عايز واحده بختمها متبرشمه يعني فلو عكيتي مع حد كده ولا كده قوليلي ما تتكسفيش وتكسفيني مع الناس ازعل قوي
حنين رجعت لورا برعب شديد وقالت بزهول ..مش..مش فاهمه
جبران بصلها بنظرات مخيفه وابتسم وقال..لا انتي فاهمه ..فاهمه قوي كمان...وشد ايدها وطلع بيها وهو بيقول... متقلقيش قوي كده..الراجل مش بخيل خالص وهيدلعك
حنين بقت تزقو عايزه تبعدو عنها وبتقول ...انت حيو،،ان سيبني..سيبنس حرام عليك
جبران بصلها بغضب بطريقه رعبتها وقال ...هتطلعي بالذوق وتروحي مع راجل واحد وغني ومحترم ولا اخلي الرجاله دول كلهم يحفلوا عليكي
حنين قالت ببكا ..انت.. انت شغال في الد،،عاره..انا كنت فكراك انسان كويس ومحترم
بصلها بنظرة مخيفه وقال ..لا انا شيطان..وابتسم باستفزاز وقال...شيطان كويس ومحترم
وسحبها من ايدها وطلع بيها وهو بيقول..الد،،عاره دي اقل حاجه بشتغل فيها اسألي ابوكي عني ..ده لو رجعتيله يعني
في القصر كانت روز رايحه الجامعه ولسه هتطلع ابوها قال استني يا روز روحي مع خطيبك فارس هيوصلك النهارده وهتتفاهموا على الطريق
روز اتصدمت وفارس اتنهد بضيق اما نديم فكان هيتجنن ولسه هيتكلم روز بصت له برجاء وعيونها مليانه دموع ..اتنهد بضيق وبص لتاره اخته وكانت جاهزه وهتمشي.. شدها من ايدها على زاويه وقال برجاء..تاره هطلب منك طلب يا جميله
تاره بصتلو و ابتسمت بخبث وقالت... انت عايزني اركب معاهم مش كده
نديم اتفاجئ وقال بارتباك...انت عرفتي ازاي
ابتسمت بخبث وقالت.. انت مفقوس قوي على فكره يا نديم انت والست روز بتاعتك عنيكم بتطلع قلوب يا حبيبه
نديم قال.. طيب هتساعديني
تاره قالت بخبث.. انت وشطارتك ..بابا خاصم من مصروفي زي ما انت عارف علشان خبطت العربيه شغلع جيوبك واوصلهالك لحد الجامعه
نديم اتنهد بفرحه وقال...تمام روحي الحقيهم دلوقتي وهديكي الفلوس اللي تعوزيها كلها
تاره ضحكت وقالت... اوكي
وراحت بسرعه وقالت كويس انك هتوصلها يا فارس عشان عايزه اروح معاكم
بقلم..زهرة الربيع
اسامه قال بضيق... تروحي فين ما تروحي بعربيتك
تاره قالت بسرعه...اولا عربيتي لسه خبطاها وحضرتك رافض تصلحهالي..وبعدين انتو ليه عايزنهم يمشو لوحدهم .. هما لسه هيتعرفو مهم عارفين كل حاجه عن بعض.. اما بقى لو مستنيين تأتأه يتكلم تبقى دي المسخره بعينها
فارس اتنهد بضيق ووعد قالت بغضب واندفاع.. ليه كل شويه تقوليله الاسم ده ...عيب عليكي
تاره شافت انها فرصه خصوصا ان غالب موجود وقالت وانتي زعلتي ليه..شيفاكي بتدافعي عنه كتير يعني وبصت لغالب اللي الغضب بان على ملامحه جدا وكملت وقالت بخبث.. مهتمه قوي يعني بفارس غريبه جدا
وعد بصتلها بغضب وقالت.. فارس من عيلتي وليا حق ازعل عليه.. ثانيا اللي هو فيه ده من التوتر مجرد احساس مينفعش تتريقي
تاره ضحكت وقالت من غير تفكير . لا ده مش من التوتر ده من طنط عهد هو وارثها حتى في دي مش في الشكل بس
عهد نزلت عينيها في الارض بحزن وحرج وضرغام حط ايده على كتفها وابتسملها ولسه هيتكلم ..اسامه سبقو ووقف وقال بغضب يخوف... تاره...اعتذري حالا
شوق قالت كمان بغضب.. اسمعي كلام ابوكي يا بت
تاره نزلت دموعها وقالت بحزن.. انا..انا والله ما كنت اقصد انا كنت بهزر
اسامه قال بغضب..ده مش هزار دي بجاحه ..اعتذري قولت يلا
تاره لسه هتعتذر فارس قال بهدوء...وتعتذر ليه ..هيه مدحتني اصلا... انا طول اورث حاجه من القمر دي..وباس ايد امه وقال بفخر واضح...ده انا لو ورثت تراب من تحت رجليها ابقى ملكت الجنه
عهد ابتسمت بدموع وحطت ايدها على راسه وقالت ربنا يخليك ليا يا قلبي
تاره زعلت قوي وقالت بدموع..والله ما كنت اقصد غير هزار
عهد ابتسمت لها وقالت ولا يهمك يا تاره انا مش بزعل منك يا حبيبتي
اسد حط ايده على كتف فارس وقال بفخر..وهو بيبص لغالب وقاصد يوصلله رساله...انا علشان كده كنت مصر اجوزك واحده من بناتي ولو ما وافقتش على روز كنت هجوزك عهد ..لانك لو ناسبتني يبقى ده اعظم انجازاتي لما ابقى بجوز بنتي لشاب زيك واخد ربايه البيت كله لوحده
فارس ابتسم وضرغام قال.. هو كمان مش هيلاقي زي بناتك انا من اول ما خلفتهم وانا ناوي اناسبك
اسد قال بضحك.. انا لو ينفع كنت جوزتهملو الاثنين على الاقل اطمن عليهم مع شاب زيه
غالب بصلهم بغضب وبص لاخوه بحقد..وطلع على اوضته بسرعه
فارس بص لطيفه بحزن واسامه كمان اتنهد لانه عارف ان ابنه الوحيد بيفكر في روز
عند جبران وقف العربيه عند نايت كلب وقال... اسمعي الراجل هنا هياخدك تروحي معاه فورا من غير نقاش سمعاني
حنين قالت بغضب... لا لا مش رايحه في اي حته وهصوت وهلم عليك الناس
جبران ضحك جامد وقال.. ناس ايه اللي هتلميها هنا انتي لو صوتي هنا مش هتلمي غير معجبين... يلا متتعبنيش معاكي مش كل حاجه اقولها تقولي لا...اقولك خلينا ننبسط سوا ..لا ...طب ابوكي يرجع الفلوس ..لا ..طب قلبي رزقك وادفعي انتي حاجه من اللي ابوكي اخذها برده ..لا ..تقدري تقوليلي اعمل بيكي ايه اعراضك في متحف.. انا مش فاهم انتي متخيله ايه مش كفايه انا جبران الغول معايا مزه من ثلاث ايام مش عارف اظرفها بوسه واحده حتى.. يلا خلصيني
حنين كانت عايزه تبتسم على كلامه وقالت بخوف.. هو انت اسمك جبران
جبران ابتسم بخفه ومد ايده وقال... اه صحيح متعرفناش انا جبران الغول وانتي
قالت بصوت واطي..حنين
جبران اتنهد وقال ...اسمك حلو وانتي كلك حلوه..واتغيرت ملامحو فجأه وقال...بس الرغي مش حلو خلصينا يلا ..انزلي
حنين قالت بدموع... يا استاذ جبران انا مش هعرف اعمل كده والله ما هعرف..شغلني اخدم في اي بيت او اعملك اي حاجه ..هشتغل تمام بس مش هينفع الشغلانه دي والله مش هقدر
جبران مسح على وشه بضيق شديد وقال ..انتي هبله.. شغل بيوت ايه اللي هيجيب الفلوس دي كلها اخلصي وخلصيني انا مش عارف بتساير معاكي كده ازاي
حنين قالت ببكا... انا مش هقدر مش هعرف انا خايفه قوي
جبران بصلها بحده لما قالت كده وقال بغضب .. متقوليش خايفه دي قدامي.. فاهمه ..متقوليهاش خالص.. واحتضن خدودها بايديه وقال وهو بيبص في عيونها... مينفعش تخافي.. كلمه خوف دي ما بتمشيش مع الحياه ..يعني يا تخافي..يا تعيشي.. فهمتي يا حنين اوعي تخافي..و بص قدامه وقال بحسره ..انزلي يا حنين وخدي بالك من نفسك
حنين بصتله بدموع وقالت.. يعني ده اخر كلام عندك هتسيبني
جبران حاول يصتنع الامبالاه زي العاده وقال... ايه يا بت هتسيبني دي ..هو وانا خطيبك اخلصي ما تافوريش
حنين نزلت وخبطت الباب بغضب وقالت ..تمام..انا هتصرف لوحدي غور في داهيه
جبران بصلها بزهول وقال.. اغور.. وفي داهيه كمان ماشي وبصلها من فوق لتحت وقال بمعاكسه...حقك يا مفتري ..تبيع وتشتري..قال كده ومشي بالعربيه وسابها واقفه بتبص لطيفه بدموع
جبران اتنهد بحزن ..وعمل تليفون وقال..ابو نواف.. البنت قدام النايت كلب لابسه فستان اخضر..حلال عليك يا باشا
في القصر غالب كان هيتجنن من كلام اسد عن اخوه ومن طريقة دفاع وعد عنه كان رايح جاي قدام اوضته واول ما شافها جايه دخل الاوضه واقف ورا الباب
وعد كانت رايحه اوضتها واول ما وصلت عند اوضتو فتح الباب وشدها بسرعه وقفل الباب تاني
وعد بصتلو بدهشه وخوف وقالت..عايز ايه ..اوعى افتحلي الباب
غالب بصلها بغضب وقال.. يا ترى انت كمان رايك من راي ابوكي وعاجبك الاستاذ فارس
وعد بصتله بغضب وغمضت عينيها وفتحتهم بضيق شديد وقالت.. غالب فارس ده اخوك ده اولا ثانيا هو انسان كويس ويستاهل كل كلمه كويسه اتقالت عليه وهيبقى جوز اختي لو مش واخد بالك.. فبلاش كل شويه تجيلك نوبة الجنان دي
غالب ضغط على ذراعها بغضب وقال...ولو مكانش هيتجوز اختك كان عادي مش كده...زعلانه قوي علشان هيتجوز اختك بتتمني مكانها مش كده
وعد شدت ايدها من ايده وقالت بغضب شديد ..قولتلك متلمسنيش ..استغفر الله العظيم يا رب يا الصبر من عندك ...واتنهدت وقالت بخنقه ...ياغالب نفسي اضربك قلم اعدلك وشك وافوقك واخليك تاخد بالك من كلامك اللي مش بتعرف معناه حتى.. بس مستحرمه ان ايدي تلمس وشك
غالب ابتسم وبعد عنها وقال ...بس لو ايدك هتلمس وشي انا معنديش مشكله في القلم
وعد نفخت بغيظ وكانت هتمشي بس قال بسرعه..استني.. اديني بقول استني اهو مش بمسك ايدك
وعد وقفت وهو اتنهد وقال..وعد هو انا ممكن اعمل ايه علشان تحني عليا.. انا بجد شاريكي ..مش هتلاقي حد في الكوكب كله يحبك قدي
وعد بصتله بغضب وقالت ..يا سيدي يولع الكوكب باللي فيه لو مصيري هيبقى مع واحد زيك في الاخر... بص كده هقولك على نصيحه عشان ترتاح .. اتجوز يا غالب بجد اتجوز واملأ الفراغ اللي في حياتك ده..وشيل فكره ان وعد ممكن تتجوزك في يوم انساها خالص .. لاني بجد صعبان عليا اليوم اللي هتبص فيه تلاقي نفسك وحيد.. او تضطر تحضر اليوم اللي هتلاقيني برتبط فيه بواحد غيرك قدامك
قالت كده من غير ما تعمل حساب لكلامها و لسه هتمشي شدها بغضب ومسكها من ادرعاتها الاثنين خبطها في الباب وقال بغضب رهيب يخوف...اليوم ده مش هيجي متخافيش ..مش هيجي يا وعد انتي ليا وبس..واتجمعت الدموع في عينيه وقال بغضب ووجع.. يوم ما احس ان اليوم ده ممكن يجي..هادفنك بايدي يا وعد وهابات معاكي في نفس القبر ..ياريت تتعاملي على الاساس ده
وعد خافت من نظراته وكلامه وطلعت بسرعه من غير ما ترد عليه ولا تكلمه وهي بتفكر ان الموضوع زاد عن حده وانه فعلا مهووس بيها ولازم تتصرف
تحت كانو مجتمعين ودخلت بنت في منتصف العشرين تشبه شوق جدا وقالت بصوت عالي...لولو جات يا بهوات
الكل ابتسمو بسعاده وشوق جريت عليها وحضنتها بقوه وهيه بتقول..يا حببتي يا قلبي وحشتيني يا ليالي
ليالي حضنتها بحب واتقدم عليهم اسامه وبصلها وابتسم وهيه اتقدمت عليه وحضنتو بحب وقالت..وحشتني يا كبير
اسامه اتجمعت الدموع في عيونه وهو بيحضنها بسعاده وقال..انتي اكتر يا بنت الك،لب وحشتنيتي اوي
واتقدمو كلهم وبقم يسلمو عليها بسعاده ...ودخل شاب في العشرينات ومد ايده لاسامه وابتسم وقال ..ازيك يا عمي
اسامه قلب وشو بضيق وقال بصوت واطي ..عما الوان.. يخليك تشوف الكوسا بتنجان يابعيد
ليالي ابتسمت بقلق وقالت وهيه بتضغط على اسنانها..بابا يا قلبي ..مرتضى مادد ايده عايز يسلم عليك يا حبيبي
اسامه بصلها وقال فيه ايه بتغمزيلي ليه..وبص لمرتضى بضيق وقال ..اه اهلا يا مرتضى معلش كنت شايفك والله ومش عايز اسلم
شوق داست على رجلو وهو بصلهم بضيق
مرتضى اتحرج شويه ولسه هينزل ايظه..سلم عليه ضرغام بسرعه وحضنو وقال. يا اهلا يا مرتضى يا بابني اهلا وحشتنا
والكل سلمو عليه واسامه كان مش طايقه خالص و دخلو كلهم على الصاله وضرغام لسه هيروح وراهم اسامه مسك ايده وقال...ليالي جات اهيه ..اجهز هنعمل الحفله بكره..جيه الوقت الي هقابل فيه ابن الغول انا نفسي قوي اشوف الجدع الي مخوفكم ده
بقلم...زهرة الربيع
اما فارس كان سايق بهدوء وقاعده جمبو روز ومضايقه جدا وتاره وراهم بقت تبصلهم وقالت بخنقه..انتو هتفضلو ساكتين كده دول عايزين يجوزوكم مش هزار يعني طالما مش حابين بعض كده حد فيكم يتكلم وبلاش جبن بقى انا مش بكره قد الجبنا
روز قالت بضيق..تاره لو سمحتي
تاره قالت بسخريه...والله والله ما حد جايبكم ورا غير الادب الذايد ده
فارس ابتسم وقال بسخريه...عمر الادب ما كان مصيبه يا تاره هانم..بس بالطبع عدم تقديره مصيبه
تاره قالت بسخريه..ما انت بتتكلم عدل اهوه بس في البيت عملت مشكله بسببك..على العموم فكرتني انا اسفه..ولو ان المحاميه وعد هانم مسكتتش والحمد لله قدرت تعملي مشكله مع اهلي زي العاده بس برضو المفروض اعتذر
فارس قال بضيق..وعد ملهاش اي زمب في الي حصل..انتي الي ذوتي في الكلام لوحدك ويلا انزلو وصلنا
تاره نزلت بضيق هيه وروز ودخلو الجامعه وفارس لسه هيمشي شاف كتاب تاره نسيتو اتنهد وقال مش فالحه غير في الكلام الفاضي..واخد الكتاب ونزل علشان يدهولها
في الجامعه كانت تاره داخله مع روز ووقف قدامها شاب وقال...بقى انتي الي خبطتي عربيتي يا بنت الثابت
تاره قالت بضيق ايوه انا..وانت الي غلطت وبسببك عربيتي باظت ابقى اركن كويس
تاره قالت كده ولسه هتدخل شدها عليه بقت في حضنو وقال...حلوه الركنه دي
تاره بصتلو بغضب وضربتو بركبتها بقوه
الشاب حط ايده على بطنو وتاره فتحت قزازه ميه في ايدها ورشتها في وشو وقالت...لا هيه الي احلى الاصطباحه الي انت مصطبح بيها على الصبح
الشاب بصلها بغضب وهجم عليها بس فارس وصل في الوقت المناسب ووقف ما بينهم بسرعه
عند حنين كانت واقفه بتبص حواليها وبتفكر تهرب ومتدخلش المكان بس اتقدم عليها راجل لابس خليجي في سن الخمسين وقال..يا هلا والله بهطله ..انتي من طرف جبران..والله زوقه عالي ..عالي معاكي ابو نواف وانتي ايش اسمك يا قمر
حنين بصتلو بخوف ودهشه لانو كبير في السن وقالت بغضب...انت الي باعتني ليه..طب بص لنفسك ده انت رجلك والقبر يا راجل يا شايب يا عايب ده تلاقي نواف نفسو اكبر مني
الراجل اندهش وقال..لا لا يا سنيوره انا اسمي ابو نواف..ما عندي اولاد انا صغير والله صغير ترى ما كملت الاربعين لا يغرك العقال
بصتلو بغضب وقالت...اربعين عفريت لما يعفرتوك سبني في حالي ولسه هتمشي مسكها من ايدها وقال بغضب..ما تتعبيني وياتشي
حنين بقت تزوقه ونادى للجارد بتاعه شالوها وراحو بيها للعربيه بس وقفهم صوت جبران لما قال..معلش يا باشا هنتعبك تنزل تاني فيه غلطه في البضاعه وووو
نزل ياعم حد يشيل من غير ما يتأكد
الي جاي تحفه حرفيا يا بنات بصو من دلوقتي اهوه ارفعو الريتش ارفعوووووو الرييييييتش اتفاعلو بقى علشان ينزلكم بسرعه بدل ما اكسل زيكم ومكتبش وانا تعبانه بتلكك اصلا 
عايزين نشوف هيقدر ياخدها من ابو نواف او لا ونشوف حفلة اسامه وايه الي هيحصل فيها خصوصا لقاء السحاب اسامه وجبران انتظروها
*********************************************
الرواية كاملة متوفرة على موقعنا بشكل حصري اضغط هنا
بقلم...زهرة الربيع
ايه رايكم فى الاحداث يارب تكون عجبتكم وهستنى رايكم وتفاعلكم عليها
توقعاتكم
يتبع
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق