ال..الهانم هربت تاني يا جناب العمده والغفر رجعوها بالعافيه
وقف بغضب شديد وداس على اسنانو بعنف وقال..وهيه فين دلوك
الغفير قال برعب...في السرايا يا عواد بيه
عواد مشي على السرايا وطلع بغضب شديد على احد الاوض دفع الباب ودخل وهو مش شايف قدامو من الغضب
كانت في بنت جميله في سن 19 قاعده على السرير واول ما دخل انتفضت بخوف ووقفت وهيه بتفرك في اديها برعب
عواد قرب منها وقال بغضب تاني... هربتي تاني ومش هامك حد.. ومسكها من شعرها فوق الحجاب بقوه وقال...اعمل ايه علشان تتربي ..اقتلك و ارتاح من قله الحيا بتاعتك دي وزقها بقوه على السرير
بقلم...زهرة الربيع
البنت بصتلو بحده وقالت ببكا..وههرب تاني وطول ما انا قادره اتحرك ههرب منك انا مش عيزاك مش ضيقاك ولا عايزه افضل في البلد المقرفه دي انا عايزه ارجع القاهره سبوني في حالي بقى
عواد رجع مسكها من شعرها وقال بغضب اعمي...البلد الي مش عجباكي دي بلد ابوكي وجدودك.. وعمي الله يرحمو قبل ما يموت وصى انك تفضلي هنه..اذا انتي مش هامك وصية ابوكي فانا هنفذ وصية عمي وتقعدي كيف الصرمه والا قسما عظما ما هيطلع عليك نهار يا ورد سامعه ولا لا
ورده كانت بتتألم من مسكته وقالت ببكا..سيب شعري هيطلع في ايدك ااااه..يا حيوان يا همجي ابعد ايدك عني
بصلها بغضب وقال ...طيب ..مبقاش عواد العمايري لو ما خليتك تقعدي كيف الي في رجلي هعرف ازاي اقصر لسانك الي اطول منك ده
عواد خرج بغضب شديد
وورد قعدت وبقت تبكي جامد في الوقت ده سمعت صوت تعرفو كويس كان شاب وسيم في العشرينات وقال و هو بيهمس بصوت واطي ورد... ورد
ورد عدلت طرحتها وقربت من الباب وقالت ببكا...عايز ايه يا كامل
كامل قال ...عايز اقولك اني معجبنيش الي عواد بيعملو فيكي..ولو ابوكي الله يرحمو عارف انو هيعاملك كده..مكانتش وافق انك تيجي اهنه واصل
قالت بدموع..ما انا مش عارفه امشي من هنا..وجدي مطاوعو في كل الي بيعملو والناس كلها بتخاف منو اعمل ايه هيضيع مستقبلي بجنانو ده
كامل بص شمال ويمين بيشوف فيه حد شايفو او لا وقال...انا عندي ليكي الحل... انا ههربك من هنه..استنيني صاحيه الليله
ورد قالت بفرحه..بجد يا كامل تقدر
كامل قال..عيب عليكي ما انا كمان ولد عمك..وعمايري كيفو بالظبط..استنيني بالليل ومش هتندمي
كامل قال كده ومشي وورد ظبطت حجابها ونزلت تتكلم مع جدها
عواد دخل عند جده وقال بغضب شديد...جدي البت الي فوق دي ..معيزاش تتأدب واصل وانا معنديش خلق ليها اكتر من كده هطلع بروحها..مش كفايه حركاتها المايعه..وكل شويه تطلع قدام الخلق..وكل يومين الاقي واحد بيعاكسها لا كمان الهانم بتهرب من البيت عايزه تجرسنا انا مقدرش على كده واصل..هفضل حارسها اياك
ضحك للجد وقال..اهدى يا وليدي مش كده البت اتربت طول عمرها في البندر وعيشتنا جديده عليها عايزه تطلع وتشوف الدنيا..وانت مكتمها عليها وحتى الجنينه مش بتطلعها
قال عواد بغضب..واطلعها الجنينه ليه..علشان الغفر والخدم يبصبصولها...اسمع يا جدي انا جبت اخري منها..لازم تعرف انها مرتي...مرتي على سنه الله ورسوله ومرت عواد العمايري متتكشفش على حد...ده اذا كنت انا الي اسمي جوزها لسه متكشفتش علي بسبب خوفكم عليها..بس كفايه كده لو انت مقولتلهاش ان عمي كتب كتابنا وانها مرتي هقولها انا
ورد كانت نزلت لجدها وسمعتهم وكانت هتقع من طولها وشهقت بشده وقالت بصدمه..مرات مين..انت بتقول ايه ووو😉
****************************
بقلم... زهرة الربيع
ايه رايكم فى الاحداث يارب تكون عجبتكم وهستنى رايكم وتفاعلكم عليها
توقعاتكم 😉
يتبع
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
جامدة
ردحذف