في يوم
فضلت تبكي عايزه تشوف أحفادها ولما تعبت وافقت أنها تختار عروسه بس عشان أراضيها أختارت ندى .
الموضوع مش فارق كتير يعني لا فيه حب ولا توافق فكري ولا حتي أذواق
صراحه ما كنتش مهتم أعرف عنها حاجه قولت المهم ترضي أمك ولو ربنا رزقك بطفل يبقي دي حياتك
مرت أيام وشهور كل طلبتها مجابه لبس سهر فسح
كل ما أمي تفتح معاها سيرة الخلف تقول مش الوقت
و تتهرب من الموضوع كلمتها وعرفتها أن متجوز عشان أفرحها بحفيد
لحد ما في يوم عرفت أنها بتتفق مع عدوى عليا علشان فلوس فضلت أراقبها فتره إكتشفت أنها علي علاقه بيه
وهو اللي حطها في طريق أمي تتجسس عليا و تنقله أسراري بس هو مايعرفش أن أسراري مش سهل حد يعرفها وخاصتا ندى لأني مش بثق فيها
حب يكسرني طلب منها تتكلم في حقي كلام مفيش راجل يتحمله طعنة في رجولتي وأنها علي علاقه براجل تاني لأني مش بعطيها حقها شهقت ملك
تغيره ملامحه الحنونه وهو يتحدث في تلك النقطه لتتحول لأخري شيطانيه وعيناه كساها الدم من شده غضبه وأكمل بإحتقار تخيلي تقول كده على الملاء متعرفش أنها فضحت نفسها قبلي ..
أنا كنت عايز أقتلها بس قولت ماتستهلش ضربتها وطردتها من غير حاجه والتاني سابها ما هي خلاص ماعدتش تنفعه يعني خسرت كل حاجه حتي إحترامها لنفسها ..
ملست ملك علي شعره بحب وهي تهمس جوار أذنه ده من حظي علشان أقابلك وتكون نصيبي هي الخسرانه لأنها فرطت في واحد زيك بسبب الفلوس ده حضنك عندي بالدنيا
نظر لها حسام بحب وقبل وجنتها أنتي حب عمري وعشق روحي أنتي عارفه يا ملوكه
في شغلنا وحياتنا بنتعرض لكم إغراءات لا تعد ولا تحصي وحده تعرض نفسها علشان فلوس
واحد يزق مراته بلبسها الفاضح علشان تتمم له صفقه أروح الفندق ألاقي واحد سايبلي وحده عريانة في السرير هديه أو عربون شغل !!
عمر مافيه وحده قدرت تثير فيه شعره أو تأثر فيه
لكن من يوم ما شوفتك وأنا هتجنن عليكي وأنتي باى وضع بتثريني حتي وأنتي بالحجاب صوتك نظرتك
شعرك مش بتحتاجي أي مجهود علشان تشعلي جوايا نار الإثارة .
مجرد تفكيري فيكي بيخلي جسمي كله بيصرخ من شدة شوقه ولهفته
نظر لها وهو يتحدث برجاء ملك أوعي تكونى في يوم سبب كسرتي أنتي الوحيده في الكون اللي بتملكي مشاعري
كلمه منك تطلعني سابع سما ونظره وحده منك تنزلني سابع أرض ..
أوعي تكوني الشوكه اللي تقسم ظهري
ضمت رأسه لصدرها حتي تخفف هذا الوجع بعيناه وروحه أنا عمري ما أكون غير سبب سعادتك زى ماكنت سبب راحتي وسعادتي أنا ندمانه
علي كل يوم راح من عمري وأنت مش معايا وربنا يقدرني
أنسيك كل تعب وغدر السنين
****************************
في القصر
ضحكه مي بحب وهي تميل علي ناهد التي تتوسطها هي ومرام كأنها من ولدتهم
دخلت عليهم نيفين لتتأكلها الغيره من وضع ابنتها مع زوجه عمها
عندما لاحظه مي وقفتها توجه لها وهي تهتف بسعاده ماما حمدلله علي السلامه
ردت عليها ببرود وعينها علي ناهد ومرام بتعالي لتعنف ابنتها وهي توجه كلامها لإبنتها
أنا عارفه أنتي مش بترضي تيجي معايا علشان تخليكي جنب ناهد ومرام وناسيه أمك وأختك!!
ألقت نظره علي ناهد ومرام ثم رجعت بنظرها لأمها وهي تنفي سوء فهمها أبدا يا ماما بس أنا ماليش في الجو ده أنا بحب الهدوء والإستقرار مش كل يوم في مكان .
ارتفع صوت نيفين بغضب طبعا لأزم تعترضي علي حياتنا لأنك بتلاقي اللي يشجعك رمقه ناهد بغيظ كأنها تلومها علي تمرد ابنتها أنا غلط لأني سبتك ليهم
ولا فاكره إني هوافق علي حبيب القلب ؟؟
وقفت ناهد بإعتراض علي طريقتها الغير لطيفه وتطرقها لهذا الموضوع الذي يجرح ابنتها وابن عمها مالك يا نيفين أنتي لسه رجعه بعد غياب أسبوعين بدل ماتخديها في حضنك بتضايقي فيها !!
وبعدين زياد ابن عمها وهو أولي بيها مفيش فيه حاجه تتعيب .
هتفت نيفين وهي تنظر لها بسخريه طبعا تلاقيكي أنتي المكبره دماغها أنا أصلا مش مصدقه أنتي أزاى وافقتي إبنك علي البنت
اللي أتجوزها الله أعلم جبها منين أنا لو مكانك كنت طردتها و ماقبلش يكون عندى أحفاد من عيله ذي دي .
لم تتحمل ناهد تقليلها من شأن زوجه ابنها لتتحدث بغضب وصوت مرتفع ملك ست البنات وتشرف أي مكان تدخله وأبني راجل وعارف هو عايز أيه وأنا ميهمنيش
غير سعادة ولادي حتي لو حب بنت الجنيني كنت هوافق وميهمنيش رأي الناس
تحدثه بتهكم طبعا ميهمكيش شكلنا الإجتماعي لما الناس تتكلم علينا ولا الصحافه ما أنتي مستوطنه في البيت و مالكيش أي علاقه بالعالم الخارجي ومش بتشوفي النظرات والكلام
كادت ناهد ترد عليها بما يخرسها لكنها فضلت الصمت عندما وجدت مازن ومراد حتي لا تزيد الفجوه بينهم
لكنها لم تعرف أنه سمعوا الحوار
عندما تحدث مازن أنا لسه مشوفتهاش بس حبتها وإحترمتها من كلامهم عليها
ماهو جاب بنت الحسب والنسب خانته وكانت متشرفش أي راجل وبعدين بتلومي مين
إبنك رجع بعد غياب سنتين
مافكرتيش تنسي أصحابك و تستقبلي إبنك وتضميه لحضنك زي باقي الأمهات
عايزني أقعد في البيت وأحط أيدي علي خدي وأستناك طيب أنت ماجتش ليه تشوفني ؟
تحدث بحزن شعر به الجميع عندك حق الأصول أرجع من السفر وأسافر تاني أدور عليكي.
لم ترد عليه بل رمقته بضيق وصعدت لغرفتها
لم يهتم بها أو يحاول مراضتها بل إقترب من ناهد وقبل جبينها حقك عليا يا أمي متزعليش .
أنا مش بزعل منها وبدعيلها ربنا يهديها ويحنن قلبها عليكم يا حبيبي .
تحدث مراد لأول مره منذ دخوله حسام هيرجع بكره يا أمي علي الظهر وأنا ومازن هنروح نستقبله
تحدثه برضي ربنا يخليكم لبعض ولا يحرمني منكم
********************
عند والد ملك
جلست أمال جوار زوجها في البلكونة تتحدث بإشتياق ملك وحشتني جدا يا محمد
أنزل فنجان القهوه من بين يده وهو يأكد وحشتني أنا كمان والله ربنا يسعدها و يعوضها خير
سمع صوتها المرح من خلفه وهي تردف أيه الأخبار يا حج منفرد ليه بالحجة عايز تعيد الذكريات لو عايز أمر وغمزتله وانا والله أخد لي لي ونقعد نتفرج
ضحك محمد وأمال هنعيد كل حاجه بس بعد مخلص منك انتي وأختك
ساعتها ماعدش حد منكم هايشوف وشنا
ضحكه بخفه يا خبر هو أنت لسه عندك أمل تعيش حياتك بعدنا ليه كده أنت ما كبرتش علي الحاجات دى بكره ملك تخليك جد
ضم يد زوجته بين يده وهو ينظر لإبنته ويحرك حواجبه فشر دنا وأمك أصبي منكم
ضحك الجميع و شردوا في ملك وأخبارها
*****************************
في المطار
جلس مازن ومراد في السياره في إنتظار حسام وملك وبعد مرور نصف ساعه ظهر حسام وهو يحتضن يد ملك داخل يده بحب وتملك ومعالم السعاده ظاهره علي وجهه ..
نزل مازن ومراد وتوجهوا نحوه بأبتسامه كبيره نظرة ملك وتساءلت عن هويتهم
ولكن سرعان ما ضحك حسام بشده وضمهم لأحضانه بسعاده أهلا وحوش عيلة الدمنهورى .
مازن ومراد حمدلله علي السلامه مراد بإبتسامه كبيره أزيك يا مرات أخويا .
ردت بخجل دون أن ترفع عينها أنت مراد هز رأسه حمدلله علي السلامه
رد مازن بسؤال وأنا مين ؟
أكيد مازن أنا إتشرفت بمعرفتكم
مازن ومراد الشرف لينا
أردفت بحياء أتمني تعتبروني أختكم زى مي ومرام ولو إحتاجتم أي حاجه في أي وقت أنا موجوده
نظروا لها بأمتنان ورد مازن ده شرف لينا أن أختنا تكون بالطعامه دى .
بدون تفكير قبض حسام علي رقبته بغيره أتلم يلا بتعاكس مراتي قدامى يظهر أنك عايز تموت ؟؟
مازن وهو يحاول تخليص رقبته لا في عرضك أنا عايز أدخل دنيا مش أخرج منها أسف يا معلم بس لساني متعود أنه يعبر من غير كنترول
تركه حسام وقال بغضب لا يا خويا من هنا ورايح لازم تعمل عليه كنترول و باس ورد وإلا شبابك هو اللي هيضيع المرادي عدت لأن عارف لسانك بعد كده فيها عمرك .
شعرة ملك بالرهبه مم حدث أمامها وأن يخسر حسام مع ابن عمه بسببها ؟
نظر لها حسام وجد علامه الرعب تعتلي ملامحها قربها منه وهو يتحدث بإطمئنان متخافيش يا قلبي أحنا بنهزر وقام بأحتضانها وجد ضربات قلبها سريعه ربت
علي ظهرها بحب دول يقلبي ولادي قبل ما يكونوا أخواتي بيحبوني و بيحترموني بس الواد ده لسانه فالت وآن الأوان يتربي ٠
ابتسمت بتوتر فأخذ يدها وركب السياره وقادها مراد وخلفهم سيارات حرس حسام
وصلوا داخل القصر وكان الجميع في انتظارهم
نزلت ملك من السياره صرخت مي ومرام بفرحه عارمه ركضوا إلي ملك التي ركضت بدورها إليهم
احتضنوا بعض بكل حب وشوق وظلوا يضحكوا
إقترب منهم مراد ومازن إشمعنا إحنا ماحدش عمل معانا كده إحنا غبنا سنتين مش أسبوعين ؟
إقترب حسام إحنا مش أي حد إشجابكم لينا
نظروا له بزهول فهم لأول مره يروا روحه المرحه لأنه دائما عملي وجاد في كل تصرفاته.
تحركه ملك إتجاه ناهد وقبلت يدها ووجنتها وحشتيني يا ماما ووحشنى حضنك جدا
زادت ناهد من ضمها بحب أنتي وحشتيني أكتر يا حبيبتي
نظره حولها بأهتمام فين أدهم مش معقول في الشغل وهو عارف أننا راجعين النهارده ؟؟
رد أدهم من خلفها هو أنا أقدر برده مكنش في أستقبال أميرتي .
نظرة ملك بابتسامة كبيره وسلمت عليه دون تلامس وحشتيني يا دومي ..
أدهم وأنتي أكتر يا حبيبتي وقام بأحتضان أخيه .
ضحكت ناهد حبوا أنتم في بعض وفيه ناس واقفه هتولع في القصر كله ونظرة لحسام .
أبتسم حسام أعمل أيه مراتي محرومه من الأخوات الصبيان و ماصدقت لقيته !!
أدهم بحب ده من حظى .
دخل الجميع لتناول الطعام وجلسوا يتحدثون وإستغرب مازن ومراد من علاقه أدهم وملك القويه كأنهم توئم برغم خجلها ولكنها تتعامل معه بأريحيه وحسام لا يعترض
تحدثه مي بلهفه وفضول حاولنا كتيير نتواصل معاكم أزاي المكان مفيش فيه شبكه
المكان تحفه يا مي حاجه كده من الخيال مياه كوخ صغير وشجر منعزل عن الناس تماما ولما تتعمقي
في الأشجار تلاقي شلال صغير تبارك الخالق فيما خلق !
مرام يظهر أن أبيه حسام قاصد علشان تكوني براحتك ؟
حسام بتأكيد لما تكون في مكان منعزل هتكون برحتها أكتر لأنها محجبة .
سأله مازن بفضول والمكان ده فين ؟
لا ده بقي مكانا الخاص محدش يعرف عنه حاجه .
هتف بمرح طب ما تقولي ممكن أقضي فيه شهر العسل
تحدث حسام برفض لا ممكن أجهزلك مكان زيه لكن مكانا مش هيروحه حد غيرنا وبعدين أنت خطبت
علشان تدور علي شهر عسل
بإعتبار ما سوف يكون ماليش عندك عروسه يا ملك
عندى بس صغيره عليك لسه في إعدادي
ضحك مازن لو من طرفك موافق أستناها !
****************
بعد أسبوع من هذه الأحداث
استيقظت ليليان وهي تشعر بتعب في معدتها أتت لها أمال بمشروب البابونج حتي يريحها
تحدثه لي لي خلاص يا حبيبتي ارتاحي أنتي النهارده وأنا هروح الكليه أحضر المحاضرات لأنها مهمه ولما أرجع نذاكر مع بعض
نظره لها ليليان بقلق حاولت عدم إظهاره أمام أمها طيب خليكي النهارده أنتي كمان وهبه تجيب المحاضرات
لى لي لا متخافيش عليا وقبلت وجنتها .
خرجت لى لي من الغرفه وجدت والدتها جهزت لها الفطار اقتربت منها تقبلها وهي تردف تعبتب نفسك يا ست الحبايب .
مافيش تعب ولا حاجه يا حبيبتي كلي لقمه عشان ما تتعبيش برده مصممه تروحي لوحدك
قبلتها وهي تقف ضروري أحضر يا ماما واعتذر نيابه عن ليليان لأن الدكتور حظر من الغياب المره دي بالذات
ثم هتفت مره أخري وهي في طريقها للخارج صباحك فل يا حبي
ابتسمت أمال صباح النور علي اجمل وأرق بنت في الدنيا
خلي بالك من نفسك يا حبيبتي
**************
في الكليه
لى لي صباح الخير يلا المحاضرة هتبداء
سألت الفتيات عن ليليان أخبرتهم لي لي عن مرضها😷
تمتمت الفتيات لها بالشفاء العاجل😔💗
بعد إنتهاء المحاضرات ودعت لى لي هبه ومريم
وذهبت وحدها سيرا علي الأقدام
وجدت سياره وقفت أمامها بشكل أفزعها وعندما تبينت معالم قائدها شعرت بثقل في اقدامها وتمكن منها رعب يوقف قلبها وشعرت بأنها علي وشك فقد وعيها😱😳💔
عندما نزل منها شابان
قوموا بتكتيفها وإدخالها السياره بقوه صرخت لى لي بفزع ولم تستطع الحراك
*******************
رايكم في الأحداث
توقعاتكم
يتبع💖💖💖
لقراءة البارت 9 كامل من رواية حالة حب خاصة ( حسام و ملك) اضغط هنا
الرواية كاملة متوفرة على موقعنا بشكل حصري اضغط هنا
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق