مجنون نسمة البارت11 كامل

Translator

Translator

أقترب أيهم لكي يواسيها لكنها ابتعدت عن مرمي يده بحده

شعر أيهم بخجل من تهور تصرفه ليردف أسف أنا كان قصدي أهديكي

رمقته بنظره قويه أنا عارفه قصدك وعارفه إن حياتك اللي كنت

عايشها ده عادي بس أرجوك ماتخليش ثقتي فيك

تضيع ويلا عايزه أصلي العصر أخذت حنين وتركته

وصله ضيقها من تصرفه ليحدث نفسه وهو ينظر في أثرها أنا لأزم أمشي قبل الموضوع ما يقلب حب أنا بقالي كام يوم بس عارفها

ومشاعري بتروح باتجاه غلط أنا كده بخون خالتي وصاحب عمري وأنا مش ممكن أسمح بكده

******

رجع مروان وجد والده ووالدته ألقي عليهم التحيه وهو يمرر عيونه يبحث عنها مساء الخير هم لسه مرجعوش

وجدي ::مساء النور لترد سهير

لا يا حبيبي أنا لسه مكلمه نسمه وجايين في الطريق

زفر بضيق وتوجه للأعلي وهو يتحدث هاخد شاور يكون العشاء جهز

دخل غرفته وهو متضايق مم يحدث لكن لا يريد إظهار ضعفه أمامها بعد رفضها له في المره الأخيره تنهد بتعب

وجلس علي إحدي الكنبات لم يعد يحب غرفته منذ تركتها كأنها أصبحت شيء أساسي بحياته

نزل مروان في وقت دخول نسمه وأيهم وهم يضحكون

شعر بنار في جسده من شدة الغيره وتمني أن يأخذها بأحضانه ويمنعها من الإبتسام أو الكلام معه

مساء الخير

رفعت سهير وجهها عن ما بيدها وهي تبتسم مساء النور شكلكم أتبسطوا النهارده

توجه لها نسمه تقبلها بسعاده جدا جدا يا سوسو اليوم كان محتاجك

والد مروان ربنا يخليك يا أيهم لأنك رجعت لنسمه

ضحكتها اللي كانت وحشاني بقالها فتره

شددت نسمه من إحتضان سهير اليوم كان جميل بس بن

أختك يتخاف منه علي البنات كل هذا الحوار دون أن يشعروا بمن يقف وتتملك منه الغيره والغضب

ليجلس أيهم أنا برده دانا اللي خايف علي قلبي منك أنا عمري ماقضيت وقت جميل وخفيف زي ده أنا حقيقي

بشكرك.

لاحظت وجود إبنها و اشتعاله لتنهي ما يحدث طيب يلا عشان العشاء

رد كلا من أيهم ونسمه في نفس الوقت لا والله إحنا كلنا قبل ما نيجي

أكملت نسمه أنا حاليا نفسي أنام بس هطلع أحمي حنين وأنيمها تصبحوا علي خير

إلتفتت إلي أيهم أوعي تنام قبل ما تصلي العشاء

تمتم أيهم برضوخ حاضر

*******

رمقه الجميع بتعجب واولهم سهير أنت بتصلي

هتف بمرح صليت كل فروض النهارده بأوامر عليا

شعرت سهير بالخوف علي قلب ابن أختها وابنها

التاني من حبه لنسمه وكسر قلبه

لأنها متاكده من عشق نسمه لمروان

بينما نسمه تصعد بحنين تقابلت مع مروان

كانت نظرته لها غريبه لم تفهمها ألقت عليه التحيه مساء الخير

نظر لها مروان ولم يرد ثم تركها وصعد السلم مره

أخري

شعرت نسمه بالحزن فهي كانت تحلم معه بحياه

رومانسيه سعيده ليست تلك التي تعشها

********

في الصباح جلس الجميع علي السفره

نزل مروان صباح الخير

الجميع صباح النور

نادا::الخادمه أعملي ليا قهوه و هاتيها المكتب

توجه له سهير برجاء طب أفطر الأول يا حبيبي

لم يحيد نظره عن نسمه التي تجلس تتناول فطارها مع حنين وأيهم دون إهتمام بغيابه ليهتف ماليش نفس

رق له قلب سهير التي رأت نظرته لنسمه بس أنت يا حبيبي نمت من غير عشاء

معلش يا أمي مصدع شويه ثم تركها وابتعد دون كلام

أما نسمه فقد أعتصر الحزن قلبها تريد منعه عن القهوة قبل الفطار .

ظل مروان يتحرك في غرفه مكتبه كان يتمني أن ترفض وتطلب منه تناول طعام فطاره أولا لكنها مجرد تخيلات

دخل عليه وجدي وهو يسأله هتعمل أيه في الحفله

أنا مجهز كل حاجه ماتشغلش بالك ثم تناول قهوته ولم يقدر علي الجلوس أكثر من ذلك ليتوجه لمكان جلوسهم

أعمل حسابك يا أيهم الشله كلها مستنياك النهارده

وشاهي عايزه تشوفك

شعرت نسمه بنغزه في قلبها أمازال علي إتصال

بها هل يتلاعب بمشاعري ويستغل حبي له وهو مازال يكن لها المشاعر بيحبها

لتجلد نفسها بكلام قاسي أوعي تحلمي إنك تكوني شيء. مهم بالنسبه ليه ده حتي مش مراعي مشاعرك وهو بيجيب سيرتها قدامك فاقت علي أيهم

::أيه رأيك يانسمه لما تيجي معانا الجو ده هيعجبك

تمتمت وهي تكاد تبكي من الحزن لم يهتم مره منذ زواجهم أن يطلب منها الخروج معه بين شلتهم كأنها لا تليق به من وجودها مش هينفع عندي محاضرات بدري.

هتف بإصرار مافيش مشكله نروح ساعه ونرجع

تنتظر منه هذا الطلب والإصرار لو طلب منها مروان هذا الطلب من الأساس لرقصت فرحا و توافق حتي لو غدا تتويجها علميا لن تهتم كل ما يهمها تواجدها معه هو فقط

ردت بإصرار معلش يا أيهم

هتف مروان بحده وغيره من إصرار أيهم سيبها هي ملهاش في السهرات دي

نظرة له بحزن عندك حق السهرات دي ليها ناسها

زاد أيهم في عنده خلاص يا نسمه والله لو ما جيتي معايا

مش رايح

وجدي بتشجيع خلاص بقي يا حبيبتي روحي معاهم غيري جو الحفله فيها بنات وشباب وجوزك معاكي

لم ترد رفض أول طلب لوالد زوجها تمتمت بموافقه حاضر يا بابا

*****

عند أحمد

تحدث نادر بصوت مرتفع أنا خارج أكلم أهلي بره

خرج أحمد وهو يتحدث بخبث أهلك برده ربنا يسهله يا عم عقبالنا

نادربغيظ::

هو أنت محدش يعرف يضحك عليك أبدا

لا لأن بشغل عقلي لو هتكلم مامتك هتكلمها قدامي عادي ودي مش ملامح واحد هيكلم أمه ده توتر واحد هيكلم حبيبته

نفخ نادر ::

أنا مش هخلص ثم ترك الغرفه خرج رن علي لمار

التي ردت بسرعه

تحدث بلهفه أزيك يا لمار أنا صحيتك

تمتمت بخجل لا أبدا لسه مانمتش

سألها بحنان عامله أيه

أنا الحمدلله بخير وأنت عامل أيه

نادر ::ماشيه

تحدثة بحزن بابا وحشني جدا يا نادر

شعر بصخب وزادت ضربات قلبه من نطقها

لأسمه لأول مره إن شاءالله أول ما رجع نروح أنا وأنتي

نطمن عليه

أنا مش أأمن ابعتك لوحدك وأنا وعدته إنك مش

هتروحي هناك خالص

لمار::بس أنا خايفه عليه

هتف بإطمئنان إن شاءالله خير أنتي وحشتيني يا لمار

لمار ::وهي تتهرب من الرد بسمع أن المكان عندك

جميل جدا

قدر خجلها فعلا جميل لما المشروع يخلص

هاخدكم يومين قبل ما نسلم السكن

بيقولوا الأجانب عندكم بيمشوا بمايوهات

ضحك نادر بمرح ::

أه والله حاجه صعبه بس أحمد

لازق في قفايا غض بصرك غض بصرك لما خنقني

تمتمت بغيره يعني أنت عايز تبص

لا خالص أوعي تفهميني صح وضحك بقوه

لمار::,بغضب طيب أبقي خليهم ينفعوك تصبح علي

خير

هتف بضحكه أستني يا بت أنتي خلقك ضيق ليه كده

ماتوسعيه شويه

لا تعلم لما تضايقت بتلك الطريقه طيب يا خفه سلام ثم أغلقت الخط

نادر::وهو ينظر للفون بعدم تصديق أه يا بنت المجنونه البت دي هبله ولا أيه قفلت في وشي

*********

في المساء تجهز الجميع

ووقف كلا من مروان وأيهم في إنتظار نسمه التي

نزلت وهي ترتدي فستان سهره أوف وايت

طويل وواسع يزينه الحجاب أنار وجهها وزادها

جمالا

نظر لها مروان بدون كلام

شعرت نسمه بخيبة أمل فقد توقعت أن يبدي

إعجابه بفستانها لكنه لم يعلق

أما أيهم قام بإطلاق صفارة إعجاب طويله

أيه يابنتي الشياكه والجمال ده كله

لو البنات تعرف إن الحجاب بيزيد هم جمال

ماكنتش واحده خلعته

شكرا علي ذوقك

**********

وصلوا بعد وقت كان في استقبالهم سيف

وفريد وشاهي وأتنين من أصدقاء مروان وزوجاتهم

مسك مروان يدها بتملك وهذا اشعرها بفرحه كبيره

ماتت في مهدها عندما رأت شاهي تقيمها من فوق لتحت

شعرت بضيق

اقتربت شاهي من مروان وقامت بتقبيله أمام

نسمه وقامت بنفس الأمر مع أيهم الذي تحدث

أيه يا شاهي مش هتسلمي علي نسمه مرات

مروان

*********

رمقتها شاهي بتعالي هاي هي دي بقي

تركها مروان وجذب نسمه وسلم علي الجميع

جلست نسمه و ندمت علي مجيئها تشعر بالغربه في تلك الجلسه هنا ليس مكانها فالجميع هنا يتشاركوا حياتهم أفكارهم حتي طريقه لبسهم

لكن لا تستطيع إنكار روعه المكان ورقيه لقد جذب إنتبهاها من أول لحظه

تجلس شاهي وهي تشتعل من الغيره لقد خدعها عندما سألته عن شكلها ليقول أنها عاديه والأن تري أمامها فتاه

جميله بملامح أجنبيه ملفته رغم خلو وجهها من أي ميك أب لكن هناك ما تستطيع التلاعب به حتي تنتقم منها وهو المستوي الاجتماعي لتردف بغرور شايفه المكان عاجبك

أنتي طبعا أول مره تدخلي مكان زي ده

تمتمت لنفسها هل هي مجنونه تريد إحراجي علي أساس أنني من طبقه أقل أو معدمه لترفع حاجبها بسخريه أهلا وسهلا بيكي في جحيم عاشقه هي تفهم ما ترمي إليه

ابتسمت بمرح

أه والله أصل إمكانياتي ما تسمحش بمكان زي ده

ابتسم الجميع علي روحها وتواضعها فهي زوجة

مروان الفيومي هل يوجد أغني من ذلك

ثم أكملت رغم إن بحب الأماكن البسيطه تحسي فيها بروح الطيبه الجميله والألفة من غير مصالح ولا مظاهر كدابه ثم أكملت بس بحاول أتعود بما أني أصبحت فرد من أفراد الطبقه المخمليه

زاد ضيقها و غضبها وهي تري الإعجاب في عيون الجميع لنسمه من ردها الدبلوماسي وهدوء شخصيتها

وياتري الموسيقي عجباكي أصل هنا مش بيشتغل

غير أجنبي

زاد غرور نسمه عكس شخصيتها أنا بحب الأجنبي والعربي ليا ذوق من كل حاجه

يتمتع إلي أبعد الحدود بثقتها في نفسها و ردودها المزدوجه التي تعبر عن فطنه وذكاء كم تمني تقبيلها تعبير لها عن فخره بإقتران إسمها بإسمه

هتفت نهي زوجة وائل صديقهم حقيقي ذوقك يجنن

يا مروان نسمه جميله جدا ورقيقه ربنا يخليكوا

لبعض

***********

خجلت نسمه من مدحها لترد بذوق شكرا لذوقك

وجه وائل حديثه لأيهم و حاشتنا أقعدتك وهزارك يا أيهم

سأله فريد بفضول ما جيبتش وحده من صحباتك ليه المره دي يا أيهم أوعي تكون توبت

هتف بنفي لا بس حبيت أكون فري المره دي

سيف كويس عشان ترسمني زي ماوعدتني

هتفت نسمه بتعجب أيه ده أنت بترسم

نظر لها بتواضع علي قدي

زاهر::لا ماتقولش كده دانتا أحسن من الرسم الموناليزا نفسها

***********

مش معقول دي خيانه أزاي متقوليش

أخير وجد ما اتلاعب به لتبتسم شاهي بخبث وهي تهتف ويقولك ليه لحقتم تكونوا أصحاب

لا وألف لا لن أقبل من أحد أن يشوه صورتي لترد بحده وقوه مافيش صحوبيه بين بنت وولد إحنا أخوات وفيه فرق كبير خلي بالك من كلامك

شاهي::بدلع شوف يا مروان بتقول أيه

نسمه لنفسها طبيعي هيقف في صفةحبيبته فهو أيضا نفس الحياه والفكر أنتظرت أن يصدق علي كلام شاهي

لكنه خيب ظنها عندما تحدث بهدوء

أنا مع نسمه دي تربيتها وكل واحد تبع اللي تعود عليه

وأنا بحترم رأيها جدا

*******

مر الويتر علي جميع الطاولات وتحدث بإحترام وهو يسأل عن شخص يتحدث الألمانيه

سألته نسمه فيه حاجه

الويتر :: بإحترام فيه جست ألماني مش بيتكلموا

إنجليزي مش عارفين نتعامل معاهم

والمترجم اتأخر في الطريق

وقفت نسمه بعد أن استأذنه مروان أوكيه أنا جايه معاك ذهبت معه وأخذت طلباتهم تنقلها للنادل لكنها رفضت بشده طلب الخمور

وشرحت لهم سبب الرفض بابتسامه وشكروها وتفهموا موقفها

رجعت نسمه لطاولتها تحت نظرات شاهي الحاقده

مروان بتعجب أنا أول مره أعرف إنك بتتكلمي ألماني

رمقته بحزن فهولا لا يعرف عنها أي شيء وتمتمت أنا بتكلم اربع لغات

علقت هدي زوجه صديقه بس أنتي شكلك صغير لحقتي تتعلمي كل ده إزاي

::في المدرسه أتعلمت إنجلش وفرنساوي

وفي الصيف مش بنخرج كتير كنت باخد كورسات أنا

وأحمد أخويا

*****

أكد سيف كلامها عندما هتف فعلا أحمد في الcv بتاعه أربع لغات

سألت شاهي مروان بدلال ممكن ترقص معايا

قام مروان دون إعتراض وهذا جرح نسمه جدا بل شعرت بالأهانه فهو لم يراعي هيئتها أمام أصدقائه عندما يتركها ويرقص مع غيرها ظلت وحيده تنهر نفسها بعدما قام الجميع للرقص حتي أيهم أتت فتاه تعرض عليه مشاركتها الرقص ليوافق دون كلام

تحدث مروان لشاهي بتهديد ::

إلزمي حدودك وأنتي بتتكلمي

مع نسمه عشان معملش حاجه تزعلك إحنا لما أتقابلنا

في المول قولتلك أنا صديق مش أكتر ونسمه مراتي

وحبيبتي اللي مش ممكن أسمح لحد يتعدي حدودوا

معاها فهماني

************

هتفت بغيره مش هي دي اللي بتقول عليها عاديه

والكل هياكلها بعيونه .

مروان ::بغضب نسمه خط أحمر وآخر مره تحاولي

تقلي منها قدام حد وإلا حسابك هيكون معايا

شاهي مالك يا بيبي أول مره تعمل معايا كده وكل

ده عشان حتت بنت ذي دي

ضغط مروان علي خصرها بعنف

تألمت بقوه من ضغط يده لتهتف بوجع مروان إيدك بتوجعني

هتف بحده ده تحذير عشان تتكلمي علي مراتي

بأدب ودي آخر مره أشوف فيها وشك في أي

مكان أنا فيه

******

جلست نسمه حزينه تمنت أن يرفض ليحافظ علي شكلها أمام الجميع لكن للأسف لم يهتم لمشاعرها

نظر لها مروان وجدها حزينه شعر بألم في قلبه

وتمني أن يحتضنها لكن قربها نار تكويه

لذلك يتعمد الإبتعاد من نار شوقه لها رغم إنها مازالت

عذراء ولكنه يشعر بالراحه وهي في أحضانه

وهو يصبر عليها لأنه من الأساس من أوصلهم

إلي هذا الطريق

قامت نسمه لتسأل علي حنين وابتعدت إلي مكان هادئ ولكن عيون أيهم ومروان تتابعها

أنهت الإتصال و إلتفتت وجدت أمامها شابان

يحاولوا الإقتراب وقبل أن تتحرك

***********************

ايه رايكم في الأحداث

توقعاتكم

يتبع💖💖💖

 لقراءة البارت 12 كامل من رواية مجنون نسمة  اضغط هنا

 الرواية كاملة متوفرة على موقعنا بشكل حصريا اضغط هنا