😋 المقادير:
1/2 كيلو صدور فراخ، مفرومة ناعم.
بصلة متوسطة، مفرومة ناعم.
بياض بيضة.
2 ملعقة كبيرة بقسماط ناعم.
ملعقة كبيرة نشا.
ملعقة صغيرة ملح.
ملعقة صغيرة فلفل أسود.
ملعقة صغيرة بهارات فراخ.
ملعقة صغيرة كاري.
1/2 ملعقة صغيرة بابريكا.
للتغليف: بيضة مخفوقة، بقسماط ناعم مخلوط مع كورن فليكس مطحون (اختياري لقرمشة أكتر)، رشة ملح وفلفل أسود.
👩🍳 الطريقة:
في كبة، اخلطي الفراخ المفرومة مع البصل بياض البيضة، البقسماط، النشا، والبهارات كلها، لحد ما تحصلي على عجينة متجانسة.
شكلي العجينة على هيئة أصابع أو أشكال بانيه الشركات، ورصيها في صينية مدهونة زيت خفيف.
ادخلي الصينية الفريزر 15-20 دقيقة لحد ما تتماسك.
اخلطي البيضة المخفوقة مع رشة ملح وفلفل أسود.
اخلطي البقسماط الناعم مع الكورن فليكس المطحون ورشة ملح وفلفل أسود.
اغمسي قطع البانيه في البيض المخفوق ثم في خليط البقسماط، واضغطي عليها كويس عشان تتماسك.
في طاسة عميقة على نار متوسطة، سخني الزيت واقلي قطع البانيه لحد ما تأخذ لون ذهبي جميل ومقرمشة.
قدمي بانيه مع مكرونة أو بطاطس محمرة.
بالف هنا ❤️