ملف خاص لأشهر صوصات حلويات تحفة لا يفوتك

 ملف خاص لأشهر صوصات حلويات تحفة لا يفوتك

 

- صوص البستاشيو أو صوص الفستق الحلبي

 

المقادير

ربع كوب جبن كريمي
كوب فستق حلبي
نص كوب حليب مكثف محلى
رشة فانيليا
معلقة كبيرة زبدة
طريقة التحضير
في الكبة، حطّوا الفستق الحلبي واطحنوه كويس لحد ما يبقى ناعم.
في بولة، حطّوا خليط الفستق الحلبي، واسكبوا عليه الزبدة وقلّبوا لحد ما المكونات تتجانس.
في بولة تانية، اخفقوا الحليب المكثف المحلى، الفانيليا، والجبن الكريمي لحد ما يبقى خليط متجانس.
ضيفوا خليط الفستق الحلبي على الخليط اللي جهزتوه، وقلّبوا كويس لحد ما كله يمتزج مع بعضه.
خزنوا صوص البستاشيو في برطمان، واستخدموه في تحضير الحلويات لما تحبوا.

****************

 -صـــــــــــــوص الكاراميــــــــــــــــل او صوص التوفي الاقتصادي بدون كريمة و طعم الجاهز لتزيين الحلويات و الكيك

المقادير :
- كوب سكر
- كوب حليب
- ٢ ملعقة كبيرة زبدة
- ملعقة كبيرة نشا
الطريقة :
في وعاء على نار متوسطة يوضع السكر فقط بدون ماء ويُترك ، حتى يبدأ ان يتكرمل ويأخد لون ذهبي من الأطراف .
يُقلب بالمضرب اليدوي ، وعندما يتلون بلون ذهبي متوسط ، تُهدأ النار ، ويُقلب جيداً حتى لا تتكون كُتل .
بعد ذوبان السكر تُضاف الزبدة وتُقلب جيداً حتى تذوب .
يذوب النشا في الحليب ثم يُضاف الحليب على الخليط ويُقلب جيداً حتى تمتزج المكونات مع بعضها سيتجمد الكراميل في الأول ثم يبداء في الذوبان مرة اخري.
ويُقلب جيداً حتى نحصل على القوام المطلوب ، ثم يُرفع عن النار ويُترك حتى تبرد .
يوضع في برطمان مُحكم في الثلاجة ، فى البداية يكون القوام خفيف ثم تزيد كثافته مع البرودة . 

*********************

- صوص الفراولة

المكونات: 750 جرام فراولة مقطعة
ثلث كوب سكر
ملعقة صغيرة فانيليا

الطريقة:

في حلة على نار متوسطة، حضروا 500 جرام من الفراولة مع إضافة السكر والفانيليا. قلبوا واستخدموا معلقة خشب علشان تخرجوا العصير من الفراولة.
استمروا في التقليب لمدة ربع ساعة لحد ما الخليط يتكثف، وبعدين شيلوا الحلة من على النار.
افرمو باقي كمية الفراولة فرم خشن وضيفوها لصوص الفراولة.
اخلطوا المكونات كويس، وسيبوها تبرد.
عبوا الصوص في برطمان محكم الغلق واحفظوه في التلاجة لحد الاستخدام.

**************************

- صوص اللوتس

المقادير:

 ثلاث أرباع كوب سكر حبيبات
ثلاث أرباع كوب كريمة خفق
نصف كوب ماء
ربع كوب شراب الذرة الخفيف
ثلث كوب زبدة اللوتس

طريقة التحضير:

حطوا السكر، والماء، وشراب الذرة في طاسة متوسطة الحجم على نار متوسطة، وحرّكوا كويس لحد ما يذوب السكر تماماً.
ارفعوا الحرارة لحد ما الخليط يغلي، وسيبوه حوالي 5-10 دقايق لحد ما ياخد لون ذهبي (خدوا بالكم عشان ما يتحرقش).
شيلوا الكراميل من على النار، وصبّوه فوق كريمة الخفق، وحرّكوا كويس لحد ما يتجانس الخليط.
ضيفوا زبدة اللوتس للخليط، وحطوه على نار هادية مع التقليب المستمر لحد ما تذوب الزبدة تماماً.
بعد كده، حطّوا الصوص في طبق واستعملوه زي ما تحبوا........

****************

 

- صوص الشوكولاتة بدون زيت وبدون زبدة
وازاي تعملوا منه نوتيلا وجناش

المقادير: 

كوب حليب سائل
كوب حليب بودر
كوب كاكاو خام
كوب سكر بودره

الطريقة:

حطوا الحليب السائل والحليب البودر في الخلاط، واخلطوا كويس.
ضيفوا الكاكاو، واخلطوا تاني لحد ما القوام يتقل. لو القوام تقيل، ممكن تزودوا شوية حليب سائل، ولو القوام خفيف، زودوا شوية كاكاو.
الصوص دا ينفع لتزيين الكيك والحلويات.
لعمل النوتيلا:

حطوا صوص الشوكولاتة في بولة، وضيفوا عليه كوب قشطة، واخلطوا كويس.
بعد كده ضيفوا ريحة البندق واستخدموا المضرب اليدوي لحد ما تتجانس كل المكونات مع بعضها.
استخدموا الصوص لتزيين الكريب، المخبوزات، والتوست.
لعمل جناش الشوكولاتة:

حطوا كوب من الكريم شانتيه الخام، وربع كوب سكر بودر، وكوب ماء مثلج في وعاء.
اخلطوا كويس بالمضرب الكهربائي لحد ما يتماسك القوام.
ضيفوا كوب من صوص الشوكولاتة، واخلطوا مرة تانية لحد ما يختلط كويس.
استخدموا الجناش لتزيين التورتات والجاتوهات.

******************************

 -صوص الكريز

المكونات:

 كوب عصير برتقال طبيعي
كيلو ونصف كريز
معلقة صغيرة عصير ليمون
نصف كوب سكر

خطوات عمل صوص الكريز:

اغسلوا الكريز كويس كذا مرة، وصَفّوه، وبعد كده قطعوه لنصفين وانزعوا النواة.
حطوا الكريز في حلة على النار، وضيفوا عصير البرتقال والسكر، وقلّبوا الخليط وسيبوه لحد ما يغلي، وبعد كده خفّفوا النار.
ضيفوا عصير الليمون على الخليط، وسيبوا الصوص على النار لحد ما يثقل قوامه وينضج.
ارفعوا الصوص من على النار وسيبوه يبرد تماماً.
عبّوا صوص الكريز في برطمان جاف ونظيف، وحطوه في التلاجة.
الصوص دا ينفع تستخدموه في تزيين كتير من الحلويات زي التارت، التشيز كيك، الكريب، أو حتى مع الآيس كريم.

****************************

 

- زبدة الفول السوداني

المكونات:
2 كوب فول سوداني مقشر وغير مملح
2 ملعقة كبيرة زيت نباتي
1 ملعقة كبيرة عسل نحل
نصف ملعقة صغيرة ملح

طريقة التحضير:

سخنوا الفرن على درجة حرارة 180 مئوية.
وزعوا الفول السوداني في صينية فرن، وضعوه في الفرن لمدة 10 دقائق لحد ما يتحمص ويكتسب لون ذهبي.
اخرجوا الصينية من الفرن واتركوا الفول السوداني يبرد شوية حتى تكون حرارته متوسطة.
اطحنوا الفول السوداني في المطحنة حتى يصبح بودرة، واستمروا بالطحن لمدة 3 دقائق لحد ما يكون ناعم.
ضيفوا الملح والعسل، واخلطوا لدقيقة إضافية.
ضيفوا الزيت تدريجياً مع الاستمرار في الطحن لحد ما تحصلوا على قوام زبدة الفول السوداني.
احفظوا زبدة الفول السوداني في برطمان أو وعاء زجاجي في الثلاجة لحد الاستخدام.
 

*************************

 

- طريقة عمل صوص الكندر اللذيذ

 

مكونات صوص الكندر:

كوب ونص كريمة خفق
كوب ونص شوكولاتة كندر مذابة
معلقة صغيرة فانيليا (اختياري)
طريقة التحضير:

ذوبان الشوكولاتة: قطّعوا شوكولاتة الكندر لقطع صغيرة، ودوّبوها في حمام مائي أو في الميكروويف مع التقليب المستمر لحد ما تذوب تمامًا.

خلط المكونات: في بولة كبيرة، اخفقوا كريمة الخفق لحد ما تتكون قمم طرية. ضيفوا الشوكولاتة المذابة والفانيليا، واخفقوا كله مع بعض لحد ما الخليط يتجانس تمامًا.

التبريد والتقديم: حطوا صوص الكندر في التلاجة لمدة ساعة على الأقل لحد ما يبرد ويبدأ يتماسك شوية. تقدروا تستخدموا صوص الكندر في تزيين الكيك، الآيس كريم، الفطائر، أو تقديمه مع الفواكه الطازة.

نصايح إضافية:

لو عايزين صوص أثقل: زودوا كمية الشوكولاتة المذابة.
لو عايزين صوص أنعم: استخدموا الخلاط الكهربائي لخلط المكونات.
لتغيير النكهة: ممكن تضيفوا معلقة صغيرة من الكاكاو البودرة أو القهوة سريعة التحضير.
التخزين: صوص الكندر ممكن يتخزن في التلاجة لمدة أسبوع في علبة محكمة الغلق. 

 

************************

 

- طريقة عمل صوص السينابون بجبنة كيري والحليب المكثف المحلى

المكونات:
6 حبات جبنة كريمي
1 علبة حليب مكثف محلى

طريقة التحضير:

ضيفوا الجبنة والحليب المكثف المحلى في الخلاط الكهربائي، واخلطوهم لحد ما يتجانسوا.
اسكبوا الصوص مباشرة فوق السينابون.
طريقة عمل صوص السينابون بالقشطة

المكونات:
1 ملعقة كبيرة زبدة مذابة
1 كوب سكر
2 ملعقة كبيرة حليب مجفف
1 علبة قشطة

طريقة التحضير:

حطوا السكر على النار، واتركوه لحد ما يذوب تماماً.
ضيفوا الحليب، والقشطة، والزبدة وقلّبوا كويس لحد ما تتجانس.
اسكبوا الصوص في وعاء.

 

 *******************************

 

 -طريقة عمل صوص الشيكولاته الاقتصادي اتسألت عليه كتير موفر جدا و طعمه لذيذ و مناسب لكل الحلويات و تزين التورتة

 

 

المقادير :
كوب زيت نباتي
كوب الا ربع حليب
نصف كوب سكر بودرة
نصف كوب كاكاو خام نوع جيد
نصف ملعقة صغيرة نسكافية اي قهوة سريعة الذوبان
رشة ملح
كيس فانيليا 

الطريقة :

مفيش طريقة يا جماعة
توضع كل المكونات في الخلاط الكهربائي لمدة دقيقتين حتي تحصلي صوص شيكولاتة متجانس بس كده
لو عايزين الصوص خفيف هتزودي ربع كوب حليب و تضربي تاني
لو تحبي السكر اكتر او اقل تقدري تحددي الكمية حسب الرغبة
يمكن استخدامه مع كل أنواع الحلويات و الكيك و التورتة و طعمة تحفة....

 

******************* 

تمت