جلست فرح بمكانها مرة أخرى وظلت تفرقع أصابعها بعض الوقت فهى تنتظر نزول غرام وفارس فهى تريد رؤيتها وهى تتناول العصير فذلك سيشفى غليلها لتنتبه لدخول جميلة غرفة الطعام لتنظر لها بحقد.
جميلة/ صباح الخير يافرح.
فرح ببرود بعض الشيئ/ صباح النور.
جميلة وهي تجلس بمكانها وتبدأ بتناول فطورها...
= هى شهد مصحيتش لسه؟؟
فرح/ أيوة.
لتنبته لدخول فارس وغرام لتبتسم لهم
فرح/ صباح الخير.
فارس وغرام/ صباح النور
غرام بإستفهام وإبتسامة بسيطة على محياها...
= صاحية بدرى يعنى النهاردة؟!!
لتتوتر فرح ولكنها سريعا ما أخفت توترها...
= ولا بدرى ولا حاجة أنا نازله قبلكم بحاجة بسيطة أوى.
لتنظر غرام لجميلة/ صباح الخير ياحلوة.
جميلة/ صباح النور ياروما.
لتنهى جميلة طعامها سريعا وتنهض من مكانها وهى تودعهم.
جميلة/ يلا سلام أنا بقى علشان ورايا حاجات شغل كتير.
فارس وهو يبتسم/ سلام.
ليرجع فارس لتناول طعامة أما فرح فتركيزها كان مع غرام فهى تنتظرها على أحر من الجمر حتى تشرب العصير فهى حتى الأن لم تشربة ولم تقربة لتنتبة على نهوض فارس من مكانة وتوديعة لغرام.
فارس و هو يقبل جبينها/ حبيبتى خلي بالك من نفسك ها .
غرام بإبتسامة/ حاضر ياحبيبى.
ليغادر فارس لتنظر فرح لغرام..
= مبتاكليش يعنى ياغرام؟!! الأكل قدامك زى ماهو وكمان العصير بتاعك.
غرام وهى تبتلع طعامها وتقول بمرح/ لأ متهيألك دة أنا الأيام دى مش مبطله آكل.
لتغتصب فرح إبتسامة على وجهها لينتبهوا لدخول شهد.
شهد بسرعة وهى تبحث عن فارس وتقف بجانب غرام/ هو فارس مشى ولا إية؟؟
غرام/ أها خرج من شوية.
أخذت شهد العصير من أمام غرام شربتة.
فرح بغيظ/ شهد دة عصير غرام أنت إية قلة الذوق دى؟؟
لتشرب شهد العصير حتى أخرة غيظا بفرح.
غرام بضحك/ سبيها يافرح هر شربتة خلاص.
شهد وهى تضع الكوب على الطاولة وتنظر لفرح
= هو أنا شربت عصيرك؟؟ دة بتاع غرام أنت مالك بقى؟؟ ياباى.
لتتكئ فرح على أسنانها فشهد قد خربت لها مخططها
شهد/ يلا سلام بقى.
💗💗💗
وصل فارس المزرعة ليجد أسر بإنتظارة
فارس بسخرية/ أنت إية شايفنى فى منامك ولا إية؟؟
أسر/ هههه ظريف زى بنت عمك بالضبط.
فارس وهو ينظر له/ عيد إللى قولتة كدة تانى.
أسر/ بقولك دمك خفيف أووى زى شهد دة أنتوا عيلة فله
فارس/ أسر كفاية هزار وقول إية إللى جايبك بدرى كدة.
أسر/ جاى أقنع شهد عشان توافق عشان أكيد لو عمك كلمها من غير ما أقنعها هترفض وحط تحت هترفض دى مليون خط.
فارس/ وأنت بقى ناوى تقنعها إزاى؟؟
أسر وهو يحك دقنة/ مش عارف بس أكيد هلاقى طريقة.
لينتبه أسر لها
أسر/ يلا يلا إتكل إدعيلى الله يعينى.
فارس بضحك/ روح لمصيرك يابنى.
ليغادر فارس ويذهب لمكتبة
أما شهد فقد لمحت فارس وهو يقف مع أسر لتتأفف فى سرها من رؤيتة صباحا لتسير من أمامة كأنها لم تراة ليلحق بها أسر وهو ينادى عليها/ شهد.
فلم تستجيب له لكنها توقفت عندما سمعت ندائة الذى تكرر لتلتفت له بغضب/ نعم خير؟؟ مش شايفنى مردتش عليك.
أسر بغيظ/ ممكن أعرف الهانم مش بترد عليا لية؟؟
شهد/ أنت غبى يلا أكيد يعنى مش عاوزة أتكلم معاك كفاية إنى شوفت وشك على الصبح أصلى بتشائم منك.
أسر وهو يجز على أسنانة ليقوم بإمساكها من ذراعيها بغضب/ شهد إحترمى نفسك أنا لحد دلوقتى مش عاوز أوريكى الوش التانى.
شهد وهى تشعر ببعض النغزات فى بطنها/ أسر إمشى لتفلت يديها وكادت تتحرك من أمامة ليمنعها مرة أخرى.
أسر/ مش هتتحركى من هنا غير لما نتكلم.
شهد بتوجع/ اااااه
أسر وهو يعقد حاجبية/ مالك ياشهد؟؟
شهد بصوت أعلى/ بطنى مش قادرة ااااه.
ليقلق أسر من منظرها ويرى إنتباه العاملين لها ليأمر أحدهم بإبلاغ فارس وبالفعل أسرع العامل لإبلاغ فارس.
ليخرج فارس من مكتبة بسرعة ليجد أسر يحمل شهد ويضعها بسيارتة
فارس/ مالها شهد يا أسر؟؟
أسر/ إركب بس وهقولك.
ليركب فارس وأسر سريعا ليقود أسر السيارة بأقصى سرعة لدية ومازالت شهد تصرخ من الوجع.
أسر وهو ينظر لها/ أنت بتولدى ياشهد ولا إية؟؟
شهد وهى تضربة/ الله يخربيت وشك قولتلك بتشائم منك.
ليمنع فارس ضحكتة ويسأل أسر/ مالها يا أسر إية إللى حصل؟؟
أسر وهو ينظر له بالمرآة/ معرفش أنا كنت واقف بتكلم معاها ومرة واحدة لقيتها قعدت تصوت معرفش إية إللى حصلها.
فارس بتساؤل/ أنت كلتى حاجة ياشهد؟؟
شهد بتوجع/ مكلتش حاجة أنا مشربتش غير عصير.
أسر/ أومال فى إية؟؟
فارس/ هنعرف أكيد.
💗💗💗
كانت فرح بغرفتها تسير ذهابآ وإيابآ وتقضم أظافرها بتوتر وغيظ فكيف لم تفكر بشكل صحيح فهى بذلك تكشف نفسها بنفسها كان عليها أن تفكر وتخطط بشكل سليم فماذا سيحدث إذا أخذوا شهد للمشفى وكشفوا عليها سيكشفوا أمرها من خلال التحاليل وغرام كذلك ولكن كل ما فكرت به فى وقتها أنه عليها أن تجهض الطفل فهو من سيربط غرام وفارس لتدبدب فى الأرض وتلعن وتسب نفسها لغبائها وتسرعها...
= غبيه غبيه غبيه هيكشفوكى ماهو مفيش غيرك ممكن يعمل كدة اوووووف.
لتظل تفكر حتى خطرت فكرة فى رأسها لتخرج من الغرفة وهى تنوى تنفيذها فعليها أن تنقذ نفسها.
💗💗💗
فى المستشفى...
كانت شهد تنام بإحدى الغرف وأثار الوجع ظاهرة على وجهها وأسر وفارس يجلسون معها والدكتور يرا الملف الخاص بها.
فارس/ خير يادكتور إية سبب إللى حصلها دة؟؟
الدكتور وهو ينظر لفارس/ من تحليل الدم إللى عملناة إتضح إنها واخدة نوع دوا قوى.
أسر بإستغراب/ دوا لإية يادكتور؟؟
شهد وهى تنظر للدكتور/ أنا مبخدش أدوية أنا أصلا مشربتش حاجة غير عصير.
الدكتور/ الحقيقة الدوا دة بيسبب الإجهاض.
فارس والشك يثاورة/ أنت متأكد يادكتور؟؟
الدكتور/ أكيد دة شغلى.
ليشكره فارس وأسر ليستأذن الطبيب ويغادر من الغرفة
شهد/ فارس.
لينتبه لها فارس/ أيوة ياشهد؟؟
شهد/ أنا العصير إللى شربتة مكانش بتاعى كان عصير غرام.
ليتنهد فارس فهو قد فهم بأن غرام المقصودة ليأتى فى باله فرح وبدء يشك بها ولكن فرح تغير كثيرا وأصبحت قريبة من غرام لما قد تفعل ذلك
فارس لنفسه/ أنت غبى يافارس مفيش غير فرح قال وبتسأل نفسك عملت كدة ليه أنت نسيت إنها كانت مراتك وبتحبك من وهى عيلة؟؟
ليخرجة من شرودة صوت أسر/ بتفكر فى إية يافارس؟؟
لينظر فارس لهم ليجدهم يبحلقون به...
= شهد إسمعينى كويس وتنفذى إللى هقولك علية.
💗💗💗
فى المساء...
دخلت جميلة غرفتها وإتجهت ناحية الدولاب لتخرج ما سوف ترتدية وكادت أن تغلق لتلمح شيئ غريب بين ملابسها لتمد يدها وتخرج ذلك الشيئ لتجدة إزازة دواء صغيرة لتمسك هاتفها وتكتب إسمة لتنصدم مما يفعلة الدواء وتستغرب ماذا يفعل ذالك الدواء بغرفتها!! لتضعة فى جيبها وتخرج من الغرفة.
💗💗💗
فى الأسفل...
وصلت شهد برفقة فارس لتستقبلهم غرام
غرام لشهد/ مالك ياشهد وشك أصفر كدة ليه؟؟
شهد وهى تنظر لفارس/ مفيش بس بطنى وجعانى شوية.
لتنزل فرح وهى تقترب منهم وإبتسامة على وجهها
= حمد لله على السلامة
فارس/ الله يسلمك
لتقترب من شهد/ مالك ياشهد وشك أصفر كدة ليه وباهت؟؟
شهد/ بطنى وجعتنى بس شوية وفارس ودانى المستشفى.
لتبتلع فرح ريقها بتوتر وتسألها/ وعرفتى إيه السبب؟؟
شهد/ تسمم أكلت حاجة مسممة.
فارس لفرح/ علشان قولتلك مليون مرة قبل كدة ياشهد متاكليش الأكل إللى بتاكليه دة أهو كنتى هتروحى مننا.
شهد/ تف من بوقك بس يا أخى أنا لسه فى عز شبابى ومدخلتش دنيا
غرام وهى تضحك/ طب تعالى يا إللى عايزة تخشى دنيا تعالى.
💗💗💗
لتساندها غرام وتصعدها لغرفتها
غرام بتساؤل/ أنت فعلا عاوزة تخشى دنيا ياشهد؟؟
شهد/ هههههه أنت مسكتى فى الكلمة ليه ياغرام دى كلمة والسلام؟؟
غرام بخبث/ طيب حيث كدة بقى مش هقولك حاجة ومش هفتح بوقى بكلمة.
شهد بإستغراب/ أنت بتقولى إية؟!!
غرام/ مقولتش.
شهد/ غرام قولى إللى عندك.
غرام/ أصل فى عريس متقدملك.
شهد بإنعقاد حاجب/ مين بقى إن شاء الله؟ ؟
غرام/ أسر.
شهد/ أسر أسر؟؟
غرام بضحك/ أسر أسر.
شهد وهى تقف/ لا طبعا أنا مش موافقة.
غرام بتساؤل/ ليه بس؟؟
شهد/ مبطقهوش ياغرام بنى أدم مغرور كدة وشايف نفسه مش عارفة على إية.
غرام/ طيب أنا قولت أقولك عشان تبقى عارفة ولو عاوزة نصيحتى وافقى علية عشان هو شاريكى بجد ومش هتلاقى واحد شاريكى زية كل يوم ياشهد فكرى كويس عشان باباكى لما يكلمك متتفاجئيش.
شهد/ هو بابا عارف؟؟
غرام/ أيوة وجدك كمان وعمو أحمد هيفاتحك فى الموضوع عشان يشوف رأيك وأنا رأيى إنك توافقى.
شهد بتفكير/ مش عارفة بقى ربنا يسهل
☆¤☆¤☆¤☆
☆¤☆¤☆¤☆
فى الأسفل...
بعد صعود غرام برفقة شهد ظلت فرح واقفة فى مكانها مع فارس وظل فارس يتطلع عليها فهو يلاحظ توترها وخوفها ويلاحظ أنها تحاول أن تخفيه لترفع عينيها لتجدة يتطلع إليها.
فرح وهى تبتلع ريقها/ أنت بتبصلى كدة ليه يافارس؟؟
فارس/ لا مفيش سرحت بس شوية.
لينتبة على صوت جميلة من خلف فرح لتلتفت فرح تنظر لها، جميلة وهى تقترب من فارس...
= فارس عاوزاك ثوانى فى المكتب.
فارس بموافقة/ ماشى.
لينظر لفرح/ عن إذنك يافرح.
فرح/ إتفضل.
ليغادر فارس برفقة جميلة لتظل فرح تتطلع عليهم
أما فى المكتب...
فارس/ خير ياجميلة موضوع إية إللى عوزانى فيه.
جميلة وهى تخرج إزازة الدوا الصغيرة من ملابسها
= أنا لقيت الإزازة دى بين هدومى يافارس.
ليأخذها فارس منها وهو يتطلع إليها/ إيه دة ياجميلة؟؟
جميلة/ أنا عملت سيرش عنه أول مالقيتة دة دواء إجهاض يافارس وشديد كمان.
لينظر لها فارس وقد تأكد بأنها فرح
فارس/ شهد النهاردة شربت عصير غرام.
جميلة بترقب/ وبعدين؟؟
فارس/ جالها مغص النهاردة وأخدناها المستشفى والدكتور قالنا إنه باين من تحليل الدم إنه دوا إجهاض.
جميلة بتفكير/ فرح يافارس فرح أول واحدة صحيت النهاردة ودى مش عادتها وأنت أكتر واحد عارف الكلام دة كويس.
فارس بتنهيدة/ عارف ياجميلة عارف فرح بقت خطر على غرام وعلينا كلنا.
جميلة/ معاك حق فرح مش طبيعية يافارس ولازم تتعالج إللى هى بتعملة دى تصرفات واحدة مش طبيعية وإحنا مش لازم نستني لحد ما تإذى حد فينا وخاصه غرام.
فارس بتفكير غامض/ يبقى لازم تخرج من البيت ياجميلة لازم تبعد عننا.
جميلة/ أنت بتفكر فى إية يافارس؟؟
فارس وهو ينظر لها/ هقولك...
☆¤☆¤☆¤☆
☆¤☆¤☆¤☆
كانت شهد بغرفتها تفكر فى كلام غرام عن أسر لا تنكر بأنها شعرت بالسعادة ولكن لا ف أسر شخصية مغرورة ومتكبرة.
تطرد تلك الفكرة من بالها لتسمع صوت قادم من الشرفة لتنهض من مكانها وهى تقترب لتجد أسر يدخل من الشرفة لتشق بخوف وخضة
شهد/ بسم الله الرحمن الرحيم.
أسر بمرح/ إيه شوفتى عفريت؟؟
شهد وهى تلكمه/ أنت كمان بتهزر؟؟ أنت إيه إللى مدخلك أوضتى أنت إتجننت يا أسر؟؟
أسر وهو يقترب منها/ وأنت لسه عارفة إني إتجننت؟؟
شهد وهى ترجع خطوة للوراء وتقول بتلعثم/ إطلع برة يا أسر بدل ما...
ليقاطعها أسر وهو يقترب/ أيوة بقى بدل ما إية؟؟ عايز أعرف.
شهد بتلعثم/ هصوت وهلم البيت عليك وشوف فارس هيعمل فيك إيه.
أسر وقد أقترب منها أكثر/ مش همشى من هنا غير لما تعمل إللى أنا عايزة.
شهد/ وإية هو بقى إللى أنت عايزة؟؟
أسر وهو يهمس بجانب أذنيها/ أصل أنا طلبتك من فارس وهو كلم باباكى وهو هيكلمك عشان يعرف رأيك أنا بقى مش هطلع من هنا غير لما تقوليلى إنك موافقة.
ليبعد عنها ويرى وجهها أحمر من الخجل ومن وقع كلماتة عليها
أسر بإبتسامة خفيفة/ قولتى إية؟؟
شهد وهى تحاول أن تسترد قوتها/ لا طبعا أنا مش موافقة.
ليبتعد أسر ويتجه ناحية الفراش وينام علية
أسر/ طيب خليكى بقى مش موافقة لما تغيرى رائيك إبقى صحينى.
لتقترب منه وتقوم بلكمه/ قوم من هنا أنت بتستهبل.
أسر بعند/ أنا قولتلك إللى عندى.
شهد/ ماشى يا أسر هوافق.
أسر وهو ينهض من مكانة/ أنت قولتى إية؟؟ سمعينى تانى
شهد/ موافقة يا أسر بس إفتكر إنك أنت إللى إخترت.
💗💗💗💗
أما بالأسفل...
أجتمعت العائلة على الطاولة لينهض فارس من مكانة وهو يقول...
= فى موضوع مهم لازم كلكوا تعرفوة.
لينظر الجميع لبعضهم ليردف نبيل
= جول يافارس إية هو الموضوع؟؟
لينظر فارس لفرح/ فرح أنا شايف إنى لازم أجوزك عشان كدة شوفتلك عريس مناسب.
لتنظر له فرح بصدمة و...
************************************
بقلم... فاطمه محمد
ايه رايكم فى الاحداث يارب تكون عجبتكم وهستنى رايكم وتفاعلكم عليها
توقعاتكم
يتبع
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق