تجمع من في القصر على صوت صراخه العالي
غسان بغضب: مش هتجوزها يا ابوي.......انا قلت قراري خلاص
اسماعيل بغضب: انت مفكر نفسك مين.... هتكبر عليا يا واد ولا اي
غسان: انت عايزني يا ابوي احط يدي في يد اللي جتلوا اخوي كيف دا يعني... وبعدين دي عيله صغيره... هتجوزها كيف
اسماعيل بغضب اكبر: هي كلمه يا واد انت..... انا مش هطلع صغير قدام الناس بسببك... انت هتتجوزها ولو محصلش يبقى تعتبر نفسك من غير اب فاااااهم
غسان بيأس: حاضر يا ابوي.... ثم اكمل بخبث: بس لو جاتلك تطلب الطلاق يبقى مليش صالح
اسماعيل: طيب
سميه (ام غسان):ابوك عاوز مصلحتك يا ولدي
غسان بحزن: مصلحتي ولا مصلحته هو..... انا طالع يما
اما في غرفة غسان
كانت هناك من تبكي وتندب حظها: اه يما هيتجوز عليا يمااايا اااه... مش كفايا اني متحمله ولده وبربيه ليه وضيعت شبابي عليه... كمان رايح يتجوزلي بت صغيره اااه يما
الام عبر الهاتف: اهدي يا بتي... هو معيزهاش وهيطلقها.... هيخليها تطلب الطلاق.... انت بس شدي حيلك وجيبلوا عيل يا خايبه
رشا ببكاء: هو بخاطري يما.... ما الحكماء قالو اني مش بخلف
الام بغضب: يعني اي يعني.... احنا لازم نتصرف... بس دلوقتي اهم حاجه تفردي وشك قدامه اكده وتتجلعي عليه فاهمه
رشا بإيماء: حاضر يما
وفي هذه اللحظه دلف غسان للغرفه ولم يعيرها اي اهتمام بل خلد للنوم فوراً وظلت هي تحاول ان تلفت انتباهه ولكن دون جدوى
استوووووب(نتعرف بالبطل بتاعنا)
(غسان اسماعيل الجبالي..... هذا الرجل الصعيدي ذو العيون الرماديه الامعه والشعر الاسود الكثيف والليحه الخفيفه التي تعطيه جاذبيه كبير......... ولكن لا يكتمل كل شيء.... فقد تزوج غسان من محبوبته منذ ستة سنوات وانجب منها ابنه سلمان ولديه خمسة سنوات ولكن بعد ولادة سلمان بعامان قد توفاها الله ومن بعدها اصرت عليه امه ان يتزوج من ابنة عمه رشا وهي لا تحبه هي فقط تريد السلطه بما انه الأن الأكبر والوريث)
**************************
في احدى السرايات (او قصور)
كانت تجلس بطلتنا في غرفتها تستمع لبعض الاغاني وتقوم ببعض الاعمال عن طريف الانترنت (نجاة صبحي الصياد... فتاه تبلغ من العمر تسعة عشر عام وهي في الصف الثاني كلية تمريض ولكنها كانت تعمل للتسويق وكانت تكتب الروايات عبر الانترنت..... كانت ذو جمال عادي عيون بنيه وشعر بندقي مجعد قليلا بشره خمريه وعيون واسعه وكانت قصيرة القامه قليلاً)
نجاة بتنهيد: يااااه اخيرا... دا الواحد تعب... امتى الاجازه تخلص العيال صحابي وحشوني..ثم اكملت بمرح: هو البيت هادي كده لي لما انزل ارخم شويه (بتتكلم مصري عادي لأنها بقالها سنتين ونص في الكليه في القاهره وخدت على اللغه)
نزلت من غرفتها للأسفل وهو تصرخ: خلصت شغل يا بلد..... ايوه انا المشهوره المحبوبه ايوه... لا لا الحقيقه معنديش وقت للتصويد
صبري بضحك:بتعملي اي يا مهفوفه انت.... هو حد يعرفك غيري (جملة بابا والله😂)
نجاة بمرح: بكره تشوف.... اااه صح
صبري بأنتباه: في اي
نجاة: جعااااااااانه
صبري بسرعه: بس بس ايي... مجوعك اني اصبري شوي
صباح (الام) : اي يا مهفوفه انت صوتك عالي لي؟
نجاة بمرح: جوزك ضربني يا ست صباح..... انا قلتلك بلاش قلة الادب دي ستي تشوفنا يا سيدي
صبري بصدمه: انا يا بت
نجاه: ايوااااه انت... بصوت شديه (ممثله مصريه قديمه)
صباح بضحك: والله جنانك هيوحشني يا مخبوله انت
نجاة بضحك: للدرجادي حياتكوا واقفه عليا.... متزعليش يا ستي الاجازه طويله لسه
صباح بتوتر: لا مهو اصل... مش قصدي
نجاه بقلق: في اي يا ماما في حاجه؟
صبحي: اصل يعني..... ابن عمك المرحوم
نجاة بمقاطعه: في اي يا بابا.... مش انتو قعدتوا امبارح علشان الصلح وانت قلتلي كل حاجه بقت تمام
صبحي: ايوه فعلا بس احنا اتفقنا ان كل حاجه تنتهي بمجرد انك.......
نجاة بخوف: مجرد اي يا بابا.... في اي انا بدأت اقلق
صباح بسرعه: تتجوزي ولدهم غسان
نجاة بصدمه: ايييييي؟!.... انت بتقولي اي؟!... انتو بتهزوا صح دا مقلب من مقالبكوا مستحيل تكونوا هتروموني في بيت اللي قتلوا ابن عمي!!!
صبحي بهدوء: يا بنتي غسان راجل محترم وكمان عمرنا ما سمعنا ان حد من حريمه اشتكى منيه واصل
نجاة بعدم استيعاب: لا لحظه استنى كده... هو متجوز؟!.... انتو اكيد اتجننتوا صح؟
صباح بإستسلام: بصي يا نجاة من الاخر اكده لو متجوزتيش غسان لازم ابوكي يقدك كفنه ليهم
نجاة بخوف: لا لا... ابويا لا... هو ممكن يموتوه بجد؟
صباح بحزن: طبعاً
نجاة بحزن: خلاص موافقه.... ثم اكملت في نفسها: انا هخليه يطلقني من غير ما اتعب معاه... مش بعد كل دا هيجي واحد يبوظ مستقلبي.....
(يا اختي والله مش عارفه مين اللي هيطلب الطلاق😂)...
صبحي: اعملي حسابك كتب الكتاب اخر الاسبوع
نجاة بصدمه: كمان اربع ايام بس!!
صبحي: ايواا مفيش وقت
صعدت نجاة لغرفتها فقط تغيرت حياتها في لحظه بسبب شيء ليس لها اي يد او زنب به..... لطالما كان لها احلام وطموحات والأن يحب ان تستغنى عنها لحماية والدها........
نجاة ببكاء: يارب احمي ابويا وامي.... وحنن قلب اللي اسمه غسان دا وخليه يبعد عني لوحده (مش يمكن تغيري رأيك😉)
**************************
في مكان اخر
يبدو غريب للغايه وزاهد جدا... كان يجلس هذا الشخص ينفث سيجاره ويتحدث عبر الهاتف وتجلس بجانبه هذه العاريه
.... :يعني اي هيتجور..؟!!...انت متأكد... ومين دي.... اها... طيب تابع واي حاجه تعرفني
المرأه: في اي؟
الرجل ببرود: هيتجور
المرأه بصدمه: اييي تاني؟!.... مستحيل اسمح ان دا يحصل ابدا
الرجل بخبث: لي؟!... بتحبيه وانا معرفش ولا اي
المرأه بضحك مغري: انا بحب...؟!.... شكلك لسه متعرفنيش انا بس مش عوزاه يتهنى كتير
الرجل بأبتسامه لزجه: اطمني مش هيحصل... ما تيجي. ثم غمر في اخر كلامه
وانقض عليها ليفعل ما حرمه الله ..
************************
مر ثلاث ايام على ابطالنا من دون شيء ملفت تقريبا
فكان غسان يقوم بأعماله مثل كل يوم ويعود للمنزل يجلس مع ابنه سلمان الذي طالما كان يحبه بشده
اما نجاة كانت تعمل كتابة روايتها وهي رحلة الغرام......وكانت لا تنزل من غرفتها ابداً حتى ان امها من اشترى لها مستلزمات الزواج
**************************
وفي اليوم المنتظر صباحاً
بالتحديد في قصر غسان
سميه: غسان... يا ولدي...
غسان: نعم يما.. خير
سميه بجديه: تعدي على عروستك تاخدها للسايغ علشان الدهب وبعدها توديها البيت تاني علشان هبعتلها المزينه (الميكب ارتست... والفستان وكده)
غسان بغيظ: لازم يعني يما
سميه بغضب:طبعاً امال اي... مش هتعطي البنيه حقها اياك!!!
غسان: لا ازاي..... اكيد هديها
هب ليخرج ولكن اوقفه هذا الذي يركض تجاهه وقام بأحتضانه من قدمه بطفوله
سلمان بطفوله: رايح فين يا ابوي
غسان بأبستامه: مشوار اكده
سلمان بذعر: كل شويه مشوار.... خليك معاي يا ابوي... ستي قالت انك هتجبلي ام كمان انا مش عايز... مش كفايا رشا
غسان بشك: مالها رشا يا حبيبي
سلمان بتلقائيه: اصل هي دايماً......
رشا بمقاطعه وتوتر: بخليه يكتب الواجب عافيه... اصله ميحبش يذاكر واصل
سلمان برجاء: خدي معاك يا ابوي... علشان خاطري
سميه:لا يا سلمان... تعالى انت معايا يا حبيب ستك وابوك يروح
غسان: خليه يما.... هاخده معايا
اخذ غسان سلمان معه واستقل السياره لمنزل هذه المعتوهه كما سامها هو بالأصح.......وبعد قليل من الوقت وصلوا للمنزل ولم يكن اقل من السريا خاصتهم شيء
سلمان بفرحه: ابوي انا عاوز ورده من دي...
غسان بجديه: عيب يا حبيبي.... لما نروح هبقي اجيبك كتير منها
سلمان ببكاء: لا انييي عاوز
غسان بصراخ: قلت لا.... اي مش بتفهم العيب انت..
تركه الطفل وذهب وجلس على احدى الكراسي اسفل غرفة نجاة..... فتكره غسان ودلف للداخل بعدما اخبره ان لا يتحرك......
**************
في الداخل
صبحي بترحيب: يا دي النور يا ولدي... شرفت بيتنا والله
غسان بتبسم (فعلا الرغم من التار الا انه يعرف ان لا علاقه بصبحي وعائلته بهذا الموضوع من الاساس): اهلا يا عمي
صباح بتبسم: اقعد يا ولدي.... تشرب اي؟
غسان بتنحنح: ولا حاجه يما... انا بس عاوز العروسه نجبلها الدهب
صباح: ومالوا يا ولدي على ما تشرب العصير تكون جات.....
غسان بإيماء: ماشي
صبحي بجديه: واهو بالمره اتحدت معاه شوي...
غسان: خير يا عمي......
صبحي: بص يا بني.... انا بنتي نجاة دي اللي طلعت بيها من الدنيا بلاش في يوم تزعلها ولا تيجي عليها... هي مهفوفه شوي بس والله قلبها كيف الحليب
غسان بإيماء: في عنيا يا عمي اطمن.....
وظلوا يتحدثون عن الاعمال ولا نخلوا من وصايا صبحي له بالمحافظه على ابنته.........
**************************
عند نجاة
كانت تتابع اراء المتاعبين على الروايه وتاره تبتسم وتاره تحزن بسبب اختلاف الاراء من الداعم او الحاقد او الناقد....... حتى سمعت صوت أحداً يشهق ويبكي بشده
نجاة بأنتباه: اي دا........... نظرت من الشرفه فوجدته جالس حزين للغايه
ارتدت عبائتها وحجابها ونزلت له من الباب الخلفي حتى توصل له بسرعه.........حتى وصلت وجلست بجواره....
نجاة بتبسم: في اي يا حبيبي بتعيط لي
سلمان وهو يمسح دموعه بطوله: انت بتتحدتي اكده لي.... مش بتتكلمي زينا
نجاة بمرح: بقالي كتير بره الصعيد..... بس قلي بقا مالك يا جميل
سلمان بحزن: مفيش حاجه....
نجاة بذعر: لو مقلتش مالك هعيط انا كمان
سلمان بسرعه فكان طيب للغايه: لااه متبكيش.... ابوي بس زعلني
نجاة بعدم فهم: ابوك فين؟
سلمان بطفوله: راح يجبلي امي الجديده
نجاة: وعلشان كده انت زعلان
سلمان بإيماء: ايوه.... اصل انا مش طايق رشا كمان راح يجبلي واحده تانيه
نجاة بفضول: مين رشا؟
سلمان: دي امي... اللي ابوي جابها ليا.... كل شويه تضربني وتاخد من لعبي وكمان تاخد الحاجات اللي ابوي بيجبها ليا وتبيعها وتقلي اقول انها ضاعت.....
نجاة بحزن: طب ما تقول لباباك
سلمان بخوف: لا هتضربني....
نجاة وهي تحتضنه: طب اهدى متزعلش.... طب اعملك اي يفرحك
سلمان بتفكير: عاوز ورد ابيض من اللي هناك دا
نجاة بأبتسام:بس كده تعالي
اخذته وعبرت من امام باب السرايا مما ادى ان والدها وغسان رؤها ... وبدأت تقطف الكثير من الورد وتجمعه معاً لتعطيه للطفل
غسان بتساؤل: هي مين اللي معديه مع سلمان دي
صبحي بأبتسامه:متخافش دي نجاة بتي..
غسان: طيب انا هروح اخدها ونمشي
صبحي: نتغدى الاول.
غسان: لا معلش لازم نخلص بدري علشان اروح اكمل معاهم تجهيزات الفرح الليله تعب منتى عارف
صبحي: الله يكملها يا ولدي على خير
خرج غسان للخارج فوجد سلمان يضحك وسعيد للغايه وهو يحتضن نجاة
سلمان بسعادة: شكرا.... حلو اوي اوي
نجاة: يلا يا سيدي مبروك...... ثم اكملت في نفسها: يا ترى غسان وابنه هيبقوأ لطاف زيك كده؟!!
غسان: احم احم.....
سلمان بركض: ابوي.... شوف حلو كيف..... جابتلي كتير
غسان وهو ينظز لنجاة: يلا بينا
نجاة بتعجب: حبيبي مين جابك هنا
سلمان بطفوله وهو يشير لأبيه: ابوي ساق بينا لهنا
نجاة بغباء: ااااه انت السواق يعني...... بقلك اي هو عريس الغفله جه معاك
ولم تنتظر رده حتى اكلمت
نجاة بغباء مبالغ: دا زمانه كرشه مترين قدامه..... يااااه مكرهش في حياتي قد الكرش والله
غسان في نفسه: انا عندي كرش... يخساره تعبي في الفورمه
نجاة وهي تكمل: وزمانه جاهل بقا.... وكل شويه اتحشمي يا مره..... واتلمي وانا جوزك وحوار صح
غسان: اييييييي......مسوره واتفتحت اسكتي شويه.....
نجاة بغضب:انت ازاي يا سواق انت تزعق كده
غسان بغضب:ومين قلك اني سواق اصلا
نجاة بعدم فهم: امال انت مين؟
غسان بسخريه: انا عريس الغفله يا اختي
نجاة بصدمه: اييييييييي؟!!!!!
**************************
في سرايا غسان
كانت التحضيرات من اجل العرس قائمه بشكل مرتب للغايه فقد زينت السرايا بأكملها وكانت تقام الذبائح بالخارج وتعد اشهى الاطعمه..... وكان هناك من يشعر بالسعاده وهناك الحاقد والحاسد ايضا..... وفي غرفة رشا كانت تجلس مع امها وهي غاضمه وحاقده للغايه
رشا بغضب: مقدراش يما.... هيتجوز عليا..... انا قاعده اهنبه وفرح جوزي بيتعمل تحت يا ابوووي نفوخي
الام بخبث: اتهدي يا بت.... واديكي كنتي سمعتي بودنك هو معيزهاش... وهيطلقها
رشا بسخريه: وفكرك هي هتسيبه..... دول بيقولوا انها حلو اوي اوي.... وكمان بقالها اكتر من سنتين في مصر وتتكلم لغات..... يعني زمانها هتجبله العيل بعد تسع شهور بالظبط
الام بغضب: منتي اللي خايبه ومش عارف تجيبيلوا حتة العيل.....
رشا بحزن: هو بمزاجي يما.... دي حاجه بإيد ربنا .... مش عارفة لي حظي مطين في الخلفه كده
(دي بتقول مش عارفة 😂)
الام بمكر: هو كاره الحريم من بعد مرته.... ولو هو مطلقهاش نخليها تطلب الطلاق
رشا بإنتباه: كيف يما؟!
الام بخبث: انا اقلك.................
**************************
في مكان اخر
المرأه بدلال: هتعمل اي في الموضوع دا يا حبيبي
...... :مش ههنيه النهارده..
المرأه بتساؤل: ازاي يعني؟!
....... : هتشوفي دلوقتي
اللتقط هاتفه ودق احدى الارقام حتى جائه الرد
الرجل: اي دا الغالي نفسه بيتصل بيا لا مصدقش
.... : عاوزك في مصلحه بس تنفزها فوراً
الرجل: عنيا ليك؟!.... خير اؤمر!
..... : طبعاً عارف غسان الجبالي عاوزك تروح........ وتعمل............
الرجل بصدمه: متأكد يا بيه انك عاوزني اعمل كده
..... ايوه طبعا واوعى حد يشوفك او يعرف فاااااهم......
**************************
قولو حاجه تشجعنى😎😎😎😍😃
يتبع💖💖💖
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق