رن هاتفها بإسم اخيها الصغير فتحت الخط بسعاده
يوسف حبيبي أخبارك
هتف يوسف بحب الحمد لله وحشاني أنتي وحنين جدا
ابتسمت بخبث أنا وحنين متأكد
رد بإحراج من مغزي كلامها ::
أه والله وحشتيني كتير بس بابا مش موافق أجي لوحدي
::خلاص أنا هخليه يجيبك من الصبح
لم يصدق ليهتف بفرحه بجد
نسمه بحنان ::
بجد أنا عندي كام يوسف قوله أنت بس نسمه تعبانه وممنوعه من الحركه لمدة عشر ايام
تحدث بقلق مالك فيكي أيه
::حاجه بسيطه دوست في أزازه ورجلي إنجرحت
:: سلامتك يا حبيبتي
::الله يسلمك خد كلم حنين
هتفت ببرائه يوسف حبيبي وحشتني
هتف بسعاده وأنتي أكتر يا عيون يوسف أخبارك
أيه
حنين بطفوله ::
الحمدلله بس نسمه رجليها بتجيب دم كتير
:: طيب خلي بالك منها وإحنا هنكون عندكم
بكره إن شاء الله
********
دلف مروان في المساء وجد نسمه ماستغرقه
في النوم وفي حضنها حنين
حمل حنين ووضعها في غرفتها ورجع غرفته
قام بتغيير ملابسه تأملها بإشتياق ثم تمدد جوارها
وقام بضمها لاحضانه حتي ينال قسط من الراحه
لقد تمردت عليه من يوم جرحه لها بالحفله
دائما تغضب وتبعد ولا يعلم ما سبب هذا البعد
كأنها تتفنن في عذابه
***********
في الصباح أتت شهد لتري نسمه عندما علمت بما
حدث
قامت سهير بضمها وحشتيني يا شهد كنتي فين
:: كنت مسافره ولسه راجعه سلامة نسمه
:: الحمدلله بخير ربنا ستر ثم قصت لها ما حدث
::ياه يا طنط دي بارده جدا أنا عمري ماحبيتها
الحمدلله أن مروان اتخلص منها
*****
فاقت نسمه علي طرق الباب
وجدت نفسها في أحضان مروان تأملته وهي تبتسم
بحب فقد إشتاقت إليه وعندما تتذكر ماحدث تغضب مره أخري
قامت بهزه مروان الباب بيخبط
فتح عيونه بإبتسامه صباح الخير يا حبيبتي عامله أيه النهارده هربت من عيونه وهي تتمتم الباب
توجه لباب الغرفه تناول الطعام من الخادمه ورجع إلي نسمه
:: وجدها تستند حتي تقف وضع ما بيده واقترب منها بسرعه يسألها ما بها
ابتعدت وهي ترد أنا دخله التويلت
::تعالي أساعدك
نسمه برفض ::
لا شكرا أنا بعرف اروح لوحدي
تحدث مروان بضيق::
بلاش عناد يا نسمه أنتي ممنوعه من
الحركه
هتفت بتذمر طفولي مالكش دعوه بيه أكملت طريقها تسند علي السرير وهي تتحرك علي قدم واحده ولكنه لم يتركها **
وقف أمامها وضمها بقوة إلي أحضانه وهمس ما تبعديش عشان خاطري مش كل مشكله تواجهنا
تبعدي عني أرجوكي بلاش العقاب ده ثم قبل عن*قها
حاولت منع نفسها من الإستجابه لإعص*ار مشا*عره رغم إشتياقها للمساته الناعمه
تحدث بحنان ::
طب إسألي حبيبي وهو يشاور علي قلبها هيقولك إني مظلوم والحصل ده من شدة غيرتي أنا ممكن اشك في
نفسي لكن حبيبي لاء وقبل وجنتيها بنعومه شديده بلاش بعد كده تحرميني منك
********
إجتمعت العائله في ڨيلا مروان وكان الجميع يتحدث
بسعاده بعد الإطمئنان على نسمه
::وقف خالد لا يا ولاد كفايه كده علي أختكم
تحدث مروان برفض يلا فين انتوا هتباتوا
خالد ::لا إحنا خلاص إطمنا علي نسمه
نسمه برجاء لا يا بابا خليكوا عشان خاطري أنتم وحشني جدااا
إقتربت منه حنين عشان خاطري يا جدو بلاش تمشوا
إنحني خالد وحملها وقبل وجبينها خلاص عشان خاطر
حبيبة جدوا
نسمه بمرح:: أيه ده أيه ده حنون أخدت مكان نسمه
في قلب خالد
إحتضنهم خالد بحنان ماحدش أخد مكان حد أنتم
الأتنين نفس المكان ونفس المعزه
قام يوسف بسحب حنين يلا يا حنون أمرجحك
*********
:سمعت نداء صديقتها وهي تسألها رايحه فين يا شرين
::رايحه أشوف نسمه
::نانسي بفضول هي فعلا بقالها كام يوم مش بتيجي ليه
شرين بعدم فهم ::هي كلمتني عايزه المحاضرات قولت
اطمن عليها بالمره
باسنت ونهي إحنا هنيجي معاكي
نانسي::وانا كمان
شرين ::غريبه هتيجي تشوفيها انتي مش بتحبيها
نانسي بحقد :أه بحسها متكبره وشايفه نفسها
باسنت بعدم رضي ::مين دي المتكبره دي اسم علي مسمي
نسمه وهي نسمه ماحدش فينا شاف منها حاجه
وحشه أبدا
شرين ::بتأكيد أنا ماشوفتش أطيب ولا أحن منها
نانسي::بغيظ خلاص ياختي أنتي وهي غلط في السفيره عزيزه
*********
مروان بغيره لاحمد ::أبعد كده يابني هو أنت كل ماتيجي
شويه تكوش علي مراتي هاعطي أمر للحرس بمنع
دخولك الڨيلا
::ضحكه بمرح قلبك ابيض يا أبوا نسب ده كلها يومين وراجع مش كفايه بقالي شهر ونص محروم
منها
::مالت نسمه علي صدر أخيها بحب ربنا مايحرمنيش منك أبدا يا حبيبي
كفايه إنك سبت شغلك عشاني
::ضمها أحمد بحب أخوي أنا أسيب الدنيا كلها عشانك يا
قلبي
أيهم ::وهو يمثل العزف علي الجيتار و يدندن لاالااا
نسمه ::بطل يا فصيل
أيهم ::بضحكه أعمل أيه روميو وجوليت قاعدين
قدامي من غير موسيقى تصويريه حبيت أشارك
بالحن
::شايفه يا ماما عمايل أبن اختك
سهير ::معلش يا حبيبتي أخوكي الصغير ولأزم
تتحمليه
أيهم ::كده يا سوسو داأنا حبيبك
سهير بأمومه أنت نور عيوني
صفقت نسمه بيدها طيب يلا يا إبني أنت وهو صحبتي علي وصول ومش عايزه لمه
شعر سيف بالسعاده لأنه كان يتمني أن يري شرين
لقد حفرت صورتها في قلبه منذ تعرفه عليها
في المشفي لقد جذبه حياءها وتدينها وتمني أن
تكون نصيبه
************
في التاكسي
ناولت شرين العنوان للسائق
السائق :: أنا هاخد ١٠٠جنيه
باسنت بصدمه ::ليه يعني لا طبعا يلا ننزل
شرين ::لا يا بسنت المكان بعيد ومافيش حد هياخد
اقل من كده هنشارك الاجره أتوكل علي الله يا اسطه
وقف التاكسي في حي راقي جدا أمام ڨيلا أقل ما يقال عنها رائعه
شعرت الفتيات بصدمه
نانسي بزهول معقول عايشه هنا
سألت شرين ::للسائق هو ده العنوان
السائق بتأكيد ::أه هو
نهي::مش معقول أتاكدي عشان مانتحرجش
بسنت ::مش معقول البنت اللي بنقعد معاها في نفس الكرسي وبنخرج معاها شديدة الثراء كده
نهي ::أه أتاكدي يا شرين أصل منظرنا هيكون وحش
أوي.
قلمت شرين بالإتصال :: أزيك يا نسمه
نسمه ::الله يسلمك أتاخرتي ليه يا شوشو
شرين بتوتر ::
أصل أنا واقفه قدام العنوان بس لقيتها
ڨيلا كبيره ومش عارفه هي ولا لاء
نسمه ::أه هي يلا وأنا هخلي الحرس يدخلك
شرين ::بس أنا معايا البنات
نسمه ::تشرفوا بس خلي التاكسي يوصلك لحد باب
الڨيلا
ثم نادت نسمه ::مروان لو سمحت أصحابي عند باب الفيلا
خلي الحرس يدخلهم
مروان ::بإبتسامه أوامر حبيبي
::إبتسمت له نسمه بخجل
*******
نانسي::بحقد أيه ده كل دي ڨيلا لا ده قصر
شرين ::بغيظ قولي ماشاءالله إحنا جايين نطمن عليها ولا نحسدها
::والناس العايشه في مكان زي ده هيجرالهم
أيه ده التاكسي بقاله حبه ماشي ولسه ماوصلناش
نظرة نهي وبسنت لبعض بضيق من كلامها لأنهم يعلمون مدي كرهها لنسمه بدون مبرر
*******
وقف التاكسي أمام باب الڨيلا الداخلي
ونزل الجميع وجدوا شاب وسيم مفتول العضلات
يرتدي تيشرت بنصف كم أخضر وشورت ابيض وكوتش ابيض
مروان ::بإبتسامه ساحره حمدالله على السلامه
نورتونا أتفضلوا
شرين ::بخجل أزي حضرتك يا بشمهندس مروان
إحنا أسفين علي الازعاج
مروان ::بلباقه أصحاب نسمه يشرفوا في أي وقت
البيت بيتكم أتفضلوا
وجدوا نسمه تجلس وهي ترتدي إسدال جاءت تقف
لكي تستقبلهم
*******
لحقها مروان بلهفه حبيبتي ما ينفعش تقفي
علي رجلك معلش يا جماعه نسمه رجليها تعبانه
فاعذروها
شعرت الفتيات بالخجل أما نانسي شعرت بالحقد والغيره من لهفة ذلك الوسيم عليها
إحتضنتها الفتيات وحشتينا يا نسمه وأنتم أكتر
مروان :: حبيبي أنا مع أحمد بره لو عايزه حاجه رني
عليا
************
::حاضر نظرة لنانسي أزيك يا نانسي نورتينا
بادلتها نانسي بإبتسامه مصطنعه سلامتك يا نسمه أول ما عرفت جيت علي طول
::منحرمش منك
جاءت الخادمه تحبوا تشربوا أيه يا هوانم
::بصي يا دادا إتنين هوت شوكلت
وواحد أيس كريم شيكولاته وفانيليا ثم وجهة كلامها لنانسي
أنا مش عارفه يا نانسي بتحبي أيه
::عصير مانجو
::مانجه فريش وأتنين كابتشينوا فانيليا
الخادمه أي أوامر تانيه
::شكرا ياداده
دخلت حنين ناني
::تلقتها نسمه بين أحضانها حبيبة ناني تعالي اتعرفي علي صحباتي
سهير::من خلف حنين أهلا وسهلا يا بنات شرفتونا
::الشرف لينا
::دي حنين بنتي ودي ماما سهير والدة مروان
ودول يا ماما شرين وبسنت ونهي ونانسي
شرين ::وهي تمد يدها لنسمه بالمحاضرات
نسمه ::شكرا يا حبيبتي
شرين ::مال رجلك يا نسمه
نسمه ::إزازه برفان إتكسرت ودوست فيها
بسنت ::مش تخلي بالك
نسمه :: والله يا بسنت ماكنتش مركزه خالص بس
الحمدلله
نسمه ::مالك يا نهي لا اسكت الله لكي حسا
نهي ::بمرح عيب يا ناني عايزاني أقعد في مكان زي ده و اتعامل بأسلوبي دا أنا اتفضح
شرين ::بضحكه والله أول مره تقولي حاجه عدله
********
أحمد
::مروان أنا عايزك في موضوع مهم
::طيب تعال نتكلم في المكتب
أحمد برفض ::لا مش الوقت
أيهم ::وليه المكتب مافيش أسرار علينا مش انت
إنضميت للحزب
أحمد ::برجوله طبعا ده شرف ليا
مروان ::مالكش دعوه باأحمد ده عنده مبادئ وأخلاق
أيهم ::أيه ده قصدك أني ماعنديش أخلاق والله
لشتكيك لنسمه
تحدث مروان ::بثقه لا يا حبيبي أنا راجل قوي في بيتي
ومش بخاف
سيف ::بضحكه عشانك راجل لأزم تخاف من مراتك
ما هي دي الموضه
::ضحك أحمد بقوه الحمدلله مش بمشي علي الموضه
ابتعد أيهم عنهم ومثل الضيق
مروان بسؤال ::
مالك يا أيهم أوعي تكون بتحس واتضايقت
من كلامي
أيهم ::بإبتسامه خبيثه بعد أن أبتعد عنهم بمسافه
كويسه أبدا كنت رايح لنسمه أعرفها إنك كنت مع شاهي وأحمد كان بيغطي عليك
نظر أحمد ومروان لبعض بفزع من رد فعل نسمه
سيف ::بغمزه والله ده مجنون ويعملها
وأكمل بخبث بس مش مشكله إحنا رجاله ومش بنخاف
ركض أيهم بضحكه عاليه للداخل وهو ينادي نسمه
أحمد لمروان يلا نلحقه دي نسمه تزعل
مروان بضيق انت هتقولي أختك ما بتصدق تزعل
وركضوا خلف أيهم
***********
سيف :: هو يضحك يا عيني علي الرجاله لما تتبهدل
ثم ركض خلفهم
دخل أيهم وهو ينادي ناني يا ناني إلحقيني
إلتفتت له نسمه وهي تضحك عملت ايه تاني يا أيهم
أيهم بمرح ::طب أنتي تعرفي عني كده برده دانا
ملاك بس مش عارف أخوكي وجوزك ليه قرشين
مالحتي يمكن عشان واد مز كل هذا تحت أنظار البنات
خجلت شرين و اخفضت نظرها و بسنت ونهي ابتسموا أما
نانسي زهلت من وسامته الملفته وجسده الرياضي.
****
دخل خلفه أحمد ومروان وسيف الذي توقف عن الضحك عندما رأي معذبته وهي تخفض نظرها
بحياء خفق قلبه فأيهم محط أنظار النساء
أحمد ومروان ماتصدقيش أيهم يا نسمه
نسمه بتعجب :: هو ماقلش حاجه ده أيهم ملاك
مروان ::بغيظ ومايقدرش يقول حاجه وإلا هيكون
أخر يوم في عمره
************
أحمد ومروان ::
ماتصدقيش كلامه يا نسمه
:: هو ماقلش حاجه ده أيهم ملاك
تحدث ذالك الأخير بتهديد ومش يقدر يقول حاجه وإلا هيكون آخر يوم في عمره
نسمه بتعجب من طريقته ::ي
بقي فيه حاجه حصلت في أيه يا أيهم
أيهم :: ياختتتي عايزاني أقول أيه أنتي مش شايفه
بيبصلي أزاي ياعيني عليك يا أيهم كنت وسيم وصغير ماكنش يومك يا حبيبي
ضحكه نسمه علي كلامه ماتخفش أنت معاك رجاله عطيتك. الأمان
إقترب منه أحمد ومروان بحذر وسيف متابع الموقف
بضحكه
نسمه بتهديد ::
والله لو ماتكلمت لرجعك فرنسا علي أول طياره
أيهم ::بمرح لا وعلي إيه قلبك أبيض شاهي عايزه
تجيلك
أكد أحمد علي كلامه شوفتي يعني الموضوع مش مستاهل
::عيب يا أحمد باشا بتضحك علي أختك
ال هي تربيتك بس هاعديها لأن عندي ناس لو خدتم بالكم
نظر سيف لشرين أزيك يا آنسه شرين أخبار طنط
شرين ::بخجل الحمدلله بخير يا بشمهندس سيف
يلا يا بنات أتاخرنا
نسمه برفض لا والله لأزم تتغدوا معانا
شرين برفض ::ماينفعش يا نسمه عشان ماما لوحدها
نسمه :: هي لما تعرف مش هتقول حاجه
والله لو كنت قادره كنت حضرت الغدا بنفسي بس
تتعوض
********/
نانسي ::
بجرأه مش تعرفينا يا نسمه
رمقها البنات بضيق
نسمه :: أه طبعا ده مروان جوزي وده أيهم ابن خالته
وعايش معانا وده سيف صديق العيله وده أحمد أخويا
تحدثة نانسي بدلال وأنا نانسي
الشباب ::أهلا وسهلا اتشرفنا
مالت بسنت علي نهي أيه ده إحنا دخلنا مسلسل تركي هو فيه كده هما دول منين
شرين :: بهمس الله يخرب بيتكم هتفضحونا
غمز مروان لأحمد فهجموا علي أيهم وحملوا ثم ألقوه
في البسين وهم يضحكوا علي هيئته
********
نسمه لمروان ::إحنا هنخرج الجنينه
أحمد ::طيب يلا
مروان ::بغيره رايح فين يا عم
أحمد ::هشيلها
مروان برفض ::لا أبعد أنت أنا هوديها
أحمد بزهول::
في أيه يا مروان دي أختي
مروان بضيق ::حتي لو بنتك ماحدش يشيل مراتي غيري
أبعد كده
ضحك الجميع علي غيرته
أما نانسي :لعنة نسمه التي تحصل علي كل شيء جميل وتوعد أنها سوف تأخذ مكانها
لأنها ملفته بلبسها وجريئه في المعامله
*****★***
إنتهي الغداء وقامت شرين لكي يذهبوا
عرض عليهم سيف أن يوصلهم في طريقه
رحبت نسمه بالموضوع ولكن شرين أعترضت
سيف بإصرار ::مش أنتم هتروحوا في تاكسي خلاص
إعتبريني تاكسي
شرين ::بإحراج لا العفو
نسمه :: عشان خاطري يا شرين أنا كده هطمن أكتر
*******
جلست نانسي بجوار سيف وظلت تتحدث في مواضيع كثيره و تتحدث بدلال لكي تلفت نظره
ولكن نظره كان معلق بتلك التي خطفته من أول لقاء
اوصل الجميع إلي أقرب مكان لهم إلا شرين
شرين نزلني هنا يا بشمهندس
سيف برفض :: لا هنزلك قدام البيت عايز اطمن علي
طنط سوسن ولا أنتي بخيله
توترت شرين من نظرته وطريقته لا طبعا تشرفنا
:: توقف بسيارته تحت المنزل وحمل ما أرسلته
نسمه معه
::فتحت شرين الباب ونادت لوالدتها
سوسن ::مالك يا حبيبتي
شرين:: بحرج أبدا يا ماما بشمهندس سيف جاي يطمن عليكي
مديحه بحبور :: أهلا وسهلا يابني نورت
سيف::ده نور حضرتك أخبار صحتك أيه الوقت
سوسن :: الحمدلله يا حبيبي بخير اعملي شاي
يا شرين
سيف:: لا خليها قهوه مظبوطه
شرين ::حاضر
مديحه ::اتفضل يا بني معلش البيت زي ماأنت شايف
سيف::لا ماتقوليش كده المكان بسكانه
مديحه ::ده من طيب أصلك
*********بقلم أمل مصطفى**********
في الشركه
طلب أحمد من السكرتيره مقابلة مروان
::طرق أحمد الباب ودخل
قابله مروان بإبتسامه بشمهندس أحمد منورني
أحمد ::بتوتر ده نورك
أستغرب مروان التوتر الواضح علي ملامحه خير
يا أحمد فيه حاجه
أحمد ::بتنهيده أنا كنت عايز اطلب إيد شهد أيه
رأيك
مروان ::بفرحه ده يكون من حسن حظها
أحمد ::بإستفهام تفتكر عمك ممكن يوافق
بواحد لسه بيبدا مشواره
مروان بثقه ::ويرفض ليه أنت بسم الله ماشاءالله
راجل يتمناه أي حد ومهندس شاطر وبعد المشروع
ده هيكون ليك أسمك وغير كده هتحافظ علي بنته
اللي حياتها أتغيرت من يوم ما دخلتها ١٨٠درجه
أحمد ::أنت عارف
::أه شهد حكتلي لما جالها عريس من عيله كبيره وماينفعش يترفض
شعر أحمد بتوقف قلبه
أكمل مروان ولما رفضته باباها ومامتها اتقلبوا عليها
جت تعيط وحكت كل حاجه حتي الحصل بينك وبين
هاني في النادي وعرفت عمي إنها مش ممكن تكون لغيرك وكنا بنستناك تتقدم
بس مرات عمي هتتعبك لأنها بتبص المظاهر
*******
أحمد ::بهدوء أنا ماليش دعوه غير بشهد طول ما هي
بتحترمني وبتسمع كلامي هتكون أميره متوجه
لو اختارت حياة ولدتها يبقي كل واحد من طريق
مروان بتأكيد ::لا متخافش هي طبيعي عكس مامتها
خلاص أنا هروح لباباها الشركه وأطلبها
مروان ::بتشجيع علي خيرت الله
*******
وصل أحمد أمام شركة حمزه عم مروان
طلب من السكرتيره أن يقابل والد شهد أحمزه باشا
السكرتيره ::وهي تنظر له بإعجاب شديد فيه ميعاد
أحمد ::لا أنا عايزه في موضوع شخصي ممكن تبلغيه
بوجودي
السكرتيره ::مين حضرتك
أحمد :: أنا بشمهندس أحمد خالد الحسيني
طلبت السكرتيره المكتب
أتفضل حضرتك حمزه باشا في إنتظارك
دخل أحمد بثقه وشموخ لا يليق إلا به
حمزه ::بترحاب أهلا وسهلا بشمهندس أحمد نورت
الشركه
أحمد ::أهلا وسهلا بحضرتك الشركه منوره بأصحابها
سأله حمزه تشرب أيه
أحمد ::لو ممكن شاي
وأكمل ببعض التوتر أنا آسف لأني جيت من غير ميعاد.
حمزه ::أنت تشرف في أي وقت أنت واحد من العيله
أحمد ::أنا كنت جاي وطمعان في كرم حضرتك وأطلب إيد الأنسه شهد
حمزه ::أنا ماعنديش مانع ومش هلاقي لبنتي راجل
أحسن منك وكفايه وقفتك مع بنتي جميلك ده في رقبتي
أحمد ::برجوله مافيش جميل ولا حاجه أي وحده
غير شهد أتعرضت لنفس الموقف كنت هعمل معاها
نفس الحصل كأنها أختي
حمزه ::ما يعملش ده غير راجل وابن أصول
********
فلاش باك
قام أحمد بالإتصال علي شهد أنتي فين
شهد ::قدام النادي بستناك
#طيب أنا قريب منك ثواني وأكون عندك
ماتنزليش قبل ما أوصل
حاضر
وقف أحمد ونزل من سيارته وخبط لشهد علي الزجاج
عندما رأته تلك الأخيره شعرت بالسعاده والأمان
ولكنها تحدثة بتوتر ما بلاش يا أحمد أنا خايفه عليك
لم يهتم لها وتحدث بحده متأكده أنه جوه
أه الشله كلها بتكون موجوده كل يوم في نفس الميعاد
أخذ منها أحمد مفتاح السياره وركب بجوارها دخل النادي وهي تحركت بجواره وهي تشعر بالخوف عليه
********
فهم جميعا يعرفون بعضهم وأبناء أكبر العائلات
أحمد *أنتم بتقعدوا فين
جلست شهد وأحمد علي طاوله شهد وهي تشاور
اللباس تيشرت كحلي ده
كان أحمد وشهد يجلسون علي طاوله أمامهم لكي يري رد فعل هذا الحيوان
*********
نادين ::مش دي شهد
خالد ::أه
عليا ::مين المز الجبار المعاها ده
نادين ::مش عارفه
صافي::طيب تعالي نتعرف
هاني ::بغيظ الهانم عمله عليا خضره الشريفه
وهي مقضياها
شادي::ياما تحت الساهي دواهي
اقتربت نادين من شهد
نادين ::هاي شهد من زمان ماجتيش النادي
شهد ::بضيق معلش بقا مشاغل
صافي::مش تعرفينا
كانت الفتيات تنظر له بإعجاب شديد كان يرتدي
بنطلون أبيض تيشرت لبني ملتصق بجسده ويظهر عضلاته يعتليه قميص أبيض مفتوح مع لون عيونه
وشعره كان تجسيد للوسامه والرجوله
:: شعرت شهد بالغيرة من النظرات التي تلتهمه
وندمت على أخذه في هذا المكان
شهد ::ده بشمهندس أحمد صديقي
عليا ::بدلع منور يا أحمد ما تيجي تقعد معانا
أحمد ::بلامبالاه شكرا إحنا هنقعد شويه وماشيين
هاني ::لشهد تعالي عايزك
شهد ::بحده مافيش بيني وبينك حاجه وكلكم عارفين كده كويس
:: اقترب هاني ليجذبها من يدها
لكن يد أحمد هي الأسرع وضغط علي يده بقوة
وتحدث بغضب إياك تفكر مجرد تفكير إن إيدك القذره
دي تلمسها
**حاول هاني تخليص يده ولكنه لم يستطع وتغير
لون وجهه من الألم ولا حظ الجميع عنف أحمد مع هاني
تحدث هاني من شدة ألمه ::بقي أنتي عامله عليه خضره الشريفه وأنتي مقضياها اهو
::لكمه أحمد بقوه في وجهه نزف من شده الضربه
صرخ هاني أنت أتجننت
أحمد ::بقوه كلامك يكون معايا أنا مالكش دعوه بيها
وإلا هخليك تندم
صدمت الفتيات من قوة أحمد ف هاني ليس ضعيف
جسديا ولكنه لا يستحق لقب رجل فالرجل الحقيقي
لا يقبل تشويه سمعة بنت
هجم هاني علي أحمد ولكنه قابله بلكمه أطاحت به
تدخل شادي وخالد ولكنهم لم يستطيعوا الوقوف أمامه إلتم الجميع
إنحني أحمد علي هاني ورفعه من ملابسه ممنوع
تقرب من شهد مره تانيه شهد منطقه محرم دخولها
حياتك هتكون الثمن لو حاولت تضايقها هكون أنا
في وشك فاهم هز هاني وجهه بضعف
جاء أمن النادي
شهد ::بقوه أحمد معايا ممنوع حد يقرب منه
أخذها أحمد وترك النادي
صافي ::أو لالاه هو فيه كده
عليا :: أنا نفسي اقضي ليله في حضنه ده ده يجنن
********
باك
حمزه ::بص يا أحمد أنت ساعدت بنتي من غير ماحد
يعرف ولولا تدخلك كان ممكن تخسر شرفها أنا أه
عاقبته أسواء عقاب بس الفضل ليك ولو ماكنش العريس ده أتقدم ماكنش حد مننا عرف حاجه
وأنا مش هلاقي لبنتي راجل أحسن منك يحافظ
عليها ويكون سندها أنا هستناك أنت وأهلك يوم
الاتنين لأن عندي سفر كام يوم وراجع
وقف أحمد برجوله ولم يظهر سعادته إن شاء الله
هنكون عند حضرتك في الميعاد وترجع بألف سلامه
خرج أحمد وقلبه يرفرف من السعاده هو لم يتوقع
الموافقه بتلك السهولة هم عائله شديدة الثراء
قام بالتحدث مع والده الذي رحب بهذه الخطوه لأنه كبيره ويتمني الفرح به
*******بقلم أمل مصطفى**********
ايه رايكم في الأحداث
توقعاتكم
يتبع💖💖💖
لقراءة البارت 17 كامل من رواية مجنون نسمة اضغط هنا
الرواية كاملة متوفرة على موقعنا بشكل حصريا اضغط هنا
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق