني على صوتها وهي بترجع
زيدان: ذهبيه انا مش هستنى اكتر من كده يلا نروح المستشفى دلوقتي
دهبيه : ما لوش داعي اتصل بايه الاول تيجي تكشف عليا لو قالت محتاجه اروح المستشفى يبقى اروح
زيدان اخذ تليفون ذهبيه واتصل بنفسه بايه وعدى نص ساعه وايه جت وادي الدهبيه اختبار حمل عشان تعمله
خرجت ايه مبتسمه للمعلم زيدان
ايه : اتفضل يا معلمو
زيدان: ايه ده
ايه : سبب تعب دهبيه
زيدان: مش فاهم
ايه : ذهبيه حامل وده اختبار الحمل
ذيدان بفرحه مش سايعاه انت بتتكلمي جد يا دكتوره
ايه اه يا معلم لما انت قلت لي الاعراض في التليفون انا شكيت ولما جيت اديتها الاختبار عشان تتاكد وطلع الحمد لله حمل
زيدان سجد شكر لله من الفرحه وبعدين دخل جري على دهبيه
زيدان: يلا قومي يا دهبيه دلوقتي عشان نروح المستشفى
دهبيه : لازمتها ايه ما احنا اطمنا انا هبقى احجز واروح
زيدان: لا عشان نتاكد ولو فعلا حمل نشوف المطلوب ونبدا ننفذه من دلوقتي
ايه : اهدى يا معلم هي هتاخد الفوليك اسيد وبعدين لما تكشف هنطمنك اكتر ان شاء الله
زيدان: لا مش هستنى لازم اتاكد وراح طلع هدوم ذهبيه بنفسه وساعدها تلبس وراحوا المستشفى وهناك عرف انها حامل في ثلاث توائم فرحته زادت وحلف ليد. بح تلات عجول ويوزعهم لله
ايه : شفت بقى ازعل لانك شاكك في قدراتك يا دكتوره دلوقتي
زيدان: حقك عليا دكتوره بس كنت عايزه اطمن ويا ستي طول فتره الحمل تتابع معاكي زي ما هي ما عايزه
وبص لدهبيه . يلا بينا نروح يا ذهبيه ومش عايزك تتحركي من مكانك خالص وهم ماشيين ذهبيه طلبت منه انه ما يعرفش اي حد بحملها نهائي
دهبيه : بقولك يا زيدان مش عايزه اى حد يعرف بالحمل نهائى
زيدان: ليه يا دهب هى دى حاجة تستخبى
دهبيه : لا استنى لما الحمل يثبت الاول
دهبيه بمسكنه هتسافر برضو يا زيدان
زيدان: للاسف يا دهبيه مدي كلمه للناس
دهبيه : بصتله بحزن لانه فضل سفره مع زينب عليها وقالتله براحتك يا معلم
راح زيدان المذبح عشان يذبح العجلين بنفسه ويوزعهم بنفسه على الناس الغلابه
وبعدين راح لزينب عشان يحاول ياجل معاها موضوع
السفر
زيدان: بقول لك يا زينب ايه رايك ناجل السفر اسبوع او اسبوعين كده
زينب : ليه
زيدان: اصل دهبيه تعبانه ومش عايز اسيبها لوحدها
زينب بغيره : على فكره تلاقيها بتمثل عليك عشان ماتسافرش
زيدان : لا هي مش بتمثل هي فعلا تعبانه بجد
زينب : ايش عرفك اخذتها للحكيمه وقالت لك كده
زيدان: اه اخذتها وطلعت حامل
زينب بصدمه : ازاى استحاله وبعدين سكتت خافت لتقع بلسانها فى الكلام ( هنعرف في الاحداث ليه هما عارفين ان ذهبيه استحاله تحمل)
انت بتقول ايه ازاي هو الحمل ده ظهر كده مره واحده دلوقتي
زيدان : في ايه يا زينب ما تتكلمي عدل
زينب : على فكره يا زيدان دهبيه عارفه اننا متجوزين
زيدان: انت بتقولي ايه استحاله طبعا وبعدين هتعرف من مين
زينب : وانا بقول لك ذهبيه عارفه ان احنا متجوزين واحتمال الحمل ده يكون لعبه مش صاحبتها برضو هي اللي كشفت عليها وقالت لك ان هى حامل
زيدان: فعلا ايه هي اللي قالت لي بس برضو دهبيه هتعرف منين
زينب : اقطع ذراعي من هنا اما كانت عارفه هي بتعمل كده وعامله نفسها ما تعرفش عشان انت تفضل عايش بالذنب انك مداري عليها روح اسالها يا زيدان واتاكد
زيدان : فكر في كلام زينب وحاسس ان كلامها صح بسبب نظرات ذهبيه اللي ما كانش عارف يفسرها وقرر انه يسالها ويصارحها عشان يخلص من الحمل اللي على كتفه انه مخبى عليها وفي نفس الوقت يتاكد اذا كانت عارفه ولا لا
ساب زيدان زينب ومشى وراح لدهبيه
زيدان: دهبيه كنت عايز اسالك على حاجه
دهبيه : طيب مش تطمن على عيالك الاول
زيدان: تجاهل كلامها وسالها دهبيه انتى تعرفى انى كاتب على زينب
*************************
الرواية كاملة متوفرة على موقعنا بشكل حصري اضغط هنا
بقلم....ايمان السيد
ايه رايكم فى الاحداث يارب تكون عجبتكم وهستنى رايكم وتفاعلكم عليها
توقعاتكم 😉
يتبع
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق