كملو البارات ده ل 500 تعليق وانزل بارات كمان اول ميكملو
عمران اتجمد مكانو بزهول لما روفان قالت عليا اختك اتخطفت يا عمران بصلها بصدمه وقال بزعيق...انتي بتقولي ايه...هاتي الزفت ده ..وسحب منها التليفون بغضب وقال..الو...انت بتقول ايه يا حيو،ان انت
رائف رد عليه بتعب وقال بالعافيه..عليا..عليا يا عمران ...ارجوك...ارجوك تنسى اي حاجه بنا...ارجوك دي مهما كانت اختك
رائف كان منهار جدا وتعبان قوي وصوتو بالعافيه طالع..عمران حاول يهدى ويركذ مع ان جواه بركان ثاير بس قال بهدوء..انت فين دلوقتي
رائف قال بتعب..انا...انا في بيتنا
عمران ضغط على اسنانو وقال بغضب مكتوم...وهو فين بيت ام الي خلفوك ده
رائف قال..اه..ايوه هبعتلكك العنوان في مسدج حالا
عمران قفل معاه ورائف بعت العنوان في ثواني وعمران طلع جري من غير ما يرد على اي حد
جلال طلع جري وراه وبقى ينادي عليه وقال...عمران..عمران استنى انا جاي معاك
عمران ركب العربيه وقال بحزم..لا يا رشيد.. انت لسه تعبان ودراعك متصاب...لو سمحت خليك..وقبل ما جلال يتكلم عمران طلع بالعربيه بسرعة البرق
جلال جري ورا العربيه كام خطوه وهو بينادي عليه بغضب وزعيق بس مفيش فايده طلع من غير ما يرد عليه
روفان طلعت جري من القصر ومعاها السلاح بتاعها وقالت...رشيد انا عارفه هو رايح فين اركب بسرعه وركبت عربيتها وجلال طلع معاها
بعد فتره وصلو عند بيت رائف وكان المكان مليان بعربيات الشرطه وخالهم شفيق هناك والمكان مقلوب وفيه اشتباك ما بين شخصين والناس بتحاول تبعدهم عن بعض
جلال جري على الخناقه وروفان معاه وتفاجأو برائف واقع على الأرض ودماغو بتنز،ف وعمران ماسكو من هدومه وبيضريو بوكس في التاني وبيزعق ويقول..اختي فين...اتكلم..مش هسيبك انهارده اتكلم
بقلم...زهرة الربيع
رائف كان ساكت ومستسلم جدا وتعبان جدا جدا وهنا جلال مسك عمران من وسطو وبعدو عنو بالعافيه وروفان بقت تقوم رائف و تنضفلو هدومه وقالت برعب...رائف ..اهدى يا حبيبي كل حاجه هتتحل
هنا رائف حضنها بقوه وبقى يبكي جامد قدام كل افراد الشرطه والي المفروض شغالين معاه
روفان حضنتو بحزن وبقت تطبطب عليه وتهديه بس استوقفها عمران لما قال بغضب...سبني يا رشيد..سبني كل دي حركات...انا متأكد انو عارف مكانها ده هو واختو مستقصدينا ..سبني
روفان بصتلو بحده وقالت بغضب...انت الي عملت كده فيه..وقربت عليه وعيونها بتطلع نار وقالت...رد عليا انت الي ضربتو على دماغو
عمران قال بغضب..ولو انا يعني هتعملي ايه و
بس قبل ما يخلص جملتو روفان رفعت سلاحها في وشو وقالت بعصبيه...الاحسن متكونش انت يا ابن العامري ..لان مكان قبرك هيبقى تحت رجليك
عمران اتقدم عليها اكتر وقال..عايز اشوفك وانتي بتعمليها يا شاطره
روفان سحبت اجزاء السلاح بغضب بس رائف وقف وسطيهم وقال بزعيق ودموع..بس...بس انت وهيه بقى..حرام عليكو مش وقتو ...وبص لروفان وقال برجاء...مش هو الي ضربني كده يا روفان..انا متعور من قبل ما يجي كنت راجع من السنيما انا وعليا واول ما وصلنا ولسه بفتح الباب اتلمو علينا رجاله كتير فضلو يضربوني وعايزين ياخدوها
جلال وعمران وروفان بقم يسمعوه بتركيز ورائف بص لاديه بانهيار وقال ببكا ...ضربوني على دماغي واخدوها من اديا..اخدوها ومقدرتش اعمل حاجه...اغمى عليا ومحستش بنفسي صحيت ملقتهاش ..اخدوها من بين اديا وكانت خايفه اوي خايفه اوي ومقدرتش احميها ياروفان مقدرتش اعمل حاجه
جلال شدو لحضنو واتأثر جامد بمنظرو ونزلت دموعه وروفان كمان بقت تبكي وتحاول تهديه بس عمران قال بغضب...لو كانت في بتها مكانش حد استجري يقرب لها..لو كانت مع راجل مكانتش اتخطفت
رائف الكلمه وجعتو قوي وغمض عنيه بوجع رهيب وجلال بص لعمران بعتاب اما روفان قالت بغضب..هو انت كافر يلا..البعيد جبله مبيحسش
وقبل ما يشتبكو تاني جلال قال بسرعه...بس انت وهيه..لازم نلاقي عليا الاول..وبعدين هنتفاهم...تمام..لازم نفكر ونعرف مين ممكن يعمل كده
وابتدو يدورو روفان وشفيق بطبيعة عملهم استجوبو رائف وحاولو يعرفو اذا شاكك في حد او حصلت حاجه غريبه
بس رائف مكانش مركذ وتعبان جدا نز،ف كتير واصلا محسش بحاجه غلط
روفان جابت علبه الاسعافات من شقتو وضمضتلو جرحو وكانو بيحاولو يلاقو اي جاجه توصلهم لعليا وعمران كمان كان بيعمل اتصالاتو بس كل الي عملوه مجابش اي نتيجه فضلو لحد الصبح وهما يحاولو لحد ما روفان جالها تليفون من رقم غريب
اول ما ردت وقالت الو اتفاجأت بصوت تعرفو كويس قال ...روفه يا قلبي.وحشني صوتك والله..على فكره قبل ما تقفلي السكه..فيه واحده حابه تكلمك
روفان استغربت بس كل شئ وضح لما عليا قالت برعب...روفان..الحقيني وانبي...ارجوكي ياروفان وانبي انا حامل
روفان قالت بسرعه ولهفه...عليا..عليا اهدي متخافيش انا احنا هنلاقيكي و
بس قطع كلامها الشخص الي كلمها وقال..طبعا ميرضكيش ابن اخوكي يموت قبل ما يجي على الدنيا صح ولا ايه
روفان قالت بحزم...المطلوب يافادي ...انجز
فادي قال ...انتي المطلوب وهتفضلي مطلوبي طول ما انا عايش يا روفان..انا هسيبها مقابل طلاقك واظن مفيش اسهل من كده ..ولحد ما تطلقي متحلموش تشوفوها
روفان لسه هترد الخط اتفصل وبقت تزعق معاه وتقول..الو..فادي..الو
بس من غير فايده رائف قال بلهفه..ده فادي الاسيوطي..عليا معاه مش كده..قلك ايه..عايز ايه ويسيبها
روفان اتنهدت وقالت..نفس الجنان القديم..عايزني اطلق من رشيد
جلال اتفاجأ وعمران ضحك بسخريه وقال...يعني انا اختي مخطوفه بسببك..قبل كده اخويا راح للموت من وراكي ودلوقتي اختي...وبص لجلال وقال بحزم..حالا تطلقعا يا رشيد..تمام حالا ارمي عليها اليمين
جلال مبقاش عارف بتصرف ازاي في الموقف ده وروفان بصت لعمران بياس وضيق شديد ووجهت كلامها لخالها وقالت...حضرة اللو اجمعلي كل الدوريه وفهمهم يتبعو الاوامر بالملي
الضباط كلهم اجتمعو قصادها وروفان قالت بحزم..هتحددوولي موقع التليفون ده و
بس عمران قاطعها وقال بغضب..احنا لسه هنحدد
الضباط بصولو بس روفان قالت بحده ركذو معايا انا الشخص ده هربان من العباسيه يعني ولا كأنو بيتكلم مفهوم ...يلا تعالو ورايا
روفان اتحرككت هيه والضباط وعمران فضل باصص عليها بزهول وقال..انا هربان من العباسيه..استني عليا يا بت ال**..اصلا ده مكانك وهتدخليه على ايدي
جلال كان متعصب جدا من ساعه ما عرف ان الي كلم روفان واحد بيحبها وعايزها كان حاسس بنار جواه بص لعمران و قال بتوتر..انا هروح اشوف هيعملو ايه..عن اذنك وطلع ورا روفان
عمران رغم انو كان مضايق جدا من روفان ومش حابب يكلمها بس اختو كانت اهم من كبريائو راحلها وكانت بتتكلم مع الضباط وقال بسخريه..انتي فاكره انك هتلاقيه وتقتحمي المكان وجو الافلام ده قبل ما هو ياخد خبر
روفان بصتلو بضيق وقالت..عندك حل تاني
عمران قال باستهزاء..مبقاش عمران العامري لو مبقاش عندي حل تاني اكيد مش هعتمد على دماغك الفاضيه خصوصا في مصير اختي
روفان نفخت بزهق وقالت..اللهم طولك يا روح
بس رائف افتكر حاجه وبص لعمران بلهفه وقال..انت...انت تقدر تكلمو صح..انتو بنكم شغل وممكن تكلمو...اعمل كده علشان أختك ..مش علشان حد تاني ارجوك
عمران بصلو بضيق شديد وقال...اكيد علشان أختي...وبلاش تمثل انك خايف عليها ..لانها لو كانت من أولوياتك مكانتش اتخطفت وهيه في حمايتك
رائف نزل راسو بحزن وحرج ودموعو اتجمعو في عيونه ورفان بصتلو بحزن ولسه هتتكلم مع عمران كان اتصل على فادي وقال بطريقه تخوف...انت فين
فادي ارتبك وقال...الموضوع ميهمكش يا عمران..خليك بعيد
عمران غمض عنيه بغضب رهيب وقال ...ميهمنيش...اممم...انا هعمل نفسي مسمعتش جملتك الغبيه دي...اديني عنوانك حالا..وانا هاجي اخد اختي ويا دار ما دخلك شر..بدال ما اوصلك انا بمعرفتي وساعتها هاجي انا والشر في عربيه واحده
فادي بلع ريقه بخوف وقال بزعيق.. هيه مش قرطستك واتجوزت من وراك وانت طردتها من بيتك و
بس عمران قاطعو وقال بزعيق ...وطي صوتك انت وبتكلمني..انا واختي نولع في بعض احنا احرار سوا فاهم...لاخر مره هقولك جريك ورا السنيوره بتاعتك خليه بعيد عن عيلتي يا فادي ..هقفل معاك ٣ ثواني لو مبعتش عنوانك هعتبر انك رفضت عرضي يا ابن الأسيوطي
وفعلا قفل ومكملش ثواني وجاتلو رساله بالعنوان عمران بص لروفان بسخريه وقال..كملي انتي تحقيق ...ولو وصلتي لحاجه على تليفونات بقى تمام
عمران قال كده ومشي ورائف جري وراه وقال..انا هاجي معاك..ارجوك و
بس عمران طبطب على خدودو بسخريه وقال..تؤتؤ..مينفعش لما تكبر شويه الاولاد الشطار يستنو بابا في البيت تمام...وبصلو بسخريه ومشي
رائف وقف مكانو بحزن وروفان حطت ايدها على كتفو وقالت ..يلا علشان نحصلو
رائف قال بتوتر...بس
روفان ابتسمت بمكر وقالت...حصلني بعربيتك وطلعت على عربيتها وجلال ركب معاها وطلعو ورا عمران
على الطريق جلال بص لروفان وقال بضيق مكتوم..هو ..هو مين ده وعايز منك ايه
روفان ابتسمت بسخريه وقالت..واحد من ألاف المعجبين
جلال قال بضيق..اممم ...معجب...وياترى الاعجاب متبادل بقى ولا ايه النظام
روفان ضحكت جامد وقالت...انت عملت اشاعه على المخ قبل كده يا جلال
جلال قال بضيق..محصليش الشرف ليه بقى
روفان قالت...طب كويس انك معملتش علشان مكنتش ختلاقيه
جلال قال بضيق.... هو ايه
روفان قالت بضحك..المخ
جلال بصلها بضيق وسكت.. وروفان قالت...اسمع يا جلال ...اولا انا مش مضطره ابررلك بس احنا حاليا في مركب واحده علشان كده هشرحلك..انا مبكرهش في حياتي قد فادي الاسيوطي بس هو بيحبني من زمان ومن قبل ما اتعرف على رشيد وحتى بعد ما اتجوزت مش راضي ييأس... ده الجزأ المهم
وبصتلو بطرف عينها وهيه بتسوق وقالت..الجزء الأهم بقى..ملامح الغضب الي في عيونك من وقت ما عرفت انو عايزني مقابل عليا خدت بالي قوي ليها..وطبعا انا حزرتك قبل كده بطريقه غير مباشره بس دلوقتي هقولهالك صريحه..انا مش هحب غير رشيد طول حياتي ...اظن الرساله وصلت
جلال اتنهد وقال...ايوه يعني هتفضلي تحبيه لامتى ده بني ادم اتوفي وانتي صغيره و
بس روفان قاطعتو بغضب وقالت...انا جملتي واضحه مش هحب غير..رشيد..طووول حياتي...وصلت
جلال بص قدامو وقال ...وصلت....وبصلها بطرف عينه وابتسم ابتسامه مستفزه وقال..بس متأخره
روفان بصتلو بدهشه من صراحتو وجلال بص في عيونها وقال...متأخره قوي
روفان لسه هتتكلم جلال قال بسرعه...بس اقفي عمران وصل
روفان بصت قدامها لقت عمران وقف ونزل في
مكان صحراوي عند خيمه فيه وكانو رجالة فادي مالين المكان ومسلحين وعمران لوحدو ومن غير سلاح
رجالة فادي اول ما شافوه نزلو سلاحهم وفادي قرب منو وقال بضيق...انا..انا عمري ما كنت هأذيها على فكره بس لو مكنتش انت ادخلت كان هيبقى لمصلحتك قبل مصلحتي وانت عارف كده كويس
عمران قال بغضب..انا مصلحتي عمرها ما هتكون في أذية اخواتي...تمام...عليه فين
بقلم...زهرة الربيع
فادي اتنهد وقال...براحتك يا عمران ..هاتو عليا هانم من جوه
رجالة فادي دخلو جابوها من جوه وعليا اول ما شافت عمران جريت عليه حضنتو وهيه مرعوبه وقالت ببكا ..عمران وحشتني ..وحشتني قوي ...الحمد لله اني شوفتك..انا كنت مرعوبه...مرعوبه اوي وبقت تبكي في حضنو
عمران نزلت دمعه من عيونه ورفع اديه اكتر من مره عايز يحضنها بس مقدرش
عليا بعدت عنو وقالت بدموع...انت لسه زعلان مني يا عمران
عمران بعد عيونه عنها وقال..
احم...يلا بينا والدتك زمانها قلقانه
عمران لسه هيمشي نزلت روفان وجلال ورائف واتقدمو عليهم
رائف جري على عليا وحضنها بقوه ودموع وقال..انا اسف..اسف يا قلبي سامحيني اسف
عليا حضنتو بحب شديد وقالت..وحشتني...وحشتني اوي
عمران بصلهم بضيق ولسه هيتحرك روفان قالت..ايه يا عمران باشا..معقوله تزور شريكك وتمشي كده من غير ما تضايف طب حتى سطر او قرش لزوم المزاج
عمران بصلها بغضب وقال وهو بيحاول يسيطر على اعصابو...قولتلك ميت مره شغلي معاه في الاغذيه وبس...وافكارك المسمومه دي انا مش مسأول عنها
فادي ابتسم باستفزاز وقال..هو معاه حق انتي ظلماه ياروفه...وبعدين يا قمر اقولك نفسي اشوفك تجبيلي كل دول..وكمل بوقاحه وقال....ما انتي عارفه اني مش باخد راحتي غير لما نكون لوحدنا
هنا جلال مسكو من قميصه يغضب وقال .ايه يا فادي...هو دادي مكانش فادي يربيك ولا ايه ..ودالو روسيه جامده وقع في الارض
عمران جري على جلال عايز يبعدو عنو وجلال كان الغضب عاميه و مصر يضربو وفادي وقف بالعافيه وقال بزعيق...وديني لاربيك والله لاوريك يا زباله
جلال قال بغضب ...تربي مين يا هفأ ..دأنت أسمك فادي يلا
رائف بصلو باستغراب وقال..ايوه يعني معلش مفهمتش هو ده اسم ابيح ولا ايه
جلال بصلو بحده وقال بعصبيه..اسكت انت كمان اصلا اسمك انيل منو
هنا عمران قال بزعيق وحزم ...بااااااسسسس...بس انت وهو ...وقرب من فادي وقال..انا هفدملك عرض ميترفضش..انا هاخد اخويا وأختي واسبلك حبية القلب هيه واخوها وانت براحتك بعد كده ..قولت ايه ووووو
******************** **********
بقلم...زهرة الربيع
ايه رايكم فى الاحداث يارب تكون عجبتكم وهستنى رايكم وتفاعلكم عليها
توقعاتكم 😉
يتبع
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق