طريفة تحضير كيكة التريليتشا

 

مقادير كيكة التريليتشا:

 
4 بيضات
1 1/2 كوب من السكر
2 كوب من الدقيق
1/2 كوب من الزيت
2 ملعقة صغيرة من البيكنج بودر
رشه ملح
1 كوب من الحليب
6 ملاعق من الزبده
فانيليا
لسقي الكيك:
1 لتر من الحليب
1/2 كوب من اللبن البودرة
1 ملعقة صغيرة من الفانيليا
مقادير الكريمه:
2 باكيت من الكريم شانتيه
كوب أو كوبين ماء
مقادير الكراميل:
1 كوب من السكر
1/2 كوب من الماء
1 ملعقة صغيره من النشا
1 كوب حليب
2 ملعقة من الزبده
خطوات عمل كيكة التريليتشا
في وعاء، نضع البيض، السكر والزيت ونخفقهم مع بعض جيداً بالمضرب الكهربائي حتى تحصلي خليط لونه فاتح.

بالمنخل الصغير، ننخل الدقيق، البيكنج بودر وملعلقة صغير من الملح ونضيفهم للخليط السابق، ونقلب بالمضرب اليدوي.

نضيف ملعقة صغيرة من الفانيليا ونقلب حتى نحصل على قوام خليط الكيك المثالي.

في كاسرولة، نضع الحليب مع 6 ملاعق من الزبدة ونرفعها على النار ونقلب كويس لحد ما الزبدة تسيح والحليب يغلي.

نضيف خليط الحليب مع الزبدة لخليط الكيك وهو ساخن ونقلب بهدوء في إتجاه واحد حتى نحصل على قوام خفيف.

في صينية مبطنة بورق الزبدة، مقاس 24 أو 26 نصب خليط الكيك ونفرده ونخبطها كام مرة عشان نخرج الهوا منها وممكن نحرك فيها عود خشبي في كل الإتجاهات عشان نخرج كل فقاعات الهوا.

ندخل الصينية في فرن على درجة حرارة 180 لمدة ساعة تقريباً أو 45 دقيقة، المهم تراقبيها وأول ما تستوي تخرجيها من الفرن.

نترك الكيكة تبرد 5 دقائق، ثم نخرجها من الصينية ونكشط سطح الكيكة عشان تتشرب الحليب.

نضع لتر الحليب مع نصف كوب من اللبن البودرة مع ملعقة الفانيليا ونقلبهم مع بعض كويس ونسقي بيهم الكيكة.

بعد سقي الكيكة نقشط باقي سطح الكيكة، نشيل الطبقة ذهبية اللون كلها.

لتحضير الكريمة: في وعاء، نضع الباكتين كريم شانتيه ونضيف الماء المثلج بالتدريج، ونبدأ نضربهم مع بعض ونزود ماء كل ما الخليط ينشف حتى نحصل على القوام المطلوب للكريمة.

نسكب الكريمة على الكيكة ونبدأ نفردها على الصينية كلها بالتساوي، وندخلها الثلاجة مرة ثانية.

نحتفظ بكمية من الكريمة للتزيين النهائي.

لتحضير الكراميل: في طاسة ألومنيوم، نضع السكر ونهز الطاسة عشان السكر يتوزع فيها بالتساوي ونرفعها على النار.

أول ما السكر يبدأ يتكرمل نقلبه، لما السكر يسيح نضيف الزبدة ونقلب لحد ما الزبدة تسيح.

في معيار، نضع كوب الماء مع ملعقة النشا ونقلبهم مع بعض كويس ونضيفهم لخليط الكراميل ونقلب.

نضيف كوب الحليب لخليط الكراميل ونقلب بإستمرار على نار متوسطة، نتركه 5 دقائق ثم نضيف الكراميل على الكيكة ونفرده.

نضع الكريمة الباقية في كيس حلواني، ونعمل خطوط بالعرض على الكيكة، وبخشبة الشيش طاووق نمشي على سطح الكيك بشكل طولي.