رواية غرام الفارس البارت 31 كامل

فهد/ بحبك يافرح بحبك.
لتنظر له فرح بصدمة من إعترافة لها فتقترب منه وهى تقول...
= وأنا كمان يافهد بحبك أوى و...
لم يتركها فهد تكمل حديثها ليقترب منها يقبلها بنهم شديد ليغوصا معا فى بحور حبهم.
💗💗💗
بعد أن رحلت شهد من المنزل...
صعد أسر للغرفة وظل يسير بها ذهابا وإيابا وهو يشتعل من الغضب من نفسه ومن ندى، ليشد على خصلات شعرة بندم وهو يتذكر كيف قام بصفعها ليجز على أسنانة ويخرج من غرفتة.
حمدية/ أنت رايح فين يا أسر؟؟ أوعى تجولى إنك رايح ورا إللي ما تتسمى، دى بت قليلة رباية أنا مش عارفة عجبك فيها إية؟؟
أسر بغضب/ أمى لو سمحتى متتكلميش عنها كدة.
وكاد أن يذهب من أمامها لتجذبة من ذراعية.
حمدية/ أنت رايح فين بجولك؟؟
أسر وهو ينزع ذراعية من قبضه والدتة/ رايح أوقف  بنت أختك عند حدها عشان هى زودتها أوى.
ليخرج من أمامها سريعا ويتجاهل مناداتها المستمرة له وملاحقتها له لتتنهد بغيظ وتدخل المنزل مرة أخرى.
بعد مرور بعض الوقت...
وصل أسر منزل خالتة لينزل من سيارتة وهو لا يرى أمامة من شده غضبة، ليطرق الباب بعنف فتفتح له الخادمة.
أسر بصوت عالى/ ندى ندى.
ليخرج والدها من غرفة المكتب على صوتة العالى...
= فى إية يا آسر؟؟ بتنادي كدة لية وعاوز إية من ندى؟؟
ليرى خالتة تنزل برفقة ندى وتقترب منه
أسر بغضب وهو يقترب بخطواتة من ندى...
= أنت عاوزة إية منى بالضبط؟؟ ها عاوزة تخربى حياتى ليه وتدميرها؟؟ فكرك لما تعملى كدة أنا  هرجعلك؟؟ تبقى بتحلمى ياندى أنا مباخدش بواقى حد وحيلك ومخططاتك الوسخة دى متتعملش معايا فاهمة؟؟
كانت ندى تقف مصدومة من حديثة فهى لم تكن تتوقع أن يكون غضبه بهذا الشكل فهى كل ما تحاول فعلة هو أن تستردة لها فهى تراة ملكا لها
نعمة بغضب/ فى إية يا أسر بتزعق فى البت كدة لية؟؟
والدها بغضب/ أنا بنتى ألف واحد يتمناها و...
ليقاطعة أسر/ وأنا مش من الألف دول، وياريت تبعد بنتك عنى وعن مراتى، وأنت ياخالتى ياريت تعيدى تربيتها من تانى.
ليغضب والدها من كلماتة وحديثة...
= أنا بنتى متربية يا أسر وإللي عاوز رباية دة يبقى أنت، لما تيجى بيت خالتك وجوز خالتك وتعلى صوتك عليهم بالطريقة دى وتهينهم فى بيتهم و...
قاطع أسر حديثة للمرة الثانية وهو يردف بسخرية...
= أنا محترم ومتربي ياجوز خالتى الدور والباقى بقى على إللى تدخل أوضة شاب عازب وتعرض نفسها علية.
لتغمض ندي عينيها بقهر فأخر شيئ كانت تتوقعة هو أن يخبر والديها بهذا.
أسر/ لا ومش بس كدة، رايحة تقول لمراتى إنها كانت معايا فى أوضتى، يعنى بتشوة صورتها وسمعتها بنفسها.
والدها بصدمة/ أنت بتقول إية!! أنا بنتى مستحيل تعمل كدة.
اسر بصرامة/ أهى عندك إسئلها إذا كانت عملت كدة فعلا ولا لا؟؟
نظر لها مرة ليجد دموعها تنهمر ولكنه لم يبالى لها ليحذرها مرة أخرى ويقول بصرامة...
= إبعدنى ياندى إبعدى عنى وعن مراتي أحسنلك.
💗💗💗
كان شهد بغرفتها تتسطح على الفراش فهى قد وصلت المنزل منذ حوالى ساعتين وكانت شاردة تتذكر ماحدث اليوم معها لتتجمع الدموع بمقلتيها عندما تذكرت كيف قام أسر بصفعها لتفيق على صوت والدتها
= لسه برضوا مش هتقولى إية إللى حصل وسبتى بيت جوزك لية؟؟
شهد وهى تعتدل بمكانها/ أنت دخلتى أمتى ياماما مخدش بالى؟؟
نادية/ لسه دلوقتى وخبطت عليكى بس أنت مردتيش إية إللى حصل ياشهد؟؟
شهد/ مش عاوزة أتكلم ياماما لو سمحتى.
دخلت غرام وجميلة الغرفة فهم يريدون التخفيف عن شهد وإخراجها من حالتها تلك
غرام بمرح/ خلاص ياطنط سبيها براحتها وهى لوحدها هتيجى تقولك.
نظرت لها نادية فغمزت غرام لها لتفهم عليها وتبتسم لإبنتها وأقتربت منها وقبلتها بوجنتها.
نادية وهى تمسد على وجهها/ وقت ماتحبى تتكلمى أنا موجودة.
مسكت شهد يديها وقامت بتقلبيها/ ربنا يخليكى ليا ياماما.
لتبتسم لها وتخرج من الغرفة
جميلة بمرح وهى تجلس بجانبها...
= جرا إية ياست شهد مش متعودين منك على الهدوء دة؟؟ بركاتك ياسى أسر.
لتجز شهد على أسنانها/ محدش فيكوا يجيب سيرة الحيوان دة.
غرام وهى تجلس بجانبها وتمسد على بطنها/ لا مدام فيها حيوان يبقى الموضوع كبير عملك إية قولى؟؟
لتنظر شهد لهم/ هقولكم بس عارفين لو قولتوا حاجة.
غرام/ مش هنقول قولى بقى.
نظرت شهد لجميلة/ طب قومى إقفلى الباب.
نهضت جميلة سريعا وأغلقت الباب ورجعت مكانها مرة أخرى لتقص عليهم شهد ماحدث.
لتشهق جميلة وتضع يديها على فمها/ مد إيدة عليكى الحيوان؟؟
غرام/ إستنى ياجميلة أنت متخلفة ياشهد.
شهد بإستغراب/ أنت بتشتمينى أنا ياغرام؟!!
غرام/ أيوة أشتمك وأديكى على دماغك.
جميلة/ ليه بقى ياست غرام؟؟
غرام بتوضيح/ يعنى هى عارفة إن ندى دى بتحبة وعارفة إن أمة مش بتحبها وعايزة تجوزة بنت أختها فهى بدل ما تلعبها صح رايحة تديهم أسر على الجاهز المفروض كنت هديتى وكلمتية بالعقل بطريقتك المشعننة دى وكلامك دة عن أمة خلتية مستحملش ومد إيدة عليكى مع إنك لو كنتى أكلمتى بهدوء كان الموضوع إتحل وأسر كان وقف أمة وبنت خالتة الملزقة دى عند حدها.
شهد/ بقولك ضربنى ياغرام.
غرام بدفاع/ أنا مبقولش إنه مش غلطان بالعكس هو غلطان عشان مسمعش منك وطلع يحاسبك على طول وكمان غلط لما مد إيدة عليكى وأنت كمان غلطتى لما إتكلمتى بأسلوبك المستفز دة وغلطتى فى أمة وفى عيلتة كلها قدامة، أى واحد مكانة كان هيعمل إللى عملة أنت بقى كنتى خدية بالمسايرة وكنتى أنت إللى هتكسبى وهتحرقى دمهم وفى نفس الوقت أسر فى صفك.
شهد بتأفف/ يوووه بقى ياغرام أهو إللى حصل.
جميلة/ غرام معاها حق المهم هنعمل إية دلوقتى؟؟
غرام/ إحنا مش هنعمل حاجى ولا هى كمان.
جميلة/ أومال؟؟
غرام/ أسر هو إللى هيعمل.
شهد بسخرية/ بجد والله هيعمل إية أكتر من إللى عملة؟؟
غرام/ يابت هو إحنا نقول ثور تقولى إحلبوة؟؟
جميلة/ طب قولى ياست المحلله.
غرام/ أنا شايفة إن أسر مش هيستحمل بعاد شهد وهيجى عشان يصالحها ويعتذرلها وأنت لما يجر متزوديهاش وإتكلمى بهدوء.
لتتنهد شهد وتصمت فمسكت غرام يديها...
= أنت بتحبية ياشهد ولا لا؟؟
لتنظر لها شهد وتبتلع ريقها/ مش عارفه ياغرام بس أنا لما كنت بشوف بنت خالتة دى جانبة مكنتش بستحمل وكنت ببقى عاوزة أولع فيها.
غرام بإبتسامة/ تبقى بتحبية أنت بس مش عاوزة تعترفى لنفسك.
جميلة/ وأنا شايفة كدة برضوا ولازم بقى تقربوا من بعض ياشهد وتديلوا فرصتة.
شهد/ ماشى بس يكون فى علمكوا أنا مش هقبل أعيش فى البيت دة تانى عاوزنى ينقلنى بيت لوحدى أنا مش هقعد مع أمة العقرية دى تانى ها وألاقيلك كل شوية أختها وبنتها جايين وطبعا أنا مش هقدر أتكلم.
غرام/ إللى يريحك إعملية ويلا بقى ننزل لحسن أنا هموت من الجوع.
لتضحك كلا من شهد وجميلة عليها.
غرام/ ممكن أعرف بتضحكوا على إية؟؟
شهد/ أنت مش ملاحظة إنك بقيتى على طول جعانة؟؟
غرام/ ما لازم أبقى جعانة على طول أنا شايلة جوايا آتنين يا أم مخ تخين أنت.
جميلة/ طب يلا ياحلوة أنت وهى.
لينزلوا لأسفل فيجدوا أسر مع فارس.
غرام بهمس/ إلحقى يابت ياجميلة دة مستحملش لبكرة.
جميلة بضحك/ الحب ولع فى الذرة ياغرام.
لتلكزهم شهد/ والنبى تنقطينى بسكاتك أنت وهى.
💗💗💗
لينزلوا لأسفل ويقتربوا من أسر وفارس.
فارس/ شهد أسر عاوز يتكلم معاكى شوية.
لتومئ له شهد أما هو فكانت عينية معلقة بها لا يزيحها من عليها
فارس/ أسر أدخلوا أوضة المكتب عشان تكلموا براحتكوا.
أسر/ ماشى.
ليشاور لها لتتقدمة ويدخل معها غرفة المكتب لتجلس شهد على الأريكة لتجد أسر ينحنى بجانب ركبتيها ويقبل يديها/ أنا أسف ياشهد عشان مديت إيدى عليكى بس أنت نرفزتينى.
لتنزع شهد يديها منه/ أنت إللى مدتنيش فرصة أتكلم أو أشرحلك حاجة سمعت من الوالدة إللى سخنتك عاليا وطلعت مش طايقنى.
أسر وهو يمسك يديها مرة أخرى...
= أنا بعترف إنى إتسرعت وبعترف إنى غلطت وعارف إن أنت مكانش قصدك تغلطى وإن دى طريقتك فى الكلام بس لما هنتى أمى قدامى مقدرتش أمسك نفسى وفقدت السيطرة عليها وإيدى إترفعت عليكى.
شهد وهى تنظر داخل عينيه لتجد نفسها تقول تلقائيا = وأنا كمان أسفة عشان الطريقة إللى كلمتك بيها كان ممكن أتكلم بطريقة أهدى من دى بس أعمل إيه أنا متعودة أتكلم كدة وأنت نصيبك وقعك فى واحدة زيى.
ليقترب منها أسر/ يعني خلاص مسمحانى؟؟
لتبتلع ريقها/ أيوة مسمحاك.
ليحتضنها أسر بعشق ويقول بمرح...
= أومال كان لازمتها إية بقى تسيبى البيت؟؟
شهد وهى تخرج من أحضانة/ ماهو فى موضوع عاوزة أكلمك فيه
أسر بجدية/ إتكلمى ياشهد.
شهد/ أنا مش عاوزة أعيش فى البيت دة تانى
أنا عاوزة بيت خاص بيا مش كل شوية ألاقى حد يقولى أعمل ومتعمليش.
ليتنهد أسر/ ماشى ياشهد مدام دة إللى هيريحك أنا هعملة.
لتنظر له شهد فهى لم تكن تتوقع أنة سيوافق بتلك السهولة.
شهد/ بجد يا أسر يعنى أنت موافق؟!!
أسر بإبتسامة/ طبعا موافق.
لتقترب منه ترتمى داخل أحضانة ليبادلها ويحتضانها بقوة ودفن وجهه فى خصلات شعرها لتبتعد عنه...
= طب يلا بينا بقى نخرج نتعشى معاهم.
وكادت أن تخرج لتجدة يجذبها ويدفعها على الحائط ويحاصرها بذراعية لتقول بتلعثم...
= أنت مش جعان ولا إية؟؟
أسر بخبث/ مين إللى قال كدة دة أنا جعان أوى وهحلى قبل ما أكل كمان.
ليقترب منها يقبلها بنهم شديد ليبتعد عنها بعد مرور بعض الوقت وهو يسند جبينه على جبينها
أسر/ بعشقك ياشهد.
لتنظر شهد لعينيه لا تصدق أذنيها/ أنت بتحبنى يا أسر؟؟
أسر بإبتسامة/ مكنتش إتجوزتك ياشهد أنا أتجوزتك عشان أنت من ساعة ماشوفتك وأنت مسيطرة على تفكيرى وعقلى وقلبى.
شهد بإبتسامة/ وأنا كمان يا أسر أنت مش متخيل أنا كنت بغير عليك إزاى لما كنت بشوف ندى دى واقفة معاك وكله كوم ولما سمعت كلامكوا فى المكتب كوم تانى كنت هتجنن عشان كدة أتهورت وعملت إللى عملتة.
ليبتسم أسر لها ويميل عليها مرة أخرى ويقبلها بنهم
ليبتعد عنها حتى يلتقطون أنفاسهم
شهد بخجل/ يلا بينا نخرج إحنا إتأخرنا أوى.
ليبتسم لها أسر/ يلا.
ليخرج معها من غرفة المكتب ويتجهون ناحية الطاولة ليتناولوا طعامهم مع باقى العيلة
ليجلسوا على الطاولة بجانب بعضهم وتسعد العائلة بمصالحة أسر لها
زينة/ إلا قولى يافارس هو أنت عندك كام سنة؟؟
لتجز غرام على أسنانها
= بتسألى ليه ياحبيبتى؟؟ عندك ليه عروسة ولا إية؟؟
زينة وهى تبتلع طعامها وتقول بلامبالاه...
= لا أبدا بس أصلى حاسة إنك أكبر عشان كدة بسأل.
لتشرق جميلة/ كحححح لا يازينة غرام أصغر من فارس بكتير.
زينة وهى تزم شفتيها/ أوكية مع إنى مش مقتنعة.
شهد بغيظ/ جرا إية ياختى؟؟ ماهى قالتلك أصفر منه وبعدين إن شاء الله ما عنك إقتنعتى أصلا أنت مالك؟؟
لتنظر لجميلة/ هى مين البت دى؟؟
جميلة/ دى صاحبتى ياشهد وقاعدة يومين وهتمشى.
زينة ببرود/ مبقاش يومين يابيبى مديت أجازتى أسبوعين كمان أنت مش متخيلة أنا حبيت المكان هنا إزاي.
شهد/ طب حلو شوفيلك فندق تنزلى فيه بقى ولا أجرى شقة أصل قعدتك هنا مش لطيفة والناس ممكن تتكلم.
نادية بتحذير/ شهد
شهد/ إية فى إية مش بقول الحقيقة.
زينة/ هو أنت مبتتكلمش ليه يافارس؟؟
فارس بإبتسامة لم تصل لعينية/ أصلى مبحبش أتكلم كتير.
أسر بضحك/ مين دة إللى مبيحبش يتكلم؟؟ أنت!! دة أنت رغاى رغى السنين.
لتنتبه زينة لخفة دمه ولوسامتة التى لم تنبته لها لتركيزها مع فارس فتلاحظ الفتيات نظراتها لأسر...
غرام بضحك/ قولى على صاحبتك يارحمن يارحيم
جميلة/ ياحبيبتى يازينة هتوحشينى والله.
شهد بغيظ لأسر/ وأنت مالك أنت ماتسكت وتنقطنا بسكاتك.
زينة بإبتسامة ودلال مصطنع/ هو أنت من العيلة برضوا؟؟
كاد أن يرد أسر لترد شهد وهى تنهض من مكانها...
= جرا إية ياختى هو أنت خلصتى مع فارس جه دور أسر؟؟ بت أنت أنا مش مرتحالك وأية يابت اللبس دة مش مكسوفة وأنت لبساه لأ لابسة إية دة مسموش لبس دة قميص نوم.
لم تستطع غرام منع إبتسامتها أكثر من ذلك
= ههههههههه لا مش قادرة خلاص يخربيتك أيوة ياشهد إديها كمان.
فارس بتحذير/ غرام، شهد خدى جوزك وأطلعى فوق.
زينة بسماجة/ ااه هو جوزك؟؟ طب ماتقولى كدة من بدرى بس تصدقى شكلك كبير علية برضوا
لم تستطع شهد الصمود أكثر من ذلك لتزيح الكرسى وتهجم عليها وتجذبها من خصلات شعرها.
شهد/ جرا إية يابت ياملزقة أنت دة أنت حاطة 2 كيلو بودرة على وش أمك ومتكلمناش.
لينهض الجميع يحاولون فض الشجار ماعدا غرام التى إستمتعت كثيرا بما تفعلة شهد وظلت تضحك بمكانها
أسر وهو يحملها/ خلاص ياشهد سيبك منها.
جميلة/ خلاص ياشهد حقك عليا أنا.
فارس/ بس ياشهد جدك هيصحى علي صوتك قوم يا أسر خد مراتك وأطلع فوق.
ليحملها أسر ويصعد بها الغرفة وأغلق الباب خلفة
شهد بغضب/ نزلنى يا أسر عشان أربيها بنى أدمة وقحة.
أسر وهو ينزلها على الفراش/ خلاص ياشهد إهدى أنت عملتى الواحب وزيادة.
شهد وهى تعض يديها/ أة بقى أنا شكلى أكبر منك و غرام شكلها أكبر من فارس!! أومال هى تبقى إيه لما إحنا شكلنا كبير؟؟
أسر وهو يقترب منها ويحاصر وجهها بين يدية...
= خلاص بقى ياشهد.
لتتنهد شهد محاولة تهدئة نفسها/ خلاص أنا هديت.
أسر/ أكيد؟؟
شهد/ أها
ليقترب أسر منها وينظر لها بنظرات راغبة/ متأكدة إنك هديتى؟؟
شهد/ أيوة يا أسر هديت خلاص.
ليقترب منها أسر ويقوم بمحاصراتها وتقبيلها لتتعلق شهد برقبتة وتبادله قبلتة ليتحرك بها ناحية الفراش ويقضون أول ليلة لهم سويا.
💗💗💗
فى صباح يوم جديد...
كان الجميع على مائدة الإفطار
نبيل وهو ينظر لإبنه/ حامد عاوز أتكلم معاك شوية بس لما تخلص فطار.
ليغمض حامد عينية وينظر لإبنته ليجدها تهز له رأسها حتى يوافق ولا يخجل نبيل
حامد/ ماشى.
غرام بخبث/ أومال فين صاحيتك ياجميلة؟؟
جميلة/ مبقتش صاحبتى خلاص قطعت علاقتها معايا إمبارح بعد إللى حصلها من شهد ومشيت النهاردة الصبح.
غرام بفرحة/ إية دة مشيت بجد؟؟
جميلة/ أها بحد.
نبيل بتساؤل/ شهد عملتلها إية إمبارح؟؟
صمت الجميع ولم يعرفوا بماذا سيخبروة ليجدوا الخادمه تدخل وتخبرهم ب...
= فرح هانم برة وعاوزة تقابلكوا.

*************************************

 

بقلم... فاطمه محمد

ايه رايكم فى الاحداث يارب تكون عجبتكم وهستنى رايكم وتفاعلكم عليها

توقعاتكم

يتبع