أسهل وأسرع بسكويت ممكن تعمليه في البيت… بمكونات بسيطة من مطبخك وطعمه يجنن مع الشاي 👌
المقادير 👇
2 كوب دقيق
120 جرام زبدة أو سمنة بدرجة حرارة الغرفة
نصف كوب سكر بودرة
صفار بيضة بدرجة حرارة الغرفة
كيس فانيليا
الطريقة 👩🍳
في بولة عميقة نحط الزبدة مع صفار البيضة والسكر البودرة والفانيليا، ونخفقهم كويس بالمضرب اليدوي لحد ما الخليط يبقى ناعم وكريمي.
بعد كده نضيف الدقيق بالتدريج، ونعجن بأطراف الأصابع بس لحد ما الدقيق يختفي وتتكون معانا عجينة طرية وناعمة ومش بتلزق في الإيد.
نحط العجينة في كيس تلاجة وندخلها الثلاجة حوالي ساعة عشان ترتاح وتتماسك.
بعد ما نطلعها من الثلاجة نشكلها بالشكل اللي نحبه…
ممكن نفردها ونقطعها بقطاعات بسكويت دوائر أو مربعات، أو نشكلها بإيدينا كور صغيرة.
نرص البسكويت في صينية الفرن، وندخله فرن سخن مسبقًا على درجة حرارة 180 لمدة 10 لـ15 دقيقة لحد ما ياخد لون ذهبي خفيف من تحت.
نطلع البسكويت ونسيبه يبرد تمامًا قبل ما نحركه عشان ما يتكسرش.
وفي الآخر نزينه بالمربى من النص… ويقدم مع الشاي أو القهوة وطعمه تحفة 😍
جربيه وقوليلي رأيك في الكومنتات ❤️
ومتنسوش تصلوا على الحبيب المصطفى ﷺ.