روفان اتصدمت لما لقت اختها قاعده على رجل جلال وفي حضنو وبيوشوشها وبيضحكو قالت بزعيق وغضب....فرح
فرح قامت بخضه وقالت ببرأه نعم يا روفه عايزه حاجه
رائف اتقدم عليها بغضب عايز يضربها بس روفان سبقتو ووقفت قدامو وقالت..علشان خاطري اهدى..وبصت لفرح وقالت بغضب مكبوت..انتي كنتي بتعملي ايه هنا يا فرح
فرح قالت بسرعه وبرأه...اصل جلجل حس بالزلزال يا روفه
روفان كتفت اديها وهيه هتنفجر وبصت لجلال بغضب وقالت..زلزال ايه
فرح لسه هترد جلال قال..لا ابدا دي هزه ارضيه وبص لفرح وقال بمعاكسه ... بس ايه ..جامممممده
فرح ضحكت ورائف قال بغضب..ادخلي جوه يا فرح ومتطلعيش خالص لو طلعتي هقطع خبرك سامعه
فرح خافت وهزت راسها بالموافقه وجريت على اوضتها
روفان لفت حوالين جلال وبقت تبصلو بنظرات قويه وحده
جلال اتنهد وقال..لا بقولك ايه بلاش النظرات دي كل الحكايه اني حسيت بزلزال بسيط حتى هيه كانت هتقع وانا سندتها وقولت اأمنها لحد ما الدنيا تهدى بس كده
رائف زقو قعدو على الكرسي بغضب وقال...انت شكلك لبط يلا وهتتعبنا معاك
جلال قال بتوتر...انا..انا لبط ده انا اخر عبط..اه والله..وبعدين انتو لو مضايقين مني انا امشي سامو عليكو
جلال لسه هيقوم روفان زقتو تاني على الكرسي وقالت ..اسمك ايه يلا
جلال اتنهد بضيق وقال..اسمي جلال
روفان قالت بسرعه وغضب...الثلاثي...اسمك الثلاثي اخلص
جلال اخد نفس بخنقه وابتسم بالعافيه وقال..جلال على التهامي
روفان قالت ...بتشتغل ايه
جلال اتخنق جدا ولسه هينطق فرح جات جري وقالت روفه انكل شفيق بيرنلك بيديه مغلق ورنلي انا
روفان قالت ..خلاص يا فرح انا هبقى اكلمو وبصت لجلال وقالت..ها بتشتغل ايه
جلال قال...اي حاجه وكل حاجه ..عندي محل لقطع غيار الاجهزه... يعني فك وتصليح وتركيب ..وجلب الحبيب واكل الذبيب
قال جملته الاخيره وهو مركذ عيونه على فرح
فرح ضحكت ورائف بصلها بحده وقال..خشي جوه..لو طلعتي تاني ههزأك
فرح دخلت بضيق وروفان قالت لرائف روح انت يا رائف لشفيق باشا طمنو وقلو كل حاجه ماشيه تمام وانا هتفاهم معاه
رائف قال بسرعه..لا طبعا مستحيل اسيبك معاه لوحدك
روفان ضحكت وقالت..يمكن هتخاف عليا من ده..يلايارئف اتكل على الله
جلال قال بسرعه لا هو اكيد خايف عليا انا وانبي تاخدني معاك ...ولسه هيقوم روفان طلعت السلاح وزقتو بيه وقالت...اقعد
بقلم...زهرة الربيع
رائف ضحك وقال...ربنا معاك يا ...ياجلجل..ومشي وسابهم
روفان قعدت قصاد جلال وحطت السلاح على الطاوله وقالت بهدوء ....اعرفك انا بقى بنفسي...انا الرائد روفان الشيمي حفيده وزير الداخليه الاسبق جمال الشيمي وبنت اللواء الاسبق شمس الدين الشيمي
جلال حاول يتكلم بس روفان قاطعتو لما لفت حواليه وقالت بنفس صيغه التهديد ...خالي بقى اللواء الحالي شفيق النبراشي واخويا الي كان واقف هنا حضرة العقيد رائف الشيمي ..ووقفت قدامو وقالت بثقه ..ها يا جلال التهامي...هنتفاهم ولا عندك حاجه تفولها
جلال اتنهد وقال...عندكو حاجه تتاكل
عند عمران كان بيفطر على طاوله كبيره جدا هو وسمر وبيتابع بعض الاخبار على التليفون وهو بيفطر
سمر بصتلو وقالت..بيبي...شوف الخاتم ده جنان...عيزاه ..ممكن ..وورتو صوره للخاتم على التليفون وكان غالي جدا جدا
عمران ابتسم بلا مبالاه وقال...براحتك يا سمر..الكريدت معاكي وجيبي الي عيزاه
سمر ابتسمت وقالت...روحي انت و
بس قطعت كلامها على نزول بنت جميله جدا في سن ال١٩ سنه دي عليا اخت عمران باستو من خده وقالت...صباحو يا عموره يا لوز اللوز
عمران ابتسم وقال..صباح الشقاوه ..صاحيه بدري انهارده
عليا لسه هترد نزلت ست في الخمسينات بطله وقوره جميله دي نجوى والده عمران وفالت...صباح الخير
عمران وقف وباس ايدها وقال...صباح الخير يا ست الكل
نجوى ابتسمتلو بحب وباست عليا من خدها وقالت ..نمتي كويس
عليا ابتسمت وقالت...الحمد لله يا مامي
نجوى قعدت وهيه متجاهله سمر تماما وسمر نفخت بضيق وقالت...ايه يا حماتي حتى صباح الخير كتيره عليا...وبصت لعليا بقرف وقالت...ده حتى بنتك بقت تقلدك.. يعني اتكرمي شويه وصبحي حتى
نجوى بصت لها بضيق وقالت..لازم تعرفي ان وجودك في البيت ده لحد دلوقتي كرم مني وبالنسبه لواحده زيك وجودك هنا كفايه اوي
سمر وقفت بغضب وقالت...سامع مامتك بتكلمني ازاي
عمران اتنهد وقال..يا جماعه كل يوم الحوار ده..انا زهقت حرام عليكم كفايه عليا الشغل والضغوطات الي علي دماغي
سمر بصتلو بعصبيه وقالت..ده الي قدرت عليه ماشي ياسي عمران وطلعت وهيه متنرفزه
عمران اتنهد بخنقه ونجوي بصتلو بحزن وقالت...عمران انا مقصدتش انا
عمران قاطعها وقال...انتي تقولي الي انتي عيزاه يا امي..وده بيتك..وكل حاجه هنا تمشي تحت امرك..انتي بس لو تقوليلي سمر مضيقاكي في ايه..انا والله اخليها تبوس دماغك..انتي عرفاني انتي بزات عندي خط احمر بس انتي الي مش راضيه تتكلمي
نجوى بصت في الطبق بتاعها وقالت بتوتر..مفيش يا ابني مفيش انا بس مش بحبها...اسمع مني البنت دي متنسبناش
عمران وقف بخنقه وقال..ماما انا مش خاطبها علشان تقولي متناسبناش..سمر مراتي من اكتر من سبع سنين بس انتي الي زي العاده مش عايزه تتكلمي...براحتك يا امي ..براحتك ...وطلع من القصر كلو وهو مش قادر يتكلم مع حد
عند روفان كانت باصه لجلال بزهول بعد جملتو الغريبه وذاد من دهشتها لما سابها ودخل يدور على اكل في المطبخ كأنو صاحب بيت
روفان مشيت وراه وقالت بزعيق..استني هنا ..انت داخل زريبه
جلال ابتسم لما شاف المطبخ ودخل ولا كانو سامعها وفتح التلاجه بس وقف بزهول وقال بقرف...بقالك ساعه تسمعي اسمك زي ما تكون نشرة اخبار وتلاجتكم مفيهاش غير الجبنه...ده انا لو في بيت عسكري مرور هلاقي اكل احسن من كده
روفان بصتلو بضيق وقالت...ده لاننا مش بناكل في البيت اصلا ..وبعدين انا بكلمك في ايه وانت في ايه
جلال بقى يطلع جبنه وزيتون وكده علشان ياكل وقال...جعان يا جدع فيها ايه لما اكل يعني هو الكلام هيطير
روفان بصتلو بزهول وقالت...جعان يا ايه..جدع..انت بتقولي انا يا جدع
جلال قال وهو بياكل بمنتهى الاستفزاز ..امال اقولك ايه بمنظرك ده...ده اخوكي فيه انوثه عليكي على الاقل شعره اصفر وعنيه ملونين..انتي ايه الي عملاه في شكلك ده ...ايه اللبس ده وفين شعرك يا اسطا بيومي
روفان كانت لابسه طاقيه مع طقم الشرطه الي لابساه وعامله شعرها تحت الطاقيه حطت ايدها على دماغها بزهول من كلامو وجلال كمل وقال ....لا ويقولولي بنت وكانت متجوزه وحامل كمان ...وضحك وقال..اهي حامل دي لوحدها عايزه معجزه الصراحه
روفات كانت بتسمعو بغيظ شديد وقالت...خلصت...خلينا في المهم بقى ..اظن يا استاذ جلال..انت ملكش دخل لا بلبسي ولا بحياتي الشخصيه..انت جاي تعمل شغل قصاد فلوس يعني اجير هنا فبلاش نحلو على بعض وخف استظراف وخلينا نتكلم جد شويه
جلال بصلها وقال بجديه..تمام...سامعك..لو عايزه تتكلمي جد..يبقى تسمعي الي بقولو بجديه كمان يعني انا قولتلك انا مبتهددش لو قولتيلي جوز امك رايس الجمهوريه مش هتفرق معايا ..باكل بره بصاره وهاكل جوه عدس فمش هتفرق معايا يعني لو عندك هوايه انك تهددي الي قدامك لاقي حد غيري
روفان ابتسمت بسخريه وقالت..لو فيه اي كلب من الشارع ينفع بدالك مكنتش استحملتك...على العموم..ندخل في المهم..انت اتفقت مع رائف على الفلوس الي هتاخدها مش كده..مبدأيا هتاخد ربع المبلغ وبعدين التكمله تمام
جلال قال....تمام..معنديش مشكله..احب اسمع مهمتي هتبقى ايه
روفان قالت...كل مهمتك مش هتكمل شهر ان شاء الله...يعني هتعمل انك جوزي رشيد العامري لمده اقل من شهر
جلال قال..تمام...اعمل كده معنديش مشكله بس هعمل جوزك قدام مين يعني
روفان قالت ..قدام اهلو اخوه واختو وامو
جلال شرق وشرب ميه بسرعه وقال..انتي بتقولي ايه...ازاي يعني اهلو وامه اعمل قدامهم اني ابنهم وهيصدقو انتي هبله
روفان اتنهدت بغضب وقالت..شوف يا جلال..رشيد جوزي الله يرحمو..فيه شبهه كبير منك..طبعا فيه شويه اختلافات احنا هنظبطها ..زي لون العنين والبشره وكده. ..لاكن سنك وجسمك وملامحك متطابقه معاه وعلشان كده رائف بقالو شهور بيتحايل عليك انت بالزات..وكمان هندفعلك المبلغ الكبير ده
جلال اتنهد وقال..يعني شبهي لدرجه متتكشفش ولا هنروح في كلبوش
روفان ضحكت بسخريه وقالت...مش دلوقتي مكنتش خايف منو الكلبوش..على العموم..متخافش انا هظبط كل حاجه
جلال اتنهد وقال..طيب..انتي عامله الحوار ده كلو ليه..يعني اهل جوزك ازاي مش عارفين ان ابنهم مات
روفان اتنهدت وقالت...انا اتجوزت رشيد من ٣شهور واهلو مكانوش موافقين عليا او بمعني اصح اخوه الكبير عمران العمري هو الي مش موافق..ويوم الصباحيه كنا رايحين نعمل شهر العسل والعربيه اتقلبت بينا
جلال قال بسرعه..وشك حلو عليه..ها وبعدين
روفان اتغاظت منو بس كملت وقالت...انا طلعت بخير من الحادث بس هو دخل في غيبوبه...بعدها فضل في الغيبوبه..لحد ما توفى من كام يوم ...انا ورائف خبينا موضوع موتو واتففنا مع الدكاتره يقولو انو مينفعش حد يشوفو لان حالتو حرجه ومنعينهم يدخلو عليه او يشفوه من بعيد
جلال قال باستغراب..مفهمتش برضو انتو عملتو كل ده ليه
روفان اتوترت وقالت...اه طبعا هقولك عملنا كده ليه...عملنا كده لان رائف شافك بالصدفه من فتره وقلي انك شبهو جدا فاول ما مات فكرنا فيك على طول ..احنا محتاجينك لان والدو مات بعد الحادث بتاع ابنو
اخوه بقى مرضيش يعترف بجوازي من رشيد ولا باني حامل اصلا بيقول اني مش حامل من اخوه
جلال قال بشك..وهو بيقول كده ليه..هو انتي فعلا مش حامل من اخوه
بقلم...زهرة الربيع
روفان اتنهدت بخنقه وقالت..لا طبعا حامل من اخوه..هو بس مش عايز ابني يورث من ورث جدو...انا عيزاك بس تعمل انك رشيد وان رشيد لسه عايش لحد ما نخلص اجرائات الورث وبعد كده تروح لحالك وانا هتصرف
جلال وقف بقلق وقال..الموضوع شكلو كبير ..يعني انا هخلص اجرائات الورث على اني رشيد شخص ميت يعني تزوير و انتحال شخصيه و
روفان قاطعتو وقالت..متقلقش انا مسيطره على كل حاجه وهكون معاك المهم ان عمران يقتنع انك اخوه ها نقول دييل
جلال فكر شويه..واتنهد وقال ...ماشي ...على الله
بالليل في قصر العامري كانت سمر بتظبط مكياجها واول ما سمعت صوت عربيه عمران قعدت على السرير وبقت تصتنع انها بتبكي
عمران دخل واول ما لقاها بتبكي قال بضيق...خير يا سمر..بتعيطي ليه
سمر بصتلو بغضب وقالت..ده على اساس انك مش عارف طبعا ما انت سبتني وروحت شغلك ولا على بالك ان امك هزأتني ومسحت بكرامتي الارض
عمران اتنهد وهو بيقلع هدومه وقال...انا روحت الشغل لان الموضوع ده بيتكرر كل يوم ..مش هفضل اسيب الشغل الي ورايا واقعد احرسكم...مهو مش معقول كل ما هتتناقشي مع ماما تقعدي تعيطي كده
سمر بصتلو وقالت بعصبيه..انت بتستعبط يا عمران..انت شوفت امك قالتلي ايه...انا مش عارفه حتى هيه بتعمل معايا كده ليه ...وانت عامل نفسك مش شايف
عمران اتنهد بخنقه وقال..شايف..وقلتلك ميت مره حاولي تعرفي منها انتي مضيقاها في ايه...انتو مش كنتو كويسين سوا ايه الي خلاها تقلب عليكي كده مش راضيه تقولي..يا سمر امي طيبه جدا ومش هتعمل معاكي كده الا لو فيه سبب و
سمر بصتلو بغضب وقالت..قصدك اني انا السبب انا الي بعمل مشاكل مش كده
عمران لسه هيرد جالو تليفون وقال..الو ..ا
وسمعو شويه ووقف بزهول وفرحه شديده وقال ...ايه...فاق...امتى...انا..انا جاي..جاي حالا
عمران لسه هيطلع سمر قالت باستغراب ..فيه ايه
عمران قال بفرحه ودموع ..رشيد..رشيد فاق ..فاق يا سمر فتح عنيه واتكلم كمان
عند رائف كان مع جلال الي دخل الحمام جهز ولبس وحط لنسز ازرق لان ده لون عيون رشيد وطلع عند رائف كان فيه خبير تجميل فتحلو لون بشرتو شويه بسيطه لانو اسمر من راشد شويه وكان بيجهزو ويدربو يقول ايه ويتصرف ازاي
كمان ورولو صور اهل رشيد علشان يعرفهم على طول وكان كل شيئ ماشي صح
روفان كانت مستنياه بره ومتوتره جدا لحد ماطلع رائف ومعاه جلال الي بقى حرفيا نسخه من راشد
روفان اول ما شافتو وقفت بصدمه وزهول وقربت عليه ودموعها نزلت من عيونها ووووو
*******************************
بقلم...زهرة الربيع
ايه رايكم فى الاحداث يارب تكون عجبتكم وهستنى رايكم وتفاعلكم عليها
توقعاتكم 😉
يتبع
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق