نظرت ليلى لانس باحتقار
ليلى : واضح انك جايبنى هنا عشان اتهزق الظاهر انى كنت غلطانه وسابتهم ومشيت خرج انس يجرى ورا ليلى بيحاول يوقفها
أنس: استنى يا ليلى استنى
ليلى : أبعد يا انس لو سمحت انت جايبنى هنا عشان مراتك تهزقنى
أنس : والله ابدا طيب ارجعى تانى وانا هخدلك حقك وهتشوفى
ليلى : لأ مش هرجع ومش هاجى هنا تانى ماهى لو مراتك بتحترمك كانت احترمت ضيوفك
انس : حقك عليا يا ستى اطلعى معايا وانا هخليها تعتزلك
ليلى : لا واضح انها هتسمع كلامك وتعتذر انا متأكده انها مش هتعتذر
أنس : تعالى وشوفى لو حقك مجاش اعملى اللى انتى عايزاه
رجعت ليلى مع أنس مره اخرى دخل انس واحضر نجوى
أنس: نجوى اعتذرى ليلى
نجوى : نعم انت اتجننت انت بتقول ايه
ليلى : هى دى اللى بتحترمك وبتسمع كلامك بتقولك انت اتجننت انا اللى اتجننت انى سمعت كلامك
أنس: نجوى احترمى نفسك وحالا تعتذرى ليلى يا إما مش هيحصلك كويس
نجوى : ولا يهمنى هيحصل ايه يعنى
انس ض*ربها بالقلم هيحصل كده ولو معتذرتيش هيحصل الاسوء من كده
نجوى بصت لانس بصدمه لانه أول مره يعمل معاها كده طول عمرها مسيطره عليه بس واضح ان ليلى مش سهله من اول زياره وعملت كده آمال لو طولت شويه هتعمل ايه
اعتذرت نجوى ليلى ودخلت غرفتها وقعد أنس مع ليلى فى الصالة
ليلى : بصراحه يا انس لما قولتلى انك متجوز مكنتش متخيله ان مراتك تبقى بالشكل ده يعنى بعد ليل تتجوز واحده بالمستوى ده انا كنت فاكره ان مراتك دى بقى اكيد هتبقى حلوه وكلاس وكده لكن ايه المستوى اللى رميت نفسك في ده
اصل الستات اقدام زوجه تعلى من زوجها ومقامه وزوجه تفقر زوجها
أنس: عندك حق أنا بفكر اطلقها وابعتها لاهلها
ليلى : لأ اوعى تعمل كده دى لو راحت عند اهلها هترميلك عيالك وانت هتعمل وقتها ايه
أنس: امال اعمل ايه
ليلى : سبها كده واهتم انت بنفسك شويه وخصوصاً فى مركزك الجديد محتاج تلبس كويس ويبقى معاك عربيه حلوه موبايل أحدث موديل انما ايه ده ايه اللى انت عامله فى نفسك ده فين انس بتاع زمان
أنس: عندك حق بس
ليلى : بس ايه مش معاك فلوس لو مش معاك انا
أنس قطعها : لأ معايا كنا محوشين قرشين كده عشان مستقبل العيال
ليلى : طيب يا أنس حوش واستخسر فى نفسك واديها الفلوس تروح تضر*ب بيها شعرها اوكسجين
أنس: بصراحه يا ليلى انتى عندك حق انا اهملت نفسى كتير عشانهم وياريته بيطمر فيها
ليلى : عموماً إحنا لسه فيها تعالى ننزل نشتريلك هدوم حلوه كده وغير العربيه دى هاتلك حاجه تليق بيك
أنس: خلاص بكره بعد الشغل ننزل سوا ايه رأيك
ليلى : موافقه طبعا بقولك صحيح البن بتاعى نسيته فوق عندكم انا جايباه خصوصاً من أمريكا بيعدل الدماغ بجد مش زى اللى بيتباع هنا و مضروب حلال عليك يا سيدى خليهولك وابقى أشرب منه وهتدعيلى
أنس : هديه مقبولة يا لولو
ليلى: لو خلص ابقى قولى اجبلك منه تانى
قامت ليلى ووقفت
عن اذنك بقى انا اتاخرت
أنس : طيب اجى اوصلك
ليلى : لا طبعا مافيش داعى وعشان كمان الجيران محدش يتكلم عليا أنت ناسى انى قاعده لواحدى
أنس : طيب أول ما توصلى كلمينى طمنيني عليكى
ليلى : حاضر باى يا حب
مشيت ليلى من عند انس وبعد ما مشيت خرجت نجوى عشان تتخانق مع أنس
نجوى : ممكن أفهم بقى ايه اللى عملته ده وايه اللى بينك وبين ليلى ولا لما شفتها حنيت لايامك مع ليل
أنس : بقولك ايه يا نجوى اتكلمى معايا عدل بدل ماقوم انا اعدلك
نجوى : لا يا راجل وهتعملى ايه بقى إن شاء الله هتمد ايدك عليا تانى
أنس : اه يا نجوى ولمى نفسك بقى
نجوى : طيب طلقنى يا انس لو هتمشى معايا بالاسلوب ده يبقى طلقنى
أنس : أنا مابطلقش سمعانى اقعدى يا نجوى ربى عيالك ومالكيش دعوه بيا عايزه تسيبى البيت مع السلامه بس هتاخدى عيالك معاكى بس وقتها اعملى حسابك انتى هتصرفى عليهم انا مش هصرف مليم احمر بره البيت ده فهمانى طبعا
نجوى : لا انت اتجننت انت استحاله تكون أنس
قام انس ضر*بها وبهدلها
قولتلك اتكلمى عدل مره تانيه هتغلطى بالكلام هتاخدى من ده
سابها انس ودخل عمل كوبايه قهوه وخرج يشربها
أنس: عندها حق فعلا القهوة طعمها عالى وبتعمل دماغ فعلاً
وصلت ليلى البيت وهى حاسه إن خطتها فعلا ماشيه زى ماهى رسمالها وهتحققها في أقرب وقت
أتصلت ليلى على أنس وبلغته انها وصلت بيتها وانها مش هتقدر تكلمه لانها مجهده وهتنام
فى اليوم التالى صباحا وصلت ليلى إلى الشركه ووجدت السكرتيرة الخاصه بادهم تبلغها أنه بانتظارها في المكتب
دخلت ليلى مكتب ادهم والقت السلام
ليلى : سلام عليكم
أدهم : وعليكم السلام .
ليلى : قلولى إنك عايزنى
أدهم : أه انهارده هنعمل انترفيو لمبرمجين جداد وكنت عايزك تحضرى الانترفيو
ليلى : وهيبدا أمته
أدهم : الساعه ١٠
ليلى : حلو اوى نلحق نظبطت مع بعض الأسئلة اللى هنقولها
أدهم : انا كنت محضرها خدى شوفيها ولو حبيتى تضيفى حاجه عرفينى .
ليلى : لا كده تمام اوى اهم من الاسئله اننا نعملهم تست على حل بعض البرامج ونشوف فعلاً مين هيقدر يتعامل معاها لأن عدد كبير بيكون جاى محضر الإجابة على الأسئلة
أدهم : عندك حق وانا مجهز اللابات اللى هنعمل التيست عليها
ليلى: بضحك ايه ده بقى انت مش سايبلى ال حاجه اعملها .أدهم: اكيد يا ليلى منجحتش الشركه دى صدفه 😉
أدهم : عملتى ايه مع أنس
ليلى : قريب اوى هاخد حق ليل
أدهم : ليه مابلغتيش البوليس وهو يتصرف
ليلى : هما مش عليهم اى ادله جنائيه وهيطلع منها زى الشعره من العجين وهيتقفل المحضر ان واحده كانت حامل وسقطت وجالها نز*يف ومحدش لحقها عشان قاعده لوحدها
أدهم : بس أنس ده مش سهل
ليلى : وانا بتعامل معاه من المنطق ده عشان كده دايما بخلى كلامى معاه بأفعال عشان يصدق
أدهم : ولاده مش هيصعبوا عليكى يتحرموا من ابوهم وأمهم
ليلى : وهى اختى ماصعبتش عليه ليه وهى بتنز*ف قدامه وسابها تمو*ت وهما عارفين ومتاكدين انها مش هتستحمل كان زمبها ايه وهى مش لاقيه اللى تستنجد بيه كان زمبها ايه لما شغلها خدامه عنده هو ومراته وعياله ومراعاش ظروفها . لأ ابدا محدش هيصعب عليا
أدهم بص ف الساعه : نكمل كلامنا بعدين عشان خلاص الساعه عدت ١٠ وزمان الناس بره نخلص ونكمل كلامنا تانى
اتصل ادهم بالسكرتيره وطلب منها تدخل المتقدمين بالدور باولوليه الحضور
بدأ أدهم وليلى بعمل الانترفيو واللى كان بينجح فى الرد على الاسئله كانوا بمتحنوا على اللاب
بعد فتره دخلت اخر متقدمه للعمل كانت ترتدى جيبه ضيقة قصيره واسفلها حذاء ذات كعب عالى وتفرد شعرها الى الخلف
دخلت المتقدمه بكل ثقه وجلست على المقعد المقابل لادهم وليلى استغربت ليلى من موقف تلك المتقدمه وعندما وجدت ادهم لا يبدأ بالاسئله كما فعل مع غيرها بدأت هى
ليلى : ممكن تعرفينى على نفسك
بدأت المتقدمه بالتعريف عن نفسها ثم بدأ ادهم بتكمله الاسئله معها بشكل جادى إلى أن انتهت من جميع الاسئله
خمنت ليلى ان ثقتها بنفسها المبالغ بها بسبب خبراتها السابقه وكفائتها فى العمل
ليلى : تمام يا مدام جميل احنا بنعمل تيست للمتقدمين فى برنامج هنا فى مشكله على اللاب ده ممكن حضرتك تورينا هتتعاملى معاها إزاى فى وقت أد ايه
جميله : تمام قامت جميله بمنتهى الاحترافيه بالتعامل مع البرنامج واستطاعت حل المشكله
ليلى : تمام يا مدام جميله ممكن حضرتك تنتظرى بره كمان ربع ساعه هنبلغ اسماء اللى تم اختيارهم
خرجت جميله وجلست ليلى مع أدهم
ليلى : أدهم بص انا شايفه دول مناسبين جداً
أدهم : وانا كمان رأيى زيك
ليلى : خلاص هبعت للسكرتيرة الاسماء وهى هتبلغهم واللى نجحوا هينزلوا تدريب من أول الاسبوع القادم والاسبوع اللى بعده يبدؤا العمل رسمى
اعطت ليلى الاسماء للسكرتيره والسكرتيره بلغت المقبولين باسماءهم
انصرف الجميع معادا جميله وطلبت الدخول مره اخرى لمكتب أدهم
دخلت جميله ووجدت ليلى مازالت جالسه مع أدهم تجاهلت ليلى وتقدمت من ادهم
جميله : ميرسى يا أدهم انك مدخلتش الشغل فى المسائل العائليه
أدهم : طول عمرى بقدر افصل بين الشغل واى حاجه تانيه مصلحه العمل فوق الجميع
ليلى: مش تعرفنى يا أدهم
جميله : انا مدام جميله مراته
أدهم!!!!!!!!!!!
**********************
بقلم...أمانى السيد
ايه رايكم فى الاحداث يارب تكون عجبتكم وهستنى رايكم وتفاعلكم عليها
توقعاتكم 😉
يتبع
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق