رواية غرام الفارس البارت 32 و الاخيرة كامل

 

خرج الجميع من حجرة الطعام وتقدمهم نبيل الذى فرح كثيرا عندما علم بوجود فرح.
نبيل بإشتياق/ فرح حبيبة جدك تعالى فى حضنى.
لتنظر فرح لفهد الواقف بجوارها ليبتسم لها إبتسامة خفيفة يشجعها لتجرى مسرعة لأحضان نبيل...
= وحشتنى أوى عامل إية دلوقتى؟؟
لتخرج من أحضانه فيمسك نبيل وجهها بيدية/ بجيت أحسن أول ماشوفتك ياقلب جدك.
لتبتلع فرح ريقها وعلامات الحزن بادية على وجهها ليفهم نبيل ما تفكر فية ليقول وهو يرفع وجهها...
= أنت حفيدتى يافرح محدش يقدر ينكر دة، علشان أنا إللى ربيتك يافرح وربنا يعلم إنك أنت بذات ليكى معزة خاصة فى قلبى.
لتبتسم فرح من كلام جدها وتحتضنة/ أنا بحبك أوى ياجدى.
نبيل/ وأنا كمان يابنتى وإشتاقتلك جوى كمان.
لينظر لفهد المتابع لما يحدث وعينيه تلمع بالسعادة لسعادة زوجتة/ الواد دة عامل معاكى إية؟؟ بيزعلك ولا حاجة؟؟
لتهز فرح رأسها برفض/ لا ياجدى إطمن.
لتنظر له/ دة بيعاملنى أحسن معاملة.
ليبتسم نبيل لها
فاطمه بإبتسامة من خلفة/ مش هتسلمى عليا يافرح ولا إية؟؟
فرح بسعادة/ لا طبعا ياخالتى.
لتحتضنها بلهفة وشوق
لتجد غرام تقف بجانب فارس فتبتلع ريقها بمرارة وهى تتذكر ما فعلتة فى حقهم وما نوت علية لتخرج من أحضان فاطمة وتقترب من فارس وغرام تقف أمامهم وهى تردف بخجل/ أنا عارفة إنى أذيتكوا كتير.
لترفع رأسها وتنظر لغرام/ وأنت بذات ياغرام كنت على طول بغلط فى حقك وكنت على طول بفكر إزاى أأذيكى بس كان غصب عنى صدقينى وأنا دلوقتى أتغيرت وبتمنى تسامحونى.
ليردف فارس بإبتسامة وهو ينظر لفهد/ هو فهد عمل فيكى إية بالضبط؟؟
لتنظر فرح لغرام منتظرة جوابها عليها لتظهر شبح إبتسامة على وجهها يصاحبها إبتسامة عريضة بعدها/ محصلش حاجة يافرح، وإحنا ولاد النهاردة، وبعدين المفروض أنا كمان أعتذرلك عشان أنا برضوا أذيتك كتير وأذبت مشاعرك بس صدقينى مكانش قصدى.
لتسارع فرح بإحتضانها فتبتسم غرام وتبادلها إياة
فى نفس الوقت...
نزل أسر برفقة شهد والإبتسامة تعلوا شفتيهم
لتنتبة شهد لفرح فتتأفف بإنزعاج
أسر بإنعقاد حاجب/ فى إية بتنفخى ليه؟؟ أنت مجنونة يابنتى؟؟
لتقوم شهد بضربة على ذراعية/ أنا مجنونا يا أسر؟!! ليه شايفنى بشد فى شعرى؟؟
أسر بإستغراب/ أومال بتنفخى ليه؟؟
شهد وهى تشاور برأسها له/ يعنى مش شايف إن العقربه تحت؟؟
أسر بإستغراب/ لا مش شايف عقارب أنا مش شايف غير فهد و...
ليصمت قليلا ويردف بعدها...
= اااااه أنت قصدك فرح؟؟
شهد/ بالضبط وأسكت بقى أنت رغاى ليه؟؟
لتلاحظ فرح شهد وهى تنزل برفقة سر
فرح بإبتسامة/ صباح الخير ياشهد عاملة إية؟؟
لتلتفت شهد حولها وتقول ببلاهة/ أنت بتكلمينى أنا؟!!
فرح بضحك/ أظن مفيش غيرك هنا إسمة شهد، المهم عاملة إية؟؟ وحشتينى.
لتقترب منها شهد وعلامات الحيرة والإندهاش تظهر علي وجهها لتضع يديها على جبينها/ أنت سخنة صح.
أسر وهو يقوم بإنزال يد زوجتة ويجز على أسنانة ويقول بهمس/  أنت بتعملى إية وسخنه إية؟؟
شهد بصوت سمعه الجميع/ أيوة ما أنت متفهمنيش إنها طبيعية، دى عمرها ما قالتلى صباح الخير إلا لما بيبقى وراها حاجة.
لتصمت عقب كلماتها وتنظر لفرح/ أنت بتخططى لحاجة صح؟؟
ليقترب فهد من زوجتة ويحتضنها بتملك/ مفيش حاجة من إللى قولتيها ياشهد، فرح فعلا أتغيرت وهى إللى طلبت منى تيجي تشوفكوا عشان حابة إنها تعتذرلكم على إللى بدر منها قبل كدة.
أسر بإبتسامة/ الله ينور يابن عمى، شايفين قعد معاها كام يوم عمل معاها إللى محدش فيكوا عرف يعملوا، الله عليك بجد.
شهد وهى تنظر له بغيظ/ أخرس أنت.
أسر بغيظ/ إية إخرس دى!! أنت إحترمينى شوية وإلا  والله ياشهد.
فارس بصرامة/ أخرسوا أنتوا الإتنين.
لينظر لفهد وأسر/ تعالوا معايا وسيبوا البنات تقعد مع بعض.
ليومئ له فهد وينظر لزوجتة بحب/ عاوزة حاجة ياحبيبتى؟؟
لتردف فرح بعشق/ لا ياحبيبى عاوزة سلامتك.
لتهمس شهد بغيظ لأسر/ شايف؟؟ يكش تتعلم.
أسر/ يكش تتعلمى أنت، شايفة ردت علية إزاى؟؟ ولا شايفة غرام بتعامل فارس إزاى؟؟ ولا جميلة وكمية الرقة؟؟ بس الظاهر إن حد داعى عليا عشان أتجوزك يابرعى.
شهد بغيظ/ أنا برعى يا أسر؟؟
أسر بضحك/ يعنى أنت سبتى كلامى كله ومسكتى فى برعى؟؟
ليقاطع حديثهم فهد/ أسر مش يلا ولا إية؟؟
أسر بضحك/ أها يلا بينا.
ليغادر أسر وفهد وفارس مع بعضهم ويدخل نبيل لغرفة المكتب برفقة إبنه حامد ودخلت فاطمة المطبخ، لتبقى كلا من شهد وفرح وجميلة وغرام معا لتقترب شهد من جميلة وهى تهمس/ أنت مصدقة التغيير إللى هى فية دة؟؟
جميلة بهمس/ شكلها كدة، والظاهر إن جوزك معاة حق وإن فهد عمل إللي أنتوا معرفتوش تعملوة وعلر العموم لو بتمثل هيبان.
شهد بتساؤل/ أيوة يعنى أنا أعمل إية دلوقتى؟؟ أصدها ولا أتعامل عادى؟؟
جميلة/ أنا شايفة إنك تتعاملى عادى.
شهد وهي تنظر لفرح بتفحص/ مبسوطى بقى مع فهد يافرح؟؟
فرح/ الحمد لله ياشهد أنت عامله إية مع أسر؟؟
شهد/ ماشى الحال.
لتنظر فرح لغرام/ الحمل عامل معاكى إية؟؟
غرام/ تاعبنى أوى يافرح وساعات مش بعرف أنام من الوجع.
فرح/ إن شاء الله تولدى بالسلامة.
غرام/ يارب.
💗💗💗
فى غرفة المكتب...
نبيل/ وبعدين ياحامد؟؟
حامد بصرامة/ هو إية إللى وبعدين؟؟
نبيل/ هتفضل زعلان منى لحد أمتى؟؟
ليتنهد حامد بحزن ويلزم الصمت فينهض نبيل من مكانة ويجلس بجانبة قائلا بترجى...
= سامحنى ياحامد سامحنى يابنى أنا مش فاضل فى عمري كتير وعاوز أعيش إللى باقيلى وأنت فى حضنى، صدقنى لو رجع بيا الزمن عمرى ما كنت هقف فى وش سعادتك ومكنتش هسمح لمصطفى أو لوفاء إنهم يأذوك ويأذوا عيلتك بالطريقة دى، سامحنى ياحامد أرجوك.
ليمسح حامد دموعة التى إنهمرت وينظر لوالدة فيجدة يبكى ليمد أناملة ويزيل دموع والدة ويرتمى فى أحضانة، ليعانقة نبيل بلهفة وإشتياق يكاد لا يصدق أن إبنة بين يدية، ليظلوا هكذا لوقت ليس بقليل فنبيل لا يريد إخراجة من أحضانة.
نبيل/ أنا لو مت دلوجتى هموت وأنا مبسوط عشان أنت سامحتنى.
ليقبل حامد يدية/ عمرى ماعرفت أزعل وكنت على طول بحن ليك بس لما كنت بشوف جميلة وهى محرومة من أمها كان قلبى بيقسى وأصمم أكتر إن محدش فيكوا يعرف إنى عايش، كنت زعلان ومقهور ورغم كل دة بحن ليك، أول مارجعت وشوفتك كان نفسى أترمى فى حضنك بس مقدرتش،.مقدرتش غير إنى أعاتبك لأنى إتحرمت من جميلة ومنك، عتابى ليك كان من حبى فيك يابابا.
نبيل بندم/ أنا أسف يابنى والله ما كنت أعرف إن كل دة هيحصل ومكنتش متوقع إن أخوك أو وفاء يطلع منهم كل دة.
حامد وهو يهدء قليلا/ خلاص يابابا خلينى أعيش  أيامى الجاية فى حضنك.
ليحتضنة نبيل مرة أخرى/ ياااااه واحشنى جووى كلمة بابا منك ياحامد.
ليبادلة حامد عناقة وهو فرح بإبنتة فلولاها لم يكن سيحدث ذلك.
💗💗💗
فى المساء فى غرفة مى...
دخلت فرح الغرفة حتى تطمئن عليها لتجدها نائمة لتقترب منها والإبتسامة تعلوا وجهها لتقترب منها وتمسد على شعرها وتقبلها من وجنتيها وتقوم بتغطيتها وتخرج من الغرفة وتدخل غرفتها لتجد فهد يغير ملابسة وعارى الصدر لتخفض وجهها بخجل ليلتفت فهد لها.
فهد/ مى نامت؟؟
لتومئ له فرح بخجل ليلاحظ خجلها فيقترب منها ليرفع ذقنها ويقترب منها ويهمس لها
= أنت مكسوفة ولا إية يافرح؟؟
فرح وهى تنظر له نظرة سريعة/ لا مش مكسوفة ولا حاجة، أنا هدخل أغير فى الحمام.
ليمسك فهد ذراعيها ويقربها منه/ طب ماتغيرى هنا مدام مش مكسوفة.
فلتنظر له فرح وتقول بتلعثم/ ا اا أنت قليل الأدب.
ليضحك فهد ضحكة رجولية عالية/ إية قلة الأدب  فى كدة؟؟
ليكمل بخبث/ دة أنا حتى زى جوزك.
لتنظر له فرح بغيظ وكادت أن تتحرك من أمامة ليمسكها مرة أخرى ولكن تلك المرة وجدتة إلتصق بها وإنحنى يقبل شفتيها ويقبل كل إنش فى وجهها ليبتعد عنها وهو يهمس بشوق/ وحشتنى أوى.
فرح وصدرها يعلوا ويهبط/ وأنت كمان وحشتنى أوى يافهد
لينحنى ناحيتها مرة أخرى ويتجة بها ناحية الفراش لتتعلق فرح برقبتة ويغوصا معا فى بحور العشق.
💗💗💗
بغرفة شهد...
كان أسر يحاول إقناعها بأن ترجع معه للمنزل.
أسر/ ياشهد ياحبيبتى دة هيبقى وضع مؤقت بس عقبال ما أظبط البيت إللى هنقعد فيه.
شهد بعند وإصرار/ مستحيل، أنا مش هرجع البيت دة تانى أبدا.
أسر وهو يتنهد بغيظ/ يعنى يرضيكى نفضل بعاد الفترة دى كلها؟؟ دة إحنا حتى عرسان جداد.
شهد/ برضوا؟؟ لا أنا إتفقت معاك من الأول إنى مش هرجع البيت دة وأنت وعدتنى إننا هتقعد فى بيت لوحدينا.
أسر/ وأنا عند وعدى ياشهد بس مش معقولة أقعد  كل دة بعيد عنك.
شهد/ تعالى أنت أقعد معايا هنا.
أسر/ أنت بتهزرى ياشهد؟!!
شهد/ لا طبعا بتكلم جد.
أسر وهو يقترب منها ويحاصرها/ طب مش أنت بتحبينى؟؟
شهد وهى تنظر لعينية/ أكيد.
أسر/ طب أسر حبيبك بيطلب منك طلب دلوقتى ونفسه تسمعى كلامة.
شهد/ يا أسر أمك مش بتحبنى ولا بطيقنى، وأنا مش معقول هفضل طول اليوم فى الأوضة يعنى.
ليتنهد أسر/ ماشى ياشهد براحتك.
شهد بدلال/ أسر مش عاوزاك تزعل منى، وبعدين مش عوزاك تمشى، خليك معايا النهاردة.
ليبتسم أسر بخبث/ ومين إللى قالك إنى همشى النهاردة ها؟؟
ليقترب منها ويتذوق شهد شفتيها ويقوم بحملها على ذراعية يضعها على الفراش وهو يهمس لها بكلمات الحب والعشق.
💗💗💗

بعد مرور 4 شهور...
كانت غرام تنام بجوار فارس لتشعر بنغزات شديدة في بطنها.
غرام/ ااااة فارس فارس.
فارس بخضة/ مالك ياغرام أنت بتولدى ولا إية؟؟
غرام بصريخ/ أيوة يافارس فى ماية بتنزل قوم بسرعة قوم.
ليتحرك فارس مسرعآ ويقوم بوضع إحدى العبايات على غرام ويخرج بها من الغرفة وهو يحملها ليستيقط من بالمنزل علي صراخها
غرام/ اااااااة.
شهد/ إية دة!! أنت بتولدى يابت؟؟
غرام/ ااااه لا بهزر معاكوا يخربيت غبائك.
شهد/ فى حد يولد دلوقتى؟؟ مش قادرة تستنى للصبح ياغرام؟؟
جميلة/ أسكتى ياشهد أسكتى، أنت مروحتيش مع جوزك ليه صحيح؟؟
شهد/ دة وقتة ياجميلة؟؟
غرام/ اااااه فارس خليهم يسكتوا.
فارس/ أسكتى أنت وهى.
ليتحرك فارس بالسيارة وتصعد شهد بجوارة وجميلة بجوار غرام.
فاطمة/ إحنا جايين وراكوا بسرعة يافارس.
ليسرع فارس بها ويصلوا للمستشفى ليقوم بحملها
فارس/ إلحقونى بس مراتى بتولد.
لتدخل غرام غرفة العمليات ويظل فارس منتظرها والقلق والخوف ينهش قلبة...
فاطمة/ خير يافارس متقلقش.
فارس/ يارب يا أمى يارب.
بعد مرور عده ساعات...
خرجت الدكتور وهى تطمئنهم على غرام وعلى الأطفال، ليسعد فارس ويظل يحمد ويشكر الله كثيرا.
جميلة/ مبروك يافارس يتربوا فى عزك يارب.
شهد/ مبروك يافارس يتربى فى عزك.
فارس/ الله يبارك فيكوا عقبالك ياجميلة عقبالك ياشهد.
💗💗💗
كان الجميع بغرفة غرام يبارك لها ولفارس على أطفالهم.
نبيل وهو يحمل الصبى/ هتسموة إية يافارس؟؟
لينظر فارس لغرام فهو يعلم بأنها تريد أن تسمى الصبى.
فارس وهو يقبل يديها/ غرام إللى هتسمية ياجدى.
نبيل بإبتسامة/ هتسمى حفيدى إية ياغرام؟؟
غرام بإبتسامة والجميع ينظر لها منتظر ردها/ هسمية نبيل.
لينظر لها فارس بسعادة وكذلك نبيل لا يصدق أذنية
ليقترب منها فارس ويقبلها من وجنتية/ بتتكلمى بجد؟؟
غرام بإيمائة وإبتسامة علي وجهها/ جد الجد كمان وكنت هقولك كدة ساعة لما سألتنى بس أنت ساعتها رخمت عليا.
فارس بإبتسامة/ أنت لسه فاكرة؟؟
غرام بغرور مصطنع/ طبعا يا إبنى أنا مبنساش حاجة.
طرق باب الغرفة ليدخل فهد برفقة فرح...
فهد بإبتسامة/ مبروك يافارس يتربوا فى عزك يارب.
فارس/ الله يبارك فيك.
فرح بفرحة له/ مبروك يافارس، مبروك ياغرام.
غرام/ الله يبارك فيكى ياحبيبتى.
أسر بضحك/ إلا قولى يافارس عملتها إزاى دى؟؟
فارس/ هى إية دى؟؟
أسر/ إتنين فى واحد.
ليعقد فارس حاجبية بعدم فهم لتشرح له شهد...
= بيقر عليك يافارس عشان جبت تؤام، وخلى بالك بقى من نفسك ومنهم عشان أسر عينه مدورة.
ليقهقه الجميع على حديثها عدا أسر...
أسر/ هههه ظريفة أوى.
لينظر لفهد/ وأنت بتضحك على إية؟؟
فهد بخبث وبنبرة فهمها أسر/ ممنوع أضحك ولا إية؟؟
أسر بخوف مصطنع/ لا ياحبيبى إضحك براحتك.
فرح/ وأنت ياشهد بقيتى فى الشهر الكام؟؟
شهد/ فى أخر التانى خلاص.
لتبتسم لها فرح/ يجى بالسلامة إن شاء الله.
شهد/ إن شاء الله.
لينظر فهد لفرح ويبتسم لها ليقول لها بهمس لم يسمعة غيرة/ إن شاء الله العلاج إللى كتبة ليكى الدكتور يجيب نتيجة.
فرح/ إن شاء الله، أنا عندى أمل فى ربنا كبير.
فهد بإبتسامة/ إن شاء الله ياحبيبتى.
فاطمة التى تحمل الصغيرة/ طب أنتوا نسيتوا الكتكوتة دى ومقولتوش هتسموها إية؟؟
غرام/ دى بقى فارس إللى هيسميها.
فارس وهو يأخد الصغيرة من والدتة/ هسميها غرام يا أمى
جميلة/ الله عليك يافارس هو دة الكلام.
لتنظر له غرام بحب ليقترب منها وهو يضع الصغيرة بجانبها لتهمس له/ بعشقك.
لتتسع إبتسامتة ويقول بهمس/ وأنا كمان بعشقك.
💗💗💗
بعد مرور 6 شهور...
فى منزل أسر وشهد
شهد/ ااااااااااه مش قادرة.
لتدخل الغرفة
= أسر أسر أاااااااااسر.
أسر بخضة/ إية فى إية؟؟ إية إللى حصل؟؟
شهد/ إلحقنى شكلى بولد.
أسر بتوتر/ بتتكلمى جد ياشهد؟؟
شهد/ لا بهزر معاك كمل نوم.
ليتنهد أسر براحة/ خضتينى ياشيخة.
شهد بوجع وصريخ/ قوم يخربيتك بقولك بولد ااااااااااااااااااااه.
لينهض أسر من مكانة ويخرج بها من المنزل ويصلها إلى المستشفى وتدخل غرفة العمليات ليخرج هاتفة ويحدث عائلتها ليخبرهم وتحدث مع والدة ووالدتة ليخبرهم أيضا ولم يمضى كثيرا حتى جاء الجميع وكانوا ينتظرون بلهفة أمام غرفة العمليات
لتخرج الطبيبة/ ألف مبروك.
أسر/ طمنينى شهد عاملة إية؟؟
الطبيبة/ بخير الحمد لله وجابت ولد وألف حمد لله على السلامة.
فى الغرفة...
قام الجميع بتهنئة شهد وأسر لتقترب منها حمدية تمسك كفيها
= ألف مبروك يابنتى وعوزاكى تسامحينى على أى حاجة عملتها معاكى.
ليسعد أسر من فعلة والدتة
شهد بإبتسامة/ حصل خير ياطنط.
لتنظر لأسر الذى سعد بردها/ أنا عاوزة إبنى بقى يا أسر إديهولى شوية.
ليقترب منها أسر ويضعة بجانبها
= هتسميه إية ياشهد؟؟
شهد وهى تنظر لفارس/ هسمية على إسم أخويا  الكبير إللى طول عمرة شايل العيلة ومستحملنا كلما هسمية فارس.
ليسعد فارس كثيرا وينظر لغرام التى تحمل إبنه وينظر هو لطفلة الذى بين يدية بسعادة.

******************

أنتهت رحلتنا معهم إلي هذه الحد اتمني أن تكونوا استمتعوا معاهم وشاركتوهم كل تفاصيل حياتهم و اتمنى ان تكون الرواية افادتكم مش بس حاجه بتقروها وتسليكم

تمت بحمد الله