هو كمية المادة الدهنية ، يعنى لازم تكون مناسبة لكمية الدقيق ودى تقدرى
تعرفيها بدون مقادير بمجرد النظر ، لازم يكون الدقيق بعد أضافتة للسمن او
الزبدة قوامه مثل الكريمة السايلة ومفيش اى تكتل فيه.
تاني نقطة مهمة : مدة التحمير لأن البشاميل الجيد لازم يكون الدقيق مستوى علشان منحسش بطعمه فى الاكل.
كمان راعي انك متزوديش فى التحمير قوى لدرجة ان طعم الدقيق يكون محروق ،
وبرضه تقدري تحددي التحمير كافي أم لا بمجرد النظر ، وتقريبا كده مش أقل من
عشر دقايق ولحد ما تلاقى لونه ذهبى.
أضافة اللبن نقطة مهمة ومؤثرة جدا لأن من هنا بيحصل أرتباك شديد ، ولفض
الاشتباك ده يفضل انك تطفى النار تماما وقت اضافة اللبن ، وتقلبى بالمضرب
اليدوى لحد ما يتجانس الخليط كله وترجعيه تانى على النار.
المفروض تكونى مستخدمة أناء مناسب وتهدى الحرارة مع التقليب الجيد لمنع
الالتصاق ، أنا شخصيا أفضل الاوانى المصنوعة من الاستانلس ستيل.
ولو لقيتى اى تكتل يفضل انك تستخدمى الهاند بلندر .
