رواية عشق الحور بقلم مروة شطا البارت 50
فى ألمانيا
مرتعب خائف لايترك الذكر لحظه ولكن شيطانه اللعين ..يوسوس باستماته في راسه ... كلا شيطانه يهرب من ذكر الله انها نفسه نفسه التي تبث بداخله هذا الرعب منذ ساعتين يجلس في استراحه المشفي ....كل لحظات ينظر الي الباب المغلق علي امل ان يخرج اي بشري من الداخل يبث بداخله اي اطمئنان. .. نجده اتته من السماء ليري غيث يعبر الممر الطويل ليهب واقفا ليرتمي بين ذراعيه
#طمني ياسليم
#الحمد لله ... اااحنا ااااعملنا
امسك يده ليجلسه وقال
#اهدي ياسليم انت بتترعش
#مرعوب ياغيث اللهم اني لااسالك رد القضاء ولكني اسالك اللطف فيه
#طب ممكن تفهمني بقي
#هي كانت كويسه خالص وبعدين اجلها وجع ونزل عليها نقطتين دم خفت جبتها هنا الدكتور قال انها لازم تولد دلوقتي واخدها علي العمليات
غيث بقلق #طب متخفش ان شاء الله هتبقي زي الفل ..مش انتو متابعين
#ايوه بس في اخر متابعه الدكتور قال ان وضع العيال ميطمنش وفي اتنين منهم مش بيتحركو
#هما كام واحد
#هو زرع اربعه عشان نادر لما بيعيشوا كلهم يعني
#استر يارب ...متقلقش ان شاء الله خير دلوقتي هتطلع الممرضه وتديك النونو وتقولك انها زي الفل
#ممرضه ايه ونونو ايه ياغيث انت كمان انت فاكر نفسك في مصر ... هما هيطلعوا يبلغونا بس بمكان قوضتها
#شوف ازاي جاسر كان عاوز ييجي معايا بس لازم حد مننا يبقي هناك
ربت علي كتفه #ربنا ميحرمنيش منكوا انت مش متخيل انا كنت عامل ازاي قبل ماانت تيجي
ربت علي كتفه
#عيب يابني احنا اخوات
خرج الطبيب ليتحدث مع سليم
بالالمانيه غيث
#حمدلله علي سلامتها يابو العيال
سليم بفرحه #كرمه واسع اووووي اللهم لك الحمد والشكر يارب
غيث #تعالي بقي نشوف فين القوضه
سليم #ممنوع هما هيبعتو معانا واحده توصلنا للقوضه
وبالفعل بعد ثواني كانت فتاه تصحبهم لحيث الغرفه ليدخل سليم يقبل جبينها
#الف حمدلله علي سلامتك ياحبيبتي
غيث #ماشاء الله لاقوه الابالله العلم حلو برضه طالعه من ولاده بتتكلم
عائشه #غيث وحشتني اوي
غيث #انتي اللي وحشتينا كلنا ياربونزل ... ابلغ سلام الجميع واشتياقهم الحار ولو قعدت اديكي البوس اللي بعتينه سليم هيشنقني
لتضحك عائشه متالمه
#اه حرام عليك ياغيث الحمد لله ربنا جبر بخاطرنا ووسع علينا من فضله ... شوفت العيال
#مش لما اطمن علي قلبي الاول
#ربنا مايحرمني منك ياسليم
جلس غيث بجوارها
#بس انتي ايه جباره فضلتي سكته وهوب جبتيهم مره واحده عسل ياشوشو
وكزت عائشه كتفه
#داانا الوحيده علي ظهر البسيطه اللي هخليك خالو خساره فيك
#تصدقي صح العيال كلها بتقولي عمو ... هما نوعهم ايه
سليم #معرفناش كانو قاعدين في وش بعض
عائشه #بنتين وولدين .. بس مش شبه بعض
غيث #وهتسموهم ايه بقي
سليم #عابد وساجد ايه رائيك ياعيشه
عائشه # حلويين اوي طب والبنات
غيث #سجود وتسبيح
لينظر اليه الاثنين ليقول ضاحكا
#في ايه بكملكوا بقيت عيله العباده الحلوه دي
سليم #يبقوا سجود وتسبيح وربنا يباركلي فيهم وفي امهم يارب
*********************
فى القصر بعد عشر أشهر
تزين القصر لاستقبال العيد ،،،، الجميع سعيد بعوده عائشه سالمه وبتوائمها الاربعه حور ضاحكا
#يكون في عونك ،،،، وانا اللي قلت التؤم تربيه صعبه
عائشه وهي تحتضن ساجد #حقه ياحور داانا بموت بجد
بسمه ضاحكه #مش كان نفسك تبقي ماما اشربي ياحبيبتي
زينب #ربنا يبارك فيهم ياعيشه المهم انتي تيجي هنا مش هينفع تقعدي في بيتك لوحدك ،،،،
عائشه #مش هينفع ياامي عشان سليم ،،،،
زينب #وايه المشكله عندك جناحين فوق خديهم انتي والعيال واهو تبقي في وسطنا
عائشه #لاء سليم مش هيوافق ،،،، ماما سيبيني علي راحتي ،،،،ماشي
زينب بحده #هو انا كلمتي معدتش بتتسمع في البيت ده ولاايه
حور #ماما سيبيها علي راحتها ،،، هي ادري بظروفها
جلست عائشه امامها #عشان خاطري متزعليش بس انا مش عاوزه سليم يتحرج ،،،
ربتت علي شعرها #يابنتي عاوزه اشبع من العيال وانتي لو رحتي البيت هتتلبخي فيهم ومش هشوفك
عائشه #طيب سيبيني انا اكلمه
زينب #طيب ياعيشه
قبلت حور خدها #احبك يازوزو ياعسل انتي
زينب ضاحكه #بطلي ياشقيه ،،،، ها رتبتوا كل حاجه
حور #كله تمام ،،، خلصنا وقلنا نقعد نتكلم شويه
بسمه #امال فين عشق ياحور
#راحت مع انيس ويحيي يتفرجوا علي الدبايح
بسمه بحنق #انا معرفش الواد ده جايب القلب الجامد ده منين ،،،،
#راجل زي ابوه
التف الجميع الي غيث الذي دخل من الباب وفي احدي يديه يحيي والاخري انيس وعشق اسرعت عشق لترتمي بين ذراع حور
# شكلها يخوف اوي ياماما
حور#هي ايه دي
يحيي ضاحكا #البقره اول ماعمو جاسر دبحها فضلت تصوت وبابا جبنا علي هنا
ضربت عشق قدمها بالارض وقالت بطفوليه
#بتتريق عليا يايحيي انا مخصماك
اسرع يحيي اليها وقال #طب خلاص متزعليش
كان الجميع منشغل في يحيي وعشق ولم يلتفت احد الي الصغير الذي تسلل ببطء ليحمل احدي التؤم الفتيات النائمه ليعلن انتصاره
#عمتو انا هاخد دي والنبي والنبي
التف الجميع الي انيس الذي يحتضن الصغيره
عائشه بلوعه #بنتي سيبها ياانيس
انيس بطفوليه #لاء دي بتاعتي
حور بخضه #بتعتك ايه هي قطه سبها يابني الله يهديك
انيس #لاء ،،، انا هخلي بالي منها
تقدم غيث نحوه لينتزع الصغيره من يده وتذهب حور نحوه لتضرب يده
#افرض كانت وقعت منك ،،،، اوعي تعمل كده تاني
سقطت دموع الصغير لتقترب منه عشق وتربت علي خده
انيس بتذمر #سجود بتعتي هه
قال جملته وتحرك ناحيه جناح والدته ركضا غيث ضاحكا
#هي دي سجود بجد
عائشه وهي تحتضن الصغيره #اه هي
غيث #طب الواد ده عرفها ازاي
بسمه # تصدق صح ،،،، دانا لسه مش بعرف افرق بينهم
زينب #حور ادخلي طيبي باخاطره وفهميه بالراحه
حور #حاضر ياماما
زينب #غيث علاء مأجاش
غيث بغيض #لاء لسه
#طب اتصل استعجلوا
تجمعت العائله علي طاوله الطعام الكبيره. علي رأسها جاسر وتجلس زينب في مواجهته تتامل اولادها واولادهم بعيون دامعه ،،،، جاسر
#مش بتكلي ليه ياست الكل
ابتسمت زينب وهي تطعم غيث الصغير الساكن اقدامها
#باكل ياحبيبي ،،،، ربنا يتم علينا نعمته وتتجمعوا حواليا ديما
ليؤمن الجميع
*********************
يتبع